الشرطة المصرية

[التونسى]

 

 

هذا رأيك، أما أنا فبالطبع لا اتفق معك بالمرة في هذا ... وأفضل إنتظار نتيجة التحقيقات النهائية، متمنياً أن تدور في ظل أجواء من العدالة والنزاهة والشفافية 

 

إشطه يا مان . وكل الاحترام  لتفنيدك او تحليلك او وجهة نظرك  فى هذا الصدد .. والذى يختلف مع وجهة نظرى بشكل شبه جذرى . وحسنا فعلت حين فضلت انتظار نتيجة التحقيقات النهائيه واتفق معك فى هذا .. ففى النهايه يجب الاعتراف باننا شهدنا نصف الحقيقه الثانى فى الفيديو ولم نرى النصف الاول  من الحقيقه ((وان كنت توقعته شخصيا بالمنطق والعقل والخبره مع  طبيعة الكمائن)) .. عامة أنا اتوقع ان فى النهايه  الطرفان حيتصالحا وحيبقوا سمن على عسل  .. نظام الفنانين بيقدروا الشرطه .. والشرطه بتحترم الفنانين   

تم تعديل 2 مارس 2016 بواسطة التونسى

[tarek hassan]

القضية الأصلية فين .... تاهت

التهمة الأولى : السكر أثناء القيادة وقد ثبت

والتهمة الثانية : الاعتداء على موظف أثناء تأدية وظيفته وقد ثبت

وبما أنها لن تستطيع دفع التهمة الأولى وعقوبتها خفيفة تبدأ من الحبس شهرين تقريبا

فبإمكانها دفع التهمة الثانية أو تخفيفها من خلال التبلي ورمي الجتت

حتى لو قامت بإحداث إصابات مختلفة بنفسها

أظن ياسمين النرش رغم ما فعلته كانت أكثر حياء ولم تلجأ لهكذا أساليب

ولذلك ربما تكون عقوبة الضابط أكثر من عقوبة مريهان

ابتسم إنت في مصر

https://www.youtube.com/watch?v=AVifS9gKYKI

[أبو محمد]

أعتقد إن احنا لسنا بهذا العبط والغباء حتى نصدق شهادة من نوع "قالوله"

بتاعة عادل إمام فى "شاهد ما شافش حاجة"

 

يعنى إيه أشرف زكى شهد ؟

هو أشرف زكى كان معاها فى العربية ؟

هو أشرف زكى كان محبوس معاها "إنفراديا" ؟

أشرف زكى شهد أمام وكيل النيابة أم أمام وائل الإبراشى ؟

:Exclam:

أشرف زكى "شاهد ما شافش حاجة" .. أشرف زكى "قالوا له"

رفقا بالعقول

[White heart]

 أنا اتوقع ان فى النهايه  الطرفان حيتصالحا وحيبقوا سمن على عسل  .. نظام الفنانين بيقدروا الشرطه .. والشرطه بتحترم الفنانين   

أما أنا فلست لا مع فنانين ولا ضد داخلية وشرطة ... انما مع الدولة المدنية ... دولة المؤسسات والقانون   ... أفضل (كنموذج) أن يأخذ القانون، والعدالة مجراهم حتى النهاية سواء مع تلك الواقعة "البسيطة" .. أو غيرها من الوقائع "الكبيسة" من عينة تلك التى تتخللها ما يُسمى بـــ "الجلسات العُرفية" ... وأحكامها، وعقوباتها التى لا علاقة لها لا بدولة ولا بقانون ولا بمواطنة :

 صرح محامي نقابة المهن التمثيلية شعبان سعيد، أنه وموكلته الفنانة ميريهان حسين، يرفضان التصالح مع ضابط الشرطة المتهم بهتك عرضها داخل حجز قسم شرطة الهرم . 

وأوضح سعيد أنه لا يمكن قبول التصالح في قضية هتك عرض، فلو كان الأمر مقتصرا على سب متبادل بين الطرفين لكان الأمر ممكنا، لكن الحدث تطور إلى تعرض الفنانة ميريهان حسين لهتك عرض ولمس أجزاء حساسة من جسدها، بالإضافة إلى تعرضها للتعذيب الجسدي.

وأضاف سعيد أنهم وجهوا اتهاما أمام النيابة للضابطين "مصطفى توفيق" و"إيهاب بحر" بسبب التعدي عليها بالضرب وهتك عرضها مشيرا إلى أن موقف موكلته قوي في القضية، طبقا إلى الفيديو الذي ظهرت فيه ميريهان توجه السباب لأحد الضباط، لا يمكن أن يكون دليلا ضدها، حيث ظهرت فيه تقول "مش حرام عليكم اللي عملتوه" وهو ما يعني أنها كانت في حالة دفاع شرعي عن النفس.

ولفت " سعيد" إلى أنه نتيجة لموقف موكلته القوي في القضية، تدخل بعض الأطراف في محاولة للصلح بين الطرفين، إلا أنهم رفضوا الأمر بسبب تعرضها لهتك عرض وهو ما يمثل جناية تستوجب العقاب المشدد.

تم تعديل 2 مارس 2016 بواسطة White heart

[herohero]

ياساده ماتتعبوش نفسكم هي اللي غلطانة ، وكلنا هنفضل كده لحد مانتعرض لموقف معين غير كده كله هيقول تمام وانا مالي

 

روقوا كويس ان ميرهان حسن ده ماطلعتش اخوان !!  كله زي الفل وتمام 

 

وبعدين مش بتشوفوا الشرطة بتعمل ايه ف أمريكا !!! واوروبا والدول المتقدمة 

 

عاوزكم تركزوا ع العقاب بس انما ما تبصوش ع الصورة كاملة 

 

 ربنا ياخد الشعب المفتري 
https://www.youtube.com/watch?v=smZtWrQvYAM
 

[tarek hassan]

الأخ : أشرف زكي نقيب الممثلين 

إيه أخبار 

محمد شومان 

وهشام عبد الله 

وهشام عبد الحميد 

اللي نازلين شتيمة في البلد في قنوات الإخوان بالخارج 

مفيش أي إجراء ولا حتى إنكار 

[tarek hassan]

إخلاء سبيل الفنانة ميرهان حسين بكفالة 5 آلاف جنيه

أمرت نيابة الهرم، اليوم الأربعاء، بإخلاء سبيل الفنانة ميرهان حسين بكفالة 5 آلاف جنيه، فى اتهامها بالاعتداء على ضباط قسم شرطة الهرم، كما أمرت النيابة بإخلاء سبيل ضابطين بضمان وظيفتهما لاتهامهما بالاعتداء على الفنانة. يذكر أن النيابة وجهت للفنانة الشابة تهمة التعدى بالضرب على موظف أثناء تأدية مهام وظيفته، والسب والقذف والسكر أثناء القيادة، ووصلت "مريهان" إلى مقر المحكمة فى سيارة الترحيلات مقيدة بالكلابشات مع متهمين آخرين، وسط حراسة أمنية مشددة، كما حرص على الحضور عدد من أصدقائها وأقاربها. 

[herohero]

https://www.youtube.com/watch?v=18qasrvyhqA

 

ضابط شرطة يعتدي على أستاذ جامعي دهسًا بالأقدام أمام قسم أول الزقازيق

 

اخبار زي ده بقت تكرر كثير ،مطلوب اننا نعرف الظروف المحيطة بكل حالة ،لكن للاسف الشديد من كثرتها لا الاعلام بيلحق ولا المواطن بيلحق يتحقق من الظروف المحيطة 

 

ياترى هل هي المشكلة مشكلة حالات فردية !!! اكيد باين انها مش حالات فردية ، طب وبعدين في حالة الاحتقان  الموجودة بين أفراد المجتمع عموما وبالاخص بين الشرطة والمواطنين !!!

