دعوة السيسي لألتراس أهلاوي

[tarek hassan]

لا أصدق أن السيسي يريد الحوار مع الألتراس القبلي بقدر ما هي مباهلة أو تحدي يكشف هوية هؤلاء الألتراس أو فساد حجتهم

ولكن عرض السيسي من وجهة نظري يمثل

إهانة للدولة لأن الرد لم يكن إيجابيا وكان مثار سخرية منهم وأظهرهم كأنهم دولة داخل الدولة وليسوا أشخاصا خارجين عن القانون قاموا بسب للجيش والشرطة والرموز الوطنية وشعب بورسعيد

والدعوة تمثل تحيزا وكيل بمكيالين

ويمثل تدخلا في قضية معروضة على القضاء

أين سيادة القانون يا ريس ؟

سيادة الرئيس إذا كنت ستحاور الألتراس ومن بينهم أتباع لخيرت الشاطر وأبو إسماعيل فحاور الإخوان مباشرة من باب أولى 

وهيطلع لك من كل خرابية عفريت له مطالب وعايز حوار

عندك استعداد كمان تحاور وايت نايتس في ذكرى الدفاع الجوي

لا تجعلنا نشعر أن الدولة رخوة وهي بعكس ما كانت عليه أيام حسني مبارك

المسألة مجهولة فهل سيكون النقاش حول قضية الضحايا أم حوار في الرياضة أم حوار في السياسة

لن تصل لشيء لأن أمامك مغرضون

ولأنهم ليسوا ذوي صفة وليسا أهل الضحايا الذين تم تعويضهم

فسلهم ماذا يريدون بعد ذلك ؟

الغرض مرض

والحمد لله إن جت منهم ورفضوا لتظل المشكلة بلا حل وتظل لبانة لهم

[tarek hassan]

ما إن كتبت تعليقي السابق على الفيسبوك حتى وصلتني رسالة خاصة من أحد الأشخاص كلها سب ولعن بأقذر الشتائم بالأم والأب والزوجة

كيف لأمثال هؤلاء الأوباش أن يجالسهم رئيس الجمهورية المحترم أو يدعوهم لحوار

لحظة سحل مجند امن مركزي من قبل بعض افراد التراس اهلاوي
https://www.youtube.com/watch?v=vDBXuhxCn_Y

 

[tarek hassan]

قناة الأهلي وهي تحتفل بذكرى حسن البنا وتصفه بالإمام كيف أصبحت القلعة الحمراء مرتعا للإخوان والألتراس  

فعلا الفيديو قديم بس نطلع منه ب 3 أشياء مهمة

اولا : المذيع الاخوانى قال ان كرة القدم من أبرز أسلحة الجماعة

ثانيا : اعتراف بأن قيادات الاخوان من كبار مشجعي الأهلى يعنى من السهل استقطاب الاطفال والشباب واللعب بيهم

ثالثا : اعتراف بالعلاقة القوية بين حسن البنا ومختار التتش

https://www.youtube.com/watch?v=m7cktMp9BKQ

[حمزه عباس]

أستاذ طارق 

هؤلاء الاوباش ..كما وصفتهم .. قتل منهم رئيس الجمهوريه المحترم ..كما وصفته .. 72 انسان

72 انسان قتلهم المحترم عضو المجلس العسكرى و رئيس المخابرات العسكريه 

(طبعا مش هتكلم عن دماء ما بعد 3/7 او ماسبيرو و محمد محمود و غيرها )

فكيف لمقتول ان يحاور قاتله ... مش ينفع يا استاذ طارق 

الحوار مرفوض و المطلوب هو القصاص من القتله 

[Scorpion]

هناك من لا يراها خطوة خاطئة يا طارق بل خطوة معمولة صح لأظهار حقيقتهم امام من يتعاطف معهم ... نفس ما قام به مع الأخوان .. 

 

 

 

هتافات ضد الجيش و الشرطه و طنطاوي و مصر من ألتراس خيرت الشاطر في ذكرى مذبحة بورسعيد و ألفاظ أقل وصف لها منحطه , انت ياض عبيط و فاكر العيال دي بعد 4 سنين لسه بتتشحتف و تعيط على صحابهم اللي ماتو ؟ عبيط صح ؟ مع ان العيل منهم لو ابوه مات مفروم تحت عجلة قطر بعد شهرين هينسى , بقولك ابوه يا محترم , بس انت لذيذ أوي و مصدق حكاية لن ننساكم و انتم في القلب و مصدق ان كل عيل من العيال دول معلق صور الشهدا بتوع بورسعيد في أوضة نومه و طول النهار مابيدوقشي طعم الزاد و مستقبله ضاع بسبب الحزن و الشحتفه , يا بني ده موسم , موسم للتسخين و الحرق , زي موسم 25 يناير و موسم 30 يونيو , كل واحد عنده قميص عثمان بيطلعه يوم الموسم بتاعه .
.
و اللي عمله عبد الفتاح السيسي امبارح هو نفس اللي عمله قبل ذكرى 25 يناير , بيسلمكو للشعب تسليم أهالي , عملية تفكيك للمكعبات من غير صدام ولا مواجهه , و بعد شويه الكويس منكو هيفهم و يبعد , و المأجور هيقف عريان قدام الناس , الحكايه لا فيها نظام فاشي و قمعي ولا نظام مرتجف و ركبه بتخبط في بعض , الحكايه ان الراجل ده شايل شيله كبيره و عايز يمشي لقدام من غير ماحد كل شويه يرمي حتة حديده في التروس اللي بتلف .

 

 

[tarek hassan]

هناك من لا يراها خطوة خاطئة يا طارق بل خطوة معمولة صح لأظهار حقيقتهم امام من يتعاطف معهم ... نفس ما قام به مع الأخوان ..

 

أنا أحترم هذا الرأي يا أستاذ : سكربيون وهو ما أميل إليه في أول موضوعي حيث قلت

 

لا أصدق أن السيسي يريد الحوار مع الألتراس القبلي بقدر ما هي مباهلة أو تحدي يكشف هوية هؤلاء الألتراس أو فساد حجتهم

 

 

ولكن حتى لا يتهمني أحد بأنني مطبلاتي أو أكيل بمكيالين عبرت عن مبدأي في رفضي الكامل لأي حوار مع المجرمين أو القتلة ومن يشبههم أو يساعدهم أو يظاهرهم

[التونسى]

عندى احساس وقلته قبل كده ها هنا فى موضوع اخر ان الدوله من كتر تجاوزات الالتراس الاهلاوى  ناويلهم  على نيه مش كويسه .. ويمكن النيه دى تكون اكثر ردع ودمويه مما حدث لهم  فى استاد النادى المصرى .. وخدوا بالكم الدوله  اللى بقصدها مش بس ممثله فى  السيسى .. السيسى بس هو اللى ظاهر فى الصوره لانه رئيس الجمهوريه ورمز الدوله الاكبر ((رغم اى تحفظات)) .. ويمكن الرئيس السيسى بيواجه ضغوطات من قبل قيادات عليا فى الدوله سواء فى الجيش او الشرطه او المخابرات لعمل((الجُلاشه)) مع مقاطيع الالتراس ومواجهتهم بحزم .. و((((محتمل)))) يكون حديثه الاخير عبر برنامج القاهره اليوم اليهم كان محاوله  حثيثه لحل المشكله معاهم بلا صدام دموى لان البلد مش متحمله مذابح بشريه اخرى .. و((((محتمل)))) ان الرئيس فعلا هو ومن معه من رجالات الدوله أخدوا القرار بالقضاء على هذا الكيان ((الارهابى)) المسمى التراس اهلاوى .. وما هذا الحديث الا الهدوء الذى يسبق ((المذبحه)) .