الحاج دولار .. و الجنيه رحمة الله عليه ..

[eslam elmasre]

Just now, herohero said:

مقدر ضيق حضرتك بس هل تظن ان الحكومة والنظام متضايقة من مايحدث ؟؟

عزيزي هناك حاله من البلادة السياسية والاقتصادية 

كلنا بنقول نفس الكلام والحلول معروفة واتقالت كثييييييييييير وبرده هناك رغبة في الاستمرار في هذا الغباء  الاقتصادي 

تكلمنا كثيرا عن وقف استيراد السلع التافهة وانا شوفت بعيني سلع لا اجد لها اي داعي لكن تقول لمين ؟؟

عزيزي اتوقع ان هناك مستفيدين كثر من الوضع الحالي وبالتالي هم سعداء بمايحدث

 

ده كان من شهرين ثلاثة اننا كان المفروض نوقف استيراد السلع التافهة 

لكن الان نوقف استيراد كل السلع ما عدا استيراد الحكومة للسلع الاساسية فقط لا غير غير كده المنظومة واضح انها اكبر من الدولة المصرية 

عايزين حظر تجوال اقتصادي عشان نعرف نلم نفسنا وكفاية بعترة وكفاية عبس

[eslam elmasre]

Just now, أبو محمد said:

ما تقدرش .. إنت موقع على اتفاقية دولية للتجارة الحرة 
لو خالفتها ومنعت الاستيراد .. العالم كله هيقاطعك 
إلا إذا كان هناك حنين إلى أيام عبد الناصر والحصار الاقتصادى
الأيام غير الأيام .. والناس - فى مصر - غير الناس

ليه مانقدرش اذا كان اللي هايستورد هو الحكومة يعني المنع مش تام ده مجرد اجراء تقوم به الحكومة للامن القومي المصري الدولار اصبح امن قومي يا عزيزي طالما الحكومة مش قادرة تسيطر عليه 

اجراء احترازي مؤقت وليس نهائي لوقف نزيف الجنيه ما هو المانع من ذلك 

هو يعني مكتوب في الاتفاقية دي ان لما الدولار يتم عليه مضاربات غير طبيعية ستؤدي الى انهيار الاقتصاد انهيار كامل مكتوب فيها ممنوع انك تعالج الازمة 

بالطريقةدي 

[أبو محمد]

1 دقيقه مضت, eslam elmasre said:

هو يعني مكتوب في الاتفاقية دي ان لما الدولار يتم عليه مضاربات غير طبيعية ستؤدي الى انهيار الاقتصاد انهيار كامل مكتوب فيها ممنوع انك تعالج الازمة 

بالطريقةدي

لأ .. مكتوب فيها إنك لا تمنع ولا تقيد استيراد وتصدير أى سلعة 
إلا
فى حالات استثنائية ولسلع "محدودة" ولفترة محددة تحت مبدأ حماية المنتج المحلى
أكيد إحنا فى حالة استثنائية .. ويمكن تقييد سلع "معينة محدودة" 
ولكن عن أى حماية لمنتج محلى نتكلم ونحن لا ننتج "كل" احتياجاتنا 
وما ننتجه محليا "لا يكفى" استهلاكنا ؟
لا يمكن أن تصدر الحكومة قرارا من نوع تلك القرارات الناصرية التى تطالب بها

[eslam elmasre]

Just now, أبو محمد said:

لأ .. مكتوب فيها إنك لا تمنع ولا تقيد استيراد وتصدير أى سلعة 
إلا
فى حالات استثنائية ولسلع "محدودة" ولفترة محددة تحت مبدأ حماية المنتج المحلى
أكيد إحنا فى حالة استثنائية .. ويمكن تقييد سلع "معينة محدودة" 
ولكن عن أى حماية لمنتج محلى نتكلم ونحن لا ننتج "كل" احتياجاتنا 
وما ننتجه محليا "لا يكفى" استهلاكنا ؟
لا يمكن أن تصدر الحكومة قرارا من نوع تلك القرارات الناصرية التى تطالب بها

ايو 

حاجة حلوة اوي حكاية الاستثناءات دي ودي حاجة انا كنت متأكد منها من قبل ما اقرأ الاتفاقية لان اي حاجة منصوص عليها فيه باب للاستثناءات مفتوح ده حتى الدستور مكتوب وفي طياته الاستثناءات 

ليه استثناءات ؟ عشان حاجة  زي اللي احنا فيها دلوقتي 

 شيء استثنائي نعاني منه يلزمه قرارات استثنائية لمواجهته

قرار وقف الاستيراد وقتي ومحدود بغرض ان اللي بيضارب في الدولار يشربه وطالما زاد المعروض فمن المؤكد سيقل سعره 

وانا شايف ان قرار زي ده من الممكنان تتخذه الحكومة في ما يتعارض مع الامن القومي المصري او ما يضر الامن القومي المصري له قرارات استثنائية احترازية 

 

[أبو محمد]

واضح يا أستاذ إسلام إن غيابك عن المحاورات أثر على متابعتك لما يُكتب فيها
(بعد كده هنبدأ ناخد غياب  )
لو سمحت إقرا المداخلة دى فى موضوع مبادرة الشعب يأمر
شوف كيف تحاول الحكومة - أعتقد - أن تلتف حول التزامات الاتفاقية 
والأهم من كده شوف رد فعل المستوردين والتجار
والأهم والأهم موقف نقيب المحامين "الناصرى"

[herohero]

هو بجد احنا بنعيد اختراع العجلة ؟؟؟ 

يعني تركيا والبرازيل والارجنتين ولبنان مثلا "رغم انها فشلت لم تنجح " هل هذه الدول شعوبها من كوكب آخر ؟؟

هل مصر لها خصوصية فعلا ؟؟

تعويم الجنيه شئ مللنا من سماعه والحمد لله الجنيه متعوم اصلا لان هو فعلا خاضع لاليات العرض  والطلب امام الجنيه 

والخوف من الاسعار انها ترتفع ماهي اصلا مرتفعة لان التجار مفيش رقابة عليهم واصلا بيحاسبك ع سعر السلعة وفق سعر الدولار بالسوق السوداء

بصراحه لا ارى ان الامور تتم بحسن نية ،اشتم رائحة رضا حكومي وانشكاح من ارتفاع الدولار بهذا الاسلوب الدرامي عشان يوصل الدولار مثلا لسعر 20 جنيه وهو سعر وهمي ،ومن ثم يتم توحيد السعر ع 13 جنيه مثلا وساعتها هنسمع في منتدانا والاعلام احلى كلام عن حكمة السيد الرئيس ونجاحاته وهو طبعا استايل بطل من ورق  وهو المتبع في كافة الازمات 

بالامكان التحكم في الاستيراد ومن قال ان مصر تستورد منتجات لا بديل محلي لها 

جبنة بلو شيز ؟؟؟ ايه اهميتها  الكيلو ب100 جنيه 

مشروب بذور الريحان --الزجاجة ب10 جنيه من تايلند 

كافيار بكافة انواعه - مشروبات روحية - مكسرات من كاجو الى المكسرات اليابانية - ماكولات مخصصة للقطط والكلاب-اكسسوارات قطط وكلاب - ادوات تجميل وعطور 

.....الخ 

الا يمكن في بلد رئيسها ذكر انه لمدة عشر سنوات كان لديه في الثلاجة مياه فقط ان يتم الاحتذاء به

هو ايه لازمة الجملة ده من الرئيس ؟؟؟؟ ان ياناس نلم نفسنا ونعيش عيشة اهالينا 

الاخوة المدافعين "المطبلاتية " اللي عاوز يحل بيحل لكن هناك 

ابن اللواء علان فاتح الشركة الفلانية لاستيراد اللبان وبنت اللواء ترتان متجوزة رجل اعمال تاجر شنطة بيستورد هيافات من الصين ، يا سادة المصالح تتصالح

 

[eslam elmasre]

Just now, herohero said:

الغرف التجارية: وقف التعامل بالدولار أسبوعين وترشيد استيراد السلع المعمرة 3 شهور

الثلاثاء 01/نوفمبر/2016 - 03:45 م

  

 

 

 

