نصيحة أخوية : إبدأ إستثمر في البورصة المصرية

[se_ Elsyed]

بجد يا جماعة .. أنا متوقع من 1/12 لحد 7/12 هاتبقى مدابح في مصر للإكتتاب في أسهم شركة الإتصالات ..

ونصيحة أخوية ... اللي معاه قرشين وعايز ينميهم بطريقة حلال ومضمونة بإذن الله يدخل يكتتب ... وسعر لاسهم رخيص 14.8 ج يعني في متناول الجميع .. وعندك لحد 10 آلاف سهم لو عايز تشتري .. ويا عم إذا كنت ما بتحبش المخاطر .. فأنتظر بس مجرد شهر أو شهرين من بداية تداول السهم في البورصة والتي ستتم في منتص ديسمبر .. وإذا سعر السهم مازادش حوالي 25 % .. إبقى قول سين سين ضيعنا وكان اللي كان ..

وإليكم التفاصيل

14.8 جنيه سعر سهم الاتصالات في البورصة المصرية

الأثنين، 28 نوٍِفمبر 2005 - 14:17

القاهرة (مصر) - رويترز : أعلن الدكتور طارق كامل وزير الاتصالات المصري في مؤتمر صحفي يوم الإثنين أن سعر الاكتتاب لصغار المستثمرين في أسهم الشركة المصرية للاتصالات هو 14.80 جنيه مصري للسهم.

وستطرح الحكومة للبيع 340 مليون سهم تعادل 20 في المائة من أسهم الشركة ، نصفها لصغار المستثمرين والنصف الآخر للمؤسسات الاستثمارية.

وعن تفاصيل عملية الاكتتاب في هذا السهم الذي يتوقع أن يشعل البورصة المصرية ، قال عقيل بشير رئيس الشركة المصرية للاتصالات يوم الإثنين أيضا إن باب الاكتتاب في 340 مليون سهم تمثل 20 في المائة من أسهم الشركة سيغلق في السابع من ديسمبر ، على أن يبدأ تداول الاسهم بعد ذلك بأسبوع.

وأضاف علي سلامة المدير المالي للشركة انه سيتعين على صغار المستثمرين سداد 50 في المائة من قيمة طلباتهم ، في حين أن كبار المستثمرين لن يضطروا الى ايداع أي مبلغ عند الاكتتاب.

وقال بشير ان صغار المستثمرين يحق لهم الاكتتاب في أي عدد من الاسهم لا يقل عن 100 سهم ولا يزيد على عشرة آلاف ، أما الحصة المخصصة للاكتتاب الخاص فالحد الادنى فيها مليون سهم والحد الاقصى 17 مليون سهم تمثل واحدا في المائة من رأسمال الشركة.

وستكون عملية الاكتتاب أكبر صفقة من نوعها في برنامج التخصيص منذ تولت حكومة اصلاحية السلطة في يوليو عام 2004.

وقالت شركة برايم ريسيرش ان السعر الذي تستهدفه للسهم هو 18.80 جنيه مصري لتصبح قيمة الحصة المطروحة 6.4 مليار جنيه.

وشهدت البورصة المصرية في الفترة الاخيرة اقبالا على بيع الاسهم لتدبير سيولة مالية للمشاركة في الاكتتاب.

ا

ستعدادا لسهم الاتصالات : زيادة ظاهرة "التكويد" في البورصة .. وصعود سهم الإنتاج الإعلامي

الأحد، 27 نوٍِفمبر 2005 - 17:34

بقلم: المحرر الإقتصادي - في البلد 

انخفض يوم الأحد مؤشر البورصة المصرية Case 30 بنسبة - 0.28% ، وذلك إثر ترقب السوق الإعلان يوم الإثنين عن قواعد الإكتتاب الأكبر في تاريخ البورصة المصرية ، وهو طرح نسبة 20% من أسهم الشركة المصرية للاتصالات ، والتي يقدر رأس مالها بـ17 مليار جنيه مصري.

ومن المقرر أن تعلن هيئة سوق المال يوم الإثنين عن قواعد الاكتتاب ، وصرح مصدر بالبورصة المصرية بأن الأيام القليلة الماضية شهدت زيادة كبيرة في ظاهرة التكويد – أي القيد بالبورصة – من الأفراد استعدادا لطرح أسهم الاتصالات الذي من المتوقع أن يبدأ في بداية الأسبوع المقبل.

في الوقت نفسه ، شهدت السوق المصرية صعودا قويا لسهم الشركة المصرية لمدينة الإنتاج الإعلامي بعد أن قرر أنس الفقي وزير الإعلام حل مجلس إدارتها ، وحقق السهم صعودا قدره 10.3% مغلقا على 11.67 بعد أن كان سعر الفتح له 10.5.

ومن الأسهم التي حققت ارتفاعا مصر لصناعة الكيماويات بنسبة 5.77% ليصل السهم إلى 18.34 جنيه بعد أن كان سعر الفتح 17.34 جنيها . وسهم البنك التجاري الدولي للاستثمار بنسبة 5% محققا 115.5 جنيها للسهم ، وكان سعر الفتح له – أمس – 110 جنيها ، وسهم مينا للاستثمار السياحي والعقاري بنسبة 5% وآمون للأدوية بنسبة 4.99% .

ومن أبرز الأسهم التي شهدت انخفاظا سهم النيل للكبريت والمساكن الخشبية الجاهزة وأسيك للأسمنت وبنك التمويل المصري السعودي والنصر لصناعة المحولات- الماكو وبنك إسكندرية التجاري البحري

[Proud Muslim]

أنا عايز أضيف حاجة مهمة .. بحكم ان لي معرفة ضيلة جدا في موضوع البورصة ..

في نقطة يجب اخذها في الاعتبار .. و هي ما يسمى بنسبة التخصيص ..

يعني اذا طلب شخص ما شراء 10000 سهم و هي الحد الأقصى في هذه الحالة .. فهذا لا يعني انه سيشتري العشرة آلاف سهم و يروح بيتهم !!

لأنه لو كان الطلب أكبر من العرض ( و هذا ما سيحدث طبعا في حالة المصرية للاتصالات) فسيؤدي ذلك الى عمل تخصيص .. بحيث يقسم المعروض على الطلب و يكون الناتج هو نسبة مئوية .. و هي التي يحصل عليها المشتري بالفعل ..

يعني لو ان مجموع الأسهم المعروضة كلها هو مئة ألف سهم .. و أن المطلوب شراؤه هو مليون سهم .. فستكون نسبة التخصيص 10% .. أي سيحصل كل مشتري على 10% من عدد الأسهم التي أراد شرائها ..

البورصة لا يطبق فيها نظام اللي ييجي الأول .. و البضاعة خلصت و كل سنة و انت طيب ..

هناك مدة للاكتتاب يتم فيها قبول جميع الطلبات .. ثم بعد انتهاء مدة الاكتتاب ..تبدأ عملية النخصيص ..

و لما يدفع المشتري 50% من قيمة السهم المطلوب شراؤها .. و يتم عمل التخصيص بنسة 10% مثلا .. فانه يحصل على باقي فلوسه اللي دفعها الأول !!

عايز أنبه على نقطة مهمة جدا .. موضوع ( التكويد) .. يعني عمل كود للشخص في البورصة و هو اجراء يجب ان يتم قبل شراء الاسهم .. حيث ان فائدة الكود ان يكون المشتري معرفا في سوق الأسهم .. و إلا من يكون براود مسلم .. أو فلان أو علان !!؟؟

عملية التكويد تتطلب يومين او ثلاثة .. و ربما أكثر لأن العملية اليومين دول ... مطحنة !!

أتمنى ان تكون المعلومات دي مفيدة للجميع .

[Alshiekh]

كيف يتم التكويد وكيف يتم الشراء؟

هل يلزم الحضور لاتمام عمليتى التكويد والشراء ام انه يمكن ادائها بالتليفون او اونلين؟

[شاعرالرومانسية]

شكرا للموضوع يا اخى العزيز .. سى السيد :ph34r:

الاخ براود مسلم .. معلوماتك مفيدة طبعا ووضحت نقط كتير هامة لمن يرغب فى خوض التجربة :sad:

رجاء من كل من عندة اية معلومات عن كيفية اتمام هذة الخطوة الادلاء بدلوه هنا لتعم الفائدة... لان الحالة بقت ضنك على الجميع :P

وعموما لو لاقدر الله والموضوع فشل ... محدش يقلق :ninja:

اخوكم سى السيد .. حيتعهد برد جميع المبالغ اللى دفعها اخوانه بناءا على نصيحته,,, وحيعملهم حواله بكدة كل واحد باسمة .. :D :D

مش صح يا سى السيد ;)

[se_ Elsyed]

عملية التكويد يا جماعة بتتم عن طريق التقدم بطلب إلى أحد شركات السمسرة - أو بالفُصحى .. شركات الأوراق المالية - المُعتمدة من قبل البورصة المصرية واعتقد إن ده مجاني .. يعني بالبلدي بتقولهم أنا عايز أشتغل معاكوا .. وعن طريق الكود ده إنت بتُعطيهم الأوردر بالشراء أو البيع ..

وكمان في بنوك زي البنك التجاري الدولي بيشتغل في كده برضوا وممكن يعمل لك كود وبعد كده تتواصل معهم عن طريق النت ويخصموا ويضيفوا على حسابك عندهم في حالة البيع والشراء..

أما حكاية إنك ممكن يبقى لك كود وإنت عايش بره .. فأعتقد إنها هاتاخد وقت .. خصوصاً لو كنت عايز تعمل الحركات دي في أيام مُفترجة زي دي اللي هايتم طرح أسهم شركتي الإتصالات وشركة الدلتا للسكر ...

صدقني يابو علي ... خدها من أخوك سين سين وإتكل على الله ... إشتري يا مان وإنت مطمئن ... وصبر البضاعة عندك قيمة شهرين ثلاثة وهاتدعي لي ..

تصدقوا بالله ؟

الموضوع ده لو هنا في السعودية أو في الأمارات .. وتم تخصيص السهم بـ 15 ريال مثلاً .. أنا كنت هابقى مُتأكد إنه هايتباع في بداية التداول بـ 30 ريال ..

وده فعلاً حصل في سهم أحد الشركات في بورصة أبو ظبي الأسبوع الماضي حيث سعر السهم كان درهم وفي أول يوم إفتتاح للتداول إتباع بـ 5 .5 درهم ... يعني ولا تجارة المخدرات ...

تصور واحد إكس لارج زي شاعر الرومانسية إشترى له قد بـ 500 ألف جنية وخلال 24 ساعة رجعوا له أرنبين ونص ... خلاص بقى هايعدي ومش هايعرف محاورات المصريين ولا دياولو :P

ولكن في البورصة المصرية الموضوع بيبقى مدروس شويه وما بتلاقيش القفزات الضخمة دي كثير ..

[se_ Elsyed]

خُش على السكر ... وأشرب ليموناته وإدعي لي برضوا

لندن (إنجلترا) - رويترز : قال مسئولون مصريون يوم الاثنين ان مصر تعتزم بيع 87.9 في المائة من شركة الدلتا للسكر في يناير المقبل بعد تلقي طلبات الشراء في اكتتاب عام بحلول 31 ديسمبر المقبل.

وقال مسئول كبير بوزارة الاستثمار لرويترز من القاهرة "بنهاية ديسمبر سنطرح 87.9 في المائة من الاسهم المملوكة للدولة في شركة الدلتا للمستثمرين.

وقال مسعود حامد رئيس الادارة المالية بالشركة ان اخر موعد لتقديم طلبات الاكتتاب في الاسهم 31 ديسمبر ، وسيبدأ تداول الاسهم في السابع من يناير.

وقال المسئول بوزارة الاستثمار ان السلطات المصرية تعتزم تخصيص شركتين أخريين للسكر في أوائل عام 2006 هما الدقهلية للسكر والنوبارية للسكر.

[Proud Muslim]

انا ندمان انني لم أشتلاي أسهم شركة الاسكندرية للزيوت .. السهم طرح ب 45 جنيه و وصل الى 90 جنيه في أقل من اسبوع !!

نصيب

[ديكارت]

ارى انه من الافضل الانتظار الى ما قبل نهاية الاكتتاب بيوم أو يومين ... والنظر لحجم المكتتبين ... فاذا كان الاقبال كبير وهذا هو المتوقع فالافضل هو الاكتتاب بالحد الادنى لكي لا يتم تجميد السيولة بدون فائدة..

على فكرة يا سي السيد .. اكتتاب بنك البلاد في السعودية كان بـ 50 ريال .. وفي اول يوم تداول بيع بـ 950 ريال :blink: :excl:

[se_ Elsyed]

ارى انه من الافضل الانتظار الى ما قبل نهاية الاكتتاب بيوم أو يومين ... والنظر لحجم المكتتبين ... فاذا كان الاقبال كبير وهذا هو المتوقع فالافضل هو الاكتتاب بالحد  الادنى لكي لا يتم تجميد السيولة بدون فائدة..

على فكرة يا سي السيد .. اكتتاب بنك البلاد في السعودية كان بـ 50 ريال .. وفي اول يوم تداول بيع بـ 950 ريال  :blink:  :excl:

<{POST_SNAPBACK}>

أزيك يا ديكارت .. إنت فين يا راجل ؟.. روحت وقولت عدوا لي ..

ما أعتقدتش يا عم كان بـ 50 ريال لكن كان أعلى بكثير !!!!

الأسهم السعودية غير المصرية تماماً ..

فأنا بأستغرب لما بالأقي سهم في مصر بـ 10 ج و 15 ج ..

في حين إن كثير من أسعار الأسهم هنا بتبدأ من 1000 ريال وإنت طالع ..

يعني على الأقل عايز أرنب عشان تعرف تشتغل ..

اعرف بعض الشركات والأشخاص المحفظة الإستثمارية اللي بيلعبوا بها تبلغ مليار ريال ... آه والله

فهو ده اللعب .. وتشوط في الثمانيات وتجيب إجوان وصعب جداً إنك تخسر ..لإن الناس دي بتستثمر في محافظ وسلات للأسهم .. فحاجة بتشيل حاجة أو بالفُصحى " هم لا يضعون البيض كله في سلة واحده "

انا ندمان انني لم أشتري أسهم شركة الاسكندرية للزيوت  السهم طرح ب 45 جنيه و وصل الى 90 جنيه في أقل من اسبوع !!

معليش يا مان خيرها في غيرها ..

أظرف تعليق قرأته عن هذا الموضوع عندما طُرحت أسم تلك الشركة من حوالي شهرين أو أقل بيقولك إن الناس اللي أشترت أسهم الشركة دي قرأوا عبارة على باب البورصة مكتوب عليها " كان هنا فقراء "

بس معليش ماحدش يفتكر إنه هاياكلها بالساهل .. فتخصيص الأسم ساعتها كان 39 سهم لكل شخص .. يعني كلام فارغ .. وبالتالي عايزه واحد حريف .. يشتري بإسمه وإسم زوجته ووالدته ومرات عم عبدو البواب .. عشان يقدر يعمل مكسب كويس ... وعلى فكرة وصل سعر صورة البطاقة الشخصية ساعتها 100 جنية ... فعشان حد يشتري بإسمك لازم تعطيه صورة بطاقة ..

ودي آفة الأسهم السعودية فبالرغم من تحقيقها لقفزات عملاقة ... إلأا إن في بداية طرح أي سهم لشركة جديدة ممكن ييجي نصيب الواحد في التخصيص .5 % يعني لو مكتتب في 1000 سهم يبقى هاياخد 5 أسهم في العضل وتعيش إنت يا حاج ... طبعاً حاجة هزيلة جداً .. وبرضوا بيعملوا شُغل نار في حكاية صور البطاقات دي ...

هييييييه .. خلينا قاعدين كده في مقاعد المتفرجين

[mb14]

ياااااااااااااااااااه

أخيرا لقينا الخبير فى البورصه (س س فاكر لما فتحت كام موضوع عن البورصه ودورنا على واحد خبير يعلمنا الشغلانه دى )

باين عليك قعد تدور وتدعبس لحد ما تعلمت يا ريس

فعلا لازم ندخل دلوقتى البورصه يا باشا لسببين غير ما ذكرته من توقع الربح من الاتصالات .

1- نزول الاتصالات حايعمل انخفاض فى باقى الاسهم لانه كله بيبيع عشان يشترى الاتصالات ودى اللى حصل الاسبوع اللى فات .

2- الناس حاتدفع نصف الثمن والفلوس حاتتجمد لفترة انتهاء التخصيص (بردوا يؤدى لقلة التداول على باقى الاسهم ).

الشاطر بقى يدخل فى الاتنين يشترى الاتصالات ويشترى الاسهم المحترمه التى سعرها يريح .

على الفكره التكويد مش ببلاش بيكلف 50 جنيه .

بالتوفيق

س س احجزلى مكان جنبك فى الدرجه المكيفه للمتفرجين السوبر اللى مش قادرين ينزلوا الملعب (بس عاملين نفسهم حريفه)

تم تعديل 30 نوفمبر 2005 بواسطة mb14

[se_ Elsyed]

يا عم خبير مين ده أنا أخيب من الخيابة ..

كل ما في الأمر إن من ضمن أنشطة شركاتنا هو الوساطة في البورصة .. ولكن في السعودية النظام مختلف شوية فلسه نظام البروكرز ما أنتشرش ..

ما علينا

لكن شغالين زي الفُل في مصر ..

والسوق الواعد اللي عاملين في شغل نار والحمد لله هو بورصة دُبي ..

والخيابة بقى بتييجي من إن كل علاقتي ببتوع البورصة اللي منهم ناس بيفهموا القرد مخبي إبنه فين في البورصة .. إني بأشتغل في إدارة الموارد البشرية وتعاملي معهم كزملاء عمل وصداقة خارج العمل .. أما إني ألاقي 5 دقايق فاضيين في اليوم عشان أروح أتتلمذ على إيدهم .. فهذا صعب ..

لكن ربنا يسهل هاحاول ...

على الفكره التكويد مش ببلاش بيكلف 50 جنيه

إيه الجشع ده ؟

في دبي بنعمله ببلاش ..

نزول الاتصالات حايعمل انخفاض فى باقى الاسهم لانه كله بيبيع عشان يشترى الاتصالات ودى اللى حصل الاسبوع اللى فات .

إنت بتتكلم عن الخبراء يا حاج .. لكن نحن هنا لسه مبتدئين ... يعني إضرب وإجري وما تكمرش أو تخزن السهم أحسن يجيلوا المرض البطال وما تلقيهوش ..

الناس حاتدفع نصف الثمن والفلوس حاتتجمد لفترة انتهاء التخصيص (بردوا يؤدى لقلة التداول على باقى الاسهم ).

سهم المصرية للإتصالات مش هايقعد كثير لحد ما يتخصص ويتداول .. كل الفرق - حسب كلامهم - هايبقى إسبوع واحد فقط .. في أسهم بتقعد أسابيع .. لكن ده لو حصل إنه إسبوع واحد فهاتبقى المخاطر بسيطة على أساس إن الفترة ما بين التخصيص والتداول قصيرة جداً .

وأنا بأنصح أي واحد يشتري إتصالات إنه يبيعه أول 3 أو 4 أيام من التداول وطالما هاتبقى متكود يبقى خش على سهم شركة الدلتا للسُكر وقلب عيشك ماحدش عارف الأيام الجاية هاتبقى مخبية إيه ..

ونصيحة أخرى : إوعى تخزن لو كنت مبتديء .

س س احجزلى مكان جنبك فى الدرجه المكيفه للمتفرجين السوبر اللى مش قادرين ينزلوا الملعب (بس عاملين نفسهم حريفه)

مرحبتين يا باشا ...

ما هي دي الجدعنة إنك تلبس البدلة وتقعد تحلل وإنت على البر ..

[عادل أبوزيد]

سيتم بيع 20% من شركة الإتصالات و هذا فى شكل 340 مليون سهم.

أولا بيع 20% فقط من الشركة عدم وجود تغيير فى الإدارة و بالتالى أداء الشركة سيبقى كما هو عليه إن لم يكن أسوأ

ما سبق كان إستهلالا لابد منه

ملاحظة خبيثة: هل تذكرون مأساة سوق المناخ فى الكويت فى الثمانينات ؟

مسألة إن شركة ما تطرح سهمها اليوم و غدا تتضاعف قيمته يعنى وجود خلل جذرى فى السوق و السوق هو مجموع المشترين و البائعين و آليات العمل فى البورصة التى يتم فيها العمل.

هذا الخلل يحول العمل فى البورصة - مع الفارق الشديد - إلى ما يشبه المقامرة.

فى مصر الصعود و الهبوط الفجائى المتكرر لأسهم معينة - أو كثير من الأسهم - يمثل مؤشر على الخلل و الفساد.

أقوم بالإستثمار فى بورصة نيويورك فى حدود بسيطة و أشعر بالإنبهار لكم القواعد المنظمة للبورصة و العمل فى البورصة و الشفافية التى تحكمها.

و الشركات المسجلة فى البورصة يجب أن تكون شركات قائمة لمدة ثلاث سنوات و لها ميزانية رابحة واحدة على الأقل و ذلك قبل طرحها فى البورصة و فى خلال الست شهور الأولى من طرحها فى البورصة لا يجوز لأى من أصحاب الشركة بيع أسهم الشركة التى يمتلكها .... لن يرضى أى بنك بتبنى طرح أسهم أى شركة بدون هذه الضوابط.

و أى محاولة للإخلال بالشفافية فى عمل البورصة يكون مصيرها عقوبات رادعة و أكرر رادعة.

آخر عملياتى أنى إشتريت سهم google بسعر 424.39 دولار منذ يومين و إنخفض السعر اليوم إلى 405 دولار للسهم و لكن المعلومات الإقتصادية و السوقية المتاحة تبشر بزيادة كبيرة و لكن كثيرا ما تأتى الرياح بما لا تشتهى السفن و هذه هى طبيعة العمل فى البورصة إذا كنت تبغى الربح من مجرد إختلاف الأسعار و لكن فى حالة أن تبغى الربح من خلال توزيع الأرباح فالأمر أكثر إستقرارا و يحتاج إلى جهد أكبر

أطيب تحياتى و أتمنى لكم التوفيق

[ابو حلاوه]

احد اصدقائي الفرنسيين و هو بالمناسبة يساري عتيد .. حكي لي عن تجربه و نحن نتكلم عن البورصة عن احدي الايكول سوبريور في فرنسا عندما قاموا بتقسيم طلاب الدراسات العليا لمجموعتين احدهم بمساعدة استاذ كبير قامت بدراسة سوق البورصة لفترة زمنية و وضعت توقعات لمكاسب و خسائر معينه طبقا لاسلوب علمي اقتصادي في حين قامت مجموعة اخري بوضع توقعات اخري عشوائية و للتاكيد علي انها عشوائية كانوا بيلعبوا نيشان يعني بيضعوا اسامي الشركات علي سهم و بيرموه علي لوحة النيشان و يصابت يا خابت ........ تخيلوا من كانت توقعاته اقرب للصواب ؟؟ تخيلوا كده ؟؟؟

بتوع النيشان ................ البورصة استثمار مش سهل يعتمد بدرجة علي المعلومات وبدرجة اكبر علي الحظ ... و المراهنة علي صعود و هبوط سهم مسألة حظ اكثر منها اي شئ اخر خصوصا في اجواء اقتصادية انتجت الريان و السعد و انتجت فضائج سابقة في البورصة ........

احد نجوم الاستثمار العالمي وارين بافيت وهو لمن لا يعرف ثاني اغني رجل في العالم كانوا بيتوقعوا انهيار مملكتة المالية لرفضة الدخول في الاستثمار في شركات الانترنت في منتصف التسعينيات مما منع عنه مكاسب ضخمة جدا في ذلك الوقت ولكن من يضحك اخيرا يضحك كثيرا الراجل كان لئيم وجهة نظره باختصار شديد .. اشتري ولا تبيع و لما تشتري اشتري في شركة لها وزن كبير و لها سوق و انتاج حتي لو كان السهم غالي و مكسبك في عائد السهم محدود .. الحقيقة قاعدة بسيطة جدا ..... العب في المضمون ... عائد وارن بافت منذ الخمسينات حوالي 30 في المائة في السنة طبعا مش 1000 في المائة في عدة ايام كما نري في بعض البورصات الناشئة التي سرعان ما تنهار و تاخد فلوس مساهميها و يخسروا الجلد و السقط

معظم المشاركين في المنتدي من المهنيين الذين ليست لهم خبرة في الاستثمار وليس لديهم الوقت الكافي لادارة محفظة مالية في البورصة ..... استثمار الاموال في تلك الحالة يجب ان يكون في المضمون و المضمون بس حتي لو كانت المغريات ضخمة جدا ..... وجهة نظر شخصية لا يعني بالضرورة انها صحيحة

[se_ Elsyed]

هناك إشاعات تملأ السوق الإن بإن السهم هايفتح يوم الأربعاء - بعد بُكره يعني - على 30 جنية أي الضعف ... وممكن عشان الواحد يبقى في الامان يعطي أوردر للبروكر بتاعه بالسعر اللي يحب يبيع عليه ...

ونصيحة أكاديمية إن الواحد يستنى أول يوم ويشوف السوق عامل إزاي ولو عايز يضرب ويجري يبقى يبيع بعدها بيوم أي يوم الخميس ..

كنت باتناقش مع أحد السماسرة إمبارح وقال لي إن بنهاية الشهر ده وأول الشهر الجاي هاينزل سهمين جامدين قوي

1- الدلتا للسُكر - كما سبق وذكرت -

2- وأفصح لي عن إسم شركة الادوية الكُبرى اللي متكتمين عليها وهي شركة " سيد " للأدوية ...

يالله بقى عيشوا وإدعوا لنا ..

-------

بالمناسبة يا جماعة معلومة على الماشي ..

سهم شركة " دانة غاز الخليجية " واللي مقرها الإمارات واللي كان نازل للإكتتاب في الخليج .. بدرهم واحد فقط .. ولموا فيه مليارات ممليره ( 288 مليار درهم :blink: ) .. بس كان لازم تبقى موجود بنفسك في دبي في شهر 9 الماضي لكي تكود عند أي سمسار وتودع الفلوس في البنك .. وكان التخصيص مفاجأة موجعه .. حيث كان نص في المائة .. يعني لو طلبت 1000 سهم يبقى هاتاخد 5 أسهم في العضل ...

المهم فتحوا التداول الإسبوع اللي فات على كام بقى ؟

على حوالي 5 درهم .. يعني خمس أضعاف سعر السهم .. يعني لو شاري بـ 100 ألف تبيع بنص أرنب .. الغريب بقى إن ما فيش حد باع في أول أيام التداول على أمل إرتفاع السعر أكثر .. بالرغم من إن كان هناك الكثير من طلبات الشراء ..

------

أسمعوا النكتة دي بقى ..

إحنا شغالين في دبي كبروكر بيع شرا ... فانلات شربات ... وكده يعني والناس هناك اصحابي لإن كلهم موظفينا .. فقلت لهم يا جماعة الخير عايز أتكود عندكوا إيه المطلوب .. مع العلم بإني الراجل بتاعهم ..

فقالوا لي لازم تتعامل معانا بحد ادنى نص أرنب إماراتي يا أخ سين سين ... فقلت لهم ما تمشوها ألفين ريال وهاروشكم .. رفضوا ولاد الذين .. بالرغم من إنهم في خلاف دلوقت مع سوق المال الإماراتي الذي يمنع تحديد حجم تعامل مُعين من قِبل السماسرة ..

بس حتى في مصر .. فبيقولوا لك كل واحد معاه 100 جنيه محيراه هاييجي يقرفنا ويقولك إقطع لي ربع كيلو أسهم وحياة والدك ... وفعلاً في بعض السماسرة في مصر شاطوا اللي عايزين يكتتبوا وقالوا لهم روح هات من ماما 100 ألف جنيه وإحنا نعبرك ..

-------

بلد شهادات صحيح ..

فينك يا MB14 أنا صقعت لوحدي من القاعدة في التراسينه ..

[se_ Elsyed]

الأهرام 12/12

السعر ما بين‏20‏ و‏28‏ جنيها

الخبراء يحذرون من سوق موازية لسهم الاتصالات

بدء التداول في البورصة بعد غد‏..‏ ومجلس إدارة جديد للشركةحذر الخبراء أمس من التعاملات غير الرسمية علي أسهم الشركة المصرية للاتصالات بين الأفراد بأسعار مبالغ فيها‏,‏ حيث تراوح السعر ما بين‏20‏ و‏28‏ جنيها مؤكدين أن مثل هذه التعاملات تمثل نوعا من المضاربات الخطيرة‏.‏

من جهة ثانية‏,‏ قرر مجلس إدارة بورصة القاهرة والإسكندرية ـ في اجتماعه أمس برئاسة ماجد شوقي رئيس البورصة ـ بدء التداول في أسهم الشركة المصرية للاتصالات فقط صباح بعد غد‏,‏ علي أن يستمر التداول عليها خلال جلسة التداول الرسمية‏,‏ وتقرر أيضا بدء التداول علي أسهم الشركة ببورصة لندن في الموعد نفسه‏,‏ علي أن يكون بنك أوف نيويورك هو بنك الإيداع المنوط به إدارة طرح شهادات الإيداع الدولية‏.‏

من جانب آخر‏,‏ ينتظر تشكيل مجلس إدارة جديد للشركة المصرية للاتصالات‏,‏ وذلك بعد أن تم طرح جزء من أسهمها للاكتتاب العام خلال الأيام الماضية‏,‏ وقال المحاسب علي سلامة نائب رئيس الشركة‏:‏ إن تشكيل المجلس الجديد سيكون طبقا للقواعد والأسس المنصوص عليها في قانوني الشركات وهيئة سوق المال‏,‏ بحيث يكون هناك ممثلون في المجلس عن الحكومة والمستثمرين والعاملين‏,‏ وفقا لنسب الأسهم التي تحصل عليها هذه الفئات في الشركة‏.‏ وأوضح أن المصرية للاتصالات مستعدة لجميع التحديات المستقبلية التي قد تواجهها‏,‏ بما فيها تحرير قطاع الاتصالات الدولية‏.‏

[mb14]

فينك يا MB14  أنا صقعت لوحدي من القاعدة في التراسينه ..

<{POST_SNAPBACK}>

س س

ربنا يقويك لغاية ما اجيلك

حقيقة اليومين دوول التحقت بعمل جديد (بفضل الله ) فى شركه مالتى ناشيونال فى مجالى تعمل فى شمال الصعيد ولكن مضغوط حبتين حتى مش قادر آلاقى وقت ابص كويس فى المحاورات وكمان مش قادر اخد اجازة لدرجة انى كنت عايز اشترى فى المصريه للأتصالات بش ما قدرتش عشان ما عنديش اجازات لمدة اول 3 شهور.

بقولك دى انتى بقيت خبير بجد وتقولى مش عارف ايه :blush:

ربنا يسهل وألحق اى حاجه من اللى جاى ياريس خلى بالك التقيل ورا والبترول بيستعد يا باشا .

[se_ Elsyed]

إحنا بتوع الأخبار الطازة السخنة

خبر عاجل ... وبيع يا صبري

سهم الاتصالات يقفز من 15.5 إلى 27.5 جنيه في أولى ساعات التداول بالبورصة المصرية!

الأربعاء، 14 ديسمبر 2005 - 09:53

القاهرة (مصر) - رويترز : ارتفعت أسهم الشركة المصرية للاتصالات التي تملك الدولة حصة الأغلبية فيها بنسبة 82% لتصل إلى 27.50 جنيه مصري - حوالي 4.79 دولار أمريكي - للسهم في بداية أول يوم لتداولها في البورصة يوم الأربعاء مقارنة مع السعر الاسمي للفتح وهو 15.15 جنيه.

وباعت الحكومة 20% من أسهم الشركة المتخصصة في خطوط الاتصالات الثابتة بسعر 14.80 جنيه للسهم للمستثمرين والأفراد وبسعر 15.56 جنيه للسهم للمؤسسات المستثمرة.

واجتذب الإصدار العام الاولي الذي أغلق باب الاكتتاب فيها الاسبوع الماضي طلبات فاقت المعروض بكثير.

[khedr]

واكد آخرون ان سهم الشركة ما زال الطريق أمامه مفروش بالورود في ظل الإقبال الشديد عليه أملين ان يصل السعر الى أعلى معدلاته بنهاية أسبوع التداول حيث وشهدت صباح اليوم (الأربعاء) شركات الأوراق المالية ازدحاما شديدا من حاملي اسهم المصرية للاتصالات لبيع وشراء اسهم جديدة خاصة بالمصرية للاتصالات حيث بدأ التداول على السهم بسعر 30 جنيها (5.2 دولار) وانخفض ما بين 25 حتى 23 خلال الساعة الثانية عشرة ظهرا بتوقيت القاهرة ومن المتوقع ان يعاود الارتفاع ليصل سعر اسهم المصرية للاتصالات الى 30 جنيها للسهم وذلك عدن الإقفال في الثالثة والنصف عصرا .

http://www.elaph.com/ElaphWeb/Economics/2005/12/112889.htm

اخونا الحبيب واحنا علينا الحلو...الموقع والوصله للي عايز يتأكد

(وجتنا نيله في حظنا الهباب....اخوكم قاسم السماوي)

ولكن الحذر...اخواني ...عدم الشراء عندما يرتفع ....توخي الحذر امامكم مطب

والله اعلم

[se_ Elsyed]

شوفتوا ...

هي دي البورصة بكامل حقيقتها ..

فبعد ما كان السعر بالأمس يُلامس 35 ج للحظات وقفل على 24.5 ج في نهاية اليوم .. هاهو يفتح النهاردة على 20 ج في صدمة مؤكدة للمتعاملين الجُدد اللي ما يعرفوش حقيقة المكارة اللي إسمها البورصة .. ولكنها فُرصة ذهبية للشراء لكثر من الفئات لتكملة المحظفة .. حيث إن التخصيص كان هزيل جداً .. والناس أساساً معاها الفلوس اللي رجعت بعد التخصيص يعني فيه سيولة ...

هناك شائعات بتقول إن السعر هايوصل في خلال الأسابيع القليلة القادمة إلى مستويات عالية جداً ( مش عايز أقول 50 ج ) لكنها هايوصل لمستوى يستطيع الواحد فيه أن يُحقق ربح كبير .. بس ده بالنسبة للمستثمرين اللي يستحملوا تخزين السهم لفترة .. ولكن اللي راضي بقليلة ممكن يحدد لنفسه هامش ربح مُعين ويبيع عنده في أيام التداول الأولى..

يعني مثلاً ممكن يقول للبروكر بتاعه لو وصل 25 ج في أي وقت في اليوم يبقى بيع يا صبري .. وكذلك في أوردر الشراء في إنه يشتري عند سعر مُعين ..

وإليكم أخر خبر

هبوط سهم المصرية للاتصالات الى 20.10 في ثاني أيام تداوله

الخميس، 15 ديسمبر 2005 - 10:52

 

القاهرة (مصر) - رويترز : قال متعاملون ان اسهم الشركة المصرية للاتصالات انخفضت الى 20.10 يوم الخميس لاقبال المستثمرين على بيعها لجني الارباح بعد ارتفاعها الحاد في أول أيام تداولها يوم الاربعاء.

وفي الساعة 0750 بتوقيت جرينتش أي بعد 20 دقيقة من بدء جلسة تداول خاصة لمدة ساعتين انخفض سعر السهم الى 20.10 جنيه مصري (3.50 دولار) أي بانخفاض تسعة في المئة عن سعره في نهاية المعاملات يوم الاربعاء وبانخفاض 13.9 % عن المتوسط المرجح لسعر الاغلاق.

وكان سعر الفتح الاسمي للسهم يوم الاربعاء 15.50 جنيه.

وقال متعامل "اليوم جني أرباح. فمن لم يبيعوا أمس يبيعون اليوم".

وباعت الدولة 20 % من أسهم شركة الاتصالات التي تحتكر خطوط الاتصالات العادية في مصر في اكتتاب عام جمعت من خلاله 5.132 مليار جنيه لتصبح قيمة الشركة 26.6 مليار جنيه.

وكان السعر الذي باعت به الحكومة الحصة 14.80 جنيه لصغار المستثمرين و15.56 جنيه للمؤسسات الاستثمارية.

(الدولار يساوي 5.74 جنيه)

بس اللي متودك وعارف البورصة كويس ما يقلقش من الإنخفاض ده لإنه راجع إلى إن صغار المتعاملين اللي ما بيستحملوش الضربات بيحاولوا يتخلصوا من اللي عندهم وينسحبوا بسرعة وهما راضيين بهامش ربح 50 أو 70 % يعني في عرض كبير .. وفي نفس الوقت الحيتان الكبار متربصين وبيشتروا منهم عشان يبقى عندهم عدد أسهم معقولة .. وبيقوموا بممارسة ضغوط عصبية على صغار المستثمرين عشان يخلوهم يتخلصوا من اللي عندهم ويوقعوا الأسهم فطيس وبسعر شراء مناسب لهم وبعد ما يخلص الكام يوم الأولانيين اللي فيهم هرج ومرج وضربات سريعة من الجانبين ( شراء وبيع ) يبتدي لعب الكبار اللي على أصوله حيث إن الصغيرين بيبقوا روحوا بعد ما خدوا اللي عايزينه .

على فكره شركة الإتصالات عجبتها اللعبة وهاتنزل جزء تاني من الأسهم خلال ستة شهور من الآن وده ممكن يأثر على السوق جامد قوي قوي بس مش دلوقت ولكن لما يعدي شهرين تلاتة وبعد كده كله هايجهز نفسة عشان يبقى عنده سهولة كافية يشتري بها أكبر كم من الأسهم لكن مثل تلك الأخبار بالتأكيد بتغير تركيبة السوق وبتدي أمل لناس كثيرة .. وكمان السوق هاينتعش ويتأثر إيجابياً بإجازات المغتربين الصيفية اللي بيبقوا راجعين ومحملين وعايزين يشاركوا في اللعبة .. فلو تزامن الطرح الثاني للأسهم مع اجازتهم هانشوف بقى عجب العجاب ..

وإتفرج يا سلام

[se_ Elsyed]

س س

ربنا يقويك لغاية ما اجيلك

حقيقة اليومين دوول التحقت بعمل جديد (بفضل الله ) فى شركه مالتى ناشيونال فى مجالى .

الف الف مبروك يا محمد وإنت حقيق تستاهل كل خير ..

وإتعب شويه في بداية الإلتحاق بالعمل وربنا هايكافئك بإذن الله .

والموضوع ده في عزومه .. بس لما أشوفك في مصر