اذهب إلى المحتوى
محاورات المصريين

بجد محتاجه مساعده

nora

بواسطة nora
في موضوعات شخصية

 مشاركة

Recommended Posts

nora عضو جديد

nora

بتاريخ:
بتاريخ: (معدل)

:D

ازيكم طبعا أكيد كتير نسيني أو قرب ينساني وكتير ميعرفش أنا مين أصلا مش مهم بكرة تعرفوا....

أنا عندي سؤال بجد هتجنن أنا جبت نون اسمه سيف بس المشكله أنه مش بينام ألا الساعه 8 الصبح وكل يوم كده لحد لما هتجنن مش عرفة أعمل اية حتى لو صحيته من بدري بيعد عياط مستمر وعايز ينام اعمل ايه بس هتجنن والناس كلها كانت بتقولي بس يكمل 40 يوم ويتعدل بس ده كمل 6 شهور وطبعا بيصحى 5 العصر بعد السهر ده كله وطبعا انا معاه :wub:

فمن الآخر بطبخ الصبح أو الفجر :D

بس المشكله انا مش عرفه ده هيستمر لامتى قربت اتجنن وانا عيزة انزل اشتغل طب انام امتى :sad:

فحد عنده حل للمشكله دي :D

تم تعديل بواسطة nora

733540902_l.gif

717a4sn.gif

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

ياستى مبروك ماجاء لك

عندى سؤال اولا: هل تقومين بنفسك برعايته أم يقوم بذلك شخص آخر؟

بمعنى اذا كنت تقومين برعايته لماذا لاتحاولى ملاعبته ومشاغلته خلال النهار وبالتالى ستتولد لديه الرغبة فى النوم ليلا ومن ثم يتعود على ذلك. وهذا هو الحل الوحيد على فكرة ، لاتتركيه يرضع وينام اثناء الانهار بل دائما اشغليه.

علما بأن كل الاطفال يكون ساعتهم مختلفة عن ساعتنا فليلهم نهار ونهارهم ليل ، ولكن مع الوقت يتأقلمون .

أما اذا كنت تتركيه لدادة او للداى كير ، فيرجى ان تتأكدى انهم لايستخدموا ادوية منومة للأطفال حيث حدثت فى بعض الاحايين.

وربنا يعينك

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

أنا شفت إسمك منور الصُبح يا نور قولت ابعت لك رسالة نصبح وكده .. فقولت إنك زمانك نسيتينا ...

- نورا يا جماعة من الأخوات الفاضلات اللي كانوا من الرعيل الأول بس إنطقعت لظروف الزواج والإنشغال .. طب دي وفهمناها ...

إنما اخوكي darker هو كمان إنقطع ليه ؟ اللي أعرفه إنه رجع من أستراليا وأستقر في مصر ..

على العموم ألف ألف مبروك .. ويتربى في عزك ..

ومش هاقدر أفيدك إفادة حقيقية في هذا الموضوع .. لإن تجربتين النونهات الصغيرة .. بأرمي الحمل كله على زوجتي ... واروح عايش في أوضة النوم التانية لحد ما العيل نومه يتظبط - مانا لازم أصحى الصبح عشان الشغل برضوا -

.. والله يكون في عونك ( أومال عايزين الجنة تبقى تحت أقدامكم ببلاش ؟ ) لإن كل الأطفال النونهات كده في الأول ... نهارهم ليل وليلهم نهار .. لحد ما ساعتهم البيولوجية تتظبط شويه ... بعد كام شهر بقى أبقى أسألك في الموضوع ده .. وممكن أخواتنا الفاضلات الموجودين معانا هنا يفيدونا برضوا ...

مرة أخرى ألف مبروك يا نونا ... وأبعدي قططك عن سيف عشان الشعر بتاعهم ما يتنفسوش ... يعني إستحملي شويه بُعاد القطط وسربيهم عند داركر اليومين دول .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
صفاء عضو جديد

صفاء

بتاريخ:
بتاريخ:

بصى يا نورا يا حبيبتى الأول ألف مبروك

ثانيا أحب أبشرك واجيبلك من الآخر :)

أنا ربنا عطانى محمود من 5 سنين " ده الصغير "

وكان زى ابنك كده بس انتى ابنك هين وبينام الساعة 8 الصبح .. أما الاستاذ حودة كان بينام الساعة 12 الضهر :sad: ويصحى 5 المغرب واللى فى نص وصلة نكد وتأويء عمال على بطال عزف منفرد من غير فاصل قصير :D

المهم سألت زيك كده قالولى 40 يوم

عدوا ال 40 يوم والناس اتكسفوا قالولوى بعد الشهر التانى هايبقى زى الفل

عدوا الشهرين ولضموا فى 5 اشهر ,,,,,,,,,, 6 ,,,,,,,,,,,, 7 ,,,,,,, 12 ,,,,,,,,, سنتين ,,,,,,, تلاتة :D

والحمد لله بعد ما كمل 3 سنين عدل نومه لوحده كده ومن سكات

شوفى بقى امرك لله ومتفكريش عشان متتعبيش

مفيش فايدة

" الزعيم سعد زغلول"

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
wagdi عضو جديد

wagdi

بتاريخ:
بتاريخ:

الأخت نورا...أولاً مبروك وربنا يبارك فيه إن شاء الله...

إحنا كان عندنا نفس المشكلة وحليناها بإن إحنا بقينا نخنصر منها نص ساعة نوم كل يوم...

يعني لو هو متعود يصحى الساعة 5 ...تعالي من الساعة 3 ونص كده وابتدي إعملي دوشة حواليه و أفتحي الشباك وأي كركبة المهم يصحى على أربعة ونص مثلاً...وهكذا...

وكذلك باليل...يعني لو هو متعود ينام على 8 الصبح تعالي على الساعة 6 ونص كده وحطيه في سريره وطفي النور ونامي أو مثلي إنك نايمة...طبعاً هو حايقلبها عياط... استحملي شوية...هو من نفسه حايزهق وينام...

بس بالتدريج يعني كل يوم أو يومين نص ساعة...لأن عمرها ما حاتيجي عافية...

و وعلى فكرة الموقع ده جميل جداً وفيه أسئلة وأجوبة كتير لكل حاجة تقريباً:

http://www.babycenter.com/

وربنا يعينك... :sad:

فكأننا والماء من حولنا... قوم جلوس وحولهم ماء...

رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ:
أنا جبت نون اسمه سيف بس المشكله أنه مش بينام ألا الساعه 8 الصبح وكل يوم كده لحد لما هتجنن مش عرفة أعمل

عادي..... عيل وغلط :)

:sad:

حتى لو صحيته من بدري بيعد عياط مستمر وعايز ينام اعمل

عادي............ حركات عيال :D

................................................................................

..

المهم

اياكي وادويه النوم ............ اوعي تنيميه بمنوم

هيظبط مواعيده مع نفسه

احتمال انك كنت قبل ميلاد الطفل بتسهري كتير.

بلاش تصحي ابنك اجباري....... هو لسه صغير....... لازم يصحي لوحده.

الطفل محتاج ساعات نوم كتيره جداِ في المرحله دي ........ ليكتمل نمو مخ الطفل.

يندعق الشغل في سبيل الطفل.................. تربية العيال مش بالساهل.

سقراط..... متزوج........ ويعول

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
اياكي وادويه النوم ............ اوعي تنيميه بمنوم

دكتور سقرط .. طب واللي كان بيخلي العيل يقربع قزازة " ميه غريب " عشان يتخمد ( كل ده في السكرته طبعاً من ورا مامته ... فهل كده أرتكبت إثماً مبيناً ؟ ولا الميه دي مالهاش أثار جانبية ؟

على العموم الجريمة سقطت بالتقادم .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
سقراط المصري عضو جديد

سقراط المصري

بتاريخ:
بتاريخ:
دكتور سقرط .. طب واللي كان بيخلي العيل يقربع قزازة " ميه غريب " عشان يتخمد ( كل ده في السكرته طبعاً من ورا مامته ... فهل كده أرتكبت إثماً مبيناً ؟ ولا الميه دي مالهاش أثار جانبية ؟

على العموم الجريمة سقطت بالتقادم .

انا معرفش "ميه غريب " دي ايه.

..........

عامة الكلام المكتوب بأعلاه ....... كلام على ضمانتي الشخصيه(متخصص) لصحة الطفل النفسيه (والعقليه والانفعاليه)....... في المستقبل.

