اذهب إلى المحتوى
محاورات المصريين

نظرية الـ 6 علاقات الفاصلة

shawshank

بواسطة shawshank
في  فى الثقافة و العلم

 مشاركة

Recommended Posts

shawshank عضو جديد

shawshank

بتاريخ:
بتاريخ: (معدل)

هي نظرية ظريفة اسمها: نظرية الـ 6 درجات الفاصلة (Six degrees of separation).

تقول النظرية: يتصل أي شخص على الأرض بأي شخص آخر على الأرض بعلاقة ما من خلال سلسلة من العلاقات لا تزيد عن 5 أشخاص وسطيين.

يعني ايه؟

يعني أحمد له أصحاب ، و أصحابه ليهم أصحاب (تاني مستوى) ، و أصحاب أصحابه ليهم أصحاب (تالت مستوى). النظرية تقول أن سادس مستوى ممكن يشمل أي شخص على الأرض.

يعني أحمد يعرف حسين ، و حسين يعرف ماري ، و ماري تعرف يوسوبوف ، و يوسوبوف يعرف جيانج ، و جيانج يعرف تشيني ، و تشيني يعرف جورج بوش. يبقى أحمد بينه و بين جورج بوش 5 أشخاص وسطيين في سلسلة الصداقة دي (أو 6 علاقات). هذا هو حال أي شخص مع أي شخص آخر على الأرض: بينهما سلسلة من العلاقات لا تزيد عن 6.

حد فهم حاجة ؟

دي صورة توضيحية

1133768708693.jpg

يتبع ...

تم تعديل بواسطة shawshank

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك
bentmasria عضو جديد

bentmasria

بتاريخ:
بتاريخ:

طريفة ومشوقة

انتظر المزيد

ربما افهم لماذا كيف ينجح البعض فى الاحتفاظ بمستويات علاقات وسطية متعددة وناجحة

اليس هذا هو التفسير سيدى الفاضل

اتمنى مناقشة الامر من خلال النظرية التى تطرحها

دائما تطرح الجديد

دمت بكل الود

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك
shawshank عضو جديد

shawshank

بتاريخ:
  • كاتب الموضوع
بتاريخ:

الأخت بنت مصرية

أشكرك شكرا جزيلا على كلامك و على مرورك الكريم.

ربما افهم لماذا كيف ينجح البعض فى الاحتفاظ بمستويات علاقات وسطية متعددة وناجحة

اليس هذا هو التفسير سيدى الفاضل

تقول النظرية أن هذا هو متوسط حال أي شخص ، سواء له علاقات كثيرة أو قليلة.

يعني طبقا للنظرية ، فبين حضرتك و بين نيلسون مانديلا مثلا 6 علاقات وسطية ، أو 5 أشخاص في سلسلة العلاقات على الأكثر. يعني حضرتك تعرفي حد أ ، أ يعرف ب ، ب يعرف ج ، ج يعرف د ، د يعرف هـ ، و هـ يعرف مانديلا.

أتحدث هنا عن النظرية العلمية ، لا الاجتماعية ...

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك
مسافر زاده الخيال عضو مبتدئ

مسافر زاده الخيال

بتاريخ:
بتاريخ:

سلام

نظرية خرافية مية الميه طب ممكن تحددولي العلاقات الخماسية بيني وبينكم؟

وشكرا

:Zamalek: راية في البلكونه...

شاره عالعربية....

زملكاوي عيلتي كلها زملكاويه :dance:  

 

 

رابط هذا التعليق
شارك
صفاء عضو جديد

صفاء

بتاريخ:
بتاريخ:

أنا كمان عاوزة اعرف ايه حلقة الوصل بينى وبين الشحرورة صباح مثلا :sad:

بتكلم جد :angry:

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
wagdi عضو جديد

wagdi

بتاريخ:
بتاريخ: (معدل)

تصدق ممكن....

أنا لي صديق...أدي واحدة..

إبن ابوه...ادي التانية...

أبوه صديق لأحد الوزراء...أدي التالتة...

هذا الوزير أكيد يعرف رئيس الوزراء....أدي الرابعة...

رئيس الوزراء أكيد له كلام مع الرئيس...أدي الخامسة...

والرئيس له كلام مع جورج بوش...يبقوا ستة...

يا حلاوة...ده الواحد طلع واصل وهو مش واخد باله....

بعد كده الواحد لو حد بق فيه يقدر يقول بالفم المليان...إنت مش عارف أنا مين...!!!

طب واحدة تانية...

انا ليا صديق....أدي واحدة...

صديقي يبقى صديق مقرب لأحد وكلاء الفنانين في مصر...أدي التانية...

وهذا الوكيل هو الي ماسك شغل نانسي عجرم في مصر....أدي التالتة...

يعني أنا مابيني وبين نانسي نفرين بس....

طب الندلة دي عمرتها مافكرت تكلمني وتسأل عليا ليه؟؟؟ :angry: :sad: :P

تم تعديل بواسطة wagdi

فكأننا والماء من حولنا... قوم جلوس وحولهم ماء...

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

طيب يعنى انا مش طماع

لا بوش ولا فلاديمير بوتين أو بلير ، ولا حتى محافظ اسكندرية

أنا كل اللى انا عايزه اعرف واحد (1 ) يعرف واحد تانى (2) يعرف واحد ثالث (3) والثالث ده يعرف واحد رابع ( 4 ) يقوم يعرفه بواحد خامس (5) يعرف واحد من كفر المصيلحة (6) علشان يوصلنى لحسنى مبارك وأقول له " إتق الله " ويقوم يحطنى فى المعتقل زى الراجل اللى حكى عليه سى السيد السنة اللى فاتت.

حد فاهم حاجة؟؟؟؟؟؟؟؟؟؟؟؟؟

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

أنا كمان عاوزة اعرف ايه حلقة الوصل بينى وبين الشحرورة صباح مثلا :sad:

بتكلم جد  :angry:

حرف الصاد

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
New عضو جديد

New

بتاريخ:
بتاريخ:

ما تاخذنيش يا شوشانك بيه....

بصراحة انا ما بحبش النظريات العايمة دى يعنى مفيش اى شروط لتحقيقها ولا اى حدود ليها...

طيب هى النظرية دى حقيقية لاى زمن والا لوقتنا الحاضر بس؟؟

على سبيل المثال... قبل اكتشاف امريكا او استراليا مكانش فيه حد فى بقية العالم يعرف حد فى القارتين دول!!!

فى وقتنا الحاضر فيه دول زى منغوليا نسبة كبيرة من سكانها عايشين عيشة بدائية فى الصحراء.... الناس اللى فى كوريا الشمالية بيتعدموا لو اتصلوا بالعالم الخارجى ... الناس اللى فى بابوا "غينيا الجديدة" لسه عيشين حياة اصعب من بتوع منغوليا .... باختصار الناس اللى فى الثلاث دول دية على سبيل المثال ماعندهمش وسائل اتصال بالعالم الخارجى يبقي حد حيعرفهم ازاى؟؟؟

ده مش اكتر من رأيي... :rolleyes:

رابط هذا التعليق
شارك
shawshank عضو جديد

shawshank

بتاريخ:
  • كاتب الموضوع
بتاريخ: (معدل)

يا سيدي و أنا مالي ... هو أنا اللي مألفها :rolleyes:

تقول النظرية أنه في المتوسط تكون 6 علاقات فاصلة. طبعا فيه حد أقصى و فيه حد أدنى و فيه متوسط.

ظهرت في الخمسينات من القرن الماضي ، و فشلوا في اثباتها رياضيا ... لكن لو انت قلت إن كل واحد عنده في المتوسط 10 معارف

يبقى مجموع اللي "يعرفهم" لحد سادس علاقة =

10 + 100 + 1000 + 10000 + 100000 + 1000000 = 1111110 = 1.1 مليون

ده بافتراض انهم ميعرفوش بعض :angry2:

لو زودت شوية متوسط عدد المعارف ، هيزيد أوي العدد الكلي. يعني لو 20 يبقى:

20 + 400 + 8000 + 160000 + 3200000 + 64000000 = 67.3 مليون (مش وحش برضه)

و بعدين فين حل الفزورة الأول ؟ :blink:

تم تعديل بواسطة shawshank

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك
صفاء عضو جديد

صفاء

بتاريخ:
بتاريخ:
طب واحدة تانية...

انا ليا صديق....أدي واحدة...

صديقي يبقى صديق مقرب لأحد وكلاء الفنانين في مصر...أدي التانية...

وهذا الوكيل هو الي ماسك شغل نانسي عجرم في مصر....أدي التالتة...

يعني أنا مابيني وبين نانسي نفرين بس....

طب الندلة دي عمرتها مافكرت تكلمني وتسأل عليا ليه؟؟؟ :rolleyes:  :angry2:  :blink:

ههههههههههههههه

اما صحيح قليلة الأصل

انا لو منك تموت الاتنين الى بينك وبينها عشان تقطع اى صلة :blink:

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
صفاء عضو جديد

صفاء

بتاريخ:
بتاريخ:

أنا كمان عاوزة اعرف ايه حلقة الوصل بينى وبين الشحرورة صباح مثلا :blink:

بتكلم جد  :angry2:

حرف الصاد

تصدق انت عبقرى بجد :blink:

ازاى بقالى فى العلام ييجى 26 سنة ومعرفتش العلاقة دى :rolleyes:

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
صفاء عضو جديد

صفاء

بتاريخ:
بتاريخ:
يا سيدي و أنا مالي ... هو أنا اللي مألفها :angry2:

لو زودت شوية متوسط عدد المعارف ، هيزيد أوي العدد الكلي. يعني لو 20 يبقى:

20 + 400 + 8000 + 160000 + 3200000 + 64000000 = 67.3 مليون (مش وحش برضه)

و بعدين فين حل الفزورة الأول ؟ :blink:

خمسة فى ستة بتلاتين ... تحب اخليهوملك اربعين :rolleyes:

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
New عضو جديد

New

بتاريخ:
بتاريخ: (معدل)
يا سيدي و أنا مالي ... هو أنا اللي مألفها 

تقول النظرية أنه في المتوسط تكون 6 علاقات فاصلة. طبعا فيه حد أقصى و فيه حد أدنى و فيه متوسط.

ظهرت في الخمسينات من القرن الماضي ، و فشلوا في اثباتها رياضيا ... لكن لو انت قلت إن كل واحد عنده في المتوسط 10 معارف

يبقى مجموع اللي "يعرفهم" لحد سادس علاقة =

10 + 100 + 1000 + 10000 + 100000 + 1000000 = 1111110 = 1.1 مليون

ده بافتراض انهم ميعرفوش بعض 

لو زودت شوية متوسط عدد المعارف ، هيزيد أوي العدد الكلي. يعني لو 20 يبقى:

20 + 400 + 8000 + 160000 + 3200000 + 64000000 = 67.3 مليون (مش وحش برضه)

و بعدين فين حل الفزورة الأول ؟

ياعم الراجل اللى اخترعها كان باين عليه ***** والا حب ***** على الناس اللى عنده فى البلد بكلمتين.... :angry2:

عدد سكان الارض دلوقتى 6.5 مليار.... يعنى احنا بنتكلم فى 100 ضعف على حساب ان كل واحد يعرف عشرين....

حكتبلك الرد يا سيدى روح للفزورة وقابلنى هناك. :rolleyes:

تم تعديل بواسطة bentmasria
رابط هذا التعليق
شارك
shawshank عضو جديد

shawshank

بتاريخ:
  • كاتب الموضوع
بتاريخ: (معدل)
عدد سكان الارض دلوقتى 6.5 مليار.... يعنى احنا بنتكلم فى 100 ضعف على حساب ان كل واحد يعرف عشرين....

ايوه ده على اعتبار أسوأ الأحوال ...

في أسوأ الأحوال ، انت عايز الناتج الكلي يكون 6.5 مليار ، لكن احنا بنتكلم في المتوسط

يعني مش لازم يكون معارفه للدرجة السادسة كل سكان الأرض عشان أخونا wagdi يعرف نانسي عجرم مثلا :rolleyes:

تم تعديل بواسطة shawshank

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك
shawshank عضو جديد

shawshank

بتاريخ:
  • كاتب الموضوع
بتاريخ:

في خمسينات القرن الماضي ، حاول ايثيل دي سولا (معهد ماساشوستس للتكنولوجيا) و مانفريد كوتشين (آي بي إم) اثبات صحة النظرية رياضيا . لكن بعد مرور عشرين سنة لم يستطيعا الوصول للاثبات الرياضي للنظرية.

في عام 1967 ، استخدم الاجتماعي الأمريكي ستانلي ميلجرام طريقة جديدة سماها "مسألة العالم الصغير" لاختبار صحة النظرية عمليا بدلا من الاثبات الرياضي. تتلخص هذه الطريقة فيما يلي:

1. اختار ميلجرام 300 شخصا بطريقة عشوائية من المقيمين في منطقة الوسط الأمريكي.

2. مطلوب من كل من هؤلاء توصيل رسالة بريدية لشخص "س" يقيم على بعد عدة آلاف الأميال في بوسطن على الساحل الشرق الأمريكي . يعرف المرسلون عن هذا الشخص اسمه و مهنته و المنطقة الذي يقيم فيها بشكل عام .

3. يقوم كل واحد منهم بإرسال الرسالة البريدية إلى شخص يعرفه من أصدقائه يعتقد أنه أغلب الظن قد يعرف "س" .

4. يقوم هذا الشخص بعمل نفس الشئ ، فيرسل الرسالة إلى شخص يعرفه من أصدقائه يعتقد أنه أغلب الظن قد يعرف "س" .

وصل "س" حوالي 100 من الـ 300 رسالة في متوسط 6 خطوات !

نشر ميلجرام نتائج دراسته في مجلة Psychology Today

كل لحظة إبطاء في نيل المعتدين جزاءهم ... خطوة نحو كفر المجتمع بالعدالة، ودرجة على سلم إيمانه بشريعة الغاب

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...