صبح على مصر بجنيه

[أبو محمد]

 

إن كنت لا تعلم عن وجود شئ ما

فليس معنى ذلك أنه غير موجود

الكلمة مسؤولية .. وبالذات الكلمة المكتوبة

ذاكر قبل أن تكتب

 

 

مبادرة "إسمعونا" و "تحيا مصر" .. مشاركة فى تطوير 600 قرية من القرى الأكثر فقرا

التبرعات عملت ده فى "قرية الوابور" بالفيوم .. إحدى القرى الأكثر فقرا

 

 

مبادرة "الأورمان" و "تحيا مصر" عملت ده فى قرية النخيلة فى أسيوط

 

 

التبرعات عملت ده فى قرية مهدى ببنى سويف

 

[White heart]

تنبيه

حساب 37037 (تحيا مصر) الصباح فيه بـ 5 جنيه 

   طبعاً هما اللي غلطانيين انهم ما شافوش "التنبيه" دة اللي ما ظهرش الا <<< بعد >>> ما دفعوا !!!

 مفأجاة.. «المصريون صبحوا على مصر غلط»

بعد تلقي العديد من الشكاوى من المواطنين، عن خصم شركات التليفون المحمول، خمسة جنيهات بدلًا من جنيه، في حملة "صبح على مصر"، أعلن محمد العشماوي، المدير التنفيذي لصندوق تحيا مصر، أن مبادرةالرئيس «صبح على مصر» لاقت قبولا بين المصريين، في الداخل والخارج، مضيفا أنه سيتم تخصيص رقم جديد هو «1333» لاستقبال الرسائل بجنيه واحد لصندوق تحيا مصر.

وأضاف «عشماوي»، أن الناس أحست بالمشكلة، وشعروا أنهم جزء من الحل، لافتا إلى أن إجمالي ما جمعته المبادرة 2 مليون و300 ألف جنيه للصندوق.

حساب 37037

وأكد العشماوي، أن سبب خصم 5 جنيهات عند المشاركة في مبادرة "صبح على مصر" أن المواطن يشترك في الحملة من خلال رقم 37037، وهذا الحساب منذ أن تم فتح التبرع لصندوق تحيا مصر، يتم خصم 5 جنيهات.

طب ايه ؟ 

1- هما نيتهم في اول الأمر .. واللي كان طالع من ذمتهم لزوم "الإصتباحة"  - تلبية لدعوة الجنرال الرئيس - هو جنيه واحد مش خمسة ... ايه؟ مافيش أى حل أن كل اللي اشتكوا دول يتعوضوا سواء برد الفارق، أو بإضافة رصيد مكالمات مثلاً ؟

2- الـــ 2 مليون و300 ألف دول من أول أى مبادرة وبأى تاريخ بدأت تحديداً يا ترى؟ مش واضحة النقطة دي بالنسبة لي؟

أشار «عشماوى»، أن الأموال التي تدخل للصندوق تستخدم في الإنفاق على بعض المشروعات العامة، منها مشروع علاج مصابي فيروس سي، وغيرها من المشروعات القومية

طيب يا ترى فيه اى جهة أو مؤسسة رقابية بتراجع تفاصيل اى أرقام .. يعني أى مبلغ دخل للمشروع القومي الفولاني .. وانه مالوش علاقة بميزانية المشروع نفسه الموضوعة واللي متخصصاله ومُستقطعة سواء من دين من ضمن الديون المتلتة "الجديدة" ... والا من موازنة الدولة العامة ... وبعدها الجهة او المؤسسة دي تقوم ناشرة كل التفاصيل دي على هيئة تقارير دورية ... والا المسألة كالعادة ماشية بالبركة .. لحد ما يجي اليوم اللي تدور فيه لجان على بنوك سويسرا تستميت في محاولات لإعادة ولو كام مليار من حساب المسئول الفولاني أو ابن المسئول العلاني ؟!؟ 

مبادرة "إسمعونا" و "تحيا مصر" .. مشاركة فى تطوير 600 قرية من القرى الأكثر فقرا

التبرعات عملت ده فى "قرية الوابور" بالفيوم .. إحدى القرى الأكثر فقرا

أيوة ... مشاركة بكام من إجمالي الميزانية ؟ والمؤسسات العامة اللي ليها ميزانيات علشان تعمل (مش تشارك بس) كل دة وأكتر ... ميزانياتها الى هي كام واتصرفت وبتتصرف فين وفي ايه؟ 

مسألة قص ولصق صور مزهزهة، وعبارة من هنا ومن هناك ( حتى معظمها من مصادر غير رسمية!) مافيش اسهل منها لعمل "دعايات" بالمنظر دة ... المهم مبدأ (الخلط) دة .. الخلط بين الاموال العامة، وبين الأموال الخاصة ازاى عايز تحكمه وتراقبه في الآخر؟

مش هو دة برضه نوع من أنواع الفساد، ونفس الخلل اللي كان بيحصل حرفياً في ظل النظم العسكرية الحاكمة السابقة وفي اكثر من جهة وقطاع ؟!؟

تم تعديل 26 فبراير 2016 بواسطة White heart

[Scorpion]

بالنسبة للناس اللي نازلة تريقة من امبارح على كلمة اتبرع لمصر و لو بجنيه و منهم ناس مستغربة منهم الحقيقة عايشة في أمريكا أو كانت عايشة و ناس كتير عايشة برة مصر ..

أنا هاتكلم في اللي يخصني .

أناعايشة في أمريكا بقالي تقريباً ١٤ سنة دلوقت .. تلك الدولة العظمى ، حلم و أمل الكثيرون البشر و اللي الناس كلها شايفاها المثل الأعلى في كل حاجة (و مع العلم إني بحب البلد دي جداً بس طبعاً مش أكتر من مصر ) أحب أقول لكم إني أول مرة أنزل السوبر ماركت و انا بادفع الحساب البائع سألني تتبرعي للجيش اللي بيحارب ب دولار أو أكتر ؟ .. روحت البيت و كام يوم و لقيت التليفون بيرن و ألاقي واحد بيسألني تحبي تتبرعي لجهاز الشرطة ب دولار أو أكتر و قال ايه يبعتولي بادچ أحطه على العربية علشان أنول الشرف و الناس كلها تعرف إني ست بتحب البلد و كده و طبعاً الناس كانت بتتبرع فاكرين ان كده ناسبوا الحكومة و مش هياخدوا مخالفات ؛) و يتباروا بقى مين يحط بادچات أكتر .. أروح حتة تانية يسألك حضرتك تتبرعي لمستشفى الأطفال .. مرة تانية طيب مستشفي الستات طيب الرجالة حتى أي حاجة تطلع منك في البلد دي خير دا حتى و أنا باشتري أكل للكلب يا ربي يطلب منك تتبرع لحديقة الحيوان و دا مش هزار أنا باتكلم جد .. مافيش مؤسسة فيكي يا أمريكا مش قايمة على التبرعات أو الشحاتة زي ما ناس كتير بتحب تسميها و طبعاً السؤال ما بيبقاش مرة واحدة لا دا في كل مرة تروح تقضى فيها أي غرض يخصك ..

نزيد على كده ايه بقى و ده الأهم إن بالأمر كده الحكومة كل أول شهر تستقطع قرب ال ٤٠ ٪ من دخلك ضرائب اللي المفروض تستفيد منها المدارس و المرافق و الأجهزة الشرطية و ما تابع .... يعني بتاخد أكتر من تلت مرتبك و برضه بتشحت منك و ما تقوليش اننا بنستفيد .. ايوة بنستفيد لأننا بنشتغل زي الحمير مش حضرتك عاوز تقعد مبلط و عاوز الفلوس و البلد و كله يتصلح و انت قاعد في بيتكم بتنتقد و بس .

اللي حبيت أقوله ان اللي البلد دي بتديهولك باليمين بترجع تاخذه منك بالشمال

لكن انت بقى بلدك محتاجة و فيها بلاوي الدنيا و الناس طمعانة فيها من كل ناحية و ييجي إنسان غير مسؤول يتريق و يعايب على كلام رئيس بلده .. والنبي تتلهي على خيبتك .. دا انت لحم كتافك إنت و أهلك من خير البلد دي .

مصر ما يقدرهاش غير اللي بعد عنها و شاف حلاوتها من برة .. ادعوا بس ربنا يحفظها !....

.

Hala Mousselhy ( مصرية مقيمة بأمريكا

 

 

[التونسى]

اعتقد ان دعوة الرئيس هذه بالتبرع بهذا المبلغ الرمزي . . لها مغزى أخر غير المغزى ((المادى)) .. فقد تكون لقياس شئ ما ..مدى  إستعداد الشعب المصري للتبرع .. مدى شعبية الرئيس الحاليه .. مدى ثقة الناس فى الحكومه .. حجم ردود أفعال المعارضين والكارهين للسيسي نحو تلك الدعوه

 

أنا بشكل عام معنديش مشكله أبدا إنى أتبرع لمصر وبمبلغ كبير كمان .. وده اقل واجب وطنى .. مشكلتى بس ان ثقتى حتكون ((متزعزعه)) فيمن سيكون (مسئول) عن هذا التبرع من حيث عدم أمانته و ((إهداره)) فيما لا ينفع البلد .. انا مش بتكلم هنا عن السيسى ... لا أشكك فى نزاهته ووطنيته ... ولكنى أتوجس كل التوجس من بعض افراد  بطانته وحكومته خصوصا ممن هم خريجى النظام القديم ((نظام مبارك)) الذين ما زالوا موجودين  ومتناثرين بالمنظومه الحاكمه الحاليه .. ومتأصلين فى النهب والسرقه بشكل لا يترك اى اثار ورائهم ... ومتأصلين أيضا فى الفشل والاهمال وقلة الخبره 

[White heart]

 

بالنسبة للناس اللي نازلة تريقة من امبارح على كلمة اتبرع لمصر و لو بجنيه و منهم ناس مستغربة منهم الحقيقة عايشة في أمريكا أو كانت عايشة و ناس كتير عايشة برة مصر ..

أنا هاتكلم في اللي يخصني .

أناعايشة في أمريكا بقالي تقريباً ١٤ سنة دلوقت .. تلك الدولة العظمى ، حلم و أمل الكثيرون البشر و اللي الناس كلها شايفاها المثل الأعلى في كل حاجة (و مع العلم إني بحب البلد دي جداً بس طبعاً مش أكتر من مصر ) أحب أقول لكم إني أول مرة أنزل السوبر ماركت و انا بادفع الحساب البائع سألني تتبرعي للجيش اللي بيحارب ب دولار أو أكتر ؟ .. روحت البيت و كام يوم و لقيت التليفون بيرن و ألاقي واحد بيسألني تحبي تتبرعي لجهاز الشرطة ب دولار أو أكتر و قال ايه يبعتولي بادچ أحطه على العربية علشان أنول الشرف و الناس كلها تعرف إني ست بتحب البلد و كده و طبعاً الناس كانت بتتبرع فاكرين ان كده ناسبوا الحكومة و مش هياخدوا مخالفات ؛) و يتباروا بقى مين يحط بادچات أكتر .. أروح حتة تانية يسألك حضرتك تتبرعي لمستشفى الأطفال .. مرة تانية طيب مستشفي الستات طيب الرجالة حتى أي حاجة تطلع منك في البلد دي خير دا حتى و أنا باشتري أكل للكلب يا ربي يطلب منك تتبرع لحديقة الحيوان و دا مش هزار أنا باتكلم جد .. مافيش مؤسسة فيكي يا أمريكا مش قايمة على التبرعات أو الشحاتة زي ما ناس كتير بتحب تسميها و طبعاً السؤال ما بيبقاش مرة واحدة لا دا في كل مرة تروح تقضى فيها أي غرض يخصك ..

نزيد على كده ايه بقى و ده الأهم إن بالأمر كده الحكومة كل أول شهر تستقطع قرب ال ٤٠ ٪ من دخلك ضرائب اللي المفروض تستفيد منها المدارس و المرافق و الأجهزة الشرطية و ما تابع .... يعني بتاخد أكتر من تلت مرتبك و برضه بتشحت منك و ما تقوليش اننا بنستفيد .. ايوة بنستفيد لأننا بنشتغل زي الحمير مش حضرتك عاوز تقعد مبلط و عاوز الفلوس و البلد و كله يتصلح و انت قاعد في بيتكم بتنتقد و بس .

اللي حبيت أقوله ان اللي البلد دي بتديهولك باليمين بترجع تاخذه منك بالشمال

لكن انت بقى بلدك محتاجة و فيها بلاوي الدنيا و الناس طمعانة فيها من كل ناحية و ييجي إنسان غير مسؤول يتريق و يعايب على كلام رئيس بلده .. والنبي تتلهي على خيبتك .. دا انت لحم كتافك إنت و أهلك من خير البلد دي .

مصر ما يقدرهاش غير اللي بعد عنها و شاف حلاوتها من برة .. ادعوا بس ربنا يحفظها !....

.

Hala Mousselhy ( مصرية مقيمة بأمريكا

السبق للعزيز " طارق حسن" يا عزيزي:

 

 

تحية للست هالة 

ولو انني لا أفهم وجه المقارنة او الشبه تحديداً؟

[White heart]

 

إن كنت لا تعلم عن وجود شئ ما

فليس معنى ذلك أنه غير موجود

الكلمة مسؤولية .. وبالذات الكلمة المكتوبة

ذاكر قبل أن تكتب

معظم الجمعيات الاهلية، ومبادرات المجتمع المدني تلك، ومعظم العاملين فيها هم من الشباب، والتى بالمرة لا أريد ان اقلل من دورهم وأهميتهم الكُبرى، فيكفي على سبيل المثال رغبتهم وسعيهم الى بث الأمل بالمجتمع المصري بوجه عام، وفي قطاع الشباب بوجه خاص .. وفي مجالات المفروض انها بعيدة عن السياسة ... لا يُمكن وبلا جدال تسفيه هذا النشاط الحيوي الرائع ... احاول هنا قطع الطريق على من قد يستغل محاولة تركيزي على نقطة محددة، وليكن بإتهامي انني رافض لأى شئ حتى ولو كان ايجابي، وبالتالي عدم موضوعيتي .... تركيزي هنا هو على الأجهزة الرسمية أو العامة أو التنفيذية ... فتلك المبادرات والجمعيات معظمها تابع لوزارة الشئون الإجتماعية .. وبتدني مستوى الشفافية ومبادئ العلانية والمكاشفة الى درجة لا تبتعد كثيراً عن العدم ... تنتشر قضايا الفساد والسرقة والتربح ... لتذهب مجهودات تلك المبادرات بعدها ادراج الرياح ... وتظل دائماً المشكلة فيمن يحاول كشف هذا الفساد .... هذا الخلل ... انه ذات السيناريو المُكرر في ظل تلك المنظومات:

سكرتير عام محافظة الدقهلية يتهم مدير إدارة الشئون الاجتماعية بعدم الرجولة لكشفه فساد بمئات الملايين بالشئون الاجتماعية

13 مايو 2015

إرسال عبر| الدقهلية دينا رمزى

أتهم مدير إدارة الشئون الاجتماعية بمركز المنصورة اللواء أحمد صالح الإدكاوى سكرتير عام محافظة الدقهلية بإهانته أمام لجنة الحج التى انعقدت بديوان عام المحافظة ووصفة بعدم الرجولة والمجدعة نظرا لقيام علاء حسن عوض مدير إدارة الشئون الاجتماعية بتقديم شكاوى عديدة ضد وكيلة وزارة الشئون الاجتماعية ( التضامن ) لوزيرة التضامن والجهات الرقابية واتهامه بالتستر على فساد بمئات الملايين فى إدارات مديريات التضامن والجمعيات الأهلية وصدور قرار من الوزيرة غادة والى بنقلها وإحالتها للتحقيق حيث تقدم بشكاوى للرئيس السيسى ورئيس الوزراء ووزير التنمية المحلية ومحافظ الدقهلية والرقابة الإدارية للتحقيق في واقعة إتهامة يذكر أن مدير الإدارة كشف العديد من قضايا الفساد داخل مديرية الشئون الاجتماعية بمحافظة الدقهلية التي تقدر بمئات الملايين وإجراء تحقيقات موسعة بالنيابة والجهات الرقابية المختصة

وهو ما عبر عنه أيضاً العزيز "التونسي" هنا:

.... مشكلتى بس ان ثقتى حتكون ((متزعزعه)) فيمن سيكون (مسئول) عن هذا التبرع من حيث عدم أمانته و ((إهداره)) فيما لا ينفع البلد ..

....

أتوجس كل التوجس من بعض افراد بطانته وحكومته خصوصا ممن هم خريجى النظام القديم ((نظام مبارك)) الذين ما زالوا موجودين ومتناثرين بالمنظومه الحاكمه الحاليه .. ومتأصلين فى النهب والسرقه بشكل لا يترك اى اثار ورائهم ... ومتأصلين أيضا فى الفشل والاهمال وقلة الخبره

مع ملاحظة صغيرة .. وهى ان خريجي هذا النظام القديم لم يبدأوا مع الجنرال الرئيس حسني مبارك فقط !!!

تم تعديل 27 فبراير 2016 بواسطة White heart

[herohero]

الحملة ممكن توصل رسالة او تنمي الشعور الوطني والتفاف الناس حوالين البلد وده شئ كويس بس مش شايفين ان كان ممكن الكلام ده يجيب فلوس اكثر لو طلبت الحكومة من الباهوات رجال الاعمال انهم يتنازلوا شوية عن ارباحهم المرتفعة واظن طارق عامر قال كدة

 

والرئيس السيسي قال !!! اظن كمان لو ركزنا اكثر ع محاربة الفساد الحكومي والهدر في المال العام هتفرق معانا أكثر 

 

صدقوني احنا مصرين اننا نركز ع حاجات معينة ونسيب الفرص اللي توفر لنا مئات الملايين 

 

[White heart]

لو كانوا عايشين .. كانوا أخدوا شتيمة وتريقة تُقلهم

والكلام مفيش عليه جمرك .. أدينا بندردش ورانا إيه

بل نال كلاهما ما ناله بالفعل في أثناء حياتهما .. فالسيدة ام كلثوم وبعد مجهوداتها وتضحياتها ومشاركتها "الوطنية" التى قمت بإستدعائها لنا يا عزيزي، ومباشرة بعد <<< النكسة >>> كانت قد اتهمت من قبل البعض من المحسوبين على التيار اليساري بأنها أداة من أدوات تزييف الوعي، ووصفوا غنائها بغناء المساطيل ... يعني كانت آداة من أدوات "غسيل العقول" وضرورة من ضروريات "البروباجاندا" .... أما من قبل التيار الديني، فيكفي "الشيخ كشك" عندما علق على أغنية "أنت عمري" التي تقول فيها: "خدني في حنانك خدني.. عن الوجود وابعدني" ... فتندر عليها بقوله: " ... امرأة في الستين عمرها تقول خدنى فى حنانك خدنى.. يا شيخة ربنا ياخدك ..." ... أو هذا التسجيل الصوتي له بعنوان: الشيخ كشك و كلب ام كلثوم !

فلا داعي الى محاولات إهالة التُراب تلك على مُعارضي ورافضي اليوم للمنظومة الحاكمة، بإستدعاء تلك النماذج ومجهوداتهم التى في النهاية وبكل تجرد، صبت فيما لا طائل حقيقي من وراءه ... وانما كانت فقط حقبة " تضييع وقت " من تاريخ دولة وشعب في إنجازات حنجورية وعنترية .... لا تختلف كثيراً عن حقبة "إنجازات" الحقبة النازية ... التى ويا للعجب هى اليوم مدعاة خزى وعار وأسف للغالبية المُعاصرة من المواطنين الألمان ... نحن لنا بالنتائج النهائية على أرض الواقع يا عزيزي ... الحقبة الناصرية (يكفي المُسمى!!!) في النهاية لم تكن وببساطة شديدة - بالنسبة لي - الا جرجرة وتوريط مصر وشعبها ولأكثر من جيل (مازال الجيل المُعاصر يئن ويعاني من وطئتها!!) في سلسلة من الحروب التى ليست حروبها، حروب جلبت عليها الخراب والدمار والتخلف بأنواعه، بينما جلبت الخير بأنواعه على شكل إنتعاش إقتصادي لدول أخرى ... أذن إستدعاء مثل تلك النماذج <<< اليوم >>> للتغني والتفاخر بها، وكدعوة الى التمثل والإقتياد بها ... لابد وبالضرورة إستدعاء معها ايضاً كل حزمتها وكل ظروفها المحلية والعالمية التى كانت وبسببها ومن أجلها قد وجدت في تلك الحقبة ... وكلنا نعلم تماماً تفاصيل ونوع تلك "الحزمة" وكيف اننا وبكل آريحية وبلا أى إفتراء او إدعاء أو كذب أو تدليس أو تضليل ... نسطيع المقارنة بينها وبين "التضحيات" و"الإجتهادات" الفنية (وغيرها) من مثل هذا النوع:

https://www.youtube.com/watch?v=rltW1pbpwhk

أو هذا:

https://www.youtube.com/watch?v=yz2bZKRRq7E

[White heart]

من المصريين للمصريين ... استجداء طلب المعونة أو المساعدة أو الاستعطاء .. ماشي

مش صح من غير ما يقول السبب ؟؟؟!!

مش عارف بعض الناس عملاها مشكلة ليه ؟؟؟!!! 

بخلاف ما ذكر من أسباب واضحة حتى الان ... ينفع كمان يكون دة - على سبيل المثال -  سبب من الأسباب من وجهة نظرك:

الشعب يتبرع بـ "جنيه".. ومكافآت نوابه 90 مليون في الفصل التشريعي

الخميس, 25 فبراير 2016 15:21 - أحمد الجيار

وسط دعوات التقشف الرئاسية ومطالبات التبرع بعدة طرق وأشكال لصالح الدولة، قوبلت بالرفض والسخرية، تكشف اللائحة الداخلية لنواب الشعب المنتظر إقرارها خلال الأيام القليلة المقبلة، عن استحداث نص يضاعف مكافآت النواب إلى 15 ألف جنيه شهريا، ماينتج حوالي 90 مليون جنيه خلال عام واحد من العمل البرلماني وهذا وفقا للحد اﻷدني، بخلاف بدلات الانتقال والعلاج.

وتنص المادة رقم 430 المستحدثة بلائحة البرلمان مايلي: "يتقاضى عضو مجلس النواب مكافأة شهرية تقدر بخمسة عشر ألفا من الجنيهات، تستحق من تاريخ حلف اليمين وتزداد بنسبة 7 % سنويا ولا يجوز التنازل عنها أو الحجز عليها وتكون معفاه من جميع أنواع الضرائب والرسوم".

بإجراء مجموعة من الحسابات المجردة الخاصة بحاصل ضرب الـ 15 ألف جنيه -الحد اﻷدني الذي قد يحصل عليه النائب-، في عدد أكبر تمثيل نيابي شهدته البلاد 596 عضوا برلمانيا لمدة 10 أشهر، سينتج (90000000 جنيه مصري) 90 مليون جنية مصري في الفصل التشريعي الواحد، أي مايقارب 450 مليون جنيه مصري في 5 سنوات -كحد أدني- هى مدة عمل البرلمان الحالي دون إضافة، بخلاف نسبة الـ 7% زيادات سنوية، وبدلات السفر والانتقالات والعلاج.

يعني زى ما العزيز "اسلام المصري" سبق وقالها وبوضوح هنا:

  احنا دلوقتي ناس بتاكل بيتيفور وناس بتلحس التراب قوم لما يتنزق الحاكم اول حاجة يطلب من اللي بيلحسه التراب يشاركو ويدفعو ولو قليل والقليل مع القليل بيبقى كتير 

ليه مايطلبش من المبسوطين واللي مرتباتهم تضخمت ويبدأ بيهم عشان يشجع الغلابة انهم يساعدو كمان لكن يركز بس على الغلابة وكأن حل مشاكل البلد تكون من خلالهم 

لا يا سادة 

الحل في انك تحارب الفساد اول شيء ولو خايف يبقى انت مش ادها وسيبها اشرفك واحسن لنا 

الحل انك تفرض على المتضخمة مرتباتهم انهم يساعدو بالقليل من مرتباتهم اللي هو كتير وكتير اوي ...

تم تعديل 27 فبراير 2016 بواسطة White heart

[أبو محمد]

 

السادات فى أول ولايته : الاقتصاد المصرى تحت الصفر

السيسى تمهيدا لترشحه : الوضع الاقتصادى صعب جدا جدا

الجيل "العرة" استحمل وكانوا رجالة وقفوا وقفة رجالة

يا ترى جيل "ولاد العرة" حيعمل إيه ؟

 

 

مداخلة كتبها واحد من الجيل العرة ده من سنتين

:vian: :old:

قلت اجيبها فى موضوع من 4 صفحات (ولسه)

اتكتبت فيه - لغاية دلوقت - خمسين مداخلة

وكل ده علشان "اصطباحة" بجنيه

 

خمسين مداخلة مش حكاية يعنى

اللى بيدخل على الفيسبوك وتويتر

يقدر يحسب اتدفع كام فى السخرية والتريقة و "قلة الأدب" لرفض دفع الجنيه المعجزة ده

كل ده باستخدام كمبيوتر أو لا ب توب أو تاب أو سمارت فون

clp::

غالبا اللى دافع تمنه واحد أو واحدة من "العرة"

آه منكم انتم "يا اولاد العرة"

[White heart]

ليه مايطلبش من المبسوطين واللي مرتباتهم تضخمت ويبدأ بيهم عشان يشجع الغلابة انهم يساعدو كمان لكن يركز بس على الغلابة وكأن حل مشاكل البلد تكون من خلالهم

 

الحملة ممكن توصل رسالة او تنمي الشعور الوطني والتفاف الناس حوالين البلد وده شئ كويس بس مش شايفين ان كان ممكن الكلام ده يجيب فلوس اكثر لو طلبت الحكومة من الباهوات رجال الاعمال انهم يتنازلوا شوية عن ارباحهم المرتفعة واظن طارق عامر قال كدة

المشكلة أنه حصل بالفعل يا أعزائي وفي عهد نفس تلك المنظومة الحاكمة ومنذ أكثر من عام .. وتم "بروزة" أساميهم كمان هنا وهناك :

قائمة الشرف لرجال الأعمال المصريين المتبرعين لصندوق "تحيا مصر" ..نجيب ساويرس ومنصور عامر وأحمد أبو هشيمة ومحمد الأمين .. القائمة تضم حسن راتب وأيمن الجميل وعلاء السقطى ومحمد أبو العينين

الثلاثاء، 15 يوليه 2014 - 12:05 م

رجال الأعمال نجيب ساويرس وأحمد أبو هشيمة ومنصورعامر رجال الأعمال نجيب ساويرس وأحمد أبو هشيمة ومنصورعامر كتب مدحت عادل تضم قائمة الشرف لرجال الأعمال الوطنيين الذين تبرعوا لصندوق "تحيا مصر" استجابة لدعوة الرئيس عبد الفتاح السيسى عددأ كبيرأ من رجال الأعمال. وبلغ إجمالى التبرعات نحو 5 مليارات و594 مليون جنيه، موزعة على تحويلات نقدية بشيكات وتبرعات عينية، وجاء فى مقدمة المتبرعين عائلة ساويرس بواقع 3 مليارات جنيه، يليه رجل الأعمال محمد الأمين بقيمة نصف أسهمه بمجموعة عامر جروب بواقع مليار و200 مليون جنيه، ورجل الأعمال منصور عامر بواقع 500 مليون جنيه. وتضم قائمة الشرف لرجال الأعمال المتبرعين لصندوق تحيا مصر، رجل الأعمال أحمد أبو هشيمة رئيس مجموعة حديد المصريين بنحو 114 مليون جنيه، ورجل الأعمال أيمن الجميل رئيس مجموعة "كايرو ثرى أيه" بواقع 150 مليونا، ورجل الأعمال محمد أبو العينين رئيس مجموعة سيراميكا كليوباترا بـ250 مليونا قيمة منشآت تعليمية سيلتزم بها، ورجل الأعمال حسن راتب رئيس مجموعة أسمنت سيناء بنحو 100 مليون جنيه، إلى جانب إعلان جمعية مستثمرى بدر برئاسة المهندس علاء السقطى بإنشاء شركة قابضة للتنمية بواقع 200 مليون جنيه.

يعني لو "ضغط" زيادة عليهم وطفشوا كرد فعل ... دة هيأثر بالتأكيد وعلى "سُمعة" المنظومة اللى هى اساساً مش ناقصة ... بأنها مش بس ما بتوفرش المناخ الملائم والمشجع على الإستثمار، لا .. بل كمان بتمارس نوع من أنواع الإبتزاز الغير مباشر ... يعني كللللللللل الجولات اللي السيد الجنرال الرئيس عمال يعملها (اليوم في كازاخستان!) علشان يدعوا المستثمرين ورجال الأعمال انهم يجوا يستثمروا في بلدنا، هاتروح بلوشي، وولا كأنها أساساً اتعملت ... لاحظوا ان بعض رجال الأعمال المصريين دول ليهم اساساً شركاء من دول غنية، واللي بدورهم هم كمان شركاء في مؤسسات وشركات وهيئات استثمارية دولية، يعني أى ضغط "زيادة عن اللزوم" مش في مصلحة المنظومة الحاكمة بالمرة ... الحقبة المعاصرة وتشعباتها ومدى ترابطتها (العولمة) لا علاقة لها بتلك التى كانت قائمة بحقبة الفنانين عبد الوهاب وأم كلثوم وتوفيق الحكيم الذين إستدعاهم لنا العزيز "أبو محمد" ... حيث كان من الممكن للـــ زعيم الجنرال الرئيس جمال عبد الناصر، وبإشارة اصبع <<< الإستحواذ >>> والإستيلاء على رؤوس أموال مستثمرين أجانب ومصريين، وتحمل حتى بعض ردود الافعال، تحت مُسمى "التأميم" ... وبالتالي هوووب وبقدرة قادر تتوفر لمنظومته السيولة اللازمة لـــ "مشروع نهضته" ... اللي هو أساساً نوع من انواع البروباجاندا التى صاحبت بدايات الزعيم الفورهر "هتلر" ومنظومته النازية الحاكمة ... هذا "التأميم" - من وجهة نظري - نقطة سوداء في ملف تلك المنظومة العسكرية الحاكمة لدينا ... وللأسف اعتقد ان شبحها ربما يطل برأسه من حين الى آخر بشكل مُستتر ... أو يحاول أن يتقمص هيئة وشكل مختلف أقل رُعباً وبشاعة ... فدعكم من مسألة الضغط على رجال الاعمال من أجل أن "يتبرعوا" ... فصحيح انهم من المُمكن ان يكونوا كسابقيهم في حقبات الجنرالات الرؤساء السابقين "انور السادات " و "حسني مبارك" ... اى ممكن ان يلبوا الدعوات المشابهة، بل وربما يبادروا بانفسهم اليها، كنوع من انواع التقرب من الحاكم تملقاً أو سعياً الى نوع من انواع تبادل المصالح - والتى في بعض الأحيان - لم تكن "نظيفة" بالمرة، ولا علاقة لها بمصلحة الوطن والشعب ... وانما من هم "تبقوا" اليوم على الساحة لا اعتقد ووفق تلك المعايير والمتغيرات المُعاصرة هم بحاجة فعلية الى إنتهاج ذات المسلك أو الطريق ... بإختصار هم ليسوا في موقف ضعف وهزيل، كموقف المنظومة الحاكمة المعاصرة ... أتفق معكم تماماً ان الحل يبدأ في محاربة الفساد .. ولهذا تجدوني لا أنفك اسلط الضؤ على مسألة الشفافية ومبادئ العلانية والمحاسبة للــــ "جميع " مهما كانوا ...

أرق تحياتي وإحتراماتي لآراءكم وتفاعلاتكم الإيجابية :hi:  

[التونسى]

ودى (((((((((((((مش)))))))))))))) بشرة خير !!!!!!

تم تعديل 28 فبراير 2016 بواسطة التونسى

[suma]

يا جماعة الموضوع ابسط من البساطة ذاتها..ايه الحكاية؟ معقول بمجرد ما ينتهي الريس من كلمته والله ثلاث قنوات على الاقل مجهزة الناقد والمحلل السياسي وهات يا كلام وشرح واستنباط .امر محير بجد.

والله انا استمعت له ولم ياتي لذهني اي تحليل او تاويل مما قيل كل نقد ياتون يجملة مقتطعة من السياق وتؤل الى ما يريد ه . كان الريس يتحدث عن الاعلام وعن الكلام الكاذب الذي ينشر هنا وهناك فكان لزاما علية ان يقول ان ما يقوله لنا هو الصدق لانه لا يجيد التحوير ولا الكذب. عادي الشخص السوي يفهمه كده...انما واحد زي القرموطي الله هو كمبارس ضل الطريق ووضعه في يده ميكفرفون عندما يتطاول ويقول ا: احنا كده على اعتاب الفرعون. ده نقوله ايه؟! والحسيني وغيرهم من الاقذام......انا اتحدي مواطن يملك القليل من اللغة لا يفهم الكلام بغير المعنى الذي اراده الريس.

نيجي بقى عن الصباح عل مصر ..ايه الغريب. ! اعتقد الجيل الذي تجرع الهزيمة٦٧. يعلم جيدا كيف كان التبرع لاعادة بناء الجيش وماذا فعلت الست وكيف تنازل الطلبة عما بيدهم ..الخلاصة انه لم ياتي بجديد يلام عليه

انا عن نفسي بصبح وامسي عليها..ليس كرما لكن اصبحت احسبها. انا بتكلم كتير وخاصة مع سارة حفيدتي عارفه ان امها في العيادة لذا اطيل معها اختصرت ما افعله ومكالمة صباحا بخمسة جنيه مش حتخسر٣٧٠٣٧ ----- ومكالمه ممساء بجنيه واحد مايضرش ١٣٣٣------

والغريب واللي يقهر. انك لو تحدثت في كده مع بشر تجد الاغنياء والاكثر مالا هم الذين يبخلون ويتفلسفون..!!!!

الله يصلح الحال يارب.-------

على فكرة ادعوكم لمتابعة القنوات المصرية الاولى والثانية والفضائية اليوم الاولى بكل الكاميرات في اماكن العمل واماكن لم نكن نسمع عنها والقنوات اياها عملت نفسها من بنها وكان الريس حياخد الجنيهات في بيته...وتناسوا انه اول ما مسك مهام منصبه..تبرع بنصف ميراثه وكمان نصف راتبه وانا وغيري يثقون في قوله.

سومه

تم تعديل 28 فبراير 2016 بواسطة suma

[White heart]

ودى (((((((((((((مش)))))))))))))) بشرة خير !!!!!!

بقى أن نعرف ما هى "فكرته" العبقرية تلك يا ترى، التي طلب الإطلاع عليها في الملف الذي قدمه للرئاسية :

«أيمن بهجت قمر» يوجه رسالة إلى الرئيس

الأربعاء 24/فبراير/2016 - 09:00 م

الشاعر أيمن بهجت قمر

محمود نبيل

وجه الشاعر أيمن بهجت قمر، رسالة إلى الرئيس عبد الفتاح السيسي، يطالبه فيها بتنفيذ فكرته التي سوف تجلب الملايين إلى مصر خلال وقت قصير.

وقال أيمن، عبر صفحته الشخصية على موقع التواصل الاجتماعي "فيس بوك" «إلى السيد الرئيس: قبل ما تقول للمصريين اتبرعوا بجنيه يا ريت تطلب الملف اللي أنا مقدمه وشوف هندخل للبلد كام في الساعة مش في اليوم.. وبحق وبقانون مش بتبرع، إنا يئست للأسف بدن في مالطة أنا آسف إني فكرت... أنا تافه».

وأضاف: «أنا مش هشارك لا بتبرع يروح منه نسبة لشركات الاتصالات والصناديق اللي بيشرف عليها رجال أعمال ولا حتى هشارك بعمل فني تاني للبلد مادام البلد دي مابتحميش حقوقي وحقوق ولادي ولا بتحترمني .. وشكرًا».

وكان الرئيس عبد الفتاح السيسي قد أكد أنه من الممكن بناء مصر عن طريق أموال المواطنين أنفسهم، قائلا: «لو كل مواطن صبح على مصر من موبايله بجنيه، يبقى 10 ملايين مصري من 90 مليونا جمعوا لمصر 10 ملايين جنيه». 

وأضاف الرئيس: «يعني في الشهر 300 مليون جنيه، وفي السنة 4 مليارات جنيه»، وكان هذا خلال إطلاق مبادرة «رؤية مصر 2030».