لضيق الوقت............سلام مؤقت..... اشفكم باليل

سقراط

<span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span>

رابط هذا التعليق
شارك
nora عضو جديد

nora

بتاريخ:
  • كاتب الموضوع
بتاريخ:

mfb: شكرا ليكم كلكم

أولا : محمد انا الي بربيه واصلا الموضوع ده مسببلي مشكله ....

ألا وهي اني اشك ان اصبح عندي وسواس قهري الا وهو اني مش بطمن الا لما بكون أنا عمله الحاجة وغسلاه بأديه وممكن اغسل الحاجة 300 مرة قبل مديها للولد و لو روحت عند حد برة باخد ملايه علشان انيمه عليها :wub: كأني بقول للناس انتم مش نظاف بس والله غصب عني

ومرة غسلت له اللعب كلها وكانفي حجات كهربه فكلها علقت وبقت تعمل مزيكه علطول :

:D

سي السيد mfb: فكرة جوزي بس الي بيعمل كده

عموما الله يخليك يا س س باشا بالنسبه لداركر هو في الكويت مش مصر انا الي في مصر ، اما عن اسباب عدم الكتابه هو انشغاله الشديد جدا في الشغل ده مش بيكلمني انا :)

اما عن القطط :wub:

فبقيت اشوفهم بس في الشارع واجري وراهم :sad: ومش عيزه اقولك اني في فترة الحمل كنت مصحبه كلب تحت البيت وكنت كل يوم وانا نزله اخدلو سندوتش معايا واعد ادور عليه لحد لما بقى يشوفني يجري عليا وفمرة راح وقف على ركبتي لقيت جوزي اعد يزعق :) موحلف اني مكلمش الكلب ده تاني :D

ومن سعتها مشفتهاش تقريبا ضربها mfb:

733540902_l.gif

717a4sn.gif

رابط هذا التعليق
شارك
dr/alfa عضو جديد

dr/alfa

بتاريخ:
بتاريخ:

الأخت الفاضلة الموضوع ده تقريبا عادي وبيحصل لكل الأطفال من بداية السنة الاولى وممكن يستمر معاه حتى السنة الثانية او بدايات الثالثة .

ولكن أعتقد ان السبب فى استمرار هذه المشكلة قد يكون الام نفسها او الجو المحيط بيه كاخواته مثلا ,

يعني يمكن الام من هواة السهر اما التلفاز حتى الفجر وبالتالى الولد لازم هيتعود على انه يسهر معاه , وتدريجيا يبدا يأقلم نفسه على هذا الوضع .

حاولي تهياي له جو مناسب للنوم والاسترخاء , ولو ساعة بدري كل يوم عن معاد نومه اللى تعود عليه , معلش الموضوع هياخد وقت .

وممكن الحمام الدافيء قبل النوم يساعد على العلاج , وقصة جميلة أو نشيد والأطفال بيحبوا الحاجات دي ولو فى سن شهر .

الضور الخافت او اطفاء النور احيانا مطلوب ,

تجنبي اي مصدر ازعاج كالتلفاز و الاطفال الأكبر سنا منه .

قال الرسول صلى الله عليه وسلم لأصحابه : " أيعجز أحدكم أن يكسب في كل يوم 1000 حسنة! فسأل سائل من جلسائه: كيف يكسب1000حسنة؟ فقال: يسبح 100 تسبيحة فيكتب له 1000 حسنة أو يحط عنه 1000 خطيئة " رواه مسلم.

رابط هذا التعليق
شارك
  • بعد 4 أسابيع...
peranha عضو جديد

peranha

بتاريخ:
بتاريخ:
ياستى مبروك ماجاء لك

عندى سؤال اولا: هل تقومين بنفسك برعايته أم يقوم بذلك شخص آخر؟

بمعنى اذا كنت تقومين برعايته لماذا لاتحاولى ملاعبته ومشاغلته خلال النهار وبالتالى ستتولد لديه الرغبة فى النوم ليلا ومن ثم يتعود على ذلك. وهذا هو الحل الوحيد على فكرة ، لاتتركيه يرضع وينام اثناء الانهار بل دائما اشغليه.

علما بأن كل الاطفال يكون ساعتهم مختلفة عن ساعتنا فليلهم نهار ونهارهم ليل ، ولكن مع الوقت يتأقلمون .

