مشكلة في أقرار الشهر العقاري من أجل تغيير المهنة للسفر للسعودية

[محمود مرزوق]

الســلام عليكم 

دلوقتي أنا جايلي وظيفة محاسب بتأشيرة محاسب في السعودية 

والباسبور والبطاقة عندي مكتوب فيهم أني " مدير مالي "

المكتب قالي أروح الشهر العقاري أعمل أقرار أني موافق أني أسافر علي مهنة محاسب 

روحت الشهر العقاري قالولي هناك أني لازم أحط في الاقرار الراتب الي هخده هناك ومدة العمل ،،

الموظفة قالتلي حط أي راتب تقريبي كدا ،،، حطيت 1500 جنيه ،، حسبتلي الرسوم طلعت أني لازم أدفع 100ج 

أنا الصراحة خفت بعدها لان الورق ده هيدخل السفارة فخفت أني ألعب في مبلغ المرتب ،، كلمت المكتب قالي أنهم بيعقدوا الدنيـــا وأن الاقرار ده مش لازم يتكتب فيه الراتــب ،، وقالي روح أي شهر عقاري تانــــي ،،،، أيه الحل ؟؟؟

ولو مش لازم فين الشهر العقاري الي هيخلصلي الموضوع ده من غير من احط المرتب في الاقرار ؟؟

وهل لو الدنيا زنقت أوي ينفع احط الراتب وخلاص وادفع النسبة ؟؟ ولا غلط أني احط الراتب ؟؟

بالله عليكم سرعة الرد

[ahmedraslan]

وعليكم السلام ورحمة الله

اﻻفضل انك تحط الراتب الفعلي اللي موجود في العقد اللي جايلك ... ﻻن مش بس اﻻقرار اللي بيدخل القنصليه كمان العقد هيدخل القنصليه ومش المفروض يكون في تعارض مع الراتب الفعلي في العقد الموثق من السعوديه واﻻقرار ... ومفيش شهر عقاري هيعمل اﻻقرار من غير راتب ومدة تعاقد كل اللوائح واحده

بالتوفيق

[خالد شحاته]

احسن شي غير جواز سفرك بسرعه  وارتاح من هم الشهر العقاري علشان طبعا الراتب هيكون كبير ويخد عليك نسبه احست شي تغير البطاقه والجواز مش هيتكلف شي

[Guest Hamed]

السلام عليكم ورحمة الله استاذ احمد 

لو سمحت انا جايلي تاشيره فني اتصالات وانا مؤهلي ليسانس اداب المكتب طلب مني خطاب من الكفيل لان الاستثناء موقوف والجواز له اسبوعين داخل السفاره ومفيش اي رد كل اما اكلم المكتب يقولي لسه 

ياتري فيه حل للموضوع ولا اعتبرها كدا اترفضت.؟ وشكرا...