عايز أغير أسمى .. ايه الخطوات اللى اتبعها ؟

[ابو صلاح]

انا عايز أغير اسمى ؟ وعلاشان ما حدش دماغه تروح لبعيد . انا عايز أغيره فى ( محاورات المصرين ) مش فى الواقع طبعاً

والسؤال ده بوجهه للمشرفين خاصة .. ايه الخطوات ؟

[se_ Elsyed]

بمنتهى البساطة ..

تقوم بإرسال رسالة للإستاذ عادل أبو زيد إذا لم يقرأ هذا الموضوع وتعطيه إسمك الجديد ..

وتسلم وتعيش

[ابو صلاح]

شكراً على الرد يا أبو السيد

[مصرية الهوى]

ليه بس عايز تغير اسمك يامحمود.. ما هو اسمك زي الفُل..

يعني عايز تبقى محمد مثلاً ..

بعدين انت لو غيرت اسمك ..

احنا مش هنعرفك ..

ولو شفناك في موضوع جديد .. هنقول اهلا بك ايها الضيف العزيز في محاورات المصريين ..

و هنعمل لك حفلة .. ووليد هيجيبلك تورتات ..

اه ..

لا تكون عايز تاكل تورتات ..

قلت اعمل اللعبة دي واغير اسمي .. :angry2:

كشفنا الخطة خلاص ..

تراجع إلى الوراء :angry2:

[shawshank]

محمود

من ساعة ما النت عندك اتعطل و غبت كتير و أنا مش مطمنلك :angry2:

طب هتخلي اسمك ايه بعد العودة ؟

"سعد زغلول" ؟ أم "اديسون" ؟ :angry2:

[ابو صلاح]

من ساعة ما النت عندك اتعطل و غبت كتير و أنا مش مطمنلك 

اه واللهِ انا حاسس اليومين دول أن أنا مش مظبوط :angry2: :angry2:

ده حتى ابويا بقالو كام يوم بينيمى فى المبخ .. خايف لاحسن أعدى أخواتى :D

بعدين انت لو غيرت اسمك ..

احنا مش هنعرفك ..

ولو شفناك في موضوع جديد .. هنقول اهلا بك ايها الضيف العزيز في محاورات المصريين ..

طب هتخلي اسمك ايه بعد العودة ؟

لا لا كله مدروس

بصوا لمين

ايوه هوا ده الأسم الجديد ( ابو صلاح )

وكمان انا هغير التوقيع لحد ما تتعودو على الأسم الجديد

[مصرية الهوى]

أبو صلاح ..

ده المنتدى نور لما حضرتك شرفتنا ( قوللي: لا ده المنتدى منور بيكي :P ) ..

بس مش شايف ان حكاية ابو دي تخليك .. تتخيل ان اللي قدامك عنده 60 سنة :blink:

انا اقترح إنك تكتب في التوقيع ...

ma.salah سابـــــــقاً..

أبو صلاح حاليـــــــــــــاً ..

والقادم أروع ..

القيادة والعبور للمستقبل (دي ايه اللي جابها هنا :blink: )

ياجماعة فيه بلطجية في المنتدى :ph34r:

وأعمل خلفية خضراء .. وفيها صورتك :D

يلا بقى يا محمود شد حيلك عايزين نتخانق ...

عشان الباشا وليد يتبسط .. B)

[ابو صلاح]

تقدرى تقولى يا وجدان ان اللى انا عاملته ده نوع من التغير بالمفهوم الجديد ( نيو لوك ) بس يا رب يبقا تغير كويس

أما بقى عن موضوع الخناق .. ربنا ما يجيب خناق .. بس وليد بيحب يهدى النفوس :ph34r: D:

أما عن حكاية ( ابو صلاح ) فده النداء الشعبى فى مصر لأى واحد اسمه صلاح

[الرافعي]

تقدرى تقولى يا وجدان ان اللى انا عاملته ده نوع من التغير بالمفهوم الجديد ( نيو لوك ) بس يا رب يبقا تغير كويس

أما بقى عن موضوع الخناق .. ربنا ما يجيب خناق .. بس وليد بيحب يهدى النفوس :ph34r: D:

أما عن حكاية ( ابو صلاح ) فده النداء الشعبى فى مصر لأى واحد اسمه صلاح

<{POST_SNAPBACK}>

طب ماتخليه أخو صلاح ؟؟ :blink:

يا عم حتى لو خليته بنيامين فرانكلين إنت برضه حبيب الملايين (في المحاورات طبعاً)

[ابو صلاح]

طب ماتخليه أخو صلاح ؟؟ :ph34r:

يا عم حتى لو خليته بنيامين فرانكلين إنت برضه حبيب الملايين (في المحاورات طبعاً)

كنت بفكر اسمى نفسى شارون .. بس خفت لحد يرشقنى بطوبة فى دماغى ولا حاجة .. قولت اخليها ( ابو صلاح ) أضمن :blink: