قال حبيبك

[daktara]

قال حبيبك

قال حبيبك … قلت شايف

قال نصيبك … قلت زايف

قال لى قلبك لسّه خايف

لسّه خايف م الهوى؟

لما مدّت إيدها لىَّ

شلت إيدى وقلت لأْ

وامّا جَت عينها ف عينىَّ

قلبى ما استحملشى دَق

وامّا ضحكت لى الصّبيّه

قلت عندك ألف حق

إلاّ سلطان الهوى

دى الحياه من غير حبيب

زىّ نار من غير لهيب

زىّ ليل بدّد نهارُه

كلّ ما يطلع يغيب

زىّ نجمه فى الضّحى

زىّ ورده مجرّحه

زىّ غنوه مروّحه

فوق شفايف العندليب

آه يا عينى ع الهوى

قال لى صاب سهم الحبيب

قلت له قسمه ونصيب

قال لى قلبك … قلت رَق

قال لى خايف … قلت لأْ

قال لى تبقى هويت بحق

قلت عطشان وارتوى

***

[shahd]

رقة وسلاسة وتمكن فعلا مبدع سلمت اناملك :angry2:

[daktara]

الاخت شهد

معقوله يالسرعه دى دا لسه الحبر ما جفش

ربنا يخليكى واشكرك على ردك الجميل

تحياتى

[هشام الجنيدى]

ياااااااااااااااااااااااااااه على الغياااااااااب

حمد الله على السلامه يا دكترا

وحشتنا ابداعاتك

بس عارف

الاغنيه دى احلى اطلاله بعد طول غياب بجد رائع وسلس وجميل التشبيه زى عادتك

احلى جزء عجبنى قوى ونخشش فى الدماغ وقلت بعدها عظمه على عظمه يا دكترا

(دى الحياه من غير حبيب

زىّ نار من غير لهيب

زىّ ليل بدّد نهارُه

كلّ ما يطلع يغيب

زىّ نجمه فى الضّحى

زىّ ورده مجرّحه

زىّ غنوه مروّحه

فوق شفايف العندليب)

بجد اكتر من ممتاز

متبقاش تغيب قوى كده :angry2:

وشكراااااااااااااا............. :angry:

[daktara]

حبيبى هشام

انت فين وحشتنى ووحشنى كلامك الجميل

ولا اقول لك انا اللى فين

[لولا]

إن قلت رائع فالوصف حقا قليل .. قلم شخص متميز حتما هذا الذى يأخذنا لقاع

السرحان فى عمق أغنية جميلة جدا ظننتنى لوهله سمعتها بصوت ورده ..ولوهلة اخرى بصوت حليم

وكأنك كتبتها على ورقة وأرسلتها من ذاك الزمن الجميل الراقى جدا فى فنه وابداعاته.

كم جميل لو زينت هذه الساحة كل حين بورود تنثرها علينا كهذه ..وكم جميل لو لم تطل الغيبه

لم اتشرف بمعرفتك سابقا لسوء حظى الذى عرفنى بالمحاورات متأخرا جدا ففوت الكثيييييييييير.

وبما ان اليوم عيد ميلادك ..

دمت بألف خير وكل خير وعيد ميلاد سعيد مليئ بالسعاده وراحة البال والهناء.

حقق الله لك ان شاء الله كل أحلامك سيدى الفاضل .

تحياتى .

لولا

[bentmasria]

كل سنة وانت طيب يا دكترة يا غايب

طولت الغياب ورجعت باجمل الحروف

العشق وحروفه التى تطارد جنبات الروح لتهبنا منك ومن موهبتك المتميزة هذه الابداعات الرائعة

وهنا حيث تقول

قال لى قلبك … قلت رَق

قال لى خايف … قلت لأْ

قال لى تبقى هويت بحق

قلت عطشان وارتوى

عندما لا تظلل مشاعرنا نفرات الخوف ونحيا بإطمئنان حينها فقط نكون قد اختبرنا ماهو حقيقى ونادر ورائع

الحب سيدى

مرحى بحروفك واغنياتك ونرجوك حقا الا تحرمنا من وجودك الرائع فى هذه الساحة

دمت بكل خير وسعادة

البنت المصرية

[shahd]

دكترة كل سنة وحضرتك طيب ومنورنا

[dr gml]

قال حبيبك

قال حبيبك … قلت شايف

قال نصيبك … قلت زايف

قال لى قلبك لسّه خايف

لسّه خايف م الهوى؟

لما مدّت إيدها لىَّ

شلت إيدى وقلت لأْ

وامّا جَت عينها ف عينىَّ

قلبى ما استحملشى دَق

وامّا ضحكت لى الصّبيّه

قلت عندك ألف حق

إلاّ سلطان الهوى

دى الحياه من غير حبيب

زىّ نار من غير لهيب

زىّ ليل بدّد نهارُه

كلّ ما يطلع يغيب

زىّ نجمه فى الضّحى

زىّ ورده مجرّحه

زىّ غنوه مروّحه

فوق شفايف العندليب

آه يا عينى ع الهوى

قال لى صاب سهم الحبيب

قلت له قسمه ونصيب

قال لى قلبك … قلت رَق

قال لى خايف … قلت لأْ

قال لى تبقى هويت بحق

قلت عطشان وارتوى

***

تسلسل رائع

وترابط بديع

كل حلقة اجمل من سابقتها

حتى تصل بنا الى القناعة والاطمئنان

والارتواء

دمت مبدعا

وكل عام وحضرتك بالف خير

جمال

[daktara]

حبايبى وحشتونى

[سهران]

حلوة فعلا ... تسلم إيديك

و حمداً لله على السلامة  :)