ميلاد حنا: اذا وصل الإخوان للحكم فسيرحل الأقباط

[Mina]

" من أيه الطرق يأتى نحوك الكرم ...

أين المحاجم يا كافور و الجلم

سادات كل أناس من نفوسهم ..

و ساده المسلمين الأعبد القزم

********************************************************

أغايه الدين أن تحفوا شواربكم

يا أمه ضحكت من جهلها الأمم

**************************************************************

[Alshiekh]

" من أيه الطرق يأتى نحوك الكرم ...

                                            أين المحاجم يا كافور و الجلم

  سادات كل أناس من نفوسهم ..

                                              و ساده المسلمين الأعبد القزم

 

********************************************************

أغايه الدين أن تحفوا شواربكم

                                          يا أمه ضحكت من جهلها الأمم

**************************************************************

<{POST_SNAPBACK}>

[ناصر الملك و الملكية]

الأخ شاوشانك

حقيقي أنا أحسدك علي هدوئك و قدرتك علي تحمل الأسئلة الغريبة و المستفزة

بارك الله فيك

تم تعديل 29 نوفمبر 2005 بواسطة ناصر الملك و الملكية

[Doofy]

========================================================================

في البدايه تحياتي لجميع الأخوة المتحاورين على مختلف آراءهم

:

:

وانا ملاحظ ان فيه ناس مسجله مخصوص في المنتدى ليدلوا بآرائهم في موضوع الأخوان والأنتخابات....

بالنسبه للزميل مينا حضرتك شايف اني اجهل العلمانيه " اللادينيه " اللتي تريدها في الحياة السياسية اللي تكرمت حضرتك وشرحتهلنا وقلت

"العلمانيه التى أريدها هى العلمانيه الجزئيه بمعناها السياسى .. أى علمانيه فى محيط السياسه فقط .. أى فصل الدين عن الحكم و السلطه .. "

أنا افتكرت هتقول حاجه جديده بس بتهيألي انتا جاوبت على نفسك ومش محتاج ارد عليك ويا ريت ماتجهلش الناس عمال على بطال ..

ونصيحه اخويه يا ريت تقول رأيك بصراحه اكتر ياعني مش محتاجه لف ودوران قول مش عايز دين في السلطه وخلاص مفيش داعي تشوشر على الصحيح اللي انتا معترض عليه علشان تبرر موقفك من قضيه ما...

الأستاذ ميلاد حنا من الأخوه المسيحيين اللي الواحد كان يتمتع وهوه يستمع لأراءه المعتدله الرزينه ولكن دائما نقول لكل حصان كبوة..

للأسف ظهر برضه العديد من الآراء كما توقعت ولكن في الأتجاه المعاكس وهي آراء الزميل نـاصر اللي بختلف معاها وخصوصا في موضوع أهل الذمه والجزية...

واختلافي مش في التسميه اختلافي في فهم الموضوع فالأخوه المسيحيين فعلا في ذمة المسلمين ولكنهم ليسوا ضيوفا يا اخ نـاصر فأجدادك كانوا في الأصل قبطيين وأسلموا عندما انار الأسلام مصر ..

اما موضوع الجزية فلا حديث مقبول أيا كان منطقه عن الجزية طالما هناك وجود مسيحي في الجيش اللذي يدافع عن مصر..

إذن فجميعنا شركاء في هذا الوطن في الحقوق والواجبات...

وبجد نصيحه ليك يا أخ ناصر يا ريت تنزل بآراءك من القطار الي انتا ماشي فيه وتبتدي تفكر معانا بشكل جديد يتوافق مع مستحدثات العصر وما مر علينا من احداث تستحق التأمل ولا تحتمل الآراء الجافه..

اما موضوع التقيه

فلا اعلم الا متى سوف تستمر مسلسلات الصاق التهم بالمسلمين ..؟؟

التقيه يا حضرات عقيده راسخه في المذهب الشيعي وليس في المذهب السني فلا داعي للخـلط والأفـتراء ...

وبالنسبه لموضوع الأسماء ومسمياتها والمفردات والمصطلحات اللي اتحفونا بيها بعض الأخوه المتحاورين المسيحيين فهذه ظاهرة ليست بجديده فالكذب السياسي شر لا بد منه في عالم السياسه فكيف لك ان تقلب الحق باطلا والباطل حق إلا بهذه المصطلحات "التيك-أوي".... حاجه تدعوا للأسف والقرف فعلا...

أما بالنسبه لموضوع الأخوان ففوزهم لم يأتي بالتزوير والعنف والبلطجه فهذه الأشياء أذا أراد احد التحدث عنها فليرجعها إلى أهل من ابتدعوها وهو الحزب الوطني ...اما من يتحدث عن غياب النزاهه فهيه من المفترض انها غائبه ولكن الأخوان استطاعوا وبتفوق ان يدافعوا عن حقهم الأنتخابي واستطاعوا بشرف ان يتـّحدوا ويجمعوا الناس من حولهم اللذين تحدوا بلطجة الحزب الحاكم وفضحوا التزوير في بعض اللجان و جلسوا أمام مقار الأنتخاب ليحافظوا على أصواتهم داخل غرف الفرز..

في الوقت اللي شفنا فيه بقية الأحزاب الديكوريه اللي حسبينهم على المجتمع المصري واللي أثبتوا بالتجربه انهم نسوان سياسه فلا تخلوا ندوه او برنامج تلفزيوني من امثالهم اللي أعلنوا أستسلامهم السريع المسبق واصبح شغلهم الشاغل الآن هو الجلوس امام التاريخ الأسلامي منذ عصر الرسول محمد عليه الصلاة والسلام إلا احتلال الأخوان ربع مقاعد مجلس الشعب ولن اتحدث طبعا عن روح الغل في حديثهم في حين اننا نحمد الله بوجود الأخوان بهذا العدد من المرشحين اللذين لولاهم لما وجدنا معارضه في هذه الدوره البرلمانيه المهمه...

في النهايه انا لن اخاف من وصول الأخوان إلى الحكم ... فنصوص الأسلام واضحه وصريحه وتقدمت الدوله الأسلاميه بها من 1400 سنه سواء في العلوم أو الأقتصاد او التقدم العسكري وكانت مناره للعالم واللي مش عاجبه هذا التاريخ فدي مشكلته...

أما عن تطبيق هذه النصوص فالأخوان مطالبون ومقيدون بشريعة الله اللتي امر ان يطبقها المسلمون الأغلبيه في هذا الوطن كما في باقي الأوطان العربية ولن اخجل من موقفي هذا وسط هذه الأعتراضات...

أما لو طبق الأخوان مبدأ الخيار والفقوس في حدود الله وشريعته فسوف يقلعهم الشعب المصري كما وضعهم ..

فلن نسمح بالنموذج الأفغاني او الإيراني أو السوداني المتشدد ان يقام في مصر فالأسلام اللذي نريده هو النور اللذي انار العالم اجمع في الزمن البعيد عن أعمارنا القريب إلى أذهاننا والمحفوظ في القرآن والسنه إلى يوم القيامه..

وبالنسبه للي راكب قطار أفكاره ومش ناوي يفكر فلن يستطيع التفريق بين الطائفيه والأعتقاد الديني اللي مات المئات وسوف يموت مثلهم لكي يبقى النور الوحيد على هذه الأرض التي أظلمتها ديمقراطيات الأمم الحديثه ومجلس امنها بمصالحهم واطماعهم القذره التي حولت العالم إلى شئ افظع من الغابه..

:

:

[هادي]

الاستاذ العزيز Doofy

تحية احترام و تقدير

أوجزت

ونفعت

ونصحت

تم تعديل 2 ديسمبر 2005 بواسطة هادي

[Polite_Muslem]

" من أيه الطرق يأتى نحوك الكرم ...

                                            أين المحاجم يا كافور و الجلم

  سادات كل أناس من نفوسهم ..

                                              و ساده المسلمين الأعبد القزم

 

********************************************************

أغايه الدين أن تحفوا شواربكم

                                          يا أمه ضحكت من جهلها الأمم

**************************************************************

<{POST_SNAPBACK}>

بسم الله الرحمن الرحيم

الأستاذ مينا ، أيوا كده بان على حقيقتك و قول إللي في قلبك، بس إنت علشان على النت بتتكلم و فاتح صدرك ، بس أنا هقولك كلمة واحدة فقط: لك من الله ما تستحقه.

قال الله تعالى: (و لن ترضى عنك اليهود و لا النصارى حتى تتبع ملتهم قل إن هدى الله هو الهدى)

سادات كل أناس من نفوسهم.......وساده المسلمين بنيان من القمم

و غاية الدين غفران من اللمم......يا أمة قد فضلت على الأمم

يا من تجرأت على الإسلام بالقلم....الدين معصوم بأمر الله فانكتم

[ناصر الملك و الملكية]

واختلافي مش في التسميه اختلافي في فهم الموضوع فالأخوه المسيحيين فعلا في ذمة المسلمين ولكنهم ليسوا ضيوفا يا اخ نـاصر فأجدادك كانوا في الأصل قبطيين وأسلموا عندما انار الأسلام مصر ..

