يالهوي يااناااس الحقوني ..انا عديت التلاتيني

[nancy]

مبدايا الصورة مظهرتش انا قلت اتفرج وخلاص بس ملقتش حاجة

ثانيا انت مكتبتش المواصفات صح

لازم تكتب سنك وتاريخ ميلادك - محل الاقامة فى مصر - عدد الاخوات ومركزهم ان امكن- وظيفة الوالد -وظيفة الولدة

عندك شقة فين -تخطيتك لحياتك اية الاستمرار فى الكويت والاقامة المستقبلية لولادك وعائلتك فى الكويت ولا فية هدف بالعودة

عاوز تتجوز خلال اد اية - ميعاد اجازتك امتة لمصر

وبعدين الهوايات والخبرات وما شابة

بالنسبة للشكل بلاش موضوع الصورة دة الى دوخك وحير الناس اكتب مواصافاتك الشكلية كالاتى

الطول- الوزن -لون البشرة-لون العين -لون الشعر وخلصنا

مواصفات العروسة الى انت طلبها عايمة برضة

يعنى اية وشها طفولى ومش عملة زى الستات وصوتها مش عالى وقصيرة وعيون واسعة ورموش

كل الرجالة عوزة كدة حتى المتجوزين وحياتك

اكتب السن بين كذا وكذا

الطول -الوزن -اكتب تكون متناسقة وجميلة بشكل عام

اكتب نوع الدراسة المفضل وليس المؤكد يعنى انها تكون حاصلة على مؤهل عالى

مستواها العائلى جيد ولا جيد جدا

ان تتقبل الحياة فى مكان اقامة الزوج

كانك بتقدم فى وظيفة لازم تقدم مؤهلاتك بشكل واضح وطلباتك بشكل واضح

يلا انا حافتح مكتب توظيف قريب كدة وجوزك انت الاول ووراك احمد هادى

[Guest النسر المصري]

ربنا يرفع راسك ومقامك زي مارفعت راسي ياسي سو

[Guest النسر المصري]

توضيح هام ياحضرات...لازم تضغطو عالصورة عشان تشوفوها....سي سو عمل الحركة دي عشان اللي عاوز يشوف يخش واللي مش عاوز مايشوفش..وفتح عينك...تاكل ملبن...

[Guest النسر المصري]

مبدايا الصورة مظهرتش انا قلت اتفرج وخلاص بس ملقتش حاجة

ثانيا انت مكتبتش المواصفات صح

لازم تكتب سنك وتاريخ ميلادك - محل الاقامة فى مصر - عدد الاخوات ومركزهم ان امكن- وظيفة الوالد -وظيفة الولدة

عندك شقة فين -تخطيتك لحياتك اية الاستمرار فى الكويت والاقامة المستقبلية لولادك وعائلتك فى الكويت ولا فية هدف بالعودة

عاوز تتجوز خلال اد اية - ميعاد اجازتك امتة لمصر

وبعدين الهوايات والخبرات وما شابة

بالنسبة للشكل بلاش موضوع الصورة دة الى دوخك وحير الناس اكتب مواصافاتك الشكلية كالاتى