الناس دي بتفكر بنفس تفكيري وانا مؤيد جدا لهذا القرار لانه هو الحل الوحيد المتاح لنا الان 

[eslam elmasre]

http://www.elbalad.news/2471314

[أبو محمد]

59 دقائق مضت, eslam elmasre said:

الناس دي بتفكر بنفس تفكيري وانا مؤيد جدا لهذا القرار لانه هو الحل الوحيد المتاح لنا الان 

لا يا أستاذ إسلام 
مش ده تفكيرك اللى انا اتناقشت معاك بخصوصه
حضرتك عاوز الحكومة هى اللى تصدر قرارات بوقف الاستيراد
وأنا قلت لك إن الحكومة لا تستطيع أن تفعل هذا إلا بقدر محدود

أما الخبر اللى حضرتك جايبه فده مبادرة من التجار والمستوردين 
وأكيد حضرتك عارف السبب
السبب إنهم فضلوا يلفوا الحبل حوالين رقبتهم لغاية لما بدأوا يحسوا بالخنقة
أسعار السلع بدأت فى الارتفاع إلى الحد الذى لن يجد التجار من يشتريها منهم
هذا نفس التفكير الذى كنت أرجو أن تتبينه من مداخلتى عن ضوابط الاستيراد
واستعداد التجار والمستوردين أن يدفع كل واحد من الـ 850 ألف تاجر ومستورد 
مبلغ 10 آلاف دولار للحكومة بس تسيب لهم السوق يعكوا فيه زى ما هم عاوزين

القرارات الصعبة قادمة لا محالة .. وسيكون هناك مزيد من الفرز 
مين اللى مع "الدولة" .. ومين اللى مع نفسه .. ومين اللى مع الشيطان اللى عايز يهدم الدولة

نصيحة .. لو كنت اشتريت دولارات فى الفترة اللى فاتت .. إبدأ بيع .. قبل فوات الأوان

[eslam elmasre]

Just now, أبو محمد said:

لا يا أستاذ إسلام 
مش ده تفكيرك اللى انا اتناقشت معاك بخصوصه
حضرتك عاوز الحكومة هى اللى تصدر قرارات بوقف الاستيراد
وأنا قلت لك إن الحكومة لا تستطيع أن تفعل هذا إلا بقدر محدود

أما الخبر اللى حضرتك جايبه فده مبادرة من التجار والمستوردين 
وأكيد حضرتك عارف السبب
السبب إنهم فضلوا يلفوا الحبل حوالين رقبتهم لغاية لما بدأوا يحسوا بالخنقة
أسعار السلع بدأت فى الارتفاع إلى الحد الذى لن يجد التجار من يشتريها منهم
هذا نفس التفكير الذى كنت أرجو أن تتبينه من مداخلتى عن ضوابط الاستيراد
واستعداد التجار والمستوردين أن يدفع كل واحد من الـ 850 ألف تاجر ومستورد 
مبلغ 10 آلاف دولار للحكومة بس تسيب لهم السوق يعكوا فيه زى ما هم عاوزين

القرارات الصعبة قادمة لا محالة .. وسيكون هناك مزيد من الفرز 
مين اللى مع "الدولة" .. ومين اللى مع نفسه .. ومين اللى مع الشيطان اللى عايز يهدم الدولة

نصيحة .. لو كنت اشتريت دولارات فى الفترة اللى فاتت .. إبدأ بيع .. قبل فوات الأوان

اللي اعرفه عن البلد دي ان  مافيش شيء بيتم الا من خلال الحكومة او بايعاذ من الحكومة او موافقة ضمنية شفوية من الحكومة 

يعني رئيس الغرف التجارية ده اخذ موافقة من الحكومة بكلامه ده ومش هاقتنع انه قال كده من نفسه 

يبقى كده الحكومة حلتها وهاتنفذ ما قلته بعيدا عن نقض المعاهدات الدولية واسمها ما جاتش منها 

انا باقولك كده ليه يا ابو محمد لان فعلا انا دورت ومالقتش غير الحل ده وفورا كمان 

لان مالهاش غير الحل ده في ظل الفوضى السائدة في سوق الصرف لا تعبر عن قيمة الجنيه  الحقيقية التي هي اكثر بكثير من القيمة المتدنيه له الان 

فعلا فيه احجام عن التعامل مع السلع كافة في السوق المصرية  ما عدا الاكل والشرب وفي حدود ضيقة لقضاء اليوم 

يعني حضرتك مهندس وفاهم يعني ايه عقود مقاولات وانك متفق علي سعر من كام يوم تفاجيء باسعار اخرى كل يوم هذا يعني توقف عن تنفيذ العقود تماما 

السوق اصابه الشلل وكل الناس واقفة تتفرج وما بتعملش حاجة وكمان الحكومة واقفة معاهم تتفرج كده  مالناش غير حل واحد وقف الاستيراد لغاية ما نعرف اولنا من اخرنا 

تيجي من الحكومة تجي من الغرف التجارية والصناعية المهم انها تيجي 

[عادل أبوزيد]

لا يمكن أن تكون الدولة عاجزة  و "حاطة إيدها على خدها"  صحيح الموقف  يبدو كما لو كان "دومينو مقفولة"

ما سبق كان إستهلالا لابد منه

المحصلة  إن المستوردين من نفسهم قرروا وقف الإستيراد و الحكومة سايبة إيديها  - أو هذا هو الظاهر - و هذا ما نريده  قالوا للأعمى إيش بدك  قالك قفة عيون ، 

لا سحر و لا شعوذة  ... التجار من نفسهم  سيمارسون "تأديب الذات"  و "ياما في الجراب يا حاوي"

[herohero]

17 hours ago, eslam elmasre said:

الناس دي بتفكر بنفس تفكيري وانا مؤيد جدا لهذا القرار لانه هو الحل الوحيد المتاح لنا الان 

قرار تاخر كثيرااااااااااا ، ولكن ان تصل متاخرا خير من ان لاتصل

 

لكن بصراحه لا استطيع ان اشعر بحسن النية سواء من الحكومة اوالمستوردين 

عموما الايام ستوضح الصورة 

[أبو محمد]

21 ساعات مضت, أبو محمد said:

نصيحة .. لو كنت اشتريت دولارات فى الفترة اللى فاتت .. إبدأ بيع .. قبل فوات الأوان

من خسر فى الدولار اليوم هو نفسه الخاسر فى البورصة من سنوات
هو نفسه الباكى المولول على فلوسه اللى راحت فى شركات توظيف الأموال
هو "المأنتخ" الفهلوى الباحث عن المال السهل

الدولار - من دقائق - بعشرة جنيه فى المنشية .. بيع بس .. مفيش شرا

[أبو محمد]

عندما تعلم أن الاحتياطى النقدى اللبنانى 50 مليار دولار تقريبا
لا تملك إلا الاحتقار والازدراء للمضاربين المتاجرين فى العملة فى مصر
ثم يكنزون أرباحهم "الحرام" فى دول الخليح والدول الغربية

[tarek hassan]

الحمد لله فشلت خطة نشر  الاحباط والياس وعدم الثقة 

نجحت الدولة في احتواء التزايد المطرد في سعر الدولار والجنيه واقف على رجله تاني

[أبو محمد]

وائل السمرى: انهيار الدولار يؤكد نهاية أسطورة العملة الأمريكية كملاذ آمن..
24 ساعة قاضية تعلن وفاة "الأخضر" وتوجه إنذارا للجميع بأن "المتغطى به عريان"..
وصد "أباطرة الانتقام" المعركة القادمة

الأربعاء، 02 نوفمبر 2016 07:56 م

انهيار الدولار يؤكد نهاية أسطورة العملة الأمريكية كملاذ آمن

 

بين ليلة وضحاها، هبط الدولار إلى أسفل سافلين، بعد أن حلق الأسبوع الماضى إلى أعلى عليين، وبرغم أن لهذا الهبوط السريع أضراره كما أن للصعود السريع أضراره، لكنى أعتبر تلك الحالة علامة جيدة فى التعاملات الاقتصادية، فالدولار لم يكن فى حالة "ارتفاع" وإنما فى حالة "انتفاخ"، أسهم فى هذه الحالة جشع التجار والمستوردين على حد سواء، وبعد أن كان الدولار فى الأمس القريب ملاذا آمنا لتخزين الأموال أصبح اليوم عبئًا على حامليه، كما أصبح آية من آيات خطورة المضاربة، فمن كان يملك مساء أمس مليون دولار أمريكى كان يمتلك وفق أسعار السوق السوداء 18 مليون جنيه مصرى، وما هى إلا ساعات قليلة حتى أصبحت الـ18 مليونًا 11.5 مليون فحسب، وسط توقعات باستمرار الهبوط إلى أجل غير مسمى.

