لماذا هجرتم ارض وطنكم ؟

[الشبح الغاضب]

اليك يا من ترك الوطن و خلع .... ليه ؟

و عشان ايه ؟

و ايه اللي يخليك تهج و تخلع بره بلدك؟

الفلوس ؟

الآستقرار؟

ولا ...اسباب سياس..... احم ... قصدي اجتماعية؟ :angry:

سؤال غريب عجيب مريب !!! :blush:

[الاسكندرنى]

السلام عليكم

فعلا يااخى سوال صعب و محير

بس كل عضو هنا حيبقى ليه رايه الشخصى فى اول السكه كان الموضوع بالنسبه ليه حب تجربه السفر شكله ايه عامل ازى و بعدين كان صدفه بالنسبه لى مع شركه فى شغل و تانى مره كمان بس تالت مرة فكانت هروب ايوه والله هروب هو ممكن يكون من العار انى اقول انى هربت بس ده لو انا مدان اونائب من نواب القروض لالالا انا مش النوع ده المتوافر فى مصر حاليا بس فى معنى تانى للهروب وهو الهروب من الهويه الهروب من انحدار بلد على حافة الهلك (يعنى مخدرات و نسوان و فساد و بلطجه و استغلال النفوذ ) وطبعا عمرى ما حنسى عم ابرهيم و ابو تامر صحاب كشك السجاير و السوبر ماركت و جارتنا الحاجه ناس طيبين و غلابه على الاخر ناس لا بتعرف معنى اختلس ولا سرقه مصر فيها منهم الاف لا مليون واكنر بكتير ناس بركه وبسبب خيرهم ده مصر لسه عايشه و جواها معنيها بس ياخى لو تبص على النهر متلوث تلقيه ديما بيان من على الوش وطبعا انت عارف الحسنه تخص و السيئة تعم

ديه اجابتى ارجوا التصحيح لوجهة نظرى بكلام واقعى

[ايهاب سالم]

اليك يا من ترك الوطن و خلع .... ليه ؟

و عشان ايه ؟

و ايه اللي يخليك تهج و تخلع بره بلدك؟

الفلوس ؟

الآستقرار؟

ولا ...اسباب سياس..... احم ... قصدي اجتماعية؟ :angry:

سؤال غريب عجيب مريب !!! :blush:

<{POST_SNAPBACK}>

الأول كان عشان الفلوس

لكن بعد الإقامه و الاستقرار و الزواج و الابناء و تجربة سهولة المعيشه بالخارج و النظافة و النظام و الادب ووووو .. خلاص بقيت مش عايز أرجع

لو هاخد أقل من مصر فلوس برضه مش هارجع

لكن برضه بحبها

[الشبح الغاضب]

يا استاذ الاسكندرنى صباح الفل ...

رسالتك كلامها جميل ....و فيها مشاعر حب للوطن دافئه

لكن انا عايز اعرف هل قرار الهجرة ده سهل كده ؟ يعني مره واحده !! ولا بيجي بعد نفاذ الصبر عن تغير الحال من الاسوء الي الآفضل!

انا اعتقد ان قرار الهجرة ياتي بعد فقدان الآمل في مستقبل افضل في الوطن ...

وانا اعتقد ان هناك انواع للاسباب الهجرة

مثل الهجرة من أجل المال

الهجرة من أجل الاستقرار

الهجرة بسبب قمع سياسي او اجتماعي!

عدم الشعور بالحرية !

الهجرة بسبب و بدون سبب

وعلي العموم هي الهجرة مش شيء وحش يعني بالعكس شيء كويس لو مخطط صح ليه ...اصل ملهاش لازمة نفضل مزنقين في بعض في مصر عشان حب الوطن بالعكس المهاجرين المصريين يمكن يكونوا امل مصر في يوم من الآيام خصوصا العلماء منهم........

الفقر في الوطن غربة والغني في الغربة وطن مقولة للإمام علي بن أبي طالب ..

مقولة جميله و لها معاني عميقة جدا اخترتها للآختم بها الرساله

سلام

[الاسكندرنى]

السلام عليكم

يااخى الشبخ الغاضب

انا عضو لسه جديد و كنت شرحت كل قصه حياتى فى الغربه فى موضوع اسمه ( بص على المصرين فى بلاد الغربه )

تنويه بسيط فى اعضاء كتير شافوا موضوع و لقيت فيه الف الانتقادات لو عندك وقت اقرئه و حتلقى اجابه لسوالك و ابدى رايك فى اسلوبى فى هذا الموضوع لو سمحت

[سالم ناجى]

السلام عليكم جميعا انا متقدم للسفاره الكنديه بالقاهره بطلب هجره على مقاكعه كيبك وفى انتظار المقابله الشخصيه لو يوجد اخ لديه معلومات عن كيفيه المقابله والاسئله فجزاه الله خيرا