فزورة - كمان :)

[shawshank]

شوف يا سيدي

افترض الأرقام أ ، ب ، ج ، د ، هـ

الحل من 4 خطوات كما يلي:

• خطوة 1: (تستهلك مقارنتين)
  رتب أول رقمين ، قول "أ" و "ب" (افترض إن "أ" أصغر من "ب")
  رتب تاني رقمين ، قول "ج" و "د" (افترض إن "ج" أصغر من "د")
  كده مقارنتين
  بقى عندك قائمتين مترتبين: "أ ب" و "ج د"
  
• خطوة 2: (تستهلك مقارنة واحدة)
  قارن "ب" بـ "د"
  حالة 1: "ب" أصغر من "د"
  كده عندك 3 أرقام مرتبين: أ ب د ...
  و كمان عارفين إن "ج" أصغر من "د" من خطوة 1.
  
• خطوة 3: (تستهلك مقارنتين)
  دلوقت عايزين نحط "هـ" في الترتيب الصحيح في القائمة أ ب د ... دي هتاخد مقارنتين كده:
  قارن "هـ" بـ "ب" ... لو أصغر ، قارنه بـ "أ" و كده عرفت ترتيبه ...
  لو أكبر ، قارنه بـ "د" و كده برضه عرفت ترتيبه.
  كده رتبنا "أ" و "ب" و "هـ" و "د" ... لسه "ج"
  القائمة المرتبة من "أ" و "ب" و "هـ" و "د" سميها "ق" ... يبقى "ق" فيها 4 أرقام مرتبين.
  فاضل بس "ج"
  
• خطوة 4: (تستهلك مقارنتين)
  هنحط "ج" في الترتيب الصحيح كما يلي:
  عارفين من خطوة 1 إن "ج" أصغر من "د"
  يبقى أكيد "ج" أصغر من أكبر رقم في "ق"
  حط "ج" في الترتيب الصحيح في القائمة المكونة من أصغر 3 أرقام في "ق" باستخدام مقارنتين كما في خطوة 3.
  

كده خلاص...

تفضل حالة 2 في خطوة 2: لو "ب" أكبر من "د" ...

في الحالة دي بدّل "أ" بـ "ج" و "ب" بـ "د" في الحل السابق و يمشي إن شاء الله ...

فين بقه الفزورة بتاعتك؟