بين الزوج وزوجته .. صراحة مطلقة؟

[عصام]

بعيد شوية عن السياسة والانتخابات والصداع ..

أنا عوقبال أمالتكم قررت اتجوز .. :D

وطبعا من ساعتها والنصايح نازلة ترف .. :rolleyes:

المهم بقى إن واحد من ولاد الحلال نصح بإيييه؟

قالك "إوعى تكون من النوع اللى بيقول لمراته كل حاجة .. :o .. دا انت كدا يتخرب بيتك :blink: "

سألته "ليه يا عم؟"

قال "هوا كدا .. :angry2: لازم الراجل يبقى له أسراره .. ومش هاينوبك من الصراحة غير الصداع .. وكل شوية صرفت إيه وعملت ازاى؟ وكنت فين؟ وعملت إيه فى المشكلة الفلانية؟ والمشروع الفلانى خلص على إيه؟ وهى فى الآخر ولا فاهمة فى حاجة من الى هاتسألك عليها!! :blink: "

قولت له" لأ استنى بقى .. أنا كدا ممكن اعيد نظر فى موضوع الجواز دا من أساسه :) "

قاللى " بص .. هما زنانين .. وما بيهدوش غير لما تقول لهم على اللى هما عايزينه .. لو عايز تريح الجمجمة .. يا إما ماتقولش حاجة من الأساس .. يا إما تألف .. :blink: "

قلت فى نفسى .. "أألف؟ .. هى وصلت لحد كدا؟ :sad: "

إيه بقى .. .. إيه؟ mfb: هه؟ .. إييييه؟ (وش عليه غباوة اللمبى)

[Folana]

السلام عليكم ورحمة الله ....

الف مبروك مقدما ياأخ عصام ..وربنا يوفقك فى خطوتك المقبلة ويرزقك بالزوجة الصالحة والذرية الصالحة انشاء الله ....اما عن أمالتنا اللى عقبالها ..فأنا امالتى متزوجة من خماشر سنة قابلة للتجديد :rolleyes:.....

انا قلت لنفسى اما ادخل ابارك واهنى وارد على استفسارك بسرعة قبل الاخوة الاشاوس فى المنتدى مايسحبوا السجادة من تحت رجلينا نحن النساء مهيضات الجناح هنا كالعادة ويقفلوا السكة علينا .....

بالنسبة للصراحة المطلقة بين الزوجين ...فهى مستحبة طبعا فى بعض الاحيان ومكروهة فى احيان اخرى ..على حسب الموقف يعنى ...وانا كسيدة متزوجة باحب اعرف كل حاجة عن زوجى اللى هو بيتكلم بطلوع الروح طبعا ..:angry2:...والنقطة دى انت حتكتشفها من خلال المعاشرة ..يعنى لو حسيت ان زوجتك متفهمة حتلاقى نفسك بتحب تشركها معاك فى كل صغيرة وكبيرة ...اما لو لقيت ان الصراحة حتسبب لك مشاكل حتلاقى نفسك فضلت الصمت ....ولكن الخطوط العريضة بين الزوجين يجب ان تشمل الصراحة والمشاركة فى اتخاذ القرار ...يعنى الست بتحب تظهر فى الصورة دايما وتشعر انها سند لزوجها وبيؤخذ برأيها فى امور الحياة ...

والزوج المثالى هو الذى يتميز بالصدق والصراحة من بداية الحياة الزوجية ..وهو الذى يحسن معاشرة زوجته فيكون لطيفا بها مكرما لها فى نفسها وفى اهلها ......

وهو الذى يكون معتدل الغيرة فلا يترك لظنونه العنان ولا يتجسس ولا يبالغ فى الريبة ...يقول سيدنا رسول الله عليه افضل الصلوات والتسليم ..." ان من الغيرة غيرة يبغضها الله عز وجل وهى غيرة الرجل على اهله من غير ريبة "....

وان يهتم بحقوقها ولا يحرمها من شىء احله لنفسه فى الماكل والملبس وهو الذى يحفظ اسرار حياته الزوجية فلا يتحدث بشىء منها فتنهبه الاسماع والافواه ...

وحاجات تانية كتر جدا ...من مواصفات الزواج الناجح ..جزء منها هو الصراحة ....لكن المطلقة دى متهيالى تسيبها حسب الظروف ....لان كلمة المطلقة دى تشمل برضه انك ممكن تقولها مال وشك عكر النهاردة ليه كده ..انت بتعتبرها صراحة بس هى الحقيقة اهانة لا تغتفر ....لان الست دايما بتحب تسمع كلام المديح من زوجها ...ولنا فى رسول الله اسوة حسنة ...

والكورة دلوقت مع الجنس الخشن وخلونا نسمع حيقولوا ايه علشان نعرف دماغهم فيها ايه ونتخذ الاجراءات اللازمة :blink:

[مصرية الهوى]

جنس خشن ايه وبتاع ايه .. شوطي الكورة علي انا يا فلانة .. بس بالراحة احسن تخبطني الكورة خبطة جامده أمووت :rolleyes: ..

ايه يا عم اللمبي .. آآآ قصدي يا عم عصام ؟؟

انت لسا هتتجوز .. وانا اللي كنت فاكراك بقالك 20 سنة متجوز .. !!

ولا يهمك يا سيدي .. زغرووووووووووووووووووووووووودة جااااااااااااامدة اووووووووووووي..

ربنا يوفقك .. وبالرفاء والبنين ..

وعقبال البكاري ..

ومتنساش الشربات .. :blink: !!

نرجع لموضوعنا ..

طبعا انا المفروض ان انا مردش عليك لانك عايز تجارب حقيقية من ناس جربت ..

مش كلام عيال لسه البزازة في بقها :angry2: ..

ما علينا ..

انا هاقول من تجارب الناس اللي حواليا ..

طبعا هو لازم يبقى فيه صراحة بين الراجل ومراته .. بس مش مطلقة ..

وخاصة الماضي .. انا شايفه انه مش كويس لا للراجل ولا للست انهم ينكشوا فيه .. وخاصة اذا كانت المواضيع متعلقه بخطوبات اوعلاقات سابقة ..

يعني مش الست تقعد تقول لجوزها اصل فلان خطبني .. اصله كان بيموت فيا ..

والا الراجل يقول اصل انا كنت بحب وحده وخطبتها .. بس محصلش نصيب ..

انا حاسه ان المواضيع دي بتوتر العلاقة ولو بنسبة بسيطة .. وكمان بتثير مشاعر الغيرة ..!!

خلاص احنا اتجوزنا .. انا بحبك وانتي بتحبيني .. والماضي راح وانتهى ...

كمان انا حاسه انه فيه مواضيع برضه حساسة .. المفروض ان الزوجين ميتكلموش فيها بين بعض ..

مثلا : حصلت مشكلة في بيت اهل الزوج او الزوجة .. مثلا نقول اخت الزوج فيه توتر بينها وبين جوزها والموضوع محدش يعرف عنه غير الاب والام والاخ .. المفروض ان الراجل ميروحش يقول لمراته .. اصل اختي متخانقة مع جوزها .. وحاجه كده .. لان مهما كان دي مواضيع خاصة باهل الزوج فقط ... وبرضه بالنسبة للزوجة .. مش كل المشاكل اللي تحصل في بيت اهلها .. تروح تقول لجوزها ..

الا طبعا اذا كانت المواضيع كبيرة ومحتاجه مشورة .. انما حاجات يمكن تنتهي مش من الافضل انها تتقال ..!!

وفيه مواضيع لازم لازم يكون فيها صراحة .. مثلا : الموقف ده يحصل لستات كتير ..

واحد بيعاكسها في الموبايل .. يكلمها ويبعتلها مسجات ..

وبتقول ايه مش عايزه اقول لجوزي .. احسن يشك فيا ..!!!

بالعكس غلط لازم تصارحيه بكده .. عشان الموقف لا يتطور الى مشاكل لا تحمد عقباها ..!!

حتى وحدها بعرفها .. كان صاحب جوزها.. بيعاكسها وبيقولها كلام .. ربنا يستر بس ..

و قال ايه مش عايزه اقول لجوزي .. احسن يشك فيا وتحصل مشاكل بينه وبين الراجل ..

وحتى الراجل ساعات بيتعاكس (ربنا يستر على ولايانا ) .. لو ده حصل المفروض يسيب الموضوع لمراته هي اللي تتصرف ..

يعني موضوع الصراحة حساس شويا .. بس زي ما فلانة قالت .. على حسب الشخصية .. اللي الواحد يكتشفها بالمعاشرة ..

بس الافضل ان الصراحة هي اللي تكون بين الزوجين .. وبحدودها طبعا ..!!

بس فيه موضوع انا بصراحة مش عارفه الصراحة كويسة فيه ولا لا ..

لو صاحبة الزوجة قلتلها على مشكلة عشان تاخد رايها فيها بس المشكلة دي حساسة وهي قالتلها متقوليش لحد .. هل تقول لجوزها .. يمكن يساعد في حل المشكلة .. والا دي تبقى فضيحة .. وهتك لاسرار البيوت ؟؟!!

والراجل برضه نفس الموقف ..!!!

[مصرى00]

أولاً برحب بك فى نادى الأسر المنتجة ونتمنى لك هبوطاً موفقاً

دة ترحيب غير نهائي حتى يتم الموضوع

وبشأن الصراحة

هناك نوعين يمكن التصنيف تحتهم

الاول : امور المنزل والحياة الاسرية .................. دى لابد فيها من الصراحة

لأنها فى الغالب تتطلب الشراكة من اجل النجاح ولابد فيها من الصراحة

والإتفاق على ذلك من البداية وهذى يدخل ضمنها كل الأشياء خارج المنزل

والتى تشعر ان لها علاقة ولو غير مباشرة بنصك الثانى ......

اكيد لما بيجيلك صداع تلاقى باقى جسمك متأثر كذلك هذه النوع

الثاثى : أمور تتعلق بالعمل سواء للزوج او الزوجة ودى ترجع لمدى الحب بين الزوجين

بمعنى ان انت لو بتحبها مش هاتقول لها مشكلة بعملك تعكنن عليها

ولكن لو امر يفرحها لازم تكون حريص على مشاركتها الفرحة لك

لكن الغريب جداً ان فى بعض الناس يحكوا كل تفاصيل العمل لزوجاتهم

فتلاقى عند اجتماعنا بالحفلات هناك تنافر بين بعض الزوجات ليه

لأن الاستاذ حصلت مشكلة بينه وبين فلان راح حكاها لزوجته على طول

هى بدورها ساندت زوجها وراحت تكيل للآخر طبعاً زوجة الآخر مش

هاتسكت ويكون الاثنين فى الشغل تمام التمام وسمنه على عسل

ولكن البيوت خلاص

وعلى هذا المنوال تقريبا ممكن تقيس

وربنا يتم عليك بخير وفعلاً ستجد انك ماكنت عايش قبل الزواج

والف مبروك

[ناصر الملك و الملكية]

مبروك مقدماً يا أستاذ عصام ,

طبعاً أنا معنديش معلومات تفيدك , بس ممكن أبقي أسألك أي حد من البيجوزوا عرفي من شباب الجامعة :rolleyes:

[وليد صفوت]

عصااااااااااااااااااااااام !!!!!!!

انت مش متجوزززززززززززززززززززززززززز !!!!

و المدام كمان بتدخل تقرأ معانا فى المنتدى ؟؟؟

يبقى ربنا معاك يا عصعص , و يستر عليك :rolleyes: من اللى هيحصلك !

[صفاء]

انتم اللاحقون ونحن السابقون وإنا لله وإنا إليه لراجعون :blink:

يا سيدى ألف مبروك على الخطوة الجريئة اللى لا بد منها ...

انا هاقوللك الصراحة والصراحة راحة ...

أوعى تاخد راحتك فى الكلام قوى مع المدام خصوصا لو كانت من النوع الغيور قوى .... يعنى متبقاش صراحة مطلقة وإلا هاتاخد لقب مطلق بالبريد المستعجل :rolleyes:

يعنى مثلا متبقوش قاعدين قدام التليفزيون ... تقوم تقولها يا سلاااااام أما نانسى عجرم دى حلوة بشكل :angry2:

تقوم هى تزغورلك وتقوللك ... انت بتقول ايه ...

فانت بقى عاوز تعدل الأمور تقوم قايلها قصدى بعد العمليات ...

تقوم هى تقوللك ... آآآآآآآه يعنى قصدك بردو انها حلوة ...

تقوللها لا انا مش قصدى انتى الأحلى ...

تقوم تقوللك انت بتاكل بعقلى حلاوة مش كده ....

وتستمر الخناقات الى مدة لا يعلمها الا الله

نصيحة خليك حريص فى كلامك ... متكدبش لكن متصرحش بكل شىء

الستات ناقصات عقل ودين " ماعدا انا :blink: " اسمع كلامى

:blink:

تم تعديل 6 ديسمبر 2005 بواسطة صفاء

[وليد صفوت]

يا جدعان ده متجوووووووووززززززززز !!

:rolleyes: :angry2:

و الله العظيم متجوززززززززززززززز !!!!

:blink: :blink:

[صفاء]

يا جدعان ده متجوووووووووززززززززز !!

:rolleyes:  :angry2:

و الله العظيم متجوززززززززززززززز !!!!

:blink:  :blink:

<{POST_SNAPBACK}>

يا كينج على رأى المثل

البحر يحب الزيادة

والتغيير مطلوب بردة :blink:

[مصرية الهوى]

يا جدعان ده متجوووووووووززززززززز !!

 

و الله العظيم متجوززززززززززززززز !!!!

يعني ايه :angry2: :blink:

مانا كنت بقول كده برضه ..

الموضوع ياجماعة فيه ان واخواتها كمان ..

ياباشا .. ياعصام بيه .. ممكن تفهمنا ايه الحكاية :blink:

يا كينج على رأى المثل

البحر يحب الزيادة

والتغيير مطلوب بردة 

يا صفاء يا حبيبتي ...

أنتي ليه عايزه توتري العلاقة بينك وبين بنات جنسك :rolleyes:

[صفاء]

يا جدعان ده متجوووووووووززززززززز !!

 

و الله العظيم متجوززززززززززززززز !!!!

يعني ايه :angry2: :blink:

مانا كنت بقول كده برضه ..

الموضوع ياجماعة فيه ان واخواتها كمان ..

ياباشا .. ياعصام بيه .. ممكن تفهمنا ايه الحكاية :blink:

يا كينج على رأى المثل

البحر يحب الزيادة

والتغيير مطلوب بردة 

يا صفاء يا حبيبتي ...

أنتي ليه عايزه توتري العلاقة بينك وبين بنات جنسك :rolleyes:

<{POST_SNAPBACK}>

أصل انتى مش فاهمة يا جيجى

عصام داخل فى رابطة القاضون على العنوسة

وده واجب وطنى واجب على كل فرد متجوز :blink:

:sad:

[وليد صفوت]

أصل انتى مش فاهمة يا جيجى

عصام داخل فى رابطة  القاضون على العنوسة

وده واجب وطنى واجب على كل فرد متجوز :rolleyes:

:angry2:

<{POST_SNAPBACK}>

:blink: :blink: :blink:

[عصام]

:D :D

والله العظيم انتوا مشكلة .. :)

صفاء .. إنتى لوحدك حكاية .. :D

[Folana]

السلام عليكم ورحمة الله ............

ماعرفناش برضه سيادتك متزوج فعلا ولا ايه موقفك من التجنيد بالظبط؟؟؟....وان كان ...هل كده نعتبر ان دى رسالة تهديد للمدام ولا ايه النوايا يعنى هه ...عايزين نفهم برضه .... :)

صفاء :D :D بتعجبنى روحك الوطنية العالية جدا ...روحى ياشيخة ربنا يجعلك زخرا للوطن بس بعيد عنى :D

[مصرية الهوى]

أصل انتى مش فاهمة يا جيجى

عصام داخل فى رابطة القاضون على العنوسة

وده واجب وطنى واجب على كل فرد متجوز

أنتي بس هاتي عنوان الرابطة دي ..

وهأعمل حاجتين: هأدي العنوان لنصك الحلو ونص مدام فلانة :wub:

والحاجه التانية:

هأنسف المقر بمية كيلو متفجرات :blink:

البنات عوانس والشباب برضه عوانس !!

ايه الانانية دي في الرجاله المتزوجين ..

لو فعلا بيحب بلده .. الفلوس اللي هيدفعها للعروس الجديدة ..

يديها لواحد من الشباب الغلابة .. عشان يتجوز بيها ..

:wub:

يا عصام بيه ...

قولنا على الحقيقة الضائعة .. بين السطور :blush:

[Folana]

بس فيه موضوع انا بصراحة مش عارفه الصراحة كويسة فيه ولا لا ..

لو صاحبة الزوجة قلتلها على مشكلة عشان تاخد رايها فيها بس المشكلة دي حساسة وهي قالتلها متقوليش لحد .. هل تقول لجوزها .. يمكن يساعد في حل المشكلة .. والا دي تبقى فضيحة .. وهتك لاسرار البيوت ؟؟!!

والراجل برضه نفس الموقف ..!!!

<{POST_SNAPBACK}>

السلام عليكم ورحمة الله.........

مصرية الهوى....عايزة ارد عليك بس فى النقطة اللى اثرتيها..لا يجوز ابدااا ان الزوجة تحكى لزوجها على اسرار صاحبتها ....مش علشان صاحبتها وكشف المستور ...لا ..طبعا ..اللاءة دى فى الدرجة الاولى علشان تحمى بيتها وماتلفتش نظر جوزها لصاحبتها دى ...يمكن الاقى ناس كتير معارضة وبتقول ايه الكلام الفاضى ده ..بس دى الحقيقة ...يعنى مثلا زى انه لا يجوز ان تصف المرأة لزوجها شكل صاحبتها المنقبة ..ولا تقوله ياسلام على عينيها ولا شعرها ..برضه لا يجوز انها تحكى لزوجها عن اسرار صاحبتها ..والا بقى حتلاقى بعد كده ..كل شوية زوجها يسالها وانت صاحبتك عاملة ايه دلوقت وعملت ايه فى حكايتها ...او مثلا مراته تقوله طب خد فهمها انت بقى ..وبكده بتفتح باب للشيطان اللى هو موجود اصلا ومش عايز يتزحزح ....

اما الفضيحة وهتك اسرار البيوت فده لا يندرج تحت بند الصراحة او الكذب بين الازواج ...لكن لو حكت لحد تانى كصديقة ثالثة مثلا ممكن نعتبره كده ...المهم هنا ..ان الزوجة تكون عاقلة وتبعد زوجها عن المواضيع دى ..تانى حاجة بقى انها برضه تكون على درجة من الوعى بحيث انها تقدر تقييم مشكلة صاحبتها دى ..وهل هى مشكة حقيقية ولا مشكلة من اللى يودوا فى داهية ...

ماتستغربيش كلامى ....انا باكلمك من الواقع .....

فيه موضوع تانى انت كتبتيه ولسه شايفاه النهاردة عن زواج البنت من مطلق بس حارد عليك هناك بعد الفاصل ...

برضه لسه ماعرفناش عصام متزوج ولا ايه الموضوع ........ :blush: علشان لو متزوج يبقى لازم نكتب رسالة من ناصح امين لزوجته علشان تاخد بالها :blink:

[صفاء]

:wub:  :wub:

والله العظيم انتوا مشكلة ..  :blink:

صفاء .. إنتى لوحدك حكاية ..  :o

<{POST_SNAPBACK}>

لا حكاية ولا حاجة دى حاجات بسيطة يعنى :D

كل ما فى الموضوع ... انا عملية وواقعية جدا

هو فى حياة تبقى حياة من غير فلفل وشطة ... اما الراجل يكون متجوز اكتر من واحدة هاتبقى الحياة مليانة مشاحنات وعواصف وحكايات متهداش

ولو هو ناصح يخليهم يتباروا فى ارضاؤه بدل ما يتفقوا عليه ويطلعوا البلا الأزرق على جتته

ان كيدهن عظيم :blush:

اهو منها الراجل يقضى على الرتابة والملل والروتين

ومنها يساهم بمجهوداته الجبارة فى تقليل عدد العوانس فى العالم العربى :wub:

يعنى اتنين فى واحد :D

[صفاء]

السلام عليكم ورحمة الله ............

ماعرفناش برضه سيادتك متزوج فعلا ولا ايه موقفك من التجنيد بالظبط؟؟؟....وان كان ...هل كده نعتبر ان دى رسالة تهديد للمدام ولا ايه النوايا يعنى هه ...عايزين نفهم برضه .... :blink:

صفاء  :)  :D بتعجبنى روحك الوطنية العالية جدا ...روحى ياشيخة ربنا يجعلك زخرا للوطن بس بعيد عنى  :D

<{POST_SNAPBACK}>

انا كمان بتعجبنى روحى الوطنية خالص :D

لا متخافيش يا فلانة ... بعيد عنك يا رب

حابس كابس قالع لابس :D

[صفاء]

أصل انتى مش فاهمة يا جيجى

عصام داخل فى رابطة القاضون على العنوسة

وده واجب وطنى واجب على كل فرد متجوز

أنتي بس هاتي عنوان الرابطة دي ..

وهأعمل حاجتين: هأدي العنوان لنصك الحلو ونص مدام فلانة :D

والحاجه التانية:

هأنسف المقر بمية كيلو متفجرات :)

البنات عوانس والشباب برضه عوانس !!

ايه الانانية دي في الرجاله المتزوجين ..

لو فعلا بيحب بلده .. الفلوس اللي هيدفعها للعروس الجديدة ..

يديها لواحد من الشباب الغلابة .. عشان يتجوز بيها ..

:D

يا عصام بيه ...

قولنا على الحقيقة الضائعة .. بين السطور :blink:

<{POST_SNAPBACK}>

ومالو مش عيب :D

[وليد صفوت]

ايه الانانية دي في الرجاله المتزوجين ..

لو فعلا بيحب بلده .. الفلوس اللي هيدفعها للعروس الجديدة ..

يديها لواحد من الشباب الغلابة .. عشان يتجوز بيها ..

جييييييييييييجىىىىىىىىىىىى ,..........

اللهى ينجحلك العيال و ينورلك سكتك ياااااااااااااااااااااااااااا رب ! :D :D

عصام , :D

انا شاب غلبان و مسروق موبايلى 3 مرات :D :D ;)

:D

ممكن 50 ألف سلف لحاد لما ربنا يفرجها ؟ :blink: :)