ورقه من ملف الضيه

[الدموع الحزينه]

انت منين

انا من شبرا والوراق

من امبابه والحسين وبولاق

من حاره وعطفه وزقاق

ولاد بلد نعرف يعنى ايه اخلاق

بنقول الحق ورزقنا على الرزاق

اسمك ايه

اسمى المواطن مصرى

دقه قديمه مش عصرى

كل كلام دوغرى

واقف وفاتح صدرى

عشان الحق اضحى بعمرى

واهلى فى كل دقيقه مستنين خبرى

عمرك قد ايه

عمرى يتعد بالالاف

من كتر ما لف وشاف

جوع وفقر وجفاف

جهل وخرافات وعراف

وشعب جبان خواف

من لومان وسياف

صابر على اكل العيش الحاف

وغيره ياكل ديوك وخراف

شغال ايه

عاطل مع العاطلين

طوابير بالملاين

لفرصه واحده مستنين

واشبعنا وعود من المسئولين

الصبح فى البيوت نايمين

وبليل على النواصى والمقاهى قاعدين

وفينا البهوات مش سالين

نكون نشالين

ولا حتى شمامين

المهم اننا نكون عنهم متخدرين

احلامك ايه

انا حلمى صغير ومحدود

بحلم يكون ليا وجود

من غير ما يكون ضهرى مسنود

ويرجع سى السيد المفقود

والست امينه تانى تعود

البيت فى تمدنها بقى مهدود

انت يسارى ولا يمينى

انا واللهى ياسيدنا مسلم

واللى انا شايفه خلانى اتكلم

لو بتشوف زاى هتتالم

حاجات هتخليك ياسيدنا تبلم

بنفس احلامى هتحلم

حاجات زاى ايه

بنات ماشيه لحمها مكشوف

بتقول للعمى بص وشوف

انا عودى ياحلو جميل ملفوف

وحجبى مرسوم منتوف

وخدوى تفاح مقطوف

وشباب يامر بالمنكر وينهى عن العروف

على اى شى حرام يجرى ملهوف

فى حجر الشيطان عالطول محدوف

بسم التمدن بقى مهفوف

بفعله بيفتخر ومش مكسوف

يبقى اكيد بقى من الاخوان

كنا زمان كلنا اخوان

كان فى حب بينا وامان

نزعل علشان واحد زعلان

ونفرح علشان واحد فرحان

نجرى لو واحد منا عيان

نشترى خاطر الجيران

نتلم مع بعض فى اى مكان

كان بينا مؤده ورحمه وحنان

بس ده كان زمان