تقرير فساد جنينة .... فاسد

[أبو محمد]

تحت عنوان : مش هشترك في الحفلة عليك.. ومنتظر ردك قبل 25 يناير

يسأل الإعلامى أسامة كمال (أحد قلائل الإعلام المحترمين) هشام جنينة بعض الأسئلة

ويطلب منه الإجابة قبل 25 يناير

ومن ضمن الأسئلة : لماذا لا ترد قبل 25 يناير هل هذا تهديد أم هل هى شفرة لشخص ما ؟

وطالب المسؤولين بمعرفة سبب إصرار هشام جنينة على عدم الكلام قبل 25 يناير

 

وفى الفيديو الآتى يوضح أسامة كمال أن جنينة خريج كلية الشرطة

ومن المرجح - كما نعرف - أن يكون قد دخلها فى السبعينات مثلا بالواسطة "كغيره" فهل هذا فساد أم لا ؟

ثم انتقل بعد تخرجه للعمل فى نيابة أمن الدولة (ودى كمان غالبا بالواسطة) فهل هذا فساد أم لا ؟

ثم انتقل إلى العمل بالقضاء وكانت سيرته حسنة وكان أحد مجموعة قضاة الاستقلال

مع القضاة "المحترمين" محمود وأحمد مكى ومحمود الخضيرى وغيرهم

وأنه كغيره من القضاة - الذين عينوا أبناءهم فى القضاء - قد عين كريمته فى النيابة فهل هذا فساد أم لا ؟

وأنه قد انتقل لرئاسة الجهاز المركزى للمحاسبات كمنصب تكريمى

وبتوصية من محمود مكى مستشار الرئيس الأسبق محمد مرسى

وأنه وهو رجل قانون قد تولى رئاسة جهاز لا يعرف عنه شيئا فهو ليس محاسبا ليرأس جهاز المحاسبات

وهل فى هذا التعيين ما يشبه تعيين ضابط الجيش أو الشرطة كمحافظ أو وزير أو رئيس حى ؟

وهل هذا فساد ورئاسة "قاض" لجهاز "محاسبات" ليس فسادا ؟

وهل حبس أحد وكلاء الجهاز الذى يرأسه من حوالى شهر بتهمة تقاضى رشوة فساد أم لا ؟

وأسئلة أخرى من الأفضل سماعها فى هذا الفيديو

إنتظارا لإجابات جنينة قبل أو بعد 25 يناير

 

https://www.youtube.com/watch?v=1PlAMkIqEiI

[أبو محمد]

النواب يتفقون على استدعاء كل من رئيس المركزى للمحاسبات وأعضاء لجنة تقصى الحقائق

وذلك فى غضون الأسبوع المقبل للتحقيق والاطلاع على ما لدى كل منهما من أسانيد لادعاءاتهما

التى شغلت الرأى العام وأثارت حالة من الفزع حول "حجم" الفساد وليس على وجود فساد من عدمه

كما يحاول البعض خصوصا ممن يدافعون عن رئيس الجهاز المركزى للمحاسبات ويعتبرونه شهيدا

فهم - وكانهم متفقون على كلاشيه - جميعا يردون على منتقدى تقرير أو دراسة جنينة بقول :

هلى تريدون إفهامنا أن البلد خالية من الفساد ؟

وهو كلاشيه لا يعنى سوى ذر الرماد فى العيون حتى لا يفتح أحد عينه فى "جنينة" بالذات فى هذا التوقيت

 

 

تقدم النائب محمد أنور السادات بطلب موقع من 25 نائباً إلى مكتب الدكتور علي عبد العال رئيس مجلس النواب، لاستدعاء المستشار هشام جنينه رئيس الجهاز المركزي للمحاسبات، ولجنة تقصى الحقائق التي شكلتها رئاسة الجمهورية للتحقيق والاطلاع على أدلة وما استند إليه جنينة وما لدى لجنة تقصى الحقائق بشأن تلك الأدلة وحقيقة الأرقام التي تحدث عنها جنينة.

 

كشف أحمد خليل، رئيس الهيئة البرلمانية لحزب النور، أن اجتماع الدكتور علي عبدالعال رئيس مجلس النواب، ورؤساء الهيئات البرلمانية اتفقوا على استدعاء المستشار هشام جنينة، رئيس الجهاز المركزي للمحاسبات، للمثول أمام مجلس النواب يوم الاثنين أو الثلاثاء المقبل، وفق ما ينتهي المجلس من القرارات بقوانين.

 

وماذا لو أصر هشام جنينة على عدم الرد إلا بعد 25 يناير ؟

 

قال النائب علاء عابد، رئيس الهيئة البرلمانية لحزب المصريين الأحرار، إنه حال رفض المستشار هشام جنينة رئيس الجهاز المركزى للمحاسبات، الحضور للمجلس للاستماع لرأيه حول تقرير تقصى الحقائق الذى أعدته اللجنة المكلفة من رئاسة الجمهورية حول تصريحاته عن حجم الفساد في مصر، توجد إجراءات يمكن اتخاذها من جانب المجلس ورئيس الجمهورية مثل الإحالة للقضاء أو العزل.

[eslam elmasre]

نجاد البرعي: المعركة ضد هشام جنينة ستنتهي بفضيحة لنظام الحكم كله .. أليس فيكم رشيد

 

• +

نجاد البرعي

Thursday, January 14, 2016 - 00:45

عبد الرحمن بدر

مصر

قال المحامي الحقوقي نجاد البرعي، إن «المعركة ضد المستشار هشام جنينة، رئيس الجهاز المركزي للمحاسبات ستنتهي بفضيحة ليس للجنة تقصي الحقائق التي شكلها الرئيس ولا للبرلمان الذي تحمس 90 عضو منه لمحاكمة الرجل ولكن لنظام الحكم كله».

وأضاف في حسابه على «تويتر»، اليوم الأربعاء، أنه «على الأجهزة الأمنية أن تقنع كتلتها البرلمانية بأن ما يقومون به ضد جنينة سيعطي انطباع أن البرلمان يحمي الفساد، قليل من العقل أليس فيكم رشيد».

وتابع البرعي: «سيذهب جنينة إلى بيته نهاية سبتمبر، وسيخلوا المنصب وسيخلف المحامي العام الأسبق لينابة أمن الدولة هشام بدوي الرجل في منصبه ونستريح كلنا  اصبروا».

 

 

 

 

 

 

 

 

 

 

 

 

 

 

 

 

 

اول مرة في حياتي اشوف بلد بتحاكم رئيس جهاز رقابي وبتقوله انت ازاي تقول ان مصر فيها فساد 

مشكلتهم مع حجم الفساد 

طب انتم عرفتم حجم الفساد ازاي يعني وهو بقاله 4 سنين بيدور وبيفحر عشان يوصل للمعلومات دي 

انتم بأه بالصلاة على النبي قلتم ان حجم الفساد مش كتير اوي زي ما بيقول 

طب ممكن تقولولنا حجمه كام بالمرة ولا هو اعتراض وخلاص 

ومشكلة تانية كمان هي توقيت الاعلان عن الفساد 

للاسف الاعلان عن الفساد منذ زمن ولا حياة لمن تنادي وكل واحد فيهم مصدر الطرشة 

[herohero]

ياريت تبقى مشكلتنا تبقى بعيد عن شخص هشام جنينة

انما للاسف اعلامنا بقى نظام خالتي فرنسا 

 

اعلام الردح

مادام صدرت الاشارة يبقى خلاص ، ههههه زي قصة وزير الزراعه طلع يقول الكشف عن أكبر قضية فساد ، شوية واتقفش 

 

مش عارف مانبقى دولة راقية والامور تمشي قانونا 

 

بس سبحان الله كلام هشام جنينة عمل أزمة ولما نخدع الناس بعلاج لمرض يبقى شئ عادي

[أبو محمد]

- ليه يا سيادة المستشار ؟

- إزاى يا سيادة المستشار ؟

سؤالان يضافان إلى باقى الأسئلة

https://www.youtube.com/watch?v=d_RWY_tVtJE

[أبو محمد]

عزيزى صلاح منتصر

ما تتعبش نفسك يا راجل

هيردوا عليك يقولولك :

يعنى انت عايز تفهمنا إن مفيش فساد ؟ .. بطَّل تطبيل
 

صلاح منتصر
بقدر ما كان رئيس الجهاز المركزى للمحاسبات قاسيا فى حكمه على السنة الأولى من حكم الرئيس السيسى، بقدر ماكان تقرير تقصى الحقائق واضحا فى إدانة الرجل وكشف مغالطاته.
فعندما يقول رجل يشغل موقعا يعرف فيه أسرار تصرفات الدولة أن حجم الفساد فيها وصلت تكلفته عام 2015 إلى 600 مليار جنيه، فهذا كلام لا يحتمل الهزل أو النوايا البريئة، وإنما هو كلام يحمل معنى واحدا يخاطب من فى داخل وخارج مصر ويعلن أن السنة التى حكم فيها الرئيس السيسى كانت سنة الفساد الأكبر، ولو تصور الرجل أن ما قاله سيتم السكوت عليه لكان معنى ذلك صحة اتهاماته التى يجب محاسبة السيسى عليها.. ومن هنا كانت أهمية البيان الذى أصدرته لجنة تقصى الحقائق والذى أوضح ما يلي:

1- فى أول سؤال لرئيس الجهاز المركزى عن تصريحه أجاب بصحة الرقم الذى ذكره ولكن على أساس «أنه يتضمن الفساد الذى جرى فى الفترة من 2012 حتى عام 2015» اى بتفسير أوضحت فترة مرسى وعدلى منصور والسيسي.

2- من فحوص لجنة تقصى الحقائق تبين لها أن الجهاز المركزى لم ينته حتى اليوم من إعداد تقارير السنتين الاخيرتين (2013/2014 و2014/2015) ، ورغم هذا أدخل رئيس الجهاز السنتين فى وقائع الفساد.

3- فى فحص وقائع الفساد وأرقامه بحساب رئيس الجهاز تبين أنها ضمت وقائع مضى عليها 35 سنة تم البت فيها وأصبحت تاريخا، وضمت تعديات قديمة من مواطنين على أراضى الدولة قدرت بـ300 مليار جنيه تمت إزالتها ورغم هذا احتسبت التعديات ولم تحتسب الإزالة.

4- ضمت وقائع الفساد كل دين على كل جهاز بالدولة لم تسدده، ومن ذلك مستحقات شركات البترول التى لم تسدد لعدم توافر مبالغها وتم الاتفاق مع الشركات على جدولتها، ومع ذلك اعتبرت فسادا!.

ولا شك أن هناك فسادا فى الدولة يجب مطاردته بقوة، الا ان الواضح ان رئيس الجهاز المركزى تعمد المبالغة فى وصفه ليس بما يفيد بحيث يكون مرشدا ودافعا لكشفه، وإنما بما يشوه صورة الحكم أمام العالم ويصيب الشعب باليأس والإحباط باعتباره يعيش فى مستنقع فساد يفوق ما سبق ثورة يناير!.

 

 

 

[eslam elmasre]

 

عزيزى صلاح منتصر

ما تتعبش نفسك يا راجل

هيردوا عليك يقولولك :

يعنى انت عايز تفهمنا إن مفيش فساد ؟ .. بطَّل تطبيل

 

 

اه مش تقولو كده من الصبح وانا عمال اخد وادي مع نفسي واقول ايه اللي معصبهم كده اتاري اللي معصبهم ان التقرير اظهر ان الفساد يخص 2015 وده معناه ان الفساد ده كله حصل في عهد السيسي وطبعا اللي يقول ان عهد السيسي فيه فساد يبقى هو اللي ستين فاسد وده شفناه في الهجمة الشرسة على رئيس اكبر جهاز رقابي في مصر 

طب يا سيدي حقك علي 

الفساد يخص اللي قبلك واللي قبل اللي قبلك لكن انت اللي شلت الليلة يبقى انت المسؤول امام الشعب 

مش لما جاء مرسي يحكم قلناله انت اللي شايل الليلة لكن السيسي لازم نلتمسله الاعذار عشان ده حبيبنا وابن حبيبنا 

لما علمت بحجم الفساد في عصور من سبقوك ماذا فعلت حتى تثبت للشعب انك بصدق تحارب الفساد ؟

ولا اي حاجة عملتها وكل اللي عملته انك هاتحاكم من قال لك ان مصر مليانة فساد وهذا يعني انك راضي عن هذا الفساد لانه قد يكون يخص حلفاءك او ابناءك السياسيين او من وقفو معك ضد الاخوان 

اما المستشار هشام جنينة فيكفيك انك قلت كلمة حق امام سلطان ..........

عادل او مش فاكر الكلمة الحقيقية 

[أبو محمد]

ولو أنى لا أحب هذا النوع من التسطيح فى الاستدلال .. إنما مضطر

عايز تعرف هشام جنينة على حق أم على باطل

شوف مين الهتيفة اللى بيعملوا منه "شهيد الفساد"

عبد المنعم ابو الفتوح - حمدين صباحى - علاء الأسوانى - نجاد البرعى .. إلى آخر القائمة

وفوق كل دول طبعا يركب الأخوان .. وكأنهم نسيوا الركوب الأولانى والتانى

أو كأن الركوب على المزاج

هم دول الهتيفة بتوع "إئتلاف دعم شهيد الفساد"

وكلهم فى نفس واحد بيقولوا : "يعنى قصدكم مفيش فساد فى مصر فى عصر السيسى يا مطبلاتية ؟"

طبعا بتنويعات وتوزيعات أوركسترالية مختلفة .. إنما هو هو نفس الميلودى الرئيسى لمقطوعة

"شهيد الفساد"

الذى يأبى أن يغرد إلا بعد اليوم الموعود - 25 يناير - الذى تنتظره "الجوقة"

[أبو محمد]

مفيش ابتكار .. مفيش تجديد

:)

كلنا "هشام جنينة" .. كلنا "شهيد الفساد"

بدلا من كلنا خالد سعيد

[eslam elmasre]

 

ولو أنى لا أحب هذا النوع من التسطيح فى الاستدلال .. إنما مضطر

عايز تعرف هشام جنينة على حق أم على باطل

شوف مين الهتيفة اللى بيعملوا منه "شهيد الفساد"

عبد المنعم ابو الفتوح - حمدين صباحى - علاء الأسوانى - نجاد البرعى .. إلى آخر القائمة

وفوق كل دول طبعا يركب الأخوان .. وكأنهم نسيوا الركوب الأولانى والتانى

أو كأن الركوب على المزاج

هم دول الهتيفة بتوع "إئتلاف دعم شهيد الفساد"

وكلهم فى نفس واحد بيقولوا : "يعنى قصدكم مفيش فساد فى مصر فى عصر السيسى يا مطبلاتية ؟"

طبعا بتنويعات وتوزيعات أوركسترالية مختلفة .. إنما هو هو نفس الميلودى الرئيسى لمقطوعة

"شهيد الفساد"

الذى يأبى أن يغرد إلا بعد اليوم الموعود - 25 يناير - الذى تنتظره "الجوقة"

 

ودي حاجة تانية اتعلمتها من الموضوع ده وبشكر اخونا الكبير ابو محمد لانه نورني مرتين 

المرة الاولى ان الهجمة الشرسة على جنينة لانه خص عام 2015 بالفساد المتراكم ولذلك كانت الثورة عليه 

اما الامر الثاني فهو عندما تنظر الى مشكلة فقبل ان تفكر في المشكلة بتجرد عليك بان تنظر من هم المؤيدين لهذا الموضوع فاذا وجدتهم اشخاص بعينهم فعليك بالوقوف مباتشرة وقبل ان تدرس الموضوع ضد تأييدهم ثم بعد ذلك تبحث عن الاسباب ومش هاتغلب انك تلاقيها 

شكرا مرة ثانية للاخ الفاضل الذي علمني ما لم اكن اعلم 

[أبو محمد]

ودي حاجة تانية اتعلمتها من الموضوع ده وبشكر اخونا الكبير ابو محمد لانه نورني مرتين 

المرة الاولى ان الهجمة الشرسة على جنينة لانه خص عام 2015 بالفساد المتراكم ولذلك كانت الثورة عليه 

اما الامر الثاني فهو عندما تنظر الى مشكلة فقبل ان تفكر في المشكلة بتجرد عليك بان تنظر من هم المؤيدين لهذا الموضوع فاذا وجدتهم اشخاص بعينهم فعليك بالوقوف مباتشرة وقبل ان تدرس الموضوع ضد تأييدهم ثم بعد ذلك تبحث عن الاسباب ومش هاتغلب انك تلاقيها 

شكرا مرة ثانية للاخ الفاضل الذي علمني ما لم اكن اعلم 

 

إيه يا عم إسلام Take it easy

:)

عشان تعرف تقرا على مهل ولا تضع فى فمى ما لم أقل

إنت مش قريت استفتاحنا فى المداخلة وفهمت منه عبارة أن هذا النوع من الاستدلال سطحى ؟

وإنى لجأت إليه مضطرا .. لأنه بدا لى أن مؤيدى "شهيد الفساد" بيتجاهلوا أى نقد - موضوعى - آخر للشهيد ؟

 

وبعدين ارجع كده تانى اقرا وشوف مين اللى ربط بين تحميل الفساد على عام 2015 والسيسى

حتلاقى ان حضرتك اللى عملت كده

 

ما تزعلش ابدا .. هشام جنينة صح .. وأكبر صح كمان

والسيسى فاسد وكل اللى بينقدوا "الشهيد" مطبلاتية

إيه كمان ؟

[eslam elmasre]

 

 

 

وبعدين ارجع كده تانى اقرا وشوف مين اللى ربط بين تحميل الفساد على عام 2015 والسيسى

حتلاقى ان حضرتك اللى عملت كده

 

 

 

ربنا يسامحك يا عم ابو محمد

انت خلتني اراجع الموضوع كله دلوقتي عشان اشوف انا ادعيت على السيسي انه صاحب الفساد كله وافتكرت اني كبرت وجالي زهايمر وباقول كلام وانا مش فاكره 

بس كل ما وجدته من اقوالي مثلا

 

 

اسمحلي اقولك ان الرقم ممكن يكون ظهر في 2015 ولكنه نتيجة تراكمات سنوات سابقة 

ومثلا

 

 

الفساد يخص اللي قبلك واللي قبل اللي قبلك لكن انت اللي شلت الليلة يبقى انت المسؤول امام الشعب 

يعني انا ماحملتش السيسي فساد السنين ومش ممكن اكون انا ده لانك عارفني كويس مش من بتوع الساقية 

عموما انا رديت على كل تساؤلاتك وقلت اننا متفقين على ان مصر فيها فساد وان توقيت اعلان هذا الفساد كان غير مناسب بالنسبة لك رديت وقلت انه بيتكلم في الحكاية دي من سنتين وماحدش بيسمعله وقلت ان حجم الفساد مبالغ فيه رديت عليك بسؤال وما هو حجم هذا الفساد ولو رديت وقلت لي انه اقل اكيد هاطلبك بالثبات وده مش ممكن لان الارقام دي كانت نتيجة عمل سنين وليس ايام او حتى شهور

يعني مطلوب منك انك تاخد نفس الوقت اللي بذله جنينة عشان يبقى ردك موضوعي لكن انك ترد وتقولي ده مبالغ فيه وتسكت فطبعا هاشكرك على معلوماتك القيمة لكني لن اخذها بالجدية اللازمة لانها استندت لامر غير جدي الا وهو المعارضة من اجل المعارضة وكفي 

[White heart]

- ليه يا سيادة المستشار ؟

- إزاى يا سيادة المستشار ؟

سؤالان يضافان إلى باقى الأسئلة

https://www.youtube.com/watch?v=d_RWY_tVtJE

يعني يا عزيزي لما يطلع السيناريست " وحيد حامد " في فبراير 2014 في برنامج بيتابعه الملايين من المصريين والعرب مع الإعلامي " مُعتز الدمرداش " ، ويقول بالفُم المليان زى عنتر بن شداد: " ... معايا مستندات تثبت ان مرسي راح طابا هو وأسرته وصرف من خزينة الدولة 300 الف دولار ( وخلي بالك من دولار دي ) بالفنادق ... " - قوم ايه : المستشار هشام جنينة رئيس الجهاز المركزي للمحاسبات (المُتابع) وقتها يتصل به ويقوله: ابعتلي المستندات وانا هاتحرك ، قوم ايه باعتله المستندات المدعاة، قوم سيادة المستشار يرسل مأمورية كاملة للفنادق المدعاة للتأكد من صحتها كمُراقب للمال العام، قوم ايه المأمورية ترجع وتثبت ان تكاليف الرحلة لم تتعدي الــ 35 الف جنيه ( وخلي بالك من جنيه دي مش دولار) بالإضافة ان نجل مرسي دفع من جيبه الخاص نصف تكلفة الرحلة ، يعني اصبحت التكلفة 17 الف جنيه ونصف فقط ..

ممكن نشوف المستشار قال ايه بالظبط في المسألة دي تحديداً بدء من الدقيقة 45 من المادة دي:

https://www.youtube.com/watch?v=U92ua80zeF4

تقوم بعدها بسنتين كاملين (بعد ما شكل السكاكين كترت على المستشار هشام جنينه) جايبلنا هنا دلوقتي من تاني نفس السيناريست " وحيد حامد "، اللي متضايق قوي ان المستشار جاب سيرته، وسيره انه كان مصدر المُستندات، على الرغم انه كان بلغ المستشار ساعتها ان " المُستندات " موجودة على النت .. يعني يا حرام هو برئ براءة الذئب من دم ابن يعقوب، وكأن المُستشار كان المفروض أصلاً ما يطلبش المُستندات دي منه، اللي جاتله في ظرف من " مجهول " ... ولكن كان المفروض يروح يدور عليها بنفسه على النت ... يعني السيناريست يدعي على الملاء وبالفُم المليان وأنا شجيع السيما، والمُستشار هو اللي عليه يروح يدور على البينة من على النت ؟!؟!؟

لأ وبيكمل مقاوحة وفتى، بدل ما يخجل ويتدارى ويكن لحد ما الناس تنسى على الأقل " شجاعته " و " إجتهاده " العظيم دة!!!

تم تعديل 16 يناير 2016 بواسطة White heart

[eslam elmasre]

يعني يا عزيزي لما يطلع السيناريست " وحيد حامد " في فبراير 2014 في برنامج بيتابعه الملايين من المصريين والعرب مع الإعلامي " مُعتز الدمرداش " ، ويقول بالفُم المليان زى عنتر بن شداد: " ... معايا مستندات تثبت ان مرسي راح طابا هو وأسرته وصرف من خزينة الدولة 300 الف دولار ( وخلي بالك من دولار دي ) بالفنادق ... " - قوم ايه : المستشار هشام جنينة رئيس الجهاز المركزي للمحاسبات (المُتابع) وقتها يتصل به ويقوله: ابعتلي المستندات وانا هاتحرك ، قوم ايه باعتله المستندات المدعاة، قوم سيادة المستشار يرسل مأمورية كاملة للفنادق المدعاة للتأكد من صحتها كمُراقب للمال العام، قوم ايه المأمورية ترجع وتثبت ان تكاليف الرحلة لم تتعدي الــ 35 الف جنيه ( وخلي بالك من جنيه دي مش دولار) بالإضافة ان نجل مرسي دفع من جيبه الخاص نصف تكلفة الرحلة ، يعني اصبحت التكلفة 17 الف جنيه ونصف فقط ..

ممكن نشوف المستشار قال ايه بالظبط في المسألة دي تحديداً بدء من الدقيقة 45 من المادة دي:

https://www.youtube.com/watch?v=U92ua80zeF4

تقوم بعدها بسنتين كاملين (بعد ما شكل السكاكين كترت على المستشار هشام جنينه) جايبلنا هنا دلوقتي من تاني نفس السيناريست " وحيد حامد "، اللي متضايق قوي ان المستشار جاب سيرته، وسيره انه كان مصدر المُستندات، على الرغم انه كان بلغ المستشار ساعتها ان " المُستندات " موجودة على النت .. يعني يا حرام هو برئ براءة الذئب من دم ابن يعقوب، وكأن المُستشار كان المفروض أصلاً ما يطلبش المُستندات دي منه، اللي جاتله في ظرف من " مجهول " ... ولكن كان المفروض يروح يدور عليها بنفسه على النت ... يعني السيناريست يدعي على الملاء وبالفُم المليان وأنا شجيع السيما، والمُستشار هو اللي عليه يروح يدور على البينة من على النت ؟!؟!؟

لأ وبيكمل مقاوحة وفتى، بدل ما يخجل ويتدارى ويكن لحد ما الناس تنسى على الأقل " شجاعته " و " إجتهاده " العظيم دة!!!

كنت اكن له شيء من الاحترام لكن بعد هذا الموقف ذهب هذا الاحترام 

لما المستندات اللي معاك مستندات مش اكيدة يبقى ازاي تطلع وتتكلم وتتبنى ما فيها من تضليل ولما تتزنأ تقول انها جائت اليك من مجهول وطاملا هي من مجهول فلماذا تعلنها وانت غير متأكد منها 

ولما العجل وقع طلعت سكينتك التلمة عشان تكمل ذبح بنفس المستندات ورجعت تشكك في كلامه طب لما واجهك بمستنداتك عملت ارنب ليه ايامها 

عموما انا عرفت قدرك الان 

قدرك ولا حاجة الصراحة 

اللي انا متأكد منه ان هشام جنينة لو مش متأكد مما يقول كان زمانهم دلوقتي عاملين عليه حفلة لكنه متأكد من اوراقه ولذلك دخل عشش الدبابير بثقة 

الايام بيننا وسنعرف جميعا من يحارب هشام جنينة 

[White heart]

اللي انا متأكد منه ان هشام جنينة لو مش متأكد مما يقول كان زمانهم دلوقتي عاملين عليه حفلة لكنه متأكد من اوراقه ولذلك دخل عشش الدبابير بثقة 

الايام بيننا وسنعرف جميعا من يحارب هشام جنينة

على الله يا عزيزي !

لكن عن نفسي أنا قناعتي تامة ... انه على أكبر تقدير، وربما حتى يُقال ان هناك فرق بين المنظومة الحالية " الجديدة " ... ومثيلاتها القديمة ... سيتم تقديم أى أسم أو أكثر ككبش فداء (يمكن السيناريست "وحيد حامد" gsp_))  ... لأن مهما كان " عش الدبابير " دة اللي دخله ... فحدوده هاتنتهي عند بوابة دولة " الكاكي " الشقيقة ... وعندها هايلاقي (هو أو أى أحد غيره) اللي بيرفع في وشه يافطة مكتوب عليها:قف !  " منطقة عسكرية .. ممنوع الإقتراب أو التصوير " ... للخلف دُر ... مُعتدل مااااااااااارش بالخطوة السريعة !!!

 

تم تعديل 17 يناير 2016 بواسطة White heart

[eslam elmasre]

Quote

قرار جمهورى بإعفاء هشام جنينة من رئاسة الجهاز المركزى للمحاسبات الإثنين، 28 مارس 2016 - 10:34 م هشام جنينة كتب محمد الجالى أصدر الرئيس عبد الفتاح السيسى قرارا جمهوريا باعفاء السيد المستشار هشام احمد فؤاد جنينة رئيس الجهاز المركزى للمحاسبات من منصبه اعتباراً من اليوم 28 مارس 2016 

http://www.youm7.com/story/2016/3/28/قرار-جمهورى-بإعفاء-هشام-جنينة-من-رئاسة-الجهاز-المركزى-للمحاس/2650379#

37 «يَا أُورُشَلِيمُ، يَا أُورُشَلِيمُ! يَا قَاتِلَةَ الأَنْبِيَاءِ وَرَاجِمَةَ الْمُرْسَلِينَ إِلَيْهَا، كَمْ مَرَّةٍ أَرَدْتُ أَنْ أَجْمَعَ أَوْلاَدَكِ كَمَا تَجْمَعُ الدَّجَاجَةُ فِرَاخَهَا تَحْتَ جَنَاحَيْهَا، وَلَمْ تُرِيدُوا!
38 هُوَذَا بَيْتُكُمْ يُتْرَكُ لَكُمْ خَرَابًا.

[أبو محمد]

ماعليهوش فواتير لأى حد

إهمدوا بقى

[tarek hassan]

أخيرا لبس الجلابية 

هما الإخوان زعلانين ليه على جنينة 

ليه فرحتم لإقالة الزند وزعلتم لإقالة جنينة 

مش المفروض إنهم شغالين مع الإنقلابيين 

إشمعنى جنينة يا إخوان

[tarek hassan]

5 ساعات مضت, مصطفي said:

إحنا بس عاوزين نعرف المليارات المنهوبه مصيرها ايه

دا على افتراض صحة التقرير ..... لكن التقرير طلع فنكوش ...... زي السبعين مليار دولار ثروة مبارك .... لكن ساعة الجد ..... كل واحد بيقول مقولتش أو مكانش قصدي أو هما اللي قالوا لي ... أو بكره هقولكم 

أنت عارف بكره بقى 

ولو مش عارف هقولك بكره

[herohero]

والان بعد عزل هشام جنينة ممكن نستمر في معرفة اخبار التحقيقات ونعرف تقرير هشام جنينة صح ولا مبالغ فيه ، وياريت نعرف المبالغ ايه الفعلية ده حق اي مواطن مصري