ميلاد حنا: اذا وصل الإخوان للحكم فسيرحل الأقباط

Polite_Muslem · 28 نوفمبر 2005

بسم الله الرحمن الرحيم

الأخ (ميميس) ، لا أدري ما الضير في استخدام كلمة (أننا)؟

وهل معنى ذلك أنني منتمي لجماعة ما أو حزب؟

إن سوء افتراض النية في الحديث قد يذهب بفكرك إلى ما لا يهديك إلى الحقيقة، و مع ذلك فإن كلمة نحن ضمير يعود على الشعب، فيمكن صياغة الجملة مرة أخرى كالآتي:

( وبالنسبة لبقية الأحزاب إذا لم يكونو جبهة واحدة فهي مشكلتهم هم و ليست مشكلة الإخوان، مع أننا نحن الشعب لا نعترض على تكوينهم جبهة واحدة)

و بعدين دي فعلاً مجرد كلمات انشائية لأنها لم تأخذ حيز التنفيذ، لأنه ببساطة التنفيذ لن يحدث إلا بعد الفوز بالمقاعد ، وبعدين يا أخي المية تكدب الغطاس! لو هما فازوا و معملوش حاجة انتقدهم براحتك! و صدقني أنا أول واحد هنتقدهم!

إنتا عارف بالضبط زي إيه؟؟ لما طالب يقولك أنا هجيب 95% و هقفل امتحان الفيزياء و هنقص درجة بس في العربي و هعمل و أسوي .... ساعتها هتقولو ايييه؟؟ هل هتقولو دانتا هجاص .. انتا هتسقط.... انتا بتقول كلام إنشا...و لا هتعمل الهوا ..؟؟؟؟

أبداً و الله،عارف هتقولو ايه؟؟؟ هتقول: ربنا يوفقك و تعمل اللي انتا بتقول عليه، لكن النتيجة لو ظهرت! و سقط و معملش حاجة من اللي قال عليها، سعتها هتقول اللي انتا عايزه و أكتر و ولا هيفتح بقه معاك!!

و أقول لك مرة أخرى، ليس المهم امتلاك حل المشكلة ولكن الإرادة الفعلية للحل و التغيير للأحسن هو الأهم و هو الذي سيهديك لحل المشكلة.

و بعدين مش الأحسن برضو إن الإخوان ميقولوش كلام و بعدين ميكونوش قده؟؟

هديلك مثال: انتا مش فاكر برضو الأربعة و نص مليووووون فرصة عمل بتوع الحزب الوطني؟؟؟ راحو فيين حضرتك دول؟؟ و لا هوا كلام و بعدين بيتلحس؟؟؟

الشعب خلاص فقد الثقة في الناس دي معادش منها رجا!!

أنا برضو هريحك و أجبلك من الآخر، إن شاء الله ربنا هيبعت اللي هيمسك البلد و ينضفها سواء كانوا الإخوان أو غيرهم بس التغيير هيحصل بإذن الله لأن ده اللي وعد بيه ربنا:

قال الله تعالى: (وعد الله الذين آمنوا منكم و عملوا الصالحات ليستخلفنهم في الأرض كما استخلف الذين من قبلهم و ليمكنن لهم دينهم الذي ارتضى لهم و ليبدلنهم من بعد خوفهم أمناً يعبدونني لا يشركون بي شيئا ومن كفر بعد ذلك فأولئك هم الفاسقون)

سورة النور الآية 55

و أنصحك يا أخي (ميميس) أنت تقرأ تفسير الآية لأنه واضح أن ثقافتك الدينية هزيلة و آسف في الوصف لأنك يجب أن تنتبه لخطورة موقفك من دينك، فنحن في عصر انتسب فيه كثير من السفهاء إلى الدين وتكلموا بما هو أقرب للكفر منه للإيمان.

ملحوظة:

انتا طبعاً مخدتش بالك ليه أنا لونت كلمة (غيرهم) بالأحمر, عارف ليييه؟؟

لأن أنا عارف إنك هتسأل نفسك قصده ميين بغيرهم؟

و الجواب ببساطة إن أنا معرفش!! لأنه لا يعلم الغيب إلا الله!!

قال تعالى: ( قل لا يعلم من في السماوات و الأرض الغيب إلا الله و ما يشعرون أيان يبعثون (65) بل ادارك غلمهم في الآخرة بل هم فب شك منها بل منها عمون) سورة النمل الآية (65،66)

و برضو افرأ التفسير بتاعها

أخيراً و ليس آخراً، ندعو الله ان يعلمنا ما ينفعنا و ينفعنا بما علمنا إنه ولي ذلك و القادر عليه و آخر دعوانا أن الحمد لله رب العالمين.

Polite_Muslem · 28 نوفمبر 2005

بسم الله الرحمن الرحيم

أستغفر الله العظيم، لقد أخطأت في كتابة الآية الكريمة، فالآية الصحيحة هي:

قال تعالى: ( قل لا يعلم من في السماوات و الأرض الغيب إلا الله و ما يشعرون أيان يبعثون (65) بل ادَّارك علمهم في الآخرة بل هم في شك منها بل منها عمون) سورة النمل الآية (65،66)

اللهم اغفر لي زلاتي و عثراتي

Polite_Muslem · 28 نوفمبر 2005

بسم الله الرحمن الرحيم

السلام عليكم، لا أدري لماذا فقدت بعض الجمل من النص الأول، و لكن هذا هو النص الأصلي: