اذهب إلى المحتوى
محاورات المصريين

تقاليدنا البالية...

بنت شعنونة

بواسطة بنت شعنونة
في موضوعات خفيفة

 مشاركة

Recommended Posts

disappointed عضو جديد

disappointed

بتاريخ:
بتاريخ:
من تقاليدنا البالية ايضا

واللي ها امووووووووت وافهم سببها ايه :devil:  

انه تلاقي وقت المغرب والصبح بدري

كل صاحب محل

او حلاق او كوافير او ميكانيكي او او او........

ماسك خرطوم المية

وتششششششششششش

عمال يرش ارض الشارع؟؟؟؟؟؟؟؟؟

وياريت رشة كدا عشان تاخد حرارة الجو زي ما بيقولوا

لالالالالالالالا

دا بيغرق الدنيا مية

الله؟؟؟؟

طب مش حرام المية دي اللي رايحا على الارض!!!!!!!

حاجا تفرس :)  ???

رغم اختلافى معك قلبا وقالبا فى خطوط منهجيّة الفكر العامّه فان هذا لايمنع اعترافى بحقيقه واضحه لا خلاف عليها وهى ان دمّك خفيف

:D

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
  • الردود 102
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

متسائل عضو جديد

متسائل

بتاريخ:
بتاريخ:
باختصار.....كلمه ورد غطاها

ربّنا يسامح الخلافه الفاطميّه

الفاطميّه بــــــــــــــــــــــــس؟ أمال العثمانيين راحوا فين؟

رغم اختلافى معك قلبا وقالبا فى خطوط منهجيّة الفكر العامّه

ده كلام كبير أوي  :)  :inlove:

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
بنت شعنونة عضو جديد

بنت شعنونة

بتاريخ:
  • كاتب الموضوع
بتاريخ:

هوا انا اغيب حبة ارجع الاقيكوا قاعدين كدا وبتشربوا شاي

طب نادووووووووووني :0

والا حتى اتفضلي معانا :lookaround:  :th:

ههههههههههه

بس والله ضحكتواني من قلبي

بس ها اقولك على حاجا ديسابوينتد

بدل ما يقول

انت اسمك ابراهيم؟

ايو ان شاء الله

يقول

ايوا الحمدلله

انا بعملها كتير فعلا :inlove:

بس عشان انا متعودة ان الذكر يكون على لساني على طول

انما فعلا ان شاء الله ممكن يكون دا مش موضعها

وفي ناس بتكون مجرد متعودة على طريقة الكلام دي مش اكتر

:)

وبعدين لو سمحتوا

حد يعزم عليا من الباتونساليه اللى قدامكم دا

:colgate:  :D

بس احنا عندنا فعلا تقاليد عجيييييييبة غريبة

تعالوا شوفوا مثلا تقاليد الزفاااااااااااااف

اهي دي همممممممم لوحده

:nervous:

كتنا نيلة في حظنا الهباااااااااب :(

وانا من البلد ديييييييييييي

رابط هذا التعليق
شارك
ســيد مرزوق عضو جديد

ســيد مرزوق

بتاريخ:
بتاريخ:

فيه حاجة غريبة نفسي أفهمها ...

لما الست في البيت بتيجي تطبخ الملوخية ... كويس كده ؟؟؟ .... وتيجي تعمل التوم والكسبرة عشان تطشهم علي حلة الملوخية ... ماشي ؟؟؟

قال إيه لازم تشهق شهقة جامدة أوي وهي بتدلق التقلية ( التوم والكسبرة ) ... تسألها ليه ياستي الشهقة دي؟؟؟ تقول لك عشان الملوخية تبقى بعرق !!!! ... أنا شخصيا جربت وعملت الملوخية  وحطيت التوم والكسبرة من غير شهقة ولا حاجة ... وطلعت زي العسل الأخضر .. بعرق ومية مية  :D

يبقى إيه لزمة التقاليع دي في عمل الملوخية؟؟؟؟؟؟

ممنوع الرجوع للوراء

رابط هذا التعليق
شارك
هشام عبد الوهاب عضو جديد

هشام عبد الوهاب

بتاريخ:
بتاريخ:

اقفش

واحد صاحبنا بيعمل ملوخية وحلوه كمان

:D  :D  :D  :lookaround:  :lookaround:

---------------------------------------------------------------

كنت زمان باسمع عن حاجات غريبه جدا شبه شهقة الملوخية

ماتعديش من تحت السلم لانه فال وحش

ماتفتحتش المقص وتقفله لأنه بيجيب نكد فى البيت

اقلب الشبشب على وشه علشان حرام

لما تسمع صوت الاسعاف اهرش  علشان ماتجيش تاخد حد من عندك

لما تقص ضوافرك اوعى حد يدوس عليها

ايه رأيكم بقى  ،، يعنى شهقة الملوخية بسيطه

رابط هذا التعليق
شارك
Faro عضو جديد

Faro

بتاريخ:
بتاريخ:
امال انا ليه بشهق حتى لما بقلي بطاطس؟؟؟؟؟؟؟

علشان ماتتحرقش  :D  :D  