أما اذا كنت تتركيه لدادة او للداى كير ، فيرجى ان تتأكدى انهم لايستخدموا ادوية منومة للأطفال حيث حدثت فى بعض الاحايين.

وربنا يعينك

انا سبقتك شويه في موضوع الاطفال ورغم اني راجل لكن كنت اشطر من مراتي شويه . شوفي يا ستي الطفل في السن ده المفروض ينام كتير لان عدم نومه احد الاسباب الأتيه:

1-مبلول ومحتاج تغيري له

2- جوعان

3- غازات في بطنه ومش عارف يطلعها

4- حاجه بتوجعه غير معروفه

عليكي اولا ان يكون طفلك شبعان وناشف مش مبلول وتنيميه علي بطنه علشان يطلع الغازات وعلي فكره المفروض في السن ده ينام علي بطنه علي طول ومتخافيش عليه هو هيعدل راسه تلقائيا ويتنفس كويس وفي الوضع ده هيطلع الغازات بسهوله وظهره ينموا سليم من غير تقوس زي الخواجات يعني ظهرهم مفرود علشان كده . غير ذلك يبقي لازم يروح لطبيب. وتاخدي بالك من لون برازه ورائحته وتقولي للطبيب علي اصغر الملاحظات

وان شاء الله هينام كويس وترتاحي

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • eryocool
      39
      هل اتركها ....ام اتمم الزواج.....محتاج مساعده
      السلام عليكم ورحمة الله وبركاته مشكلتي باختصار لا استطيع ان احب خطيبتي وزوجتي المستقبليه بالقدر الكافي انا طبيب شاب قمت بخطبة طبيبة علي قدر عال من الوقار والاحترام والاخلاق والاهل لا نزكيهم علي الله هي متعلقه بي لكني لا استطيع ان ابادلها نفس القدر من الشعور لا احبها رغم كل صفاتها لا اعرف ماذا اعمل هل اتركها لكني اخاف ان تنكسر لانها تعلقت بي جدا واخاف ان اجرحها لانها طيبه جدا ام ماذا افعل علما اني لم اخطب من قبل والحمد لله ملتزم واصلي واصوم ولم اعرف فتاة من قبل وهي اول فتاة في حياتي

      بواسطة eryocool
      كُتب

    • haleeim
      0
      مساعده انسانيه من القلوب الرحيمه
      يااخوانى المساعده اخي يبحث عن عمل باالامارات ومكث مده طويله للبحث عن عمل وقربت الزياره على الانتهاء هو جاد جدا ولايريد ان ينزل مصر مره اخرى نهائيا ولا حتى زيارات ولكن الى الان لم يجد عمل هو يريد اى عمل اخوانى _ اى عمل حتى لو هيغسل اطباق ارجو المساعده اخوانى فكان الله فى عون العبد مادام العبد فى عون اخيه  

      بواسطة haleeim
      كُتب

    • lingoeyes
      0
      مساعده في حساب المناور
      السلام عليكم محتاج مساعده في حساب المناور لقطعة ارض حتتبني مبني سكني من خمس طوابق مساحة الارض 13.29 في 11 متر  

      بواسطة lingoeyes
      كُتب

    • mahs2r
      1
      طلب مساعده
      موضوع بسيط بس انا لسه جديد فى السعوديه محتاج اخد رخصه قدمت فى المرور واخدت خمس تيام محتاج بس شويه ممارسه قبل مدخل الامتحان دورت كتير على مدارس تدريب ليليه مش لاقى لو حد يعرف حد كل يوم ساعه او سعتين بمقابل مادى يا ريت يقولى جير عادى. وشكرااااااا 0507664234 وواتس نفس الرقم

      بواسطة mahs2r
      كُتب

    • elkholy00
      1
      مساعده يا شباب لو سمحتم
      السلام عليكم عايز اغير المهنه في البطاقه لمبرمج حاسب آلي ومعايا عقد بالمهنه دي بس متوثق من الغرفه التجاريه بس وحاولت اشوف شركه تامن عليا بالمهنه دي وما عرفتش ... المفروض اعمل ايه ؟؟؟

      بواسطة elkholy00
      كُتب

×
×
  • أضف...