يبقي أنت أكيد المصري

[Diab]

سلام عليكم علي جميع أحباب المحاورات حبيت أقولكم علي موضوع كده غايظني من ساعة ما جيت من عمرة رمضان - عقبالكم- أول ما تلاقي زحمة في الحرم تعرف أن دول مصريين و في واحد سعودي بيوزع وجبة وعينيك بقي ماتشوف إلا النور ضرب وشتيمة (أحيانا بألفاظ يعاقب عليها القانون ) ده أنا من فرستي منهم رحت ماسك التليفون أبو كاميرا وأصطدت واحد منهم و فضلت رايح جاي معاه وهو شايل يجي 6 أو 7 كراتين من إفطار الصائم وواحد تاني بملابس الأحرام دخل يزاحم وخارج من الزحمة يشتم (أه ولله )

ده غير بقي النقوزة من السعودين في الميناء - سبحان من جعلهم يركبون الأوبل بعد الإبل)

ده حتي مهمد (الأسم الحركي لأي هندي أو بنغالي) بيتريق علينا ، عجبت لك يا زمن

في نص شهر شوال تلاقي المصريين نايمين في الشارع لأن في منهم اللي تاه عشان أغلبهم ما بيفكرش يعمل عمرة إلا بعد ما يحس أنه قرب يودع فيقول لعياله كل واحد يلم قرشين عشان أعمل عمرة أو أحج ( إشمعني أنا يعني ما فلان راح يحج هو أحسن من في إيه)

وطبعا لا بيبقي عارف أسم الشركة أيه ولا نازل في أي فندق لا حاجة أبدا ....هو بس مندوب الشركة يقوله تعال أقعد هنا يا حاج يجي

للأسف بعض المصريين بيسافر بيت الله عشان العمرة أو الحج عشان لما يرجع يرسم علي واجهة البيت مركب و يكتب حج مبرور و ذنب مغفور يا حاج فلان

مع غيظي وتحياتي

[se_ Elsyed]

معليش يا باشمهندس ..

بعيداً عن التحامل وجلد الذات ...

فهل حضرتك سألت نفسك مين الطبقة أو الشريحة اللي بيعملوا كده .. حتى تُطلق عليهم كلمة المصررين المُطلقة التي تشمل 70 مليون بني آدم ؟

وأعتقد إن حضرتك لما صورتهم كنت عارف إن غالبيتهم إن ماكانوش كلهم من الأرياف وهم أُناس بسطاء غير مثقفين ولا مُتعلمين ويمثلوا نسبة ضئيلة جداً من الغالبية العُظمى الذين تجد سلوكهم من أروع ما يكون ... وطبعاً حضرتك ما صورتش نفسك وسلوكك فبالتأكيد إنت كنت من الفئة الثانية التى تأتي بسلوك محترم ...

[ديكارت]

اول شئ اعمله عندما اذهب الى الحرم هو ان اتناسى انني مصري ... ولو لم أعمل ذلك لانفجرت من الغيض ..

الجنسية الوحيدة التي تمتهن الشحاتة والتسول واخذ افطار الصائمين وبدون حاجة .. هي المصرية

لقد رأيتهم بأم عيني وهم يجمعون افطار الصائم ثم يلقون به في سلة المهملات .. لا اعرف سببا مقنعا لهذا التصرف الشيطاني .

اما مسألة النوم في الطرقات وفي الحرم فحدث ولا حرج .. تجد سيدة وزوجها وقد انكشفت عوراتهم نائمون في سبات عميق داخل الحرم وبكل برودة اعصاب... ولكن يخطئ من يظن ان هؤلاء قد اتوا للعمرة او الحج انها يا اخي سبوبة .. فبعضهم ينشل من المعتمرين وبعضهم يمتهن السرقة من المحلات التجارية قرب الحرم ...

عموما الموضوع ذو شجون ...

[Alshiekh]

سلام عليكم علي جميع أحباب المحاورات حبيت أقولكم علي موضوع كده غايظني من ساعة ما جيت من عمرة رمضان - عقبالكم- أول ما تلاقي زحمة في الحرم تعرف أن دول مصريين و في واحد سعودي بيوزع وجبة وعينيك بقي ماتشوف إلا النور ضرب وشتيمة (أحيانا بألفاظ يعاقب عليها القانون ) ده أنا من فرستي منهم رحت ماسك التليفون أبو كاميرا وأصطدت واحد منهم و فضلت رايح جاي معاه وهو شايل يجي 6 أو 7 كراتين من إفطار الصائم وواحد تاني بملابس الأحرام دخل يزاحم وخارج من الزحمة يشتم (أه ولله )

ده غير بقي النقوزة من السعودين في الميناء - سبحان من جعلهم يركبون الأوبل بعد الإبل)

ده حتي مهمد (الأسم الحركي لأي هندي أو بنغالي) بيتريق علينا ، عجبت لك يا زمن

في نص شهر شوال تلاقي المصريين نايمين في الشارع لأن في منهم اللي تاه عشان أغلبهم ما بيفكرش يعمل عمرة إلا بعد ما يحس أنه قرب يودع فيقول لعياله كل واحد يلم قرشين عشان أعمل عمرة أو أحج ( إشمعني أنا يعني ما فلان راح يحج هو أحسن من في إيه)

وطبعا لا بيبقي عارف أسم الشركة أيه ولا نازل في أي فندق لا حاجة أبدا ....هو بس مندوب الشركة يقوله تعال أقعد هنا يا حاج يجي

للأسف بعض المصريين بيسافر بيت الله عشان العمرة أو الحج عشان لما يرجع يرسم علي واجهة البيت مركب و يكتب حج مبرور و ذنب مغفور يا حاج فلان

                                                مع غيظي وتحياتي

<{POST_SNAPBACK}>

اول شئ اعمله عندما اذهب الى الحرم هو ان اتناسى انني مصري ... ولو لم أعمل ذلك لانفجرت من الغيض ..

الجنسية الوحيدة التي تمتهن الشحاتة والتسول واخذ افطار الصائمين وبدون حاجة .. هي المصرية

لقد رأيتهم بأم عيني وهم يجمعون افطار الصائم ثم يلقون به في سلة المهملات .. لا اعرف سببا مقنعا لهذا التصرف الشيطاني .

اما مسألة النوم في الطرقات وفي الحرم فحدث ولا حرج .. تجد سيدة وزوجها وقد انكشفت عوراتهم نائمون في سبات عميق داخل الحرم وبكل برودة اعصاب... ولكن يخطئ من يظن ان هؤلاء قد اتوا للعمرة او الحج انها يا اخي سبوبة .. فبعضهم ينشل من المعتمرين وبعضهم يمتهن السرقة من المحلات التجارية قرب الحرم ...

عموما الموضوع ذو شجون ...

<{POST_SNAPBACK}>

لست أدرى لما كل هذا التحامل على المصرى الغلبان الذى اراد اداء فريضة الحج ، او حتى رغب فى اداء العمرة؟

هل اقتصرت الشحاتة والتسول على المصريين؟

الا يوجد متسولين فى السعودية بلد البترول من السعوديين؟ الم تروهم فى الطرقات؟ الا تقرأون جرائد سعودية تتحدث عن ذلك أم ماذا؟

التسول والشحاتة مهنة موجودة فى كل بلدان العالم وان اختلفت طرق التسول ، وهم موجودين هنا فى امريكا على الرغم من الدولة تصرف لكل منهم اعانة شهرية .

أما من تتحدثون عنهم من المعتمرين والحجاج فهم من بسطاء المصريين والتى تعتبر رحلة الحج او العمرة منى امانيهم وختام حياتهم ، واعتقد انه كان حريا باى منكم مساعدتهم ان كان فى استطاعتكم فهم من اهل بلدكم ، ساعدوهم فى الداخل وفى الخارج فمثلهم يستحق المساعدة وليس النقد فقط.

كفاية الغلب اللى هم فيها ، ماتبقوش انتوا والحكومة والزمن عليهم!

[ناصر الملك و الملكية]

طبعاً الأستاذ محمد لا يستطيع أن يخفي تعصبه للقومية :angry:

لما ذهبت للعمرة منذ عامين شاهدت كل ما تحكون عنه و عرفت ليه

المصري بيلاقي معاملة سيئة هناك , بصراحة فيه وقف مش هنساه حدث في

الحرم المكي , واحدة فلاحة واقفة بتتوضء في " كولمان " مياه زمزم و العسكري

السعودي طالع عينه يقولها يا ست ده مش مكان وضوء و هي ولا هنا !

من ساعتها مشربتش من الكولمانات ديه تاني :angry2: بصراحة المنظر كان مؤسف فعلاً

تم تعديل 25 نوفمبر 2005 بواسطة ناصر الملك و الملكية

[صفاء]

اعملوا معروف بلاش المواضيع اللى تجيب الضغط دى

صحيح هى صورة ومنظر منيل للمصريين..... لكن زى الإخوة ما تكرموا... يعنى أولا هما ميمثلوش الشعب المصرى ولا يعبروا عنه ...

وزى ما قال الأخ محمد دول ناس بسطاء كل أملهم يأدوا الفريضة .. وده شىء وسلوكهم ونشأتهم شىء تانى

يعنى لا كل المصريين كده ولا كل الحجاج المصريين كده

بعدين يعنى هى ايه اخرة الفقر غير الجوع واحداث النعمة ؟

الذنب مش ذنبهم

رابسو هو السبب mfb:

[صفاء]

البركة كمان فى ابيه صفوت الشريف ابن الششششششششششـ ............. عب

طول عمره ينفخ فينا فى القناتين اليتيمتين الأولى والثانية وليل نهار يذيعوا فى الأمجاد وحضارة ال 7000 سنة

وان مفيش غير المصريين والمصريين اهما حيوية وعزم وهمة

حسسنا ان مفيش غيرنا فى الوطن العربى واننا بنتعامل مع أقوى جهاز مخابرات وأعلى اقتصاد اقتصادنا واجمل بلد بلدى واشجع ولد ولدى " على رأى محمد قنديل"

واذا كان فى خلل يبقى احنا الشعب ابن ستين .... نستاهل كل اللى يجرالنا مدام بنخلف وبنزيد !!!

زى منكون احنا بس اللى بنتكاثر فى العالم :blink:

انما الحياة وردة وبمبى وفلة .. لغاية ما الدش طلع وبدأت الفضايح تطلع وكله على عينك يا تاجر

وعهرفنا اننا بقينا فى القاع بعد ما دهنوه غراء

ويا عالم امتى هانطلع على وش الدنيا تانى !!!

اعملوا معروف خلونى ساكتة احسن mfb:

[Diab]

الأخ العزيز سي السيد أنا من زمان نفسي أكلمك وخصوصا إني معجب جدا بمشاركاتك ومواضيعك الهايلة بجد ، بس أنا كان نفسي تعرف أنا مصري حتي النخاع وأي حد بيقول كلمة علي المصريين برد عليه بعشرة ... بالنسبة للمقولة الشهيرة (الناس دي مبتعبرش عن مصر أنا آسف أني أقول اك أن ده مش مظبوط لأن ده الإنطباع الموجود عند أغلب الناس عن المصريين أنا لا أسرد آراء ولكن مواقف حدثت بالفعل . الحاجة التانية هو ليه منعملش زي دول جنوب شرق أسيا قبل ما يسافروا بفترة للحج أو العمل نعمل لهم حاجة كده زي دروس تقوية في المدارس( زي محو الأمية يعني )تكون أجباري مرة واحدة فقط وتعطي شهادة أن فلان مؤهل لعمل الحج أو العمرة ... ده أقتراح و أكيد في أفكار تانية

تم تعديل 25 نوفمبر 2005 بواسطة nubian_eng

[Diab]

معلش يا أستاذ محمود حقك عليا أنا ، صحيح هو الدولار بكام النهاردة عشان عايز أغير 50 سنت الي حيلتي mfb:

[الأفوكاتو]

معلش يا أستاذ محمود

لا شك أنك تقصد الأستاذ محمد.

لأنى لم أشترك فى الموضوع.

تحياتى.

[Alshiekh]

معلش يا أستاذ محمود حقك عليا أنا ، صحيح  هو الدولار بكام النهاردة عشان عايز أغير 50 سنت الي حيلتي  mfb:

<{POST_SNAPBACK}>

أولا إسمى محمد Mohammad مش محمود

ولاأعتقد انك قصدت الاستاذ محمود

ثانيا الدولار عندنا بدولار برضه

وكيس العيش اللى على اده ب 3 دولار ، والخيارية اللى بيخرطوها للفراخ بـ نص دولار ، ورطل الكوسة بـ 2 دولار ، ورطل الطماطم من 2 الى 3 دولار ، ورطل التفاح من1 الى 1.5 دولار ، والكهرباء فى الشهر بـ 100 - 150 دولار لو ماعندكش استهلاك ، والماء 30 دولار لو عايش لوحدك وبتستخدم الحمام مرة واحدة كل يوم والشهر اللى فيه مطر زيادة بتزيد عليك فاتورة الياه لانها بتشمل المجارى والصرف الصحى ، والتليفون 60 دولار ، والموبايل اقل حاجة 60 دولار ، واتقدرش تقول مش عايز موبايل ، لانك لو تعطلت فى الطريق او حدث لك حادث ماحدش حايقف لك يقول فيه ايه ، وضريبة المبيعات 9% على كل حاجة بتشتريها حتى لو كان سندويتش برجر ، ولو متجوز ماتقدرش تفتح بيت لوحدك ، لازم المدام تشتغل ، ولازم يكون عندكوا عربيتين والا حاتضطر تنزل قبل موعد العمل بساعتين او ثلاثة وتبحث لك عن عمل صباحى لان مش حاتلاقى اتوبيس بعد الساعة 5 ، وحاتدفع بنزين لكل عربية مايقلش عن 200 دولار فى الشهر، فال 50 سنت اللى بتسأل عليهم حايتغيروا برضه بـ 50 سنت ، وحاتضطر تقف فى اى تقاطع معاك يافطة مكتوب عليها ساعدونى كى اشتر الغذاء او العشاء.

ياترى لسه عايز تغير ال 50 سنت بتوعك والا تشيلهم لوقت زنقة؟ :blink: :D

[Diab]

صح يا جماعة أنا كان قصدي الأستاذ محمد معلش العنب ع الجزر قصدي العتب ع النظر أنا عارف النضارة دي حتعمل معايا مواقف بااااااااااايخة

[se_ Elsyed]

. الحاجة التانية هو ليه منعملش زي دول جنوب شرق أسيا قبل ما يسافروا بفترة للحج أو العمل نعمل لهم حاجة كده زي دروس تقوية في المدارس( زي محو الأمية يعني )تكون أجباري مرة واحدة فقط  وتعطي شهادة أن فلان مؤهل لعمل الحج أو العمرة ... ده أقتراح و أكيد في أفكار تانية

<{POST_SNAPBACK}>

مرحباً بك يا رفيق نوبي زميلاً عزيزاً مقداماً هصوراً .. إلخ mfb:

أُحييك على هذا الإقتراح الإيجابي الذي إنبح صوتنا للمطالبة بتنفيذه .. واللي أنا متأكد إن معظم المصريين اللي جايين يحجوا أو يعملوا عُمره ما بيبقوش عارفين المناسك ولا يعملوا إيه ولا يروحوا فين ولا ييجوا منين وذلك يعود لثقافتهم المحدودة وللسن أيضاً ... وده مش عيب أو نقيصة لديهم .. ولكن دي مسئولية الحكومة اللي بتطرقع تأشيرات وخلاص وما يهمهاش بقى الناس دي هاتعمل إيه ولا هاتسافر إزاي .. دول حتى يا مؤمن بيتلطعوا بالأيام والأسابيع في المواني المصرية ولا كإنهم عمال تراحيل من اللي رايحين يحفروا القنال ...