هنا يجب أن نشير إلى أن هذا الانهيار كان متوقعًا، فالدولار لم يكن مرتفعًا كما يظن البعض وإنما كان منتفخًا متورمًا، وسبب هذا التورم هو لجوء البعض إلى اعتبار الدولار ملاذًا آمنا للأموال، فبدلا من أن يجتهد الجميع فى عمل مشروع أو زراعة أرض، تهافت الجميع إلى استحواذ الدولار بهدف التخزين أو الاكتناز، أو بسبب الاتجار، وهو الأمر الذى منح الدولار قيمة غير حقيقية، حتى صار تعويم الجنيه أملا لدى البعض عسى أن يسهم هذا التعويم الوصول إلى السعر الحقيقى للدولار فى مصر والذى تقدره بيوت المال العالمية من 10.5 إلى 11.5 جنيه مصرى، وبصرف النظر إلى ما ستودى إليه حالة الارتباك هذه من أضرار أو فوائد، وبصرف النظر أيضًا عما إذا كان الدولار سيشهد فى الأيام المقبلة انتفاخًا مرة أخرى أم هبوطًا، فالدرس الوحيد الذى يجب أن يتعلمه الجميع من هذا الموقف هو أن الدولار لم يعد ملاذا آمنا، وأنه مهما زاد أو علا لم يعد سوى "ورقة" ليست لها قيمة فى حد ذاتها، وهو فى كل الأحوال ليس أصلا ثابتا يعتمد عليه الواحد فى بناء خططه الاستراتيجية الاقتصادية، والكلمة العليا فى الاقتصاد هنا تكون للأصول الثابتة، للتراخيص الفعالة، وللمخصصات المحددة، للقوة العاملة، ولحجم الإنتاج، بقابلية السوق للاستثمار، وتوافر اليد العاملة، للموارد الطبيعية والمميزات الجغرافية، وكل هذه العوامل تتوافر بشدة فى مصر بشهادة غالبية بيوت الخبرة العالمية.

الآن يجب على الحكومة المصرية أن تتحصن ضد هجمات أباطرة الانتقام الذين خسروا بين ليلة وضحاها مئات الملايين نتيجة مضاربتهم فى الدولار، فمن الممكن أن تعمل هذه الفئة الجشعة على عرقلة هذا السقوط بأقذر الحيل، كأن تشترى بشكل جنونى لملايين الدولارات المطروحة فى السوق ابتغاء منهم أن يقللوا حجم المعروض فيرتفع السعر مرة أخرى، ومن الممكن أيضًا أن يسهم هؤلاء فى عمل حرب شائعات تدعى أن الدولار سيرتفع مرة أخرى بعد أسبوع أسبوعين، وهو الأمر الذى من شأنه أن يعيد الدماء الهاربة إلى "الجندى الأخضر" مرة أخرى فينتعش أو يتوحش، ولهذا يجب على الحكومة المصرية أن تعد العدة لمثل هذه التحركات وأن ترصد بعين الفاحص أى نشاط غير طبيعى فى هذا الحقل، وأن تضرب بيد من حديد على كل من يروج شائعة أو يرتبك فعلا غير مبرر من شأنه زيادة سعر الدولار.

