الإهانة-الكرامة ... الإقامة-الرحيل

[shawshank]

؟؟؟...

[صفاء]

طبعا أفضل الهجرة كمان

فى يوم من الأيام غادرت أرض الوطن إلى بلاد بعيدة ولم أطيق البعد أكثر من شهر ورجعت وشعرت أثناء هبوط الطائرة برغبتى فى تقبيل تراب هذه الأرض الطيبة .....كما كنت أرى فى الأفلام واستنكر ما يفعله الممثلون وكنت أقول ما هذه المبالغات !!!

لكننى أقسم أننى كدت أن أفعل هذا لولا خجلى ممن حولى ..

كلنا نحب الوطن ... واعترف أننا لم نفعل شىء لهذا الوطن إلا الاستسلام والرضا بالأمر الواقع وكلاما ما هو إلا هباء منثورا .. ولكن من منا يستطيع أن يغير شىء إلا بإضعف الإيمان ... أقصد فى قلبه ...

حتى احترقت قلوبنا ...

إننى أفضل الابتعاد .. فأنا من المستضعفين فى الأرض ... والمستضعفون ليس لهم سوى الرحيل فى أرض الله الواسعة ...

وعلى رأى المثل ... اصبر على جار السو .. يا يرحل أو تجيله مصيبة تشيله

[shawshank]

صفاء

أولا : أنا مش عارف أصنف رأيك فين :ph34r:

يعني بتقولي استحملتي شهر بالعافية و رجعتي عايزة تبوسي تراب مصر (انت مش محتاجة تبوسيه ، هو هيجيلك لوحده :blink: )

و رأيك إنك تهاجري بلد تانية. مش فاهم ... انت مع مين فيهم ؟

ثانيا : مين هو جار السو ؟

[صفاء]

صفاء

أولا : أنا مش عارف أصنف رأيك فين  :rolleyes:

يعني بتقولي استحملتي شهر بالعافية و رجعتي عايزة تبوسي تراب مصر (انت مش محتاجة تبوسيه ، هو هيجيلك لوحده  :D  )

و رأيك إنك تهاجري بلد تانية. مش فاهم ... انت مع مين فيهم ؟

ثانيا : مين هو جار السو ؟

<{POST_SNAPBACK}>

مممممممممم

شاوشانك مصمم يودينى على مديرية الإيمن " الأمن" :o

مش مصدقة انك مش فاهم :D

عموما انا اقصد اقول ان ناس كتير قوى ومنهم انا تتمنى تمشى لإسباب كلنا عارفينها ... لكن على عيننا نسيب البلد

هاننسى حبة الشعارات اللى بنتشدق بيها ونشوف حالنا لإنه تعب قوى جوه بلدنا

والأمل فى الإصلاح بعيد قوى ....قوى

أما عن جار السو .... فيا أخى انت ليك أسئلة غريبة قوى :D

هات ودنك .... وش وش وش وش وش ...

[se_ Elsyed]

إسمح لي يا صفاء أختلف معكي في الغرض من الإستفتاء .. وليكن ما يكون .

- فلو كلنا جالنا نفس الشعور ده وسيبنا البلد ومشينا .. يبقى إيه الوضع ؟ ومين هايصلح بلدنا ؟

طبعاً أنا عارفك هاتردي تقولي : طب ما تقول لنفسك يا أخويا ياللي بقى لك 10 سنين بره مصر ...

وإنتي عارفاني .. فهارد وأقولك إن ليست كل أسباب السفر أو الهجرة تتعلق بالإهانة أو الكرامة .. فأنا مثلاً شركتنا اللي في مصر لها فروع هنا أو بمعنى أدق الشركة الأم هنا .. وبالتالي فلم أترك البلد لأسباب تتعلق بالكرامة وخلافة ...

وبالتالي أنا مش معاكي في لعبة الإستفتاء دي ...

[ايهاب سالم]

إسمح لي يا صفاء أختلف معكي في الغرض من الإستفتاء .. وليكن ما يكون .

- فلو كلنا جالنا نفس الشعور ده وسيبنا البلد ومشينا .. يبقى إيه الوضع ؟ ومين هايصلح بلدنا ؟

طبعاً أنا عارفك هاتردي تقولي : طب ما تقول لنفسك يا أخويا ياللي بقى لك 10 سنين بره مصر ...

وإنتي عارفاني .. فهارد وأقولك إن ليست كل أسباب السفر أو الهجرة تتعلق بالإهانة أو الكرامة .. فأنا مثلاً شركتنا اللي في مصر لها فروع هنا أو بمعنى أدق الشركة الأم هنا .. وبالتالي فلم أترك البلد لأسباب تتعلق بالكرامة وخلافة ...

وبالتالي أنا مش معاكي في لعبة الإستفتاء دي ...

<{POST_SNAPBACK}>

طبعا أفضل الإقامه خارج مصر

أنا مقيم خارج مصر من 1996 حتى الأن و لا يوجد عندي سبب واحد للرجوع لمصر الا عشان أهلي فقط .. و لذلك أكتفي برؤيتهم في الاجازات .. أولادي عندما يذهبون الى مصر بعد أسبوع واحد يبتدوا يسألوا هنرجع امتى يا بابا

في رأيي أن كل من هو مقيم خارج مصر و يريد العوده .. هو من لا يعيش في ظروف جيده .. مثل أن يكون عايش بمفرده و تارك زوجته و أولاده في مصر و هذا في رأيي ظرف في منتهى القسوه و أعذر كل من هو مضطر الى ذلك .. أو يكون يعمل في وظيفه ذات دخل متدني أو إذا كان في الخليج كفيله موريه الويل وواخد باسبوره و بيذله

لكن زي ما أنا شايف .. أي مصري يعيش مع اسرته و أولاده في الخارج و يتمتع بدخل مناسب ووظيفه جيده لا يفكر مطلقا في العوده و يحمد ربنا على كل يوم زياده عاشه بعيد عن مصر

رأي صريح بدون رتوش أو تزويق

[shawshank]

- فلو كلنا جالنا نفس الشعور ده وسيبنا البلد ومشينا .. يبقى إيه الوضع ؟ ومين هايصلح بلدنا ؟

...

ليست كل أسباب السفر أو الهجرة تتعلق بالإهانة أو الكرامة ..

<{POST_SNAPBACK}>

تمام يا سي السيد ...

الغرض من الاستفتاء هو موضوع "الإهانة و الكرامة" فقط.

فيجب أن ننحي جانبا كل العوامل الأخرى ، يعني افترض نظريا أن لديك في مصر مستوى معيشيا ممتازا لا يجعلك تفكر في الرحيل بسببه ، لكنك تتعرض للاهانة في كل مكان. فهل تدفعك تلك الإهانة للهجرة إلى حيث تصان كرامتك ، لكن أيضا حيث تكون غريبا وسط مجتمع جديد ؟

ما دفعني لفتح الموضوع انزعاجي الشديد لتعرض المواطن العادي المصري في كل مكان للإهانة ، و هذا أقسى ما أراه في مصر.

تم تعديل 3 ديسمبر 2005 بواسطة shawshank

[shawshank]

و اللي كبر الموضوع عندي اكتر موضوع الناس اللي واقفه على أبواب لجان الانتخاب و الحكومة منعاهم إنهم يختاروا قادة جدد !

طب لما أولادي يسألوني ايه اللي بيحصل ؟ أو البلد ماشية ازاي ؟ اقول لهم ايه؟

أقول لهم إن الحاكم مفروض علينا ؟ أقول لهم إن احنا كشعب ملناش أي رأي و لا سلطة ؟ أقول لهم إن احنا مذلولين من الحاكم عشان هو صاحب السلطة التنفيذية ؟

أربيهم على إن يبقى ليهم كرامة ازاي ؟ أخليهم يرفعوا راسهم ازاي ؟

[Alshiekh]

فيجب أن ننحي جانبا كل العوامل الأخرى ، يعني افترض نظريا أن لديك في مصر مستوى معيشيا ممتازا لا يجعلك تفكر في الرحيل بسببه ، لكنك تتعرض للاهانة في كل مكان. فهل تدفعك تلك الإهانة للهجرة إلى حيث تصان كرامتك ، لكن أيضا حيث تكون غريبا وسط مجتمع جديد ؟

ما دفعني لفتح الموضوع انزعاجي الشديد لتعرض المواطن العادي المصري في كل مكان للإهانة ، و هذا أقسى ما أراه في مصر.

<{POST_SNAPBACK}>

الإهانة ما أقساها كلمة وفعل من أفعال الارهاب والإيذاء النفسى ،

كم تحطمت نفوس وشخصيات بسبب الاهانة ، وخاصة لو جاءت من النظام الذى لاحول للمواطن ولاقوة بمواجهته.

الجروح تندمل وتشفى ، ولكن من أهين فى نفسه أو عرضه فجرحه لايندمل ولايشفى.

الاستاذ شاوشنك ، الاخوة الافاضل،

اليس من تعرض للإهانة من النظام يعتبر من المستضعفون فى الأرض؟ أنا ارى أن من تعرض للإهانة هو مستضعف فى الأرض ، والمستضعف فى الأرض واجب عليه الهجرة فى بلاد الله الواسعة.

ولنتذكر الآية الكريمة ، وإن كنت لاأريد القياس على الحالتين ، ولكنى أرى أنها صالحة لكل المستضعفين ،

﴿ إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا ﴾

وأعتقد ان جميع الدول وقوانين حقوق الإنسان الدولية تفرض وتعطى لمن أضطهدوا الحق فى اللجوء الى بلاد أفضل من بلدانهم التى اضطهدتهم.

أننى أفضل أن أقيم فى بلد مهجر يحترم انسانيتى ويضعنى فى وضع متساوى فى الحقوق والواجبات مع المواطن الأصلى ، ولايفرق بينى وبين غيرى بسبب دينى او لونى او عرقى أو جنسى.

أفضل أن أعيش فى بلد إذا سرق فيهم الغنى أو الفقير أقاموا عليه حدودهم ، ولافرق لديهم من تكون ، أو إبن من أنت.

وعلى الرغم من حنينى الطاغى لبلدى وأهلى وتراب أرض بلادى التى تكونت من أديم أجساد أجدادى ، إلا أننى لازلت أفضل ان لا أعود الا عندما يتولى أمور بلادنا خيارها وليس لصوصها وأشرارها.

[ابو حلاوه]

الاستاذ محمد كتب

أننى أفضل أن أقيم فى بلد مهجر يحترم انسانيتى ويضعنى فى وضع متساوى فى الحقوق والواجبات مع المواطن الأصلى ، ولايفرق بينى وبين غيرى بسبب دينى او لونى او عرقى أو جنسى.

وافق تماما الشعور بالغربة داخل الوطن و بين اهل و ناسي كان اقصي عدة مرات من الم الغربة الحقيقية

هجرتي اتاحت لمصر و المصريين عدة فرص ..... فرصتي هنا في الخارج و فرصة اخري في مصر ... لمصري في المكان الذي تركته ..... وعدة فرص في بلاد المهجر لمصريين اخرين ساعدهم الانطباع الجيد الذي اتركه و يتركه زملائي المصريون الاخرون ....

[Folana]

السلام عليكم ورحمة الله ...

اخى الفاضل شواشنك....نفسى اشارك فى الاستفتاء وتكون مشاركتى ايجابية ..الا انى مش قادرة اوصل للمعنى المقصود بكلمة الاهانة ....

الاهانة بمعنى انى مثلا لو دخلت اشترى حاجة البياع بيشتمنى ..ولا بمعنى انى لو رحت اقضى مصلحة حكومية الاقى الموظف بيستهين بطلبى ويكلمنى بقرف كأنى رايحة استعطى منه ومايتعدلش الا لو شافنى بافتح شنطة ايدى ...

ولا الاهانة بمعنى انى مش قادرة اعبر عن رائى بصراحة فى احوال البلد ...

يعنى انا مثلا باعتبر ان لو حد زقنى وهو معدى من جنبى دى اهانة ...باعتبر لو حد تعرض لاحد اولادى بكلمة مش ظريفة ..اهانة ...وكانت قمة الاهانة اللى حصل معايا وانا سايقة العربية ..لكن دى احداث فردية بتأثر فينا بلا شك

بس مش لدرجة انى اسيب البلد حتى لو بيحكمها مجموعة لصوص ....لانى مش مضطهدة مثلا ...ممكن غيرى يحكم بالعكس لانه فعلا مش قادر يعيش فى البلد وفى الاحوال دى .....لكن زى جحا ماقال بلدى اللى فيها مراتى ...انا برضه اى مكان فيه زوجى واولادى اعيش فيه بلا تردد ..حتى لو كان فى القطب الشمالى ....طالما احنا الاربعة مع بعض يبقى على الدنيا السلام.....

لكن متهيالى معظم الشباب حيختاروا انهم يسيبوا البلد حتى لو اتعرضوا فى الخارج لمهانة او تعب من اجل الحصول على حياة كريمة ..لانهم فى الغالب حيحققوا هدفهم المنشود فى سنوات قليلة ..لكن لو عاشوا هنا ...يبقى ربنا يعوض عليهم بالجنة انشاء الله .....

[صفاء]

سى السيد :D

تم تعديل 4 ديسمبر 2005 بواسطة صفاء

[صفاء]

إسمح لي يا صفاء أختلف معكي في الغرض من الإستفتاء .. وليكن ما يكون .

- فلو كلنا جالنا نفس الشعور ده وسيبنا البلد ومشينا .. يبقى إيه الوضع ؟ ومين هايصلح بلدنا ؟

طبعاً أنا عارفك هاتردي تقولي : طب ما تقول لنفسك يا أخويا ياللي بقى لك 10 سنين بره مصر ...

وإنتي عارفاني .. فهارد وأقولك إن ليست كل أسباب السفر أو الهجرة تتعلق بالإهانة أو الكرامة .. فأنا مثلاً شركتنا اللي في مصر لها فروع هنا أو بمعنى أدق الشركة الأم هنا .. وبالتالي فلم أترك البلد لأسباب تتعلق بالكرامة وخلافة ...

وبالتالي أنا مش معاكي في لعبة الإستفتاء دي ...

<{POST_SNAPBACK}>

عزيزى سى السيد ..

هل تعتقد انك لو كنت عايش فى مصر الفترة اللى فاتت وتحديدا من يوم ما مشيت ... كنت هاتصلح حاجة أو هاتقدم أو تأخر ؟ هو انت الحقيقة كنت هاتأخر بس

هاتأخر نفسك وتلاقى عمرك بيضيع وانت حتى مش قادر تنطق بالكلام اللى ينفس عن اللى جواك بدل ما تطق

اللى بيمسك المناصب فى مصر دلوقت 90% منهم لازم تكون صفاتهم كالتالى :

أفاقين ... مرتشين يرشوا ويرتشوا ... مساحين للجوخ وبعد كده ناكرين للجميل ...

أصلهم واطى ويموتوا فى استعباد البشر .... همهم الوحيد هو تكويش وتهبيش أكبر قدر ممكن من الفلوس قبل ما يتشالوا من المنصب ولو انهم معمرين لإن زعيم العصابة موجود :D

وشوف انت بقى أما السمكة بتفسد من راسها .... توقع حال أى مصلحة فى مصر

ده غير ان المواطن العادى ملوش أدنى وضع فى البلد

أنا منساش أبدا ان فى أستاذ جامعة اتلطش بالقلم من حتة ملازم أول بدبورة يعنى من دور عياله

ومفيش حاجة حصلت وده شىء بيتكرر كتيييييييييير

الإهانة وقلة القيمة ... طالما انت مش باشا يبقى تاخد على دماغك

هى دى الحياة فى مصر ... رجعت لإلعن من أيام الإقطاعيين " على الأقل هما كانوا ولاد بشوات بصحيح "

باختصار الإنصاص قامت والقوالب نامت

انت بتنزل مصر أجازة مش بتتعرض للحياة اليومية اللى بنعانى منها فى الروتين وقلة الأدب وعدم التقدير

مع انى المفروووووض انى من علية القوم مركز أدبى واجتماعى لكن طززززززززززززززززززززززز

طززززززززز فى كل حاجة ماعدا البشوات

وسلملى على اللى هايصلح البلد

تم تعديل 4 ديسمبر 2005 بواسطة صفاء

[shawshank]

السلام عليكم ورحمة الله ...

اخى الفاضل شواشنك....نفسى اشارك فى الاستفتاء وتكون مشاركتى ايجابية ..الا انى مش قادرة اوصل للمعنى المقصود بكلمة الاهانة ....

الاهانة بمعنى انى مثلا لو دخلت اشترى حاجة البياع بيشتمنى ..ولا بمعنى انى لو رحت اقضى مصلحة حكومية الاقى الموظف بيستهين بطلبى ويكلمنى بقرف كأنى رايحة استعطى منه ومايتعدلش الا لو شافنى بافتح شنطة ايدى ...

ولا الاهانة بمعنى انى مش قادرة اعبر عن رائى بصراحة فى احوال البلد ...

<{POST_SNAPBACK}>

و عليكم السلام و رحمة الله و بركاته

اه ... كل دي أنواع إهانة ... و الأخت صفاء أضافت أمثلة من عينة:

ده غير ان المواطن العادى ملوش أدنى وضع فى البلد

أنا منساش أبدا ان فى أستاذ جامعة اتلطش بالقلم من حتة ملازم أول بدبورة يعنى من دور عياله

ومفيش حاجة حصلت وده شىء بيتكرر كتيييييييييير

الإهانة وقلة القيمة ... طالما انت مش باشا يبقى تاخد على دماغك"

الإهانة يعني

- إنك وانتي سايقة عربيتك واحد يضربك بعربيته و لا مؤاخذة يشتمك و يسيبك و يمشي .

- إنك لما تقفي في طابور العيش تلاقي أبو واسطة جه ياخد العيش قبلك و مشي و هو بيطلع لسانه لكل اللي واقفين .

- إنك لما تركبي الأتوبيس تكون المسافة بينك و بين أي راكب 0.0001 سم :D

- إنك تسألي الموظف أدفع امتا يقلك اقفي في الطابور ، و لما توصلي لأول الصف يقلك الخزنة قفلت تعالي بكرة

- إنك و انت في المطار بتدوري على شنطك ، الناس من الزحمة يوقعوك على الأرض و يدوسوا عليك.

- إنك و انت في المطار برضه و شنطك ماجوش ، تقولي للمسئول أدفع فلوس و تبعتوهم على البيت ، يقول لك: بنبعت للأجانب بس ... المصريين لأ (حصلت معايا)

- إنك لما تمشي في الشارع تلاقي الكناس بيكنس التراب في وشك

- إنك تلاقي شحات مسكك من هدومك و بيقلك هاتي

- إنك تدخلي أي حمام في أي مكان عام

- إنك لما تسألي الموظف أجي امتا يودي وشه بعيد و ميردش

- إنك تروحي تعملي محضر في القسم ، تستني الظابط المسئول بالساعات ... و لو لقيتيه يقلك : يا مدام ماهم بياكلوا عيش ... مشي حالك.

- إنك تلاقي واحد جه يعرض عليك رشوة عشان تخالفي ضميرك و القانون و يتوقع أن تقبلي الرشوة.

- إن فراش المصلحة اللي بتشتغلي فيها يكرهك و يكشر في وشك لو مديتيلوش اللي فيه القسمة مع إنه بيأدي شغله.

- إنك تقولي رأيك يعتقلوك في السجن لأجل غير مسمى

- إنك وانتي في وسط مناقشة موضوعك ، تلاقي المشرف راح قافله في وشك :D

بعضها سببه سلوك الشعب ، و بعضها سببه النظام. لكنها جميعا إهانات يتعرض لها المواطن المصري يوميا و على كل المستويات .

قد يستهين بعض الناس بها و يعرف كيف يتعامل معها ، ربما برد الإهانة بمثلها ... و بعض الناس لا يستطيع فعل ذلك.

لو لقيتي لي حل في الإهانات دي و مثيلاتها ، يبقى مصر بالنسبة لي أحسن من أي دولة تانية.

تم تعديل 4 ديسمبر 2005 بواسطة shawshank

[صفاء]

الإهانة انك تيجى تدخل بعض الأماكن فى بلدك يقول لك ممنوع للمصريين

الإهانة انك تدخل محل عشان تشترى ... يقوم البياع سايبك ورايح لإخواننا العرب اللى يتميزوا بزيهم المعروف

الإهانة ان الناس تلوى وتعوج لسانها وتتكلم لغة أجنبية عشان يبقوا متحضرين ولارج

الإهانة انك تروح المستشفى متلاقيش القطن والجبس

الإهانة انك تمشى فى الشارع مع الحمير والبغال

الإهانه انك ما دمت صغير السن " اقل من 60 سنه " متفتحش بؤك لأن رأيك لازم غلط

[shawshank]

الإهانة انك تمشى فى الشارع مع الحمير والبغال

<{POST_SNAPBACK}>

دي رهيبة :D

[صفاء]

الإهانة كمان " أصل لو قعدنا نتكلم عن الإهانة فى بلدنا مش هانخلص"

ان يكون فى 9 مليون عانس فى مصر

وان فى ناس ساكنة فى المقابر وناس محترمة كمان

وان المدير العام يشتغل سواق تاكسى بعد الضهر

وان موائد الرحمن يقعد عليها كبار الموظفين وعائلاتهم

وان الناس تقف فى طابور طويل عريض عشان تشترى سمك وفراخ الجمعية الغير صالحين للإستهلاك الآدمى

وانهم يقفوا قدام واحد دابح لله عشان كل واحد يطلعله بحتة لحمة وحتة دهن

قمة الإهانة والفقر ودى شفتها وانا رايحة اشترى فراخ من محل الطيور ... دخلت ست غلبانة ومحترمة جاية تشترى رجلين الفرااااااااااااااااخ الرجلين اللى هى القدم عشان تعمل عليها شوربة

حسبى الله ونعم الوكيـــــــــــــــــــل

وفى ناس بيجيلها فطارها بالطيارة من أوروبا

الإهانة فى غياب العدل وامتلاك أفراد جميع موارد البلد وحقوق الناس وكمان يشحتوا على حسنا ويلهفوا اللى شحتوه وهما على قلبهم فلوس تعيشنا ملوك

حسبى الله ونعم الوكيل

[أبو معتز]

طبعا أفضل الإقامه خارج مصر

في رأيي أن كل من هو مقيم خارج مصر و يريد العوده .. هو من لا يعيش في ظروف جيده .. مثل أن يكون عايش بمفرده و تارك زوجته و أولاده في مصر و هذا في رأيي ظرف في منتهى القسوه و أعذر كل من هو مضطر الى ذلك .. أو يكون يعمل في وظيفه ذات دخل متدني أو إذا كان في الخليج كفيله موريه الويل وواخد باسبوره و بيذله

لكن زي ما أنا شايف .. أي مصري يعيش مع اسرته و أولاده في الخارج و يتمتع بدخل مناسب ووظيفه جيده لا يفكر مطلقا في العوده و يحمد ربنا على كل يوم زياده عاشه بعيد عن مصر

رأي صريح بدون رتوش أو تزويق

كلامك مظبوط 100 %

[لماضة مصرية جدا]

السلام عليكم و رحمة الله و بركاته

لسه من يومين كنت بسأل نفسي....هي ليه الكرامة بتوجع اوي كده؟؟

يعني لما بتتمسك بيها و بتحارب علشانها لازم تتأكد ان هيواجهك طوفان من النفوس الرخيصة اللي بيستفزها تمسكك بكرامتك

سؤالك استاذي شاوشنك....الاهانة...الكرامة....البقاء...أم الرحيل؟؟

حضرتك حطيت اختيارين

نقعد في مصر و افترضت ان احنا نعصر علي نفسنا لمونة و بالتالي نقبل اوضاع كتيرة مهينة

او نسافر حيث الجنة المفقودة...و نتمتع بالكرامة

انا رايي الشخصي

فيه اختيار تالت

انك تعيش بكرامة منين ما تكون

الكرامة مالهاش اي علاقة بالمكان و لا بالمساحة الجغرافية اللي بتتواجد عليها

الكرامة احساس من جواك و مباديء انت مستعد تموت علشانها

الكرامة خط احمر مبتسمحشي لاي حد انه يتعداه او يتفاضو عليه اصلا

لسه كنت مستحضرة ابيات امل دنقل لما قال

لو فقأت لك عينيك...ووضعت جوهرتين

هل تري

هي أشياء لا تشتري

هي اشياء لا تشتري

الكرامة.....أشياء لا تشتري

هي قناعتك اللي بتعيش فيها منين ما تكون

يمكن مصر زي اي بلد تاني فيها انتهاكات كتير انسانيا....بس انا مش هتكلم عن الانتهاكات في الشارع لان بمقدورك تغيرها لو مش هتقدر تغيرها يبقي اعتبرها جزء من تركة و لا ورث....مش احنا ورثنا الارض دي....يبقي ناخدها كده علي بعضها بكل ما فيها...الله مش احنا اصحاب ارض...من طين الارض ديت

لكن لو انتهاكات طالتني انا شخصيا او خطوطي الحمراء....(خطوطي الحمراء اللي مبسمحشي لاي بني ادم انه يتعداها....اسلامي...و ديني و احساسي اني بني آدم بفكر)....لازم اخد موقف و موقف عنيف كمان

و حدة الموقف مش هتختلف لو انا في مصر و لا انا في امريكا بلد الاحلام

المبدا واحد....و الكرامة لا تشتري

و مش محتاجة ارض...و لا يوتوبيا...او مدينة فاضلة علشان تمنحني حقي في العيش بكرامة

ده حق بيفرضه البني آدم علي اللي حواليه....مش اللي حواليه هما اللي بيفرضوا عليه يعيش بكرامة او باهانة

و صدقني ده شيء من جوانا احنا...عمره ما هيتغير لو روحت فين و لا لو عشت مع مين

ابسط مثال

امبارح كنت بنتمشي علي الكورنيش في البلد العربي المعروف عنه انه شديد الثراء

طفل عنده 5 سنين راكب بسكلته و بيتمشي علي الممر...و جنبه طبعا الخادمة الاندونيسية اللي يا عيني بتحاول انها تلحقه...و المشكلة انها شايلة كمان العابه و اكياس كتير...بس لازم تلحقه في الجري

انا كشخص.....بشوف ان ده مشهد...في منتهي الاهانة....و مؤلم جدا جدا جدا

و لوللا اني تلفتت ووجدت ان ابو الطفل بدون الام هو من يصاحب الطفل...كنت تدخلت ووجهت الام انها ابسط حاجة ممكن تاجر...(لان البسكلته من مكان تأجير ع الكورنيش)...بسكلته من مقعدين...او الابسط انه تخلي الولد يحط الاكياس قدامه علي العجلة

و لا انه يسيب الخادمة تجري وراه بالطريقة المهينة دي.

كل مكان ستجد فيه ما يؤلم

و بمقدورك انك تنتقي اي الطرق للتفاعل مع ما اراه "تشويه" انسانيتنا

لكن الكرامة...هي اشياء لا تشتري

و لا يمكن التفاوض عليها

ومالهاش علاقة اين اقيم علي خارطة العالم

هناك دوما اختيار ثالث.....ليست فقط ابيض و اسود

و هناك دوما قناعات....هي بذور انسانيتنا الحقيقية التي تصيغ شخوصنا و تحدد اي منحي سنسلك في اي موقف...و هناك قناعات و مباديء اخري (و ليست من ضمنهم قطعا الكرامة) يمكن تغييرها و تشذيبها و التحول منها أو إليها

و دي وجهة نظري

تحياتي

[لماضة مصرية جدا]

<span style='font-size:15pt;line-height:100%'>الإهانة كمان " أصل لو قعدنا نتكلم عن الإهانة فى بلدنا مش هانخلص"

ان يكون فى 9 مليون عانس فى مصر

وان فى ناس ساكنة فى المقابر وناس محترمة كمان

وان المدير العام يشتغل سواق تاكسى بعد الضهر

وان موائد الرحمن يقعد عليها كبار الموظفين وعائلاتهم

وان الناس تقف فى طابور طويل عريض عشان تشترى سمك وفراخ الجمعية الغير صالحين للإستهلاك الآدمى

وانهم يقفوا قدام واحد دابح لله عشان كل واحد يطلعله بحتة لحمة وحتة دهن

قمة الإهانة والفقر ودى شفتها وانا رايحة اشترى فراخ من محل الطيور ... دخلت ست غلبانة ومحترمة جاية تشترى رجلين الفرااااااااااااااااخ الرجلين اللى هى القدم عشان تعمل عليها شوربة

حسبى الله ونعم الوكيـــــــــــــــــــل

وفى ناس بيجيلها فطارها بالطيارة من أوروبا

الإهانة فى غياب العدل وامتلاك أفراد جميع موارد البلد وحقوق الناس وكمان يشحتوا على حسنا ويلهفوا اللى شحتوه وهما على قلبهم فلوس تعيشنا ملوك

حسبى الله ونعم الوكيل</span>

السلام عليكم و رحمة الله و بركاته

الاسباب اللي حضرتك ذكرتيها ديت استاذتي الفاضلة...هي اسباب مباشرة إني اخد قرار اني اسيب مصر النهاردة و اسافر بلد تاني

و لا جزء من مشكلة كلنا عايشينها اولها الفقر و معجون فيها كرمة البني آدم

و اللي ممكن تلاقيها بس باشكال تانية كتيرة اوي في كل مكان تروحي فيه

مثال

شاب عنده 18 سنة بيشتغل من الساعة 7 صباحا و حتي الساعة التاسعة و النصف مساءا متواصل و بدون اي وقت راحة و لمدة 7 ايام في الاسبوع و المقابل مبلغ زهيد جدا

المعطيات دي...يا تري ممكن نطلعها من كام بلد

مصر

السعودية

الامارات

تنزانيا

امريكا

كندا

قوليلي

مش دفاعا عن مصر...و لو اني حقي الصراحة

بس علشان انا مش قادرة اقتنع ان المشاهد الموجعة هي اللي كانت سبب مباشر ان اي حد فينا ياخد قرار انه يسافر بره مصر

كل حد فينا وفقا لاجندة حياته...حط لنفسه هدف...و بيسعي يحققه...جوه مصر...براها

لكن مش بغفر لاي حد انه يقول انه يبطلع براها علشان جواها خنقة....و جواها فيها كل العبر

ده حقيقي...و مش بنكر اي مشهد حضراتكم قولتوه

لكن انا صريحة مع نفسي

انا طلعت براها علشان احقق هدف شخصي ليا

و لما مكنشي اتسبب ليا باب رزق براها...كنت عشت جواها....و برضه بكرامة...زي و لله الحمد ما انا عايشة براها

بعدي عنها...مش مبرر اني "اعريها"...لاني يوم ما بنقد...فيه صباع بيتوجه لشخص مجهول...يا تري الرئيس السابق و لا النظام و لا احنا و لا ايه بالظبط....بس بقية صوابع الايد كوووووولها بتشير عليا...و عليكي و علي ناس كتير غيرنا....بتعدي قدامنا مشاهد كتير...بس مش بنحاول نغير و ولو بالقدر البسيط

تقبل احترامي

و دي وجهة نظري