الطول- الوزن -لون البشرة-لون العين -لون الشعر وخلصنا

مواصفات العروسة الى انت طلبها عايمة برضة

يعنى اية وشها طفولى ومش عملة زى الستات وصوتها مش عالى وقصيرة وعيون واسعة ورموش

كل الرجالة عوزة كدة حتى المتجوزين وحياتك

اكتب السن بين كذا وكذا

الطول -الوزن -اكتب تكون متناسقة وجميلة بشكل عام

اكتب نوع الدراسة المفضل وليس المؤكد يعنى انها تكون حاصلة على مؤهل عالى

مستواها العائلى جيد ولا جيد جدا

ان تتقبل الحياة فى مكان اقامة الزوج

كانك بتقدم فى وظيفة لازم تقدم مؤهلاتك بشكل واضح وطلباتك بشكل واضح

يلا انا حافتح مكتب توظيف قريب كدة وجوزك انت الاول ووراك احمد هادى

الجميلة نانسي

عندك حق لازم اكتب مواصفاتي انا اساسا كمان وهارد اسألتك جملة جملة

انا اسمي النسر المصر...قصدي اسمي عمرو

عمري تلاتين وشوية

محل الاقامه في مصر بالقاهرة حاليا مع الوالدين حماهم الله لي للأبد..وذلك إلى ان انتقل في عش الزوجية حيث الشقة الاربع غرف باجمل مناطق المقطم

الوالد كان مدرس بالكويت وهو حاليا عالمعاش ومقيم بصفة دائمة في مصر والوالدة كمان...بس الوالدة ست بيت ومربية فاضله..وفي الأساس احنا من العريش وعندنا هنا بيت كمان وبنسافر بصفة دائمة هناك

اخويا الكبير (عندو اتنين قمرات) دكتور بشري وبيعمل في مجال النت كمان

اخويا التاني معايا هنا في الكويت كيميائي ومتزوج وعندو ولد وبنت جنان

انا اللي بعدهم...فنون جميلة جرافيك مدير فني بمنظمة للأمم المتحدة (قلتها سبعتلاف مرة) غير متزوج ومتنيل مستني قدري

اختي ليسانس آداب علم نفس عين شمس ومتزوجة صيدلي ولسة جايبة قمراية شبهها

اخي الصغير آخر العنقود بكالريوس صيدلة القاهرة صديقي المقرب وشبه خاطب

بصراحة انا جيت الكويت لان فرص العمل بالنسبة لي افضل هنا...وحققت نجاح كبير هنا...والحمدلله...لكن تفكيري الأخير ينصب بالرجوع الى مصر لإنشاء مشروعي وحلمي الخاص...وده هقوله لعروستي لما اعرفها...وغالبا انا بنزل كل صيف مصر لمده اربعين يوم

هواياتي طبعا الرسم والسباحة اللي بموت فيها....اصل انا بحب الطرطشة....وبحب الأهلي كمان :P

وكمان بحب اسمع الموسيقى الهادئه الرومانسية واحب اسمع فيروز دائما منذ كان عمري تسع سنوات

كما اني لي عشق خاص بالمطبخ والطبخ والرهيب بودا يشهد علي في قسم المطبخ

عوضا عن بعض مهارات النجاره والديكور وخلافه

وطولي 178 اشقر عيون عسلي فاتح (شبه سعد الحريري شوية او سلفستر ستالون :P ) والباقي شوفوه في الصورة (اضغطوا على الصوره وهي تظهر)

مواصفات عروستي حسب اسئلة الجميلة نانسي( وبردو مش شرط الاتزام بها)

بجانب ان وشها يكون طفولي كتاكيتي كدة

السن بين عشرين وتامنية وعشرين

الطول من 160 الى 175

خمرية اوبيضاء

العيون الواسعة احبها لى قلبي...متناسقة وجميلة بشكل عام (مقتبسة من كلام الجميلة نانسي)

جامعية من اي مجال ولا تفرق معي...(ولو ان هي قريبة من مجال الفن بيكون افضل) وعموما يكون لديها نوع من الثقافة الاجتماعية

خفيفة الروح تحب الابتسامه والهدوء

مستوى عائلي جيد...وليس شرط ان يكون جيد جدا او ممتاز

طبعا انها تقبل الحياه في مكان اقامة الزوج هذا مطلب عام وشرعي للزوج...وليس في جدال او مجال للمناقشة

فانا تزوجتها من اجل ان نعيش سويا مترح ماربنا يرزقنا...وهي زوجتي عشان هنفضل جنب بعضنا مدى العمر