 

ياجماعة كثير من المواقف اللي انتهت بوفاة او غيره كان ممكن تتحل لو النفوس مش شايلة 

 

بامانة الطرفين مشحونين ، ومن غير زعل لا الرئيس ولا غيره هيقدر يعالج الموقف الحكاية اصبحت مشكلة مجتمعية بجد لازم نشوف حل لان بالمنظر ده مفيش اي تنمية هتنجح المجتمع ياسادة بيتخانق مع بعضه ، وبصراحه احنا مش محتاجين غيرنا يتآمر علينا ،روح الفرقة والغل والكره بين افراد المجتمع كفيلة بتدميره ان لم يكن في طريقه فعلا لكدة 

 

ومحدش يقول ليا احسن ما نبقى زي سوريا واليمن والعراق وليبيا لان باختصار بالمنظر ده احنا هنتفوق عليهم 

تم تعديل 3 مارس 2016 بواسطة herohero

[White heart]

...شابو لافراد الكمين ده . وهو ده النموذج الايجابى اللى نفسنا نشوف عليه شرطتنا المصريه 

 

 مفاجأة جديدة بشأن الضابط المعتدي بالضرب على الفنانة مريهان حسين

03/03/2016 - 08:06:33 pm

قال هيثم رضوان، الصحفي بجريدة الشروق، إن الضابط المتهم بالتعدي على الفنانة ميريهان حسين بالهرم، اعتدى عليه في وقت سابق.

 

وكتب "رضوان" عبر صفحته الشخصية بموقع التواصل الاجتماعي "فيسبوك"، "الظابط اللي اعتدى على ‫#‏مريهان هو نفس الظابط اللى اعتدى ‫#‏عليا، وحجزني في القسم 9 ساعات بدون تهمة مع علمه بكوني صحفي (الواقعة في شهر سبتمر الماضي)".

 

وأضاف: "الساعة 7 مساءً أنا كنت خارج من قدام ماكينة بنك، وفجأة لقيت الظابط ومعاه أمناء كلبشوا فيا، وتم تفتيشي بطريقة مهينة، واتسرق مني 225 جنيهًا، وطلبوا مني أركب العربية معاهم".

 

وأردف: "حسيت إني في وسط عصابة لأن لو شاكك فيا، كان كشف على البطاقة بالجهاز، وخدني معاه وفضل يلف ويلم في ناس بأسلوب وسخ زيه، لحد لما وصلنا القسم الساعة 12 بالليل، وطول الوقت ده كان متحفظ على البطاقة وكارنيه الجورنال".

 

واستطرد: "الساعة 3 الفجر خرجوني من القسم بدون الفلوس والكارنيه، وآخر كلمه كانت من أمين رشرطة "إحمد ربنا إنك خارج".

 

وأشار: "الواقعة كانت في قسم ‫الطالبية، وقدمت بلاغ للنائب العام، ومديرية أمن الجيزة حققوا في الموضوع، واللي وصلني من اللواء ‫‏مجدي عبد العال مدير المباحث وقتها، إن الضابط مصطفى توفيق شك فيا علشان بطاقتي محافظة أسيوط مع إن مش من حقه يحتجزني في القسم، وأبدى آسفه بخصوص الواقعة، وبعدها عرفت إنه اتنقل للدوريات الراكبة، وبفضل غطرسته لبس في الحيطة تاني و ‫‏ببلاغي وبلاغ مريهان إن شاء الله هايتقدم للجنايات"، بحسب قوله.

[White heart]

أعتقد إن احنا لسنا بهذا العبط والغباء حتى نصدق شهادة من نوع "قالوله"

بتاعة عادل إمام فى "شاهد ما شافش حاجة"

 

يعنى إيه أشرف زكى شهد ؟

هو أشرف زكى كان معاها فى العربية ؟

هو أشرف زكى كان محبوس معاها "إنفراديا" ؟

أشرف زكى شهد أمام وكيل النيابة أم أمام وائل الإبراشى ؟

:Exclam:

أشرف زكى "شاهد ما شافش حاجة" .. أشرف زكى "قالوا له"

رفقا بالعقول

 

وزير الداخلية يأمر قطاع التفتيش بالتحقيق في واقعة «ميرهان حسين»

 الخميس 03/مارس/2016 - 09:09 م

أصدر اللواء مجدى عبد الغفار وزير الداخلية، تعليماته لقطاع التفتيش والرقابة بالوزارة، بفتح تحقيق فى المذكرة التى تقدم بها الدكتور أشرف ذكى نقيب الممثلين، بشأن واقعة الاعتداء على الفنانة ميرهان حسين.

 

وتضمنت مذكرة نقيب الممثلين، أن الفنانة ميرهان حسين تعرضت لسوء معاملة أثناء اتخاذ الإجراءات القانونية معها.

تم تعديل 3 مارس 2016 بواسطة White heart

[Grandma]

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله      

 

و بعدين القانون يبقى ياخد مجراه براحته :hang: 

[أبو محمد]

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله      

 

و بعدين القانون يبقى ياخد مجراه براحته :hang: 

لو كانت اتهاماتها للظابط صحيحة

يبقى اللى حصل حصل فى ساعة من الساعات اللى حضرتك بتقولى عليها دى

واقول للظابط ده عفارم عليك يا ابنى

يعنى واحدة "مبسوطة حبتين" وراجعة فى وش الفجر بتتطوح

تقتحم كمين وتصدم الظابط توقعه على الأرض

وبعدين تنزل عليه بسيل شتايم - سمعناها - أكثرها أدبا كلمة (من تلات حروف)

ومطلوب من الظابط الثبات الانفعالى وتحمل الإهانات ؟

يعنى لازم يبقى ملطشة عشان النحانيح بتوع الإنترنت والفيسبوك ؟

ترضيها حضرتك لإبنك ؟

تلاتة بالله العظيم لو أنا لكنت جرجرتها الأول من شعرها ومسحت بيها الأسفلت

وقلعت الرتب الميرى وطز فى البدلة

وبعدين كنت روحت على ابوها وامها اللى ربوها - وانا جاررها من شعرها - واعمل معاهم نفس الشئ

md2:

وآه لو نحنوح فيسبوكى إنترنتى من اللى بيدافعو عنها وقع فى إيدى الساعة دى

:)

وبعدين القانون ياخد مجراه .. ومرساه كمان

[White heart]

مش عارفة ليه مش قادرة اتعاطف مع مريهان 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله        

 

و بعدين القانون يبقى ياخد مجراه براحته  :hang: 

طيب ما كدة يبقى قمة التناقض !

1- 

لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه 

عظيم جداً ... هذا هو الطبيعي ... هذا هو البديهي ... ومتفقين.

2-

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله

وممكن ووارد جداً كمان أن الــــواحـــــــــد دة - حضرته وسعادته -  لو كان من النوع "الطاووس" فرحان ومتباهي بجمال خطوته، وطلته البهية بألوان ريشه وسط غربانه .. ويا أرض انهدي ما عليكي قدي، وفي ساعات الفجر الأولى، تُقع تحت ايده "مُزة" بعد ساعات وردية مُملة أو رتيبة، ويكون حضرته <<< حــــــابـــــــب >>> يتسلى، ويكسر ملله أو رتابة الوقت، او أى سبب كان خاص أو شخصي ... وآهو يبقى ضرب أكتر من "عصفور" بحجر واحد (كسر حالة ملل حضرته + أمن البلد!) ... وطبعاً "المتهم" هنا .. اللي هو المفروض انه برئ حتى تثبت إدانته (القانون يجب أن ياخذ مجراه)، واللي مطلوب تمرير انه هو اللي "إستفز" اولاً حضرة وسعادة "الباشا" ... وبالتالي يحقله جنابه أنه "يفش غله" .. وحسب نوع "الصيدة" اللي قدامه ... لو ذكر ... يبقى قلمين وشالوطين ... ولو أنثى .. يبقى <<< دوبل!!!>>> يعني قلمين وشالوطين، علاوة على "فُرصة" تفتيش شنطتها وإخراج أى شئ "خاص جداً" ويتم فضحها والتشهير بيها وسط أمة لا اله الا الله .. وسبها وشتمها وتضريسها، و"فرصة" كمان يمد ايده ويتحرش بيها ويهتك عرضها .. ولو كان "المُتهم" وهى هنا في حالتنا أنثى ... (اللي هو المفروض انه مازال برئ حتى تثبت إدانته وبواسطة قاضي، وعقابه كذلك يكون على يد قاضي وفي محكمة وبعد إجراءات القانون الذي يجب أن يأخذ مجراه) اذا كان من النوع "الحامي" ... وإنتفض لكرامته وشرفه، وكان من النوع "القبيح" ... فهو <<< وحده >>> المُذنب بالطبع ... وبعدها:

مش عارفة ليه مش قادرة اتعاطف مع مريهان 

:Exclam:  :Exclam:  :Exclam:

تم تعديل 4 مارس 2016 بواسطة White heart

[التونسى]

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله      

 

و بعدين القانون يبقى ياخد مجراه براحته :hang: 

أحيي حضرتك على شجاعتك فى التصريح بشعورك ده لانه كان نفس شعوري تجاه ميريهان بس مجتليش الجراءه اصرح  وعلى فكره والله الشلوطين دول على الألمين فى مصلحتها عشان يفوقوها ويدوها درس ويعرفوها انها مش عشان فنانه و(مُزه) تدوس على اى حد و تبقي فوق القانون ... وتحيه مره تانيه لافراد الكمين ده   

[White heart]

اقول للظابط ده عفارم عليك يا ابنى

...

مطلوب من الظابط الثبات الانفعالى وتحمل الإهانات ؟

...

تلاتة بالله العظيم لو أنا لكنت جرجرتها الأول من شعرها ومسحت بيها الأسفلت

وقلعت الرتب الميرى وطز فى البدلة

وبعدين كنت روحت على ابوها وامها اللى ربوها - وانا جاررها من شعرها - واعمل معاهم نفس الشئ

آةةةةة ...

ويا سلام بقى ووفق هذا "المنطق" (قانون الغاب والبلطجة) لو عكسنا الآية  ... وفي حالات تانية، كان "المتهم" دة (اللي هو لسة المفروض لحد اللحظة دي برئ حتى تثبت إدانته!) ذكر بقى والا أنثى ... مش هاتفرق ...  كان معاة سلاح مثلا وراح "غازز" أو "طاخخ" بيه سعادة حضرة الباشا .. إنتقاماً لكرامته أو شرفه ... ليحمل بعدها هذا الظابط "الطاووس" .. أو البلطجي .. أو المريض نفسياً ... لقب "شهيد" ... و:

بعدين القانون ياخد مجراه .. ومرساه كمان

:Exclam: :Exclam: :Exclam:

واضح جداً صحة الإقتراحات الأخيرة التى انطلقت تُطالب بـــ "تطهير" تلك المؤسسة الأمنية، وبإعادة تأهيل "نفسى" لأفراد الشرطة ... لأنه واضح انه مش بس كتير من المواطنين اللي بيجهلوا بحقوقهم ... لا ... دة كمان كتير من رجال الشرطة (حالات فردية!) بحاجة ماسة الى إعادة هذا التأهيل وبشدة !!!

تم تعديل 4 مارس 2016 بواسطة White heart

[herohero]

مش عارفة ليه مش قادرة اتعاطف مع مريهان 

 

 ( لا يحق للشرطة اساءة معاملة أي متهم ومهما كان جرمه .. على القانون أن يأخذ مجراه )

 

بس ساعات الواحد بيحب يتغاضى عن الجملة السابقة  

ويلطش المتهم ألمين او شالوطين و يفش غله      

 

و بعدين القانون يبقى ياخد مجراه براحته :hang: 

يعني غادة ابراهيم اللي كانت رئيس مجلس ادارة شقق دعارة اتعاملوا معاه بقلة أدب !!! اكيد لا لان ده مواطنة مصرية طانت بتدعم اقتصاد البلد     

 

شوفي حضرتك محدش يقدر يحكم ع تجربة الا لما يمر بيها  ، وعموما الايام هتثبت 

يعني مثلا رئيس مباحث قسم ثاني شبرا الخيمة اللي اتقتل غدرا ،سبحان الله من شهر كان ف مواطن منزل استغاثة لوزير الداخليه 

 

بيقول انهم خدوا مراته وبنته لحد ما ابنه يجي !!! هم رايحين يقبضوا ع الابن مالقهوش خدوا الام والبنت !! وبيشتكي من ظلم رئيس المباحث 

 

شوفي الدنيا صغيره ازاي ، كل مظلوم له رب اسمه الكريم 

[herohero]

أحيي حضرتك على شجاعتك فى التصريح بشعورك ده لانه كان نفس شعوري تجاه ميريهان بس مجتليش الجراءه اصرح  وعلى فكره والله الشلوطين دول على الألمين فى مصلحتها عشان يفوقوها ويدوها درس ويعرفوها انها مش عشان فنانه و(مُزه) تدوس على اى حد و تبقي فوق القانون ... وتحيه مره تانيه لافراد الكمين ده   

طب بالنسبة لغادة ابراهيم ؟؟

 

يعني عرق الرجولة والجدعنة ان واحده مسرحه بنات مصريين ب3000 جنيه الليلة لاخوانا في الخليج (الرز )

 

ياترى ايه الوضع ؟؟ برده هتتشد من شعرها وتتبهدل وتجرجر ؟؟ يعني ماهو الطبيعي ان اي راجل حمش وشنبه ع دكر لما يشوف واحدة كده يقل أدبه ؟؟؟

 

ولا في حالة زي غادة ابراهيم عادي ده واحدة بتدعم اقتصاد البلد ؟؟؟

 

ماهي الحكاية لو بالاهواء الشخصية والكيف والمزاج والحالة العاطفية نلغي بقى القوانين ؟؟؟

 

مش عارف لو بالمنظر ده يبقى فعلا  End of text

[باهى الطائر الحزين]

مريهان حسين

 

صوت خلخال الرقاصه

بقي اعلي من صوت ال آآآآه

بعد الرصاصه ...

حقيقه )

[herohero]

 

مريهان حسين

 

صوت خلخال الرقاصه

بقي اعلي من صوت ال آآآآه

بعد الرصاصه ...

حقيقه )

 

نفس اسلوبنا لما حصلت مشكلة الاطباء دخلنا في موضوع اخطاء الاطباء 

 

ودلوقت ميرهان حسين (انا معرفهاش بصراحه   ) هي اشتهرت بعد الواقعه ده ، هندخل في قصة انها مش محترمة وانها لامؤاخذه ونفس الاسلوب التقليدي المتبع ، هو حد قال ان ميرهان بتحفظ قرآن وبتبيع سبح .سبحان الله شعب متدين بطبعه

 

فعلا كل واحد مادام الحكاية بعيد عن دقنه يبقى خلاص

[باهى الطائر الحزين]

نفس اسلوبنا لما حصلت مشكلة الاطباء دخلنا في موضوع اخطاء الاطباء 

 

ودلوقت ميرهان حسين (انا معرفهاش بصراحه   ) هي اشتهرت بعد الواقعه ده ، هندخل في قصة انها مش محترمة وانها لامؤاخذه ونفس الاسلوب التقليدي المتبع ، هو حد قال ان ميرهان بتحفظ قرآن وبتبيع سبح .سبحان الله شعب متدين بطبعه

 

فعلا كل واحد مادام الحكاية بعيد عن دقنه يبقى خلاص

 

 

حضرتك تقصد الأطباء

يالي زورولها التقرير الطبي ؟