لا أدري هل كان أجدادي أقباط كما تقول أم فراعنة أم رومان أم عثمانيين أم عرب أم فرس أم أم أم

علي كلن لو كان أجدادي كانوا أقباط فعلاً و أسلموا بعد دخول عمرو بن العاص فهذا شئ جميل , و لا أدري ما علاقته بموضوعنا

أما قولك أن النصاري ليسوا ضيفواً فلا أدري إلما تستند إلي كلامك هذا ؟ سوف أعيد ما قلته لعل الفكرة تضح لك

عندما هاجر الرسول صلي الله عليه و سلم إلي المدينة , أعلن عن قيام دولة الإسلام , و صاغ دستورها ( وثيقة المدينة )

بعد عدة أعوام تم فتح الله مكة علي المسلمين أي أن مكة أصبحت تابعة لدولة الإسلام و أصبحت ملكاً للمسلمين المقيمين

عليها , و بعد عشرون عام تقريباً من تأسيس دولة الإسلام , فتح الله مصر علي المسلمين , أي أنها أصبحت تابعة لدولة الإسلام

و ملك للمسلمين , و طبعاً ليس كل المسلمين , فدولة الإسلام تتكون من عدة أقطار , و كل قطر ملك للمسلمين المقيمين عليه

للمرة الأخيرة , دولة الإسلام ملك للمسلمين و المسلمين فقط , و كل من يحاول إشراك غير المسلمين فيها فسيحاسب علي ذلك .

اما موضوع الجزية فلا حديث مقبول أيا كان منطقه عن الجزية طالما هناك وجود مسيحي في الجيش اللذي يدافع عن مصر..

طيب و هو الصح أننا منطبقش الجزية عشان هما بيتجندوا

:rolleyes:

ولا نخرجهم من الجيش و يدفعوا الجزية ؟

وبجد نصيحه ليك يا أخ ناصر يا ريت تنزل بآراءك من القطار الي انتا ماشي فيه وتبتدي تفكر معانا بشكل جديد يتوافق مع مستحدثات العصر وما مر علينا من احداث تستحق التأمل ولا تحتمل الآراء الجافه..

شكراً , أنا مستريح كدا :D

[Doofy]

==========================================================

الزميل الفاضل / هادي

بشكرك على كلامك الطيب بس مافيش داعي لأستاذ دي خلي البساط أحمدي دنا حتى مكملتش 24 سنه يا راجل كفايه دوفي :D

:

:

الزميل/ ناصر

وانا بقول الأستاذ ميلاد حنا وبعض الزملاء هنا خايفيـن من أيه..؟!!

ياعني الواحد يحمد ربنا انك بتمتـلك روح الدعابه في ردودك لحسن خبطتيـن في الراس بتوجع :rolleyes: " دُعاااابـه "

قبل اي كلام اذكر الله في قلبك كدا وصلي على اللي هيشفعـلك وتفتحلنا عقلك وقلبك الطيـب ...

وياريت متحسسناش انك انتا وربنا في فريـق وكل اللي بينتقد رأيك هوه مع الفريـق الخصم..

انا مسلم يمكن مكنش ملتزم زيـك لكن الواحد بيـرجع لربنا في الأخر في كل أعماله سواء حسنه او سيئه فياريت صدرك يتسع لنا...

بالنسبالي يا اخ ناصر انا استندت لدماغي في الرد على وصفـك لنصارى مصر انهم ضيوف واتكرمت كالعاده حضرتـك وجبتـلنا نص وترجمته بوجهة نظرك وكدا .....

دا غيـر التحذيـر الرهيب اللي اوردته

" للمرة الأخيرة , دولة الإسلام ملك للمسلمين و المسلمين فقط , و كل من يحاول إشراك غير المسلمين فيها فسيحاسب علي ذلك ."

:

سيـدي الفاضل حاول تفهمني ونمشي مع بعض للآخر لو سمحتـلي...

:

الرسول "ص" لما هاجـر مع المهاجريـن إلى المدينه حلّوا ضيوف على اهلها, دعاهم الرسول إلى الأسلام فأنار الله قلوبهم الطيبه فاعتنقوا الأسلام أول ما رأو رسولنا الكريم ورضوا بشريعة الله وحكمه فقعد الرسول "ص" مع زعماءئها اللذيـن أسلموا وصاغوا دستورها كما زودتنا في ردك اللذي تضمن قبائل اليهـود اللي همه كانوا أهل المدينه برضوا واتفقوا على التعايش والمواطنه على شروط معينه..

:

اما بالنسبه لفتح مكه فالرسول لم يرد قتال أهل مكه انما دعا زعماء قريش في البدايه ان يخلّـو بينه وبيـن الناس كي يدعوهم للأسلام فرفضوا وأعدوا العدة لقتاله في المدينه فنصره الله تعالى عليهم في الخندق ثم امره بفتح مكه وقتال زعماءها لكي يصل الأسلام إلى اهل مكه ونصره الله تعالى وانتشر الأسلام في مكه ..واللذي تلاها دخول بعض الأمصار في الجزيرة العربيه أو فتح بعض الأمصار الأخرى زي مصر اللي احنا بصدد الحديث عنها في هذا الموضوع...

:

انا استفضت في حديثي عن هذه الأحداث اللي ذكرتها لأنك بغير ان تقصد تشـوه هذه الأحداث وتصور لنا جميعا سواء كنا مسلمين او غير مسلمين أن الأسلام دين انتشر بحد السيف وقطع الأعناق وانه دين تملك عندما تنشد علينا مصطلحاتك الجافه ومانشيتاتك الغير واعيه اللتي لا تمت بالأحداث السابقه بصله..!!

:

فبداية الأسلام هو الدعوه , والله امر رسوله "ص" ان يدعوا الناس جميعا وان يحارب من يقف في طريق دعوته وبيـن ان تصل للناس..

:

فتح عمرو ابن العاص مصر وكان اهلها من القبط ودعا الناس للأسلام فأسلم معظمهم واعلنوا ولاءهم لخليفة المسلمين وقت إذن أما الأقباط فبقوا كما هم مواطنيـن مصرييـن لهم كل حقوق المواطنه التي كفلها لهم الدستور الأسلامي حينها بأن قطع لهم العهد بأن يحميهم مقابل مبلغ زهيد سمي بالجزية وكانت تسقط عن الفقراء منهم وترك لهم كنائسهم وعبادتهم وتجارتهم و أملاكهم وحياتهم الطبـيعيه وحقهم في الشكوى لحاكم البلاد أذا تعرضوا لأذا او مشاكل...الخ من حقوق المواطنه , كل هذا بشرط ألا يعادوا المسلميـن ولا يحادوهم او يقفوا مع أعداء المسلمين وقت ذاك...

:

فبعد كل دا لسه عايز تقنعنا وتقنع نفسك ان قبط مصر ضيوف يا اخ ناصر..؟؟

:

احنا لحد علمي في 2005 ويا عم الحج انتا بتتـكلم عن دولة الأسلام او الخلافه بشكل عام اللي هيـه مش موجوده في الأصل فبلاش توجع قلبك وتوجع قلوبنا معاك..!!

:

حضرتـك بتتكـلم عن الجزية في وقتنا الحاضر وتطالب اننا نطرد المجندين المسيحيين من الجيش ...

:

نفسي اعرف بأي حق في الدنيا تطلب حضرتـك طلب زاي داه..؟؟

:

الجيـش الإسلامي بتاع زمان انتهى حضرتـك لو الخبر لسه موصلكش..مش مصدق؟؟

:

أه.... انتهى , قلي ليه..؟؟

:

لأن الأسلام فعلا انتشر إلى جميع بقاع العالم .. لأ وأيه شوف الهنى اللي الأسلام فيه ..!! دلوقتي فيه تلفزيون وراديو وانترنت ودعاه من السعوديه ومصر والدول الأسلاميه بتبعثهم إلى جميع انحاء العالم لكي يدعوا الناس إلى الأسلام ويدعموا المسلمين اللأقليه المتعايشين المواطنون في بلادهم في خارج البلاد الأسلاميه بكل حب وسماحه وهم في الحقيقه هم أخير منا في وقتنا الحالي المخزي...

:

ياعني جيـش مصر دلوقتي موجود علشان يحمي الأراضي المصريه ويحمي المواطنيـن الموجودين على ارض مصر ويحمي اعراضهم وممتلكاتهم وحياتهم وبيتهيألي أن المواطن المسيحي له الحق في ان يشارك في حماية وجوده وحياته ومصالحه على ارض هذا الوطن... وتمثـّل ذلك جليّا في جميع الحروب اللي خاضتها مصر مع العدو الأسرائيلي... فهل نحرمه من هذا الواجب الوطني الغريزي علشان المسلمين ياخدوا منهم جزيه زاي مكان بيحصل زمن الرسول..؟؟ هيه الجزيه دي فرض ولا سنه مؤكده ولا أيه بالضبط ؟؟؟

:

:

أخي في الله ناصر

:

بستحلفك بالله انك لا تنظر للأسلام بهذا المنظور الضيـق فالأسلام أوسع واشمل بكثير.. ودا مش معناه انك ماتدافعش عنه ولكن يا اخي حسسنا بحبه وسماحته وعقله ومنطقه في الخطاب وبلاش قسوتك وعنفك المستمر في الردود..

:

كلنا عايزين نكون في أخلاق الرسول "ص" وننال بعض من حبه وسماحته في أفعاله وأقواله في تعامله مع الناس سواء مسلمين او غيرهم..

والله العظيم انا مش بتفلسف عليك بس بجد بتدايق لما الاقي هذه الردود المنفـّره المرعبه الخاليه من المنطق والسياسه الأسلاميه اللي بنطالب بيهم..

أحنا مش عايزين نبقى سودان ولا أفغانستان ..

:

وعلى العموم أعقلها وتوكل...

تحياتي للجميع

:

: