انا المصرى

[هشام الجنيدى]

انا المصرى البعيد يا مصر عن ارضك وانا فيها بناديلك

انا الشمعه اللى بتنوّر فقنديلك

انا القنديل ينوّر ليكى لياليكى واتاريكى

عايزه تدفنيه فليلك

انا دمعه بكاها الناس

واندفنت فمنديلك

انا نقطة عرق صافيه فعز الشمس

شقّت فى الوجود نيلك

انا طيفك ....

انا اسمك وتعريفك

وانا ورقه بختم النسر منسيه فى ارشيفك

انا صوره فضمير قلبك ....

فعقلك او فتخريفك

انا اللى عشت طول عمرى فدا عمرك ...

وجاتلى الضربه من سيفك

وبرضه صبرت واتحملت ...

وقلت يا مصر على كيفك

انا طينك......

انما عماكى ونور عينك

انا حلم اتولد فرحان ...

وشاب مصلوب على جبينك

انا طير انجرح تعبان ....

بموت مالنوح فزنزينك

بصدّق غنوة الكداب

عن الامل اللى بيدقدق على البواب

عارفه ليه بصدقها ؟؟؟

عشان تاليف وتلحينك

انا سيمك ...............................................(اى سرك ومفتاح لغزك)

انا جهلك وتعليمك

وانا يا مصر لو تدرى ....

انا هددك وترميمك

وكلمة حق لم خافت من الظلمه...

واهي مشنوقه فى الضلمه على ميمك

انا توبك .......

انا قدرك ومكتوبك

وانا الخطوه اللى بتدبدب على دروبك

انا ابنك اللى غازلك برجل حمار .....

وعاش محتار ...لجل يلبى مطلوبك

وجه يجرى على حضنك لقا غيره...

بيجرى وراه ...لجل يحدّّّفه بطوبك

انا مش عارف اعمل ايه عشان يا مصر ارضيكى

ومش عايز يا مصر فيوم ارحل عن اراضيكى

ومش عايز عشان ما اتهان يكون بسبورى امريكى

انا عايز اكون انسان يعيش فيكى ويموت فيكى

انا عمرى مكنت جبان ...يعنى اقدر احميكى

وعمرى مكنت يوم خوان..يعنى مش راح ااذيكى

انا ابنك ..... عارفه يعنى ايه ابنك ؟؟؟

وللا المعنى تاه منّك ؟؟ ولا ايه جرى ليكى؟؟؟؟؟؟؟؟؟؟

[Alshiekh]

[ALIGN=center]

  انا مش عارف اعمل ايه عشان يا مصر ارضيكى

ومش عايز يا مصر فيوم ارحل عن اراضيكى

ومش عايز عشان ما اتهان يكون بسبورى امريكى

انا عايز اكون انسان يعيش فيكى ويموت فيكى

انا عمرى مكنت جبان ...يعنى اقدر احميكى

وعمرى مكنت يوم خوان..يعنى مش راح ااذيكى

انا ابنك ..... عارفه يعنى ايه ابنك ؟؟؟

وللا المعنى تاه منّك ؟؟ ولا ايه جرى ليكى؟؟؟؟؟؟؟؟؟؟ 

فعلا مش عايز ومش عايز ومش عايز

لكن المضطر ..... يركب الصعاب ، ويهاجر ،

ويبحث له عن باسبور ..... أى باسبور

يشيله مع بسبوره المصرى

فنحن المستضعفون فى الأرض

وأرض الله واسعة ومحترمة

ولحد مايعلى الحق ويسود

ادى احنا فى بلاد الله هايمين وتايهين

[Doofy]

======================================================

الأستاذ الرائع / هشام الجنـيدي

لا اعلم اذا كانت هذه كلماتك أم كلماتي ام كلمات كل المصرين..

فدمـوعنا فـي ليـاليها واحد

وعرقنا تحت شمسها واحد

ضربونا على ضهرنا ...

والدم سال والسبب جاحد..

فـُقنا وعنينا لسه عليها

رحنا هنا وهناك... وبنرجع برضو ليها

عارفه أيه يا مصر لسه وبتخبي علينا..؟؟

:

:

أسمحلي اقف بجانبك واصرخ معك :

" انا ابنك ..... عارفه يعنى ايه ابنك ؟؟؟

وللا المعنى تاه منّك ؟؟ ولا ايه جرى ليكى؟؟؟؟؟؟؟؟؟؟ "

:

تحياتي وتقديري

:

:

[shahd]

راااااائع يا هشام بجد مش عارفة اقول ايه حبك لبلدك رائع واسلوبك قمة في الجمال سلمت اناملك مليوووووووووون مرة

تم تعديل 5 ديسمبر 2005 بواسطة شهد

[daktara]

هايل يا هشام

رائع جدا احساسك ومؤثرة جدا حسرتك على المقروصة قصدى المحروسه

على فكرة انا باحبها زيك بالظبط

وزعلان عليها زيك بالظبط

[سيناترا]

رائع جدا يا هشام بجد حاجة حلوة قوي ...

بجد عجبتني مووووووووووووووووووووووووووووووووت \

تحياتي

سيناترا ،،

[amr_elnagi]

تعالى يا هشام نروح نبص هناك ..

لا باب هناك ولا شباك .

دا قلب كبير بيستناك .

دا حضن لى وليك ولكل حبيب

ده حلم بعيد ومش قريب

نضحك ونبكى .. نجرى ونقف ..

نصرخ .........

والصرخه تصرخ مش كفايه ..

ودا مش كل اللى جواى .

يا صاحبى لينا يوم ..

يجى من غير غيوم ..

ولا حاكم ولا محكوم ..

لا ظالم ولا مظلوم ..

اكيد حيجلنا يوم .. اكيد حيجلنا يوم

..........................................

الاخ الغالى هشام

تحيه طيبه رقيقه لشخصك المرهف الاحساس .

كلماتك جميله قويه معبرة ولا يسعنى سوى التصفيق الحار .

وارجوك اعذر خربشاتى ..

تحياتى وتقديرى

الباحث دوما وابدا عن وطن نظيف

[هشام الجنيدى]

عزيزى محمد

شكرا لمرورك الكريم واتمنى ان نجد الاحترام فى بلدنا لا فى بلد اخر واهو حلم وربنا يسهل

دوفى

انها كلماتى التى وجدتها فى قلب كل المصرين لما راحو ينتخبو اللى اختاروه وانضربو واتهانو واتقتلو عشان ميقلوش كلمه حق لم خافت من الظلمه ........

اشكر لك مرورك وتعليقك على كتابتى

شهد

شكرا على اعجابك ومرورك الكريم وانا بحب مصر وهفضل احبها حتى لو محبتنيش

دكترا

حزنك على حزنى وحزن الناس مبيفرقوش عند ناس كتير للاسف وده سبب الحسره

شكرا على مرورك الذى عطر صفحتى

سيناترا

شكرال على اعجابك بكلماتى المتواضعه واتمنى ان اقرا لك الكثير من الاعمال لان افكارك بتعجبنى مووووووت برضه

عمرو الناجى

حمد الله على السلامه يا عمووور ايه يا عم رحت وقلت عدولى لك منى كل التمنيات بالتوفيق ودعنا ننتظر اليوم الموعود

شكرا لكم جميعا على اهتمامك بكلماتى والرجو ان اكون دائما عند حسن ظن الجميع :)