على فكرة .. أنا محضر لك مفاجأة هاتعجبك ... بس إستأنى عليه شويه

ربنا يستر من مفاجأتك يا سين سين

[مصرى00]

السلام عليكم

ايه ياشباب

الكل شادد السلخ ليه

احنا مصريين برضة

المشكلة ياشباب ان شركات الحج والعمرة همها تحقيق اكبر عائد من الحجاج والمعتمرين

المفروض من هذه الشركات ان ترسل مع الافواج من يقوم على خدمتهم وتوعيتهم

لازم يكون هناك مسؤول بكل جروب (فوج) زى ماحنا بنشوف فى مجموعات شرق آسيا

تلاقى هناك نظام وذكل رأيته للأتراك والإيرانيين لدرجة انك تجد ان كل شخص معاه شنطة

للحذاء مكتوب عليها شعار وإسم الشركة والنساء لكل واحده طرحة ايضأ بنفس الشعار

والله انا بفرح وكمان تلاقيهم فى الطواف او السعى مجمتمعين على واحد يدعو الباقى يردد

طبعاً ده مخالف للسنة ولكن تحس بلم الشمل

اعتقد لو الشركات كلف خاطرها وأرسلت مندوب لكان أمكن السيطرة وصحح الخطأ

وعموماً عملية التسول دى موجودة من كل الجنسيات واعتقد انها خفت الاعوام الاخيرة

السنة دى تقريباً الغالبية كانت من باكستان

ولانملك سوى حث الشركات على توفير من يقوم بشؤون الحجاج والمعتمرين ولا يكون

آخر العهد بها عند تسليم الجواز كما هو حاصل

دى مهمه لابد ان تكون لوجه الله قبل ان يكون الهدف منها هو المكسب

وسلام

[الرافعي]

في الحقيقة يا جماعة إن المظاهر التي حكى عنها الأخوة الأفاضل وزيادة عنها تحدث فعلاً ، ونحن بحكم إقامتنا في جدة لمدة ثلاث سنوات كنا نرى كثير من هذه المشاهد ونتأثر بها ونغضب أحياناً ونرثى أحياناً أخرى ونتأسف على الحال الذي وصل إليه أهلنا وأحباؤنا..

وفي الحقيقة ، يجب ألا ننسى أن السلوكيات الخاطئة تحدث من كل الشعوب ، فمثل هذا التجمع في مكان محدود وفي فترة زمنية محددة تدفع بالناس (بلا استثناء) لاختبار حقيقي للصبر وحسن الخلق والسلوك، وفي هذه الظروف كثيراً ما يخرج الناس عن حدود الوقار العادي (بحسب مستوى تعليمهم وثقافتهم) ، وذلك مع الزحام والضغط ، وهذا ليس بجديد فمع قلة العدد بنسبة هائلة في أيام الفاروق عمر بن الخطاب رضي الله عنه وأثناء طواف جبلة بن الأيهم وكان سيد قومه حدث أن داس أحد المسلمين من العامة على طرف إزاره فأسقطه فاستشاط جبلة غضباً فلطم الرجل لطمة قوية فأصابه إصابً شديدة (على ما أذكر أنه أصابه بعاهة) ، وهرب إلى بلاد الشام وتنصر !!

خروج المسلم عن السلوك القويم في هذه الظروف ليس حكراً على فئة دون فئة ولا مجتمع دون آخر، فهذه التصرفات شاهدناها جميعاً تصدر من الجميع، لكن ما لا يغتفر هو ما ذكره بعض الزملاء الأعزاء عن عدم الاهتمام بالنظافة أو الاختلاط في الحرم والنوم في غير الأماكن المخصصة وتكشف العورات .. إلخ .. فهذا كله حقيقي وإن كان يصدرعن جنسيات كثيرة، لكن العبرة يا سادة بضرورة التوعية ، لكن من سيقوم بالتوعية .. أهي الجهات الحكومية في مصر قبل سفر المعتمرين أو الحجيج ؟؟ ممكن لكن ليس ذلك هو الأساس وفي الغالب لن يكون هناك اهتمام كافي بذلك، لكن حتى نكون أناس عمليين يجب أن نستشعر المسئولية فنقوم بالنصح والتوجيه للناس البسطاء الذين تصدر عنهم تلك التصرفات عن جهل (يعني عن غير تعمد للإساءة)، فمن رأى منا ذلك فليقم بأسلوب مهذب ولطيف وودود ويناسب الموقف بتوجيه من نرى منه السلبية، وقد نصد أو نحرج لكن أكيد سيستجيب الكثير، وقبل ذلك أي قبل سفر هؤلاء، يجب على الحملات التي تنظم تلك الرحلات أن تهتهم بالتوعية بأهمية النظافة والترفع عن الهبوط وتعليمهم أن مثل هذه التصرفات والانفعالات من شأنها إفساد الشعائر التي تكبدوا المشقة والمال لأدائها فيعودوا بغضب الله بدلاً من رضاه وسخطه عوضاً عن مغفرته. ويجب أن تتم محاسبة الحملات التي تقصر في واجبها تجاه المعتمرين أو الحجيج التابعين لها حتى تضطرهم لتسول وجبة أو التدافع على الماء .. إلخ وذلك انشغالاً بما يدر عليهم أكبر قدر من الربح، ولو كان في كل حملة بعض الإيجابيين متحملي المسئولية لأمكن لهم دفع القائمين على الحملات على الاهتمام والإنفاق وتقليل السلبيات طالما أحسوا أن هناك من (يزنّ) وراءهم، لكن المشكلة أن الأغلبية لا ترغب في الصداع فلا تخوض معركة من أجل غيرها، وهي تتناسى أنهم إن أخذوا على يد من بأسفل منهم لنجوا ونجوا جميعاً (حديث السفينة ومن أرادوا توفير الوقت والتعب وخرقوا في باطن السفينة خرقاً) ...

المهم ..

هناك واجبات كثيرة على جهات كثيرة للتوعية وإعادة بث الذوقيات مرة أخرى ، فقد أدت السنوات الخمسون العجاف الماضية إلى ظاهرة عامة من سوء الخلق ، والرغبة في الحصول على كل ما هو مجاني، وأدى التفاوت الرهيب في الثروة والمستويات الاجتماعية إلى رغبة دفينة عند كثير من الناس (على اختلاف مستوياتهم) في اقتناص أي شيء ويا حبذا لو لم يكن من حقهم، هذا فضلاً عن (أبو بلاش كتر منه)..

الخلاصة

يجب أن نستشعر المسئولية -كلٌ فيما يخصه وفيما يقدر عليه- حتى نعمل على إصلاح النسيج الأخلاقي الذي أفسدته معاول الهدم المستمرة وإشغال الناس بلقمة العيش حتى استحالت الحياة إلى حرب يومية مستعرة، كان من أول ضحاياها ما تكلمنا عنه من أخلاقيات وذوقيات هي في الحقيقة من الصفات الأساسية للمصريين، وذلك بدلاً من التندر بأفعال مسيئة وتصويرها ونشرها تأففاً فنسيء لأنفسنا بذلك أكثر مما أساء من فعلها بالأساس.

رفقاً ببسطائنا، ولكن في الوقت نفسه المسئولية كبيرة، وليتعاون الجميع على إعادة بناء العقد الأخلاقي لهذه الأمة.

والله يحفظ الجميع

تم تعديل 26 نوفمبر 2005 بواسطة حلاوة العنتبلي

[Diab]

أنا منتظر المفاجأة يا س س

أستاذ حلاوة رأيك في محله الذوق عندنا أصبح صفر و أحيانا بالسالب

طب هقولك علي موقف و أنا راجع في الباخرة من العمرة وقاعد في الكافيتريا باكل موز وبرتقال أخذت كيس قدامي وحطيت في القشر عشان أرميه بعد ما أخلص

يجي واحد بمنتهي البروووووووووود بيطفي السجاير في الكيس و أنا مش واخد بالي و-وباصص لفوق بينفخ الدخان ولا كأنه عمل حاجة . طب ده أعمل فيه

يوووووووه ده حاجة من ألف حاجة قابلتها خلال الرحلة اللي بدل ما الواحد يبقي مشغول بالذكر والدعاء عمال يكلم ده ويناهد ده

ينفع كده

تم تعديل 26 نوفمبر 2005 بواسطة nubian_eng