[tarek hassan]

[Grandma]

 

 

نقول ان في مصر حوالي 6 مليون مصري قادرين يتبرعوا بجنيه يوميا   

 

يبقى الأفضل نتبرع بيهم لمواطن غلبان و نبدأ بسكان قرى و نجوع صعيد مصر    

 

هيصحى الصبح المواطن الغلبان دا يلاقي نفسه مليونير يملك  6 مليون جنيه   

 

يحتفظ لنفسه بمليون جنيه ونطالبه ببناء مدرسة  في قريته بمليون و وحدة صحية بمليون تانية و يتبرع بمليون لمصر، يتبقى اتنين مليون يوزعهم مناصفة بين اتنين فقراء من قريته او أقربائه

 

تاني يوم الصبح نصبح على مواطن فقير تاني ...وهكذا 

 

 بكدا كل يوم هنشوف بعيونا نتيجة تبرعنا

 

*3 مواطنين انتقلوا من حالة الفقر الى الغنى  :gather: 

 

*ضمنا بناء مدرسة  ووحدة صحية في كل قرية بالاضافة لما تبرعنا به للوطن  :110: 

 

* اما تكون المدرسة و الوحدة الصحية بمساهمة المواطن المشارك في تأسيسهم هنضمن انه هيحافظ عليهم

 

* بثينا في نفوس المواطنين روح المشاركة و التعاون والايثار

 

* السنة فيها 365 يوم نضرب في 3 هيكون عندنا 1095 مواطن غني كل سنة

و365 مدرسة ووحدة صحية    

 

كل دا بجنيه واحد

 

معايا جنيه ..معايا جنيه 

معايا جنيه يا روحي عليه 

 

 

:egyflag:

[أبو محمد]

 

 

 

نقول ان في مصر حوالي 6 مليون مصري قادرين يتبرعوا بجنيه يوميا   

 

يبقى الأفضل نتبرع بيهم لمواطن غلبان

 

أولا .. ألف حمد لله على السلامة

ثانيا .. وتروحى بعيد ليه ؟ أرياف وصعيد

:Exclam: :quest:

[White heart]

أنا مواطن بسيط مش جهاز رقابي ومحدش غصبني على حاجه

علشان أشترط عليهم

أو أطلب مراجعة الميزانية قبل ما أدفع الجنيه 

انت يجوز ما بتفرقش معاك ... لكن يا ترى هل كل المواطنين زيك كدة؟

تعال كدة نشوف "المثال" دة:

مدينة الفيروز.. وهم البناء على «ياميت»

الخميس 24-10-2013 20:44 | كتب: عزة مغازي, محمد طارق, عمر عبدالعزيز |

بفخر وثقة وقف شلومو فرتسايل، مدير متحف الاستيطان المفتتح حديثاً- وقتها- فى إسرائيل أمام صور تمثل مستوطنة قديمة، وقال: «لقد قررنا إحياء ذكرى الخراب فى سيناء، لأننا رأينا أن الجميع نسى مستوطنة ياميت، وغيرها من المستوطنات التى كانت فى سيناء، ونريد أن نذكّر الشعب الإسرائيلى بهذا القطاع من الأرض، الذى أعطيناه لمصر مقابل السلام». فى الوقت الذى أطلق فيه فرتسايل تصريحه فى يونيو 2011 كانت الآمال فى تعمير سيناء بعد الثورة تحيا من جديد، بينما كان فرتسايل يواصل بثقته الواضحة: «ياميت كان مقرراً لها أن تصبح مدينة متطورة وحديثة تضم ربع مليون مستوطن، ويصبح لها ميناؤها الخاص، لتصبح مركزاً للدفاع عن دولة إسرائيل، إلا أن الخراب والدمار لحقا بها بعد إجلائنا عنها، وتحولت الآن إلى رمال وصحراء».

بعد تلك الواقعة بعامين وأربعة أشهر، لم يتمالك الحاج سامى الكاشف، قاطن العريش، ابتسامة خفيفة ارتسمت على أطراف شفتيه عندما سمع باسم مدينة الفيروز، يشوب ابتسامته حزن غير خفى بينما يتذكر أول مرة سمع فيها اسم المدينة من أحد أصدقائه الذى قال له حينها: «جرنال الأهرام بيلم تبرعات لبناء مدينة جديدة، والناس كلها بتتبرع»، ليقوم فور سماعه بالمشروع بالتبرع بمبلغ 50 جنيهاً لتلبية طلب المساهمة فى بناء المدينة.

شخص الحاج سامى ببصره وهو يتذكر قيامه منذ أكثر من 30 عاماً بالتبرع بمبلغ كان هو كل ما بحوزته وقت الدراسة، ليشارك أصدقاءه حلم بناء المدينة الجديدة على أنقاض مستعمرة ياميت التى أقامها الإسرائيليون بين رفح والشيخ زويد بعد استيلائهم على سيناء فى 1967، ليحولوها لمستوطنة على غرار «الكيبوتس» الذى ينتشر سرطانياً على الأراضى الفلسطينية منذ ما قبل 1948 شيدوا بها معبداً يهودياً، بالإضافة لاستخدامها فى زراعة وتصدير الورد، قبل أن يقوموا بتدميرها بعد يوم 6 أكتوبر كى لا يستفيد منها المصريون.

«كانوا مسمينها عروس البحر»، يقول الحاج سامى الذى تبرع للحلم بجنيهاته كلها عندما كان فى العشرين، ويضيف: «مشروع الأهرام كان لبناء مدينة سياحية عالمية، وكنا فرحانين بيها جداً، وأنا فاكر إن الخمسين جنيه اللى غتبرعت بيها ساعتها كانت تعدى الـ 30 ألف جنيه دلوقتى». يصمت الحاج سامى ويضيف بحنق: «المدينة دلوقتى ملهاش وجود، والمشروع كله كان كلام على الورق بس، ومعرفش الفلوس بتاعتنا راحت فين، رغم إن الأهرام لمت كتير فى المشروع ده».

فى الثالث والعشرين من أبريل 1982 قام الإسرائيليون قبل أربع وعشرين ساعة من رحيلهم بهدم مستعمرة ياميت الواقعة شرق مدينة العريش، الأمر الذى دفع بعض المصريين للمطالبة بالرد العملى فيما عرف وقتها بإقامة مشروع «رمز سيناء».

تبنت جريدة الأهرام مشروع إنشاء قرية أطلقوا عليها اسم «الفيروز»، تقع على مسافة نحو 45 كيلومتراً شمال شرق العريش، وقبل رفح بنحو خمسة عشر كيلومتراً، وقامت «الأهرام» بعد ذلك بالاستعانة بعدد من العلماء والخبراء والمتخصصين لإعداد مخطط تفصيلى لإقامة مدينة الفيروز فى ذات الموقع لتكون «محطة حضارية، ومركزاً للخدمات المتنوعة تعليمياً وتجارياً وثقافياً وخدمياً وترفيهياً»، ولتنشئ تجمعاً عمرانياً يتسع لنحو عشرين ألف نسمة، مع ضم خمسة آلاف فدان لزمامها تُخصص للزراعة الحديثة.

على مدى سنة كاملة منذ أن قامت جريدة الأهرام بالدعوة فى افتتاحيتها يوم 28-3-1982، تحت عنوان (مرة أخرى: رمز سيناء) لجمع التبرعات لإنشاء المشروع، قامت بنشر قوائم تحمل أسماء المتبرعين، والمبالغ التى قاموا بالتبرع بها، وصل عددها إلى 164 قائمة، يشغل معظمها فقراء وأبناء الطبقة الوسطى من المصريين الفرحين بإزاحة الاحتلال ممن داعبتهم أحلام التحرير والتعمير، ومنهم «محمد محمود ناصف، مدير إدارة بالمعاش» الذى تبرع فى القائمة الرابعة منها بجنيهين من معاشه شهرياً على مدى الحياة، بحسب ما نشر فى جريدة الأهرام يوم 27-6-1982.

فى الثانى والعشرين من أبريل عام 1983 وضع حجر الأساس لمشروع المدينة، بعد أن وافقت اللجنة العليا برئاسة الراحل كمال حسن على، رئيس الوزراء حينها، على الهيكل التنظيمى للمشروع، وبقى أن يصدر مجلس الوزراء القرارات التنفيذية، وهو الأمر الذى لم يحدث إلى الآن، على الرغم من انتهاء «الأهرام» من طبع الشروط والمواصفات ليبدأ التنفيذ الذى كانت بحسب الهيكل التنظيمى للمشروع ستتولاه هيئة المجتمعات العمرانية بعد أن تحول «الأهرام» قيمة التبرعات إليها.

تلقت «الأهرام» بعد ذلك رسالة من اللواء أركان حرب ممدوح عبدالرحمن، رئيس الهيئة الهندسية للقوات المسلحة، قال فيها: «تعلمون أن القوات المسلحة يشرفها أن تساهم فى إنجاز المشروعات المختلفة للتنمية، ويسعدنا أن نشارك فى مشروع رمز سيناء لإنشاء أرض الفيروز».

داخل مكتب بريد قرية أبوشنار الواقع فى محيط مدينة الفيروز الافتراضية، جلس موظف أربعينى على أحد المكاتب يتصفح مجلة قديمة قتلاً للوقت، ينفى الموظف عند سؤاله معرفته بموقع مدينة الفيروز قائلاً: «مفيش مدينة هنا بالاسم ده، ودى قرية أبوشنار، ومستعمرة ياميت بتتبع القرية».

داخل القرية المقامة على أنقاض المستعمرة التى لاتزال تعرف بذات الاسم الإسرائيلى، يفيد معظم السكان بعدم معرفتهم باسم «مدينة الفيروز» هذا. قال أحدهم وهو يقف خارج منزله: «سيناء كلها اسمها أرض الفيروز»، قبل أن يقاطعه شيخ مسن قائلاً: «آه.. كان فيه مشروع زمان من التمانينيات باسم الفيروز، بس مفيش حاجة اتعملت فيه، والوضع زى ما انتو شايفيين». يصمت الحاج فاروق المولود فى المستعمرة، ويشير بيديه لأطلال المعبد اليهودى المتهدم، ويقول: «هنا كان المفروض المشروع يبدأ، وأنا فاكر إننا كنا فرحانين بيه جداً وقلنا إنه فى التسعينيات المدينة هتكون اتبنت وهنعرف نسكن فى بيوت بدل العشش اللى احنا عايشين فيها، بس مفيش حاجة اتعملت، والمشروع فشل، ومفيش هنا غير 3 عمارات تم بناؤها منذ سنوات ليقوم بعض الموظفين بالسكن فيها».

لافتة زرقاء كتب عليها «مرحباً بكم فى أرض الفيروز»، هى كل ما تذكره تامر إبراهيم من المشروع. يقول تامر، المولود فى المستعمرة، والذى يسكن مع عائلته فى إحدى البنايات الثلاث قائلاً: «اليافطة فضلت محطوطة لحد ما صدت، وبعد كده اتسرقت، وعرفت إنها اتباعت خردة، ومفيش أى حد من المسؤولين جه اتكلم معانا عن المشروع، والناس هنا متعرفش حاجة عنه أساساً، والمكان هنا اسمه (ياميت)، ومفيش حاجة اسمها مدينة الفيروز».

«التبرعات بلغت ما يقرب من تسعمائة ألف جنيه قامت الأهرام بوضعها وديعة فى البنك تدر عائداً، بينما تحملت المؤسسة المصروفات الإدارية للمشروع»، هذا ما قاله الصحفى محمود مراد، الذى كان مكلفاً فى السابق بالإشراف على المشروع. وأضاف مراد، فى إحدى الندوات الخاصة بتنمية سيناء، والتى تم عقدها بعد ثورة 25 يناير: «المبلغ تحول إلى هيئة الأبنية التعليمية بالاتفاق بين الأهرام ووزير التعليم، ليتم بناء أربع مدارس فى كل من الإسماعيلية والسويس وشمال وجنوب سيناء».

يا ترى المواطنين البسطاء دول اللي اتسجلت أساميهم في الــ 164 قائمة كمتبرعين لمشروع "ارض الفيروز"  - الوهمي - ممكن النهارة هما وأهاليهم ومعارفهم يتبرعوا في حملة "جديدة" (قديمة) اتكررت مرة ومرات ... حتى ولو جبتلهم المثال بتاعك دة:

التبرع للبلاد شرف 

تم تعديل 29 فبراير 2016 بواسطة White heart

[أبو محمد]

تصدقوا ان انا اقتنعت انى ما اتبرعش بجنيه ؟!

تحيا إسرائيل ويسقط يسقط حكم العسكر

[أبو محمد]

إيه ده ؟ .. فين ده ؟

:Exclam: :quest: