تحيا مصر

[أحمد عمر]

[align=center]تحيا مصر حرة أبية

ويحيا ترابها يا مؤمنين

وتحلي بشبابها وتفضل بهيه

ويحيا جهادها طول السنين

مين قال إن انتي عادية

ده أنتي الحياة وأنتي الحنين

يا لؤلؤة يا مصر يا جنية

يا ملتقى كل العاشقين

ولا فجمالك تيجي حُرية

ولا فشموخك يجي عرين

ولا في الحنان بعدك حنية

ولا فبراءتك يجي جنين

أن مصري وأبن مصرية

من مواليد أربعة وسبعين

جيت للدنيا مع الحرية

يا شهدائنا يا منتصرين

قدمت نفسكم لينا تضحية

علشان نعيش بعدكوا ملايين

رافعين راسنا وبحرية

إحنا واجيالنا الجايين

علشانكم هكتب أغنية

ياللي جهادكم علينا دين

تحيا مصر .. وتحيا الوحدة العربية

ويحيا ترابك يا مصريين

ليكو مني ألف تحية

وتاج العزة عالجبين

ومن عادل أبني هدية

طوق م الورد والياسمين

[/align]

[shahd]

الأخ احمد عمر رقيقة كلماتك وجميل حبك لبلدك :blink:

[Mina]

جميل جدا يا أستاذى ...

شكرا لك على هذا الابداع .. و الاهم .. على تلك المصريه الخالصه ..

مؤثره بالفعل .. و قافيه منتظمه و محكمه الى حد كبير ...

تحياتى ..