زي ماأبهاتنا قعدوا جنب بعض رغم السفريات والتنقلات

وعموما انا بعشق الأسره وبعشق الأطفال..وبعشق الحياه الجتماعية...لكن اعش النظام ..واكره المشاكل الفارغة...وباموووت في الهدوء وحل الأمور بعقلاني....قد يأتي من يقول انه لايوجد انسان هاديء وعقلاني على طول الخط...وهذا صحيح...لكن بما ان غالبية الوقت انت كذلك فهو كافي.....بجانب اني لا احب ان يكون بيتي مكشوفا...فنظام البيت وحتواه من اخبار وامور ..هو فقط من حق الزوجين..وليس لكل من شاء يعرف ماذا يحدث لدينا.....كتم الاسراااار امر ضروري...لحفظ البيت من القيل والقال.....وامر اخير ...اذا كنت اكره الاسرائليون والعلمانيين والشياطيين....افني اكره الكذب اكثر منهم....فليست زوجتي الاقرب الي هي من أجدها تكذب...... هذان الشيئان لا أقبل بالاخلال بهما مهما حدث...والباقي امره هين وبسيط

الزواج عندي هو بناء أسره ياجماعة...الأسرة هي حياتي...يعني لازم تعرف اننا هنضحي كتير عشان ولادنا...وعشان نشعر بالفخر سويا باسرتنا...اكيد احنا هنبسط نفسينا وهنتدلع...بس مش على حساب مستقبل الأسرة العلمية والمادية والأخلاقية....دي اولويات لابد منها

هي دي حكايتي ....بس بردو ارجع واقول يانانسي هو صندوق اسرار بردو....هتختاره عشان شكله وصنعه وتاريخه وتفتحه...وانت ونصيبك....بس مش تخده على عمى وتكسره

هااا مين يجوزني وانا ادعيله احلى دعاوي

[nancy]

خلاص ياعمرو كدة تمام المواصفات وضحة جدا والصورة بتفتح وشفتها وكلة تمام يلا ربنا يوفقك ويرزقك ببنت الحلال

بصراحة اوكازيون وفرصة لا تعوض ياريت كان عندى واحدة قربتى ولا صحبتى كنت بلغتها على طول

بس نصيبك حيصيبك متخفش انتظر كنزك الخاص

بس بصراحة انت ضيعت فرصة الكلية فنون جميلة مليانة بنات حلوين انا من فنون جميلة وكان معانا بنات مش اى كلام بس النصيب مكنش لسة جة ليك

[Guest النسر المصري]

يا ششييييييييخة

بقى انت فنون جميلة

طب قسم اية وخريجة سنة كام

والله انا حاسس من الاوول ان كلامك فيه رائحة الفن وعبق تاريخه

بس ليه حسستيني انك مش هتدوري لي على عروسة

:blink: :P :D :D

تم تعديل 19 أبريل 2006 بواسطة النسر المصري

[nancy]

مش انا قلت قبل كدة انى مهندسة ديكور وبشتغل حر فى بلد عربى لانى مرافقة لجوزى

انا خريجة فنون جميلة اسكندرية قسم فنون تعبيرية اكيد تعرف القسم دة الى بندخلة من اول سنة تالتة ويبقى تخصصنا اكتر مسرح وبالمرة الدراسة فيها شوية سنيما وتليفزيون وموسيقى كلاسيك وحاجات خلتنى احس ان الديكور بس مش كفاية فدخلتة ازود معلوماتى واعرف حاجات كانت غيبة عنى

ومش حادور على عروسة لانى معرفش حد من معرفى او قرايبى مش متجوزبس هو دة السبب

حتى بنتى صغيرة منفعكش عندها 12 سنة

وبعدين انا رتبتلك الموضوع كويس وهو كدة حيمشى لوحدة من غير اى واسيط

[Guest النسر المصري]

كده يانانسي

بقى استدرجتيني في الكلام وبعدين في الآخر تتخلي عني وقوليلي مش هدورلك

الله يسامحك .....روحي ياشييخة.........................وتعالي بسرعة :lol: :lol:

[nancy]

:lol: