نكت خفيفة

[ELSHARIF]

واحد قتل حماته، الظابط بيسأله اسمك ايه؟ قاله: اكتب فاعل خير

واحدة عاوزة زوجها يحبها من اول ليله قالته : اسكت .. مش انا حامل

واحد بلدياتنا حب يشرب سيجارة حطها ف كباية

بلدياتنا حب يوصل بلده بسرعة ركب القطر وقعد يجرى فيه

بلدياتنا قتل مراته عشان رضيت تمسك إيده

مأذون مش لاقي شغلانة طلق مراته

مهندس كهربا شاف سلك عريان .. اتكسف منه

ولد صغير بيقول لـ مامته .. بتضربينى ليه يا ماما .. هو انا بابا

مره واحد حط حجر للراديو المذيع اتصطل

مره واحد بلديتنا وقع من عاشر دور قام ينفض هدومه

واحد راح لحلاق بقوله انا جاى اخد دقنى قالوه ليه هو انت نسيتها هنا

مره واحد بلديتنا اتغاظ من مراته ولع فى نفسه وحضنها

بلديتنا راح ينشر خبر فى الاهرام ملقاش حبل

واحد راح يسوى معاشه لقى الفرن قافل

مصوراتى طلع له عفريت .. حمضه

طبيب نفسى اشترى ساعة سيكو عالجها بالصدمات

مرة دكتور تحليل امه ماتت قال تحاليلي ياما

مرة جاموسة جلها جفاف جابت لبن بودرة

كهربائى تجوز وحدة اسمها نجفة، كل مايبوسها يقف ع لوح خشب

(مرة واحد فرعونى حب واحدة فرعونية قال لها: (آمون فيكي

نجار مراته تغسل الغسيل، وهو ينشره

بلدياتنا نزل البحر و كان فية سحب جامد .... كسب تلاجة

بلدياتنا فتحوا محل بيتزا .. سموه بيتزا هعععععععععععع

سباك راح فرح حلف ماحد ينقط

دكتور محشش ضحى بالأم و الجنين عشان العمليه تنجح

محشش قالوا له قول لنا طير بحرف الكاف، قالهم كنتاكي

فرخة استحمت بهد اند شولدر باضت بيضة من غير قشرة

سمّاك ابنه مات قعد يعيط فى الجنازة بيقول كان صاحى وبيلعب

مرة واحد كهربائي أبوه مات، لفو في شطارطون و دفنه في الحيطة

مره واحد خياط اشتغل سواق تاكسى بقى ينزل الزبائن ويركب زراير

اغبيا عملوا مظاهره عشان يصلو الجمعه يوم التلات

واحد رخم نزل الشارع وقف قدام عمود ... قالوه عديني

مرة كهربائى اتجوز كهربية خلفوا ولد سموه لمبة و علقوه

غبى لقى أتوبيس مكتوب عليه السيدة زينب - قلع الجزمة و ركب

لمونة لونها اصفر، ليه ؟ .. ما بتاكولش يا عيني

مره واحد مقاول دماغه صدعت جابلها قرار إزالة

في دكتور عيون شاف اشارة المرور حمراء نزل حط لها قطرة

واحد رخم أوي دخل غرفة دردشة عمل على الناس كلها (إجنور)ـ

واحد كمسري بيقول لابنه : ان "تذاااااااكـــــــــــــــر" ... تنجح

بلديتنا رجع من السفر لقى الشقة مليانه صراصير.. غير قفل الباب

ظابط مرور لقى شقته ديقه عملها إتجاه واحد

لعيب كورة .. شاط ريحته طلعت

سعاتى بيصلح ساعه العقارب قرصته

بلدينا داخل عند حلوانى قاله عندك جاتو قاله اه قاله هاتلى قفصين

مره واحد عداه العيب استنى العيب اللى بعده

مرة واحد فكهانى راح فرح رقص عشرة بلدى وعشرة ابو صرة

===========================

مع تمنياتي للجميع ببعض الإبتسام

الشريف

[صفاء]

حلوين ومحتاجينهم نغير دور التكد اللى عايشين فيه ده

كمااااااااااااااااااااون B) " بالصعيدى"

[Dr.Diaa]

مرة واحد زعيم "أوحد" بيخطب ، قام واحد رفع إيده و قال : يا ريس أنا عايز أبقى ريس زيك...

الزعيم إتنرفز جدا و قال له: إنت حمار ياله؟

الراجل قاله : ليه يا ريس، هو شرط؟؟؟ B)

[se_ Elsyed]

واحد بلديتانا من البُخلاء ( تووووووووت - الصوت إتقطع - ... إمشي يا عفريت مش هأقول هما مين عشان دول نسايبي ) ماشي هو وإبنه ورا جنازة فمرات الراجل المتوفي عماله تعدد وتقول " يا حبيبي ... يا جملي .. واخدينك ورايحين على فين ؟ .. انا عارفه واخدينك على مكان من غير فرش ولا غطا ولا أكل ولا شُرب ) فالواد رايح قايل لأبوه : بابا بابا .. إلحق دول واخدين الميت على بيتنا .

------

- النكت دي قديمة بس حلوه :

- واحد موظف حكومي تعبان ماشي مع واحده صاحبه تعبان زيه برضوا : وعمال يشتكي لصاحبه من العيش والعيشة واللي عايشينها وإزاي إن اللحمة غليت والمواصلات غليت والعيش غلي .. فمعديين جنب مدرسة فسمعوا الأستاذ بيسأل ولد وبيقول له : 7 * 7 بكام يا ولد ؟ فالواد قاله : بـ 60 يا استاذ .. فقال له صح أقعد .. راح الموظف الكحيتي قال لصاحبه : إتفضل يا عم أهي ده لسه لحد إمبارح كانت بـ 49 مش قولت لك الدُنيا ولعت .

-------

- واحد بلدياتي برضوا من نفس العينة اللي فوق دي .. إبنه نجح في الإعدادية فراح إشترى له كوره وقال له : إتفضل يا عم أدي هدي نجاحك أهي... ولو إتجدعنت السنة الجاية هانفخهالك .

- بيسألوا واحد بلدياتي قريب الناس اللي فوق دول وبيقولوا له : لو الدنيا كانت برد لدرجة التجمد وإنت قاعد في البيت جنب الدفاية تعمل إيه . قال له بسيطة أقرب من الدفاية .. فسأله طب لو نزلت تلج بقى وبقت تحت الصفر ؟ : قال له ألزق في الدفاية .. فسأله : طب لو خلاص بقى حسيت إن جسمك بقى زي الفرخة المُجمدة تعمل إيه ؟ قال له ما بدهاش بقى .. فطالما هاموت هاروح قايم ومشغل الدفاية ...

[Reham]

ايه يابشوات

مالكم بالبلديات....بقيييييييييييييييييييي

ده حتي عيب والله ......لاني منهم

عموما النكت جميييييييييييييله مع انني عارفه منهم شويه بس بجد ضحكت بنفس وانا اللي بقالي شويه كتيره ماضحكتش بنفس :D

هي فيها ايه الدنيا عشان نضحك :D

الحمد لله علي كل حال :rolleyes:

بس عايزه المزيد من النكت اللذيذه وابعدوا عن البلديات....لوسمحتم :D

لحسن انتوا ماشفتوش العرق الصعيدي لما بيطق

ربنا مايوري حد B)

مع تحياتي

تم تعديل 27 نوفمبر 2005 بواسطة Reham

[ELSHARIF]

الحلقة الثاتية

========

بياع جرايد ابوه مات مشى فى الجنازة ة يقول اقرا الفاتحة .

كمساري أبوة مات ماشى في الجنازة يقول يا حضرات الجنازة فاضية قدام

مره واحد بلد ( بكسر الباء) مد ايدة في مية النار اختفت مد راسه يدور عليها

جماعة مساطيل بيتفرجوا على الاخبار .... فنشرة الاخبار طولت فراح الاولانى

قال للتانى :هى ليه نشرة الاخبار طولت النهارد كدة؟

فراح التانى رد علية وقال معلش اصل شكلها كدة النهاردة اخر حلقة

مرة حلاق و ابنه بيتفرجوا على متش كورة فقال المذيع : وشطها بمشط

رجله وجت فى المقص فقال ابن الحلاق : بابا دول بيلعبوا فى العدة

مرة واحد عجلاتى قعد على قهوة طلب كاوتشينو

إتنين سكرانين واحد بيقول للتاني ليه القطر(القطار) مهم قاله عشان تحتيه خطين

مره واحد عمله ايمل دوت كوم للشتاء ونص كوم للصيف

-----------------------------------

الشريف

[Reham]

الحلقه الثالثة... :D :D

وشويه كمان من عندي وان شالله ماحد حوش

صعيدي :rolleyes: اتخنق من النكت اللي طلعت عالصعايده راح مسك النكت كلها وحطها في كيس ورماها في البحر ....

السمك طلع ميت من الضحك......

واحد بلدياتنا B) واقف قدامه خمس شياطين ...ليييييييييييييه؟

واحد يوسوس له واربعه يفهموه.....

واحد هندي بيسال واحد صعيدي وبيقوله انتوا ليه مش احرق ميت؟

رد عليه الصعيدي وقال:احنا هنا ندفن وبعدين ربنا يحرق.....

محشش شاف امه بتتحرق قالها منوره ياحاجه....

محشش قبضت عليه الشرطه وقالت له اركب معانا قالها متشكر اوي البيت هنا قريب :D ......

واحده اتأخر عليها جوزها فاقالت لأمها خايفه يكون اتجوز عليا ردت عليها الام وقالت اتفائلي خير يمكن يكون عمل حادثه :wub: .....

واحد من اياهم فتح التليفزيون لقي ورده بتغني وتقول بتونس بيك...قالها في جهنم ...قالت وانت معايا :D

واحد غبي داخل السيما لقي مكتوب ممنوع لأقل من18 راح ورجع ب17 واحد......

كلب متشرد شاف كلب بوليسي قال: ياريتني كملت تعليمي......

بلدياتنا قتل ابنه سألوه ليه؟قالهم عصفور في الجنه ولا حمار الارض :D.....

وبسسسسسسسسسسسسسس

كفايه عليكوا كده

تم تعديل 27 نوفمبر 2005 بواسطة Reham

[صفاء]

كان في شامي و حلبي وحمصي

قال الشامي بفخر أجرينا حفريات حول قلعة دمشق لعمق حوالى ألف متر لقينا آثار بتشبه الأسلاك وهادا دليل إنو أجدادنا

الشوام كانو يستعملو ا التليفون من ألف سنة؟؟

جه الحلبي قال ياسيدي نحنا لقينا هالأسلاك حول قلعة حلب على عمق ألف وخمسمية متر وهادا أكبر دليل إنو الحلبيين كانو يستعملو التليفون قبل الشوام بكتير؟؟

إجى الحمصي قال يا شباب نحنا حفرنا ألفين متر وأكتر منهيك و مالاقينا هالأسلاك وهادا دليل قوي إنو الحماصنة كانو عم يستعملو الخلوي(الجوال) من أكتر من ألفين سنة؟؟؟؟!!!!!!!!

وحده بتقول لصاحبها الحمصي أهلي مسافرين وما في حدا غيري بالبيت بكرا قال لها: لا تخافي إقرئي قرآن

4 حماصنة راحو أمريكا ليتعلموا كيف يصيرو مافيا..

وبعد 5 سنين من التدريب المتواصل,رجعوا الى سوريا وقرروا يسطوا على احد البنوك في الشام ..

وبعد ما هجموا على احد البنوك , قال المدير بشرفي إنكم حماصنة , قالولو شلون عرفت ؟

قال: مافي غير الحماصنة بيسطوا على بنك دم يا حماصنة !!!

قال في واحد قال لواحد حمصي هل تعلم أن الأرض عبارة عن كرة ، فقال الحمصي كيف هيك وما منوقع من عليها ، أجابه بسبب قانون الجاذبية الأرضية فقال الحمصي الله يخليلنا سيادة الرئيس على هالقوانين اللي بطلعلنا ياها

مع الاعتذار للحماصنة ... اجدع ناس :rolleyes:

[ELSHARIF]

الحلقة الرابعة

========

> مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة الماتش النهائي

> صيدلي اتجوز صيدلانية ... خلفوا تركبية .. بدل ما يهشتكوها .. كانوا بيرجوها

> واحد بلديتنا حب يعمل ارهابى .. خطف ابنه . محدش سأل عليه قتله

> واحد أعمى فتّح ... من الفرحة اتشل

> مره واحد صعيدى حلم انه بيحفر فى بير غويييييط .. صحى لقى ايده فى مناخيره

> واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...

وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...

وبعد ساعة رجع له تانى وسأله اللواء "فريد" جه؟ قال له لسه ما جاش...

وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك

> واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت

> مره واحد بيقول لواحد صاحبه: اسكت مش انا حماتى ماتت امبارح... قاله لا حول ولا قوة إلا بالله ... ماتت ازاى الست دى؟

قاله وانا واقف معاها فى البلكونه وقعت من الدور الخامس... قاله لا حول ولا قوة إلا بالله يا رب دى موته وحشه أوى...

قاله لأ.. ماهى ماوقعتش على الارض... قاله امال ماتت ازاى؟

قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...

قاله لأ يا عم.. ماهى الكهرباء كانت مقطوعه... قاله امال ماتت ازاى بس؟

قاله اصل السلك نطرها في حمام السباحه... قاله لا اله الا الله ماتت غرقانه...

قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟

قاله ما انا لما ما لقيتش فايدة رحت خانقها بالإيشارب

> مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

-----------------------

الشريف

[ELSHARIF]

الحلقة الخامسة

=============

مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

> جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

> واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة

> ابو العربى قابل مذيعة قالت له انا سمعت كتير عن بطولاتك فى الحرب...

قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

-لو انت فى الحرب وطلع عليك دبابتين ومعاك قنبلتين هتعمل ايه؟

-قالها: هادخل عليهم وأفجرهم

-طيب لو خمسه؟؟؟؟؟؟

قالها: هادخل عليهم بالسلاح الأبيض

-طيب لو اربع دبابات... و عشر عساكر... وطيارتين؟

قالها جرى ايه يا وليه هو مفيش حد بيحارب غيرى وللا إيه؟؟؟

> واحد سنانه كلها طايرة ما عدا الانياب... قدم علي وظيفة عينوه خرامة

> صعيدي وقفت علي وشه دبانة... بيهشها... قالت له حتي انت يا معفن!!!!!

> واحد صعيدي نزل يتمشي.. جابوه من ع الحدود

> واحد اسود اتجوز واحدة سودة زيه.. جابوا ولد ابيض.. سموه مش ممكن

> فرخة اتجوزت فيل... جابوا تشيكن فيليه

> مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب

> صعيدي اشتري كمبيوتر... شال ال ماوس وحط جاموسة

> واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟

> بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!

قاله متأكد انك بتطلع المعلقة من الكوباية بعد ما تقلب؟؟

================

الشريف

تم تعديل 29 نوفمبر 2005 بواسطة ELSHARIF

[ELSHARIF]

الإخوة الأعزاء

شكراً لمروركم

و أرجو أن أكون قد نجحت في إقتناص بعض من إبتساماتكم وسط هذا الكم الهائل من الإحباطات المحيطة

و أخص بالشكر الأخت صفاء و الأخت ريهام لتفاعلهم الإيجابي الطريف

و في إنتظار المزيد من الإبتسامات من الجميع :P :D :D :P :D

الشريف

[صفاء]

[ALIGN=center]واحد سنانه كلها طايرة ما عدا الانياب... قدم علي وظيفة عينوه خرامة

هههههههههههههههههههههههههههه

تجنن بصراحة ..

تم تعديل 30 نوفمبر 2005 بواسطة se_ Elsyed

[ELSHARIF]

الحلقة السادسة

===========

•اتنين مسلمين محمد و ابراهيم تاهين فى الصحرا وجعانين

فجاه لقو كنيسه

ابراهيم قال لمحمد انا هاقول لهم انى اسمى جرجس

ومحمد قال له لا يا عم .. انا هاقول اسمى محمد

فسالهم القسيس عن الاسم

فقال ابراهيم اسمى جرجس ومحمد قال اسمى محمد

فقال القسيس احضرو الطعام لمحمد

وقولو لجرجس نحنو اليوم صائمون

•واحد أخنف حظه وحش قوي

وقع في حفره

و فضل مستني لغاية ماواحد جه

و على حظه كان أخنف برضه

الأخنف اللي فوق قال ... استنى شوية .. حاطنّنعك دنوأتي

قاله نببنا يخننيك بسنعة .. قال له

و كمان بتتنيأ ؟؟؟

طب شوف مين حيطننعكّ

•مرة اثنين عندهم كلاب صيد

صاحب الكلب الاول أول ما يضرب طلقة من البندقية

يجرى الكلب ويروح يجيب الفريسة

والثانى أول ما يضرب الطلقة كلبه يكّش

فنصحة صاحبة انه يروح أفراح في الارياف، فالكلب هيتعود على صوت الرصاص

راح الارياف وفضل يحضر فى افراح لمدة 6 شهور

وبعدين رجع يصطاد، راح ضارب طلقة من البندقية

راح الكلب وقف على رجله وقعد يزغرط

•واحد سكران كان بيعاكس وحدة وحشة اوي بالليل

فكان بيقول لها يا وحشة يا وحشة

راحت ملتفتة ليه وقالت له يا سكران

راح قايل لها طب انا سكران حفوق بكرة .. وانتي

•دكتور بيعمل عملية في مخ مريض وطلّع المخ وحطة في الصينية جنبه

وشغال في الـجـمـجـمـة شوية ودخلت قطة وكلت المخ

الدكتور احتار ملقاش غير جوز الجزمة حطها في الجـمـجـمـة وقفل

وبعد كام سنة ساله واحد زميلة بيقول له اخبار مريضك بتاع الجزمة ايه ؟؟

رد علية وقال له عقبال املتك دا بقي الوزير بتاعنا

•واحد كسلان اتحكم عليه بالإعدام بدفنه في حفره

فقالوا له نفسك في أيه قبل الموت

قال نفسي أشرب قالوا له قوم أشرب

قال لسه حقوم اردم ياجدع

•واحده ست مسكت حرامى فى المطبخ

فقالت لابنها روح إنده ابوك من على القهوة

جه ابوه، ولما فتح المطبخ لقي الحرامي صغيّر فقال له انت اسمك ايه؟

قالوا كريم ،فقعد يضرب فيه لحد ما عجنه

تاني يوم الست بتفتح باب المطبخ لقيت حرامي

قالت لابنها روح يا وله نادي ابوك من على القهوة

جه الراجل ولما دخل المطبخ لقي واحد طول بعرض

بص لمراته وقال لها امال فين كريم ؟

•عيلين صغيرين ماشيين

فالشارع لقوا قطة فالاول قال للتاني انا هاخد القطة دي اربيها

التاني قالوه ماينفعش كدة تجيبلك امراض اغسلها الاول

تاني يوم جه الولد بيعيط

وبيقول لصاحبه القطة ماتت وانت السبب انت ال قولتلي اغسلها

صاحبه قاله ماتت وانت بتغسلها

قاله لاماتت ونا بعصرها

•اثنين اغبياء فى طياره معديه الاول قال انها طياره الرئيس

فقال الثانى انها مش طياره الرئيس

الاول والله دى طياره الرئيس

الثانى لا مش طياره الرئيس

فاتفقو اى حد معدى يسالوه فعدى واحد فسألوه دى طياره الرئيس

فقالهم يا اغبياء طياره الرئيس بيمشى وراها موتوسكلات

----------------------------

الشريف :angry2:

[سقراط المصري]

الحلقة السادسة

===========

----------------------------

الشريف 

كلها نكت جديده لانج............. شكرا لك

:angry2: :angry2: :D :) :) :D

سقراط

[ELSHARIF]

كلها نكت جديده لانج............. شكرا لك

:angry2:  :D  :)  :)  :D  :D

سقراط

<{POST_SNAPBACK}>

الأخ سقراط : شكراً لمرورك و كان بودنّا أن نسعد بإضافتك لهذه الباقة و كذا الإخوة القراء

تحياتي و تمنياتي بدوام الإبتسام :angry2:

[Abofady]

الله يكرمك يا شيخ زى ما كرمتنا بالنكت الحلوة دى . عموما انت ظريف ودمك خفيف . وربنا ما يحرمنا من ظرفك ولطفك .شكرا لك

[ELSHARIF]

شكراً لمجاملتك الرقيقة أخي أبو فادي Abofady

و نرجو أن نسعد بمشاركاتك دائماً

الشريف

[Reham]

وشويه كمان من عندي

واحد اتجوز واحدة اسمها نعمة باسها وش و دهر

¨ مدير مدرسه عمل فرح وزع على المعازيم أرقام جلوس

¨ فيه واحد شحات راح لواحد عجلاتي قال له أعطني

مما أعطاك الله قال له العجلاتي خد لك لفة

¨ كان فى واحد شكله وحش قوى قوى قوى عايز يتجوز فراح و

اتقدم لواحده فبيقول لابوها: انا يا عمى و بلا فخر عملت نفسى

بنفسى قاله : ما انا برده بقول استحاله تكون خلقة ربنا

¨ مذيعة قابلت اثنين مساطيل سالت الاول ايه رايك في مصر قالها

مصر دي امي سالت التاني وانت ايه رايك قال:مااقدرش اتكلم علي ام صاحبي

صعيدي جالة توأم حلف علىالدكتورياخذواحدمنهم !

واحد نذل افتتح مدرسة للايتام ليش؟ عشان يقهرهم كل يوم يطلب اجتماع اولياء الامور

مره واحد صعيدي غرق ! ليييييييييه ؟؟؟؟ لأن في واحد خرمله المايوه

واحد حب يعمل مفاجأه لمراتوا يوم عيد ميلادها طلقها !

ما هو وجه الشبه ما بين المراه وشفرات الحلاقة جيليت؟؟؟ الجواب: هو ما يستحقه الرجال...

مره في واحد أكل جوز هند .... هند كلت مراته ! .

ولد يسأل أمه ليه جارنا يجيب لنا كل شي ؟ قالت له : لو أتكلت على أبوك حتى أنت ماجيت !

فيه ولد صغير لسه بادي يتكلم ,, أول كلمه نطقها قال : خالوا .. تاني يوم مات خاله !!! بعد فتره تكلم الولد وقال أخي ... اليوم الثاني أخوه صلوا عليه العصر !! بعد فتره قال بابا أبوه ماكذب خبر على طول كتب وصيته .... تاني يوم مات أبو الجيران !!!!!!! !

في مره واحد فتح الثلاجه لقى باباغنوج يغازل أم علي..... !

ايه وجه الشبه بين الجزر والبنطلون الضيق؟ الاثنين يقووا النظر!!!!!! !

سعدنا بكم ونرجوا ان نكون قد اسعدناكم :rolleyes:

[ELSHARIF]

الأخت العزيزة : ريهام

الله ينور عليك

شوية نكت في الجون

أرجو ألا تحرمينا من مداخلاتك تباعاً :rolleyes: :D :o

-------------------

الشريف

[ELSHARIF]

الحلقة السابعة:

===========

اتنين صعايدة بيلعبوا شطرنج

الأول: هـــــــا موتلك الحصان

الثانى : ( خرج وجالة بعد ساعة ) هـــا سممتلك البهايم

----------------------------------

واحد بيسأل خطيبته : حد قبلى لمسك ؟ سكتت

قالها : زعلتى

قالت له : بأعدهم

---------------------------------

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

---------------------------------

مرة حمار بيقول لخطبتة احنا هنتجوز امتى يا حمارة قلتلة لما تحسن الفاظك شوية يا حيوان

---------------------------------

مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى

--------------------------------

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك

-------------------------------

كان فى واحد صعيدى جايب لابنه عربيه فا ابنه راح و قاله يا بابا انا رخصت عربيتى خلصت ابوه قاله يا فالح مانت داير تلف بيها طول النهار

-------------------------------

ايه أسرع ثلاث وسائل للاتصالات؟

Telephone

Television

Tell -a- Woman

------------------------------

ندل مر على مقبرة شغل المسجل وحط أغنية الحياة حلوه

------------------------------

واحد أحول راح يجيب أبوه من المطار باس الشنطة وشال أبوه

-----------------------------

إثنين ساكنين في خيمة ونايمين على ظهورهم بالليل .

شاف الأول السما وقال للثاني : شايف إية؟

قال: شايف النجوم.

قال الأول :وده معناه ايه ؟

قال: إن في مجرات وكواكب غيرنا في الكون

قال الأول : دة معناه ان الخيمة اتسرقت يا حيوان .

--------------------------------

واحد بلديتنا قال لمراته نكتة وبعد النكتة.

مراتة : هى هى هى بايخة

بلدياتنا : هى هى هى انتى طالق

---------------------------------

مرة واحد احول جة يعيط رجع

---------------------------------

الاستاذ : ما معنى كلمة ( سبيل ) ؟

الطالب : طريق .

الاستاذ : ممتاز – والآن ما معنى كلمة ( سلسبيل ) ؟

الطالب : طرطريق

--------------------------------

سأل أستاذ تلميذه: ما اسم الحيوان الذي تصحو على صوته كل صباح؟

أجاب: بابا .

-------------------------------

واحد من الجماعة المهمين سأل بوش في الخباثه : إنت ليه متأكد إن في نووي في إيران؟

!!! بوش : لأن معايا الوصل اللي أبويا باعهلهم بيه

-------------------------------

دبانة وقعت فى ازازة وسكى طلعت تقول وسع للنسر

============================

مع تمنياتي بمزيد من ال :rolleyes: :D :o :D

الشريف