باقى من الزمن (....) .. فماذا أنتم فاعلون ؟

[فولان بن علان]

9 hours ago, عادل أبوزيد said:

لا يا سيدي لينا و نص  بس بالراحة شوية  نموذج سويسرا في سويسرا بس ، نموذج سنغافورة تم بقبضة حديدية من كوان لي و الصين اقرأوا عن الثورة الثقافية ،  يعني بلاش منها ؟ لا طبعا بس مطلوب جهد و تضحيات و يد قوية و شعب اقوى 

يافندم المشهد السياسي الحالي عبثي وكوميدي لا ينتمي لأي نموذج

الحمدلله أخيرا وجدوا المحلل المنافس

طب مش الفلوس دي البلد أحق بيها بدل المسرحية الفجة أو الفرن البلدي على رأي عمرو أديب

[فولان بن علان]

صحيح اللي اختشوا ماتو

Quote

«موسى مصطفى»: «مش لازم أكون زي خالد علي واتكلم بأرقام وهمية»

ردًا على سؤال صحفية من «التليفزيون العراقي» له عن أسباب عدم ظهور اسمه خلال الأيام الماضية ضمن أسماء المرشحين الذين تم تحرير توكيلات تأييد لهم، قال موسى مصطفى موسى، المرشح المحتمل لرئاسة الجمهورية، «منذ أن انسحب الفريق أحمد شفيق، ونحن نقوم بجمع التوكيلات».

وأضاف «موسى»، في مؤتمر صحفي عقده لتوضيح أسباب ترشحه للانتخابات، مساء الاثنين، «نحن لدينا أمانات في 26 محافظة، واستطعنا جمع أكثر من 40 ألف توكيل، كما نجحنا أيضًا في الحصول على 26 تزكية من أعضاء مجلس النواب».

وأعرب عن رفضه لتشكيك الصحفية في كلامه، قائلًا: «التوكيلات موجودة عايزة تفرزيهم افرزيهم، وأنا مش لازم أكون زي خالد علي واتكلم بأرقام وهمية»، على حد تعبيره.

ورفض المرشح الرئاسي المحتمل، إعلان أسماء أعضاء مجلس النواب الذين حصل على تأييدهم، قائلًا: «الأسماء دي متتقالش، وهي موجودة في الهيئة الوطنية للانتخابات».

جدير بالذكر أن موسى مصطفى موسى، رئيس حزب الغد، قد تقدم بأوراق ترشحه لانتخابات الرئاسة، اليوم الاثنين، إلى الهيئة الوطنية للانتخابات، وذلك قبل دقائق قليلة من غلق باب

•  

[Guest مصري]

 

اقتباس

 

دعوة لجموع الشعب المصري الحر الراغب في الحرية والديموقراطية والرخاء للمشاركة في الانتخابات الرئاسية .. المشاركة في الحلم ... المشاركة في التغيير
المقاطعة والسخط على الوضع الحالي لن يفيد. الفرصة قدامنا باختيار من يمثلنا. 
صوتك أمانة .. وصلها بامانة لاولادك وللاجيال الجاية
من أجل غد افضل .. يد بيد .. نبني الغد
نعم لزعيم حزب الغد موسى مصطفى موسى

يلا نصوت - موسى مصطفى موسى رئيسا لمصر 2018

 

 

 

 

شعب ملوش حل في النكت

 

[أبو محمد]

ناوى أصفَّر العداد ونبدأ من جديد إن شاء الله أول ما تبدأ فترة الرئاسة التانية
بس لغاية ما تيجى ساعة الصفر .. أحب اقول كلمة على الماشى وأجرى على الله .. عشان ابقى خلصت ضميرى .. وما حدش يقول انى ما قلتش

رسالة إلى الفاشلين طوال فترة الرئاسة الأولى
=======================
خليكوا إنتوا اتحنجلوا على الفيس بوك وتويتر و إتدلعوا .. وقولوا انسداد الأفق السياسى .. والقمع .. والدكتاتورية وحكم العسكر .. وتطلبوا من الحكومة إنها تعمل لكم أحزاب (بس تكون قوية ولها وجود على الأرض وانتم مش فاضيين تنقوا من أكتر من 100 حزب اتكونوا بمجرد الإخطار) .. واستمروا فى عدم علاج Diarrhea السخرية اللا إرادية اللى صابتكم من 2011  (على فكرة باليستيكية صح .. علم المقذوفات إسمه Ballistics .. خدناها فى ثانوى وإعدادى هندسة وكلية ضباط الاحتياط) ولما تفوقوا من الدور اللى صابكم .. هتلاقوا الأربع سنين عدوا زي الهوا .. وهترجعوا تعيطوا علشان مش لاقيين مرشح عليه القيمة يمثلكم .. وترجعوا لنفس الموال والدبدبة بالرجلين والدعوات الفاشلة لمقاطعة الانتخابات
آدينى قلتلكم من دلوقت اهو قبل ما نبدأ العد

[فولان بن علان]

12 ساعات مضت, أبو محمد said:

ناوى أصفَّر العداد ونبدأ من جديد إن شاء الله أول ما تبدأ فترة الرئاسة التانية
بس لغاية ما تيجى ساعة الصفر .. أحب اقول كلمة على الماشى وأجرى على الله .. عشان ابقى خلصت ضميرى .. وما حدش يقول انى ما قلتش

رسالة إلى الفاشلين طوال فترة الرئاسة الأولى
=======================
خليكوا إنتوا اتحنجلوا على الفيس بوك وتويتر و إتدلعوا .. وقولوا انسداد الأفق السياسى .. والقمع .. والدكتاتورية وحكم العسكر .. وتطلبوا من الحكومة إنها تعمل لكم أحزاب (بس تكون قوية ولها وجود على الأرض وانتم مش فاضيين تنقوا من أكتر من 100 حزب اتكونوا بمجرد الإخطار) .. واستمروا فى عدم علاج Diarrhea السخرية اللا إرادية اللى صابتكم من 2011  (على فكرة باليستيكية صح .. علم المقذوفات إسمه Ballistics .. خدناها فى ثانوى وإعدادى هندسة وكلية ضباط الاحتياط) ولما تفوقوا من الدور اللى صابكم .. هتلاقوا الأربع سنين عدوا زي الهوا .. وهترجعوا تعيطوا علشان مش لاقيين مرشح عليه القيمة يمثلكم .. وترجعوا لنفس الموال والدبدبة بالرجلين والدعوات الفاشلة لمقاطعة الانتخابات
آدينى قلتلكم من دلوقت اهو قبل ما نبدأ العد

وفي هذه الحالة يافندم إذا عقمت أمهات المصريين أن يلدن أحد يصلح لمنصب رئاسة الجمهورية

هل تقترح حضرتك أن نطالب من الآن وتحسباً بتعديل الدستور لفتح مدد الرئاسة مرات ومرات

والسؤال هو هل سيرشح موسى مصطفى موسى نفسه في كل مرة

[أبو محمد]

7 ساعات مضت, فولان بن علان said:

هل تقترح حضرتك أن نطالب من الآن وتحسباً بتعديل الدستور لفتح مدد الرئاسة مرات ومرات

والله "فكرة" .. بس نعمل إيه فى المادة 226 من الدستور اللى بتقول :
"لا يجوز تعديل النصوص المتعلقة بإعادة إنتخاب رئيس الجمهورية، أوبمبادئ الحرية، أوالمساواة، ما لم يكن التعديل متعلقاً بالمزيد من الضمانات."

 

اقتباس

 

مادة 226

لرئيس الجمهورية، أو لخٌمس أعضاء مجلس النواب، طلب تعديل مادة، أو أكثر من مواد ‫الدستور‪ ،‬ويجب أن يُذكر فى الطلب المواد المطلوب تعديلها‪ ،‬وأسباب التعديل‪.‬‬ وفى جميع الأحوال، يناقش مجلس النواب طلب التعديل خلال ثلاثين يوماً من تاريخ تسلمه، ويصدر المجلس قراره بقبول طلب التعديل كلياً، أو جزئياً بأغلبية أعضائه. وإذا رُفض الطلب لا يجوز إعادة طلب تعديل المواد ذاتها قبل حلول دور الانعقاد التالى. وإذا وافق المجلس على طلب التعديل، يناقش نصوص المواد المطلوب تعديلها بعد ستين يوماً من تاريخ الموافقة، فإذا وافق على التعديل ثلثا عدد أعضاء المجلس، عرض على الشعب لاستفتائه عليه خلال ثلاثين يوماً من تاريخ صدور هذه الموافقة، ويكون التعديل نافذاً من تاريخ إعلان النتيجة، وموافقة أغلبية عدد الأصوات الصحيحة للمشاركين فى الاستفتاء. وفى جميع الأحوال، لا يجوز تعديل النصوص المتعلقة بإعادة إنتخاب رئيس الجمهورية، أوبمبادئ الحرية، أوالمساواة، ما لم يكن التعديل متعلقاً بالمزيد من الضمانات.

 

 

 

 

[أبو محمد]

7 ساعات مضت, فولان بن علان said:

والسؤال هو هل سيرشح موسى مصطفى موسى نفسه في كل مرة

ما قولنا هنصفَّر العداد .. يعنى على رأى صلاح جاهين :
إقفل ع الحيرة السيرة وهـات شربات للكل
واقفل عينك وافتحها تلاقى الشوك بقى فل

[hassan Mostafa]

في ١٩‏/٨‏/٢٠١٦ at 18:04, أبو محمد قال:

بصراحة ما قدرتش استنى للشهر الجاى

إئتلافات "السيرك السياسى المعارض" ما زالت "بتشتغل"

ليس للتجهيز لخوض الانتخابات القادمة .. ولكن لتنفيذ رغبة "الأسياد" اللى عليهم

والتى أفصحت عنها وسائل إعلام هؤلاء "الأسياد"

والرغبة هى : عدم إكمال الرئيس الحالى لفترة رئاسته الأولى

أو

لمنعه من الترشح للفترة الرئاسية القادمة

لاعبو "السيرك السياسى المعارض" ينشدون جميعا نشيدا واحدا من تأليف وتلحين "الأسياد"

الشعب مطحون .. الشعب مش لاقى ياكل .. الشعب فاض بيه .. ثورة الجياع قادمة

وفى الآخر

"والنبى ما ترشحش نفسك فى انتخابات 2018" .. عشان خاطر "الأسياد"

أشتاتا أشتوت

اجتماعات صباحي والسادات والأسواني لتأسيس كيان لمنع السيسي من الترشح 2018

 

سؤالي للشخص ده اللي كاتب الكلام ده 

انت حقيقي؟

يعني عايش وبتشتغل ولك مرتب اخر الشهر زي باقي البشر؟

انا قريت مشاركات كتيره لك هنا انت في الضياع يابني خالص 

ربنا يتولانا برحمته