بورسعيد تحصل على الاستقلال بسواعد ابنائها

[Alshiekh]

بورسعيد تسهر حتى الصباح احتفالا بالاستقلال

حققت بورسعيد مفاجأة تستحق الثناء ، فقد استطاعت رغم تهديد من لايملك بتشريد عيالها وتيتيم اطفالها على لسان بتاع الانتكاسات ، استطاعت ان تتحرر من براثن العصابة الحاكمة ، وعلم سفيرنا فى بورسعيد المستقلة ان حزب التتار لم يحصل سور على مقعد واحد من المقاعد الستة المقررة للمحافظة ، واننا اذ نهدى تحياتنا للشعب البورسعيدى على هذا الانتصار المؤزر ، نتمنى من نوابه الخمسة ان يتكاتفوا ويتحدوا من اجل رفعة البلاد.

الفائزون:

احمد الخولانى أخوان

د اكرم الشاعر أخوان

عبدالملك الزينى مستقل

محمد مصطفى شردي وفد

الرفاعى حمادة مستقل

الحسينى ابو قمر وطنى

[se_ Elsyed]

ده الضرب بقى على المشكوف .. وأوراق اللعبة بقت واضحة للجميع ..

اتااريه يا كبد أمه راح بورسعيد وعمل نفسه بيشتري بضاعة مستوردة من هناك .. وهددهم صراحة وأمام الجميع .. بإن الستة مرشحين بتوع الوطني لو ماكسبوش يبقى هايقطع عن البوروسيعدية ميه ونور ..

يُمهل ولا يُهمل ..

على فكرة من الملاحظ إن مُدن القناة كلها أتقلبت عليهم بدئاً من إسكندرية والسويس والإسماعيلية ونهاية ببورسعيد .. ولسه سينا .

[النووي]

اخي / محمد..

أعتقد أن سبب هذه (الإنتفاضه) البورسعيدية هو ذلك التهديد الذي رصدته قلوب لا تعرف الخوف وتحب العناد ، يعني بالبلدي لو ماكنش اسم النبي حارسه عمل اللي عمله يمكن كان اهل بورسعيد كبروا دماغاتهم ، لكن كانت تهديدات الخليفة المنتظر (شرارة) النار اللي أكلت أخضر الحزب أياه واليابس (ده لو كان لسه فيه أخضر) ، عموماً اللي حصل مش غريب على بورسعيد ، دي قوى عظمى وامبراطوريات ما قدرتش على بورسعيد ، حيقدر عليها الننوس/ كبد امه (على رأي سيسB) )!!