قبل أن أنهى يجب هنا أن أشير إلى أن هذا الانهيار كما قلت فى البداية كان متوقعًا، ولعل ما يؤكد كلامى هذا هو ما كتبته فى يوليو الماضى تحت عنوان "المتغطى بالدولار عريان" وفى هذا المقال قلت أن أغلب الزيادة التى حدثت فى أسعار الصرف فى السوق السوداء هى زيادة وهمية أدى إليها تنامى الطلب، وليست قوة الدولار الحقيقية، والناس ستعرف أن المضاربة بالدولار أشبه بالمتاجرة بفقاقيع الهواء، وأن «المتغطى بالدولار عريان». ولذلك فإنى أؤكد لك أن مصلحتك الشخصية تتطلب عدم الانسياق وراء هذه الظاهرة الكاذبة، فسعر الدولار لا يحدده تاجر عملة أو حتى مجموعة تجار، وإنما يحدده قوة السوق ومعيار العرض والطلب، لذلك فإن الاستثمار فى شراء الدولار لا يجدى ولا ينفع، والأهم منه هو الاستثمار فى المشاريع الخاصة والتجارة الحقيقية التى تضمن ارتقاء السوق، وتضمن الأمان الحقيقى فى موارد ملموسة وأصول ثابتة واسم تجارى يجلب لصاحبه أضعاف ما يمكن أن يضيفه زيادة وهمية فى سعر الصرف، فالدولار فى النهاية «ورقة» لا تتحكم أنت فى سعرها ولا قيمتها، الذى يحدد قيمتها عدة عوامل خارجية لا ناقة لك فيها ولا جمل، ولو حدث تغير ولو طفيف فى موارد الدولار الخمسة «قناة السويس والسياحة والتصدير والاستثمار الخارجى وتحويلات المصريين فى الخارج» سيتأثر سعر العملة فورًا، وستجد نفسك وقد خسرت بلا سبب مثلما ربحت بلا مجهود.

فهل نستوعب الدرس؟

[أبو محمد]

متعودين إن الدولار يطلع والأسعار تطلع معاه
ييجى ينزل تقول له لأ انزل انت لوحدك أنا قاعدة

اليوم حدث انخفاض أسعار السيارات التي تقع في الفئة السعرية ما بين 130.000 و300.000 جنيه
بنسب متفاوته من 10 آلاف جنيه إلى 30 ألفًا بعد "نزول" الدولار ... اي بحوالي 10%.

تكونش خافت احسن يرمى عليها اليمين

قالت انزل معاه أحسن ؟
قادر كريم

انخفاض أسعار السيارات من 10 آلاف جنيه إلى 30 ألفًا بعد انهيار الدولار

 

 

[أبو محمد]

يعنى واحد اشترى مليون دولار بمبلغ 17 مليون جنيه
عشان يبيعهم بعد كام يوم بـ 18 جنيه أو أكتر للدولار الواحد
صحى الصبح لقى السبعتاشر مليون بقوا عشرة مليون بس
تفتكروا هيسكت ؟

[أبو محمد]

[مواطن مصرى]

علشان نحل المشكلة دى من جذورها يبقى لازم نعرف ايه سبب المشكلة 

سبب المشكلة هو اننا مبننتجش نتيجة سياسات بدأت من عهد السادات حولت الشعب المصرى من شعب منتج لشعب مستهلك .. فببقينا بنستورد تقريبا كل حاجة اكل ولبس .. حتى السلع الترفيهية اللى ملهاش لازمة بنستوردها ... لو عايزيين نحل الازمة يبقى لازم نمنع الاستيراد ونعتمد على اننا ننتج لبسنا واكلنا وطز فى المعاهدات الدولية اللى ضيعت بلدنا ووصلتها للوضع ده واللى استفادت بيها دول تانية .. ولو حنستورد يبقى منتعاملش بالدولار مع البلد اللى حنستورد منها ونعمل تبادل منتجات .. كنا زمان بندى الاتحاد السوفيتى لبس ونستورد منه ... وفى دول كتير دلوقتى ممكن تعمل معاك كده العالم اتغير ولازم نستغل الفرصة دى .. لكن النظام الموجود دلوقتى مفتكرش انه يقدر يعمل كده لان النظام مش السيسى بس ... فى ناس مستفيدة من الوضع ده تجار ومستورديين واصحاب توكيلات لشركات اجنبية .. لما نشوف رئيس الجمهورية لابس بدلة انتاج مصرى ساعتها ممكن اقول ان النظام اتغير