خمسه فرفشه

[KANE]

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف

و قالة يا ترى انت بقى الفرفور الابيض فقالة الراجل فرفور اية رخصك يا روح امك

واحد اتجوز واحدة وبعد اربع شهور ونص مراته خلفت ولد

فسالها الواد دة جه ازاى واحنا متجوزين من اربع شهور ونص؟؟؟؟!!

قالت له انت متجوزنى من امتى؟؟؟

قال لها من اربع شهور ونص

قالت له انا متجوزاك من امتى

قال لها من 4 شهور ونص

قالته له كدة يبقوا تسعة .

فرد عليها ايوة كدة كنتى هتخلينى اشك فيكى

· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

وحدة تقول لحبيبها (المغفل) أهلى مسافرين والبيت فاضى قالها أقرئى قرأن ومتخافيش

واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى

طبيب عيون بيحب وشايل وردة فى ايديه

وقال لحبيبته شايفة الوردة دى ياحياتى

قالتله اه

قام ونقلها الى اليد الاخرى وقالها طب كده

مرة مدرس رياضة اتجوز مدرسة رياضة خلفوا ولد متساوى الساقين

· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

بلدياتنا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

واحد بلديتناقاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه

فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه

فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول

واحد بلدياتنا جاله تليفون بيقوله يا صميده امك و ابوك و مراتك و اولادك كلهم ماتوا صاحبنا سمع الخبر قال الحياه ملهاش لزمه و راح طالع فوق عماره 30 دور و رمي نفسه بين 30و20 قال الله انا امي و ابويا ماتوا من زمان بين 20و10 قال الله انا مش متزوج قبل ما يقع علي الارض يابوووى انا اسمى مش صميده

[Alshiekh]

واحد بلدياتكوا جاءت له بعثة فرنسا

أمه حضرت له الزاد والزواد ومعاهم 3 بلاليص مش من اللى هوه

يوم سفره قعدت توصيه،

ياهريدى ... ماتنساش قبل ماتفتح كل بلاص مش لازم تسمى الله علشان الشيطان مايدخلش فيه ويأكل معاك لحسن يخلص بسرعة ، يقولها حاضر ياأمه

ماتنساش ياهريدى ماتفتحش البلاص اللى بعده الا لما الاولانى يخلص.... حاضر يا امه

سافر هريدى بالدموع اللى ودعته فى المطار

وصل هريدى فرنسا وقعد فى الاوضه بتاعته وقام يجهز الفطار

فتح هريدى اول بلاص مش ونسى امه قالت له ايه ، اسبوع وخلص البلاص الاولانى.

وفتح هريدى البلاص التانى وبرضه نسى وصية امه يعمل ايه قبل مايفتح البلاص، اسبوع وخلص البلاص الثانى.

هوب ، مد هريدى ايده يفتح البلاص الثالث ، نط له الشيطان وقاله

ياهريدى انا فى عرضك ، ماتنساش نصيحة امك وسمى الله المرة دى

تم تعديل 29 نوفمبر 2005 بواسطة Mohammad

[Alshiekh]

واحد عنده ارنب ، خده السوق يبيعه

وقف قدامه واحد مبرشم وقعد يقول بكم القرد ده ، صاحبنا آخر مازهق قال له يابلدينا ده ارنب مش قرد، رد المسطول قاله ، وانت مالك ياحشرى ، انا باسأل الارنب.

اما مجموعة النكت القادمة فهى نقل مسطرة ، قرأتها فاعجبتنى واحببت ان تشاركونى قرائتها واتمنى ان تعجبكم

الاشتراكية: أن تكون لديك بقرتان تعطي واحدة لجارك‎.

الشيوعية: أن تكون لديك بقرتان فتأخذ الحكومة الاثنتين وتمنحك بعض اللبن‎.

الفاشية: أن تكون لديك بقرتان فتأخذ الحكومة الاثنتين وتبيع لك بعض اللبن‎.

النازية: أن تكون لديك بقرتان فتأخذ الحكومة الاثنتين وتعدمك‎ .

البيروقراطية: أن تكون لديك بقرتان فتأخذ الحكومة الاثنتين وتقتل واحدة وتحلب الأخرى وتلقي باللبن بعيدًا‎.

الرأسمالية: أن تكون لديك بقرتان فتبيع واحدة وتبتاع ثورًا، من ثم ينمو القطيع فتبيعه وتتقاعد معتمدًا على الدخل‎.

شركة أمريكية: أن تكون لديك بقرتان فتبيع واحدة وترغم الأخرى على أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة‎.

شركة فرنسية: أن تكون لديك بقرتان فتعلن الإضراب لأنك تطالب بثالثة‎.

شركة يابانية: أن تكون لديك بقرتان. تعيد تصميمهما جينيًا بحيث تصيرا عشر حجم البقرة العادية، مع مضاعفة اللبن عشرين مرة. ثم تبتكر شخصية بقرة للرسوم المتحركة اسمها (كاوكيمون) وتسوقها في العالم كله‎.

شركة ألمانية: أن تكون لديك بقرتان. تعيد تصميمهما جينيًا بحيث تعيش الواحدة مائة عام وتحلب نفسها وتأكل مرة كل شهر‎.

شركة إيطالية: أن تكون لديك بقرتان لكنك لا تعرف أين هما ثم تكف عن البحث لأن ساعة الغداء حانت‎.

شركة روسية: أن تكون لديك بقرتان تعدهما فتجد أن لديك خمس بقرات‎. تعد من جديد فتجد أن العدد 42 تعد من جديد فتجد أنهما بقرتان تتوقف لتفتح زجاجة فودكا أخرى‎.

شركة سويسرية: أن تكون لديك 5000 بقرة لا تملك واحدة منها. لكنك تتقاضى من الآخرين ثمن الاحتفاظ بها‎.

شركة صينية: أن تكون لديك بقرتان ولديك 300 واحد لحلبهما. تنشر أخبارًا عن انعدام البطالة وتقدمُ صناعة الألبان وتعتقل الصحفي الذي نشر الأرقام الحقيقية‎.

شركة هندية: أن تكون لديك بقرتان وأنت تعبدهما‎.

شركة بريطانية: أن تكون لديك بقرتان مجنونتان‎!

شركة مصرية: أن تكون لديك بقرتان كلتاهما ذهبتا لمبايعة مبارك

واحد لقى المصباح السحرى ، قال لما انظفه واحكه ، هوب لقى اثنين جايين يجروا عليه ،

الاول قال هات المصباح ده ، قام سأله انت مين ؟ قال انا علاء الدين صاحب المصباح ،

بص على الثانى وقال له وانت تطلع مين؟ رد عليه وقاله " أنا علاء شريكه "

تم تعديل 29 نوفمبر 2005 بواسطة Mohammad

[se_ Elsyed]

النكتة دي .. قديمة بس ظريفة ..

- بيقولك الشرطة كبست على أحد الغُرز لتعاطي المخدرات ... فمسكوا أول واحد .. طاخ إسمك إيه ... كذا .. الثاني : إسمك إيه طاخ ..... وجم على واد صغير كان قاعد بيشم معاهم ... فالظابط بيسأله : ويا ترى الشمام الصغير إسمه إيه : فالواد قاله : كانتلوب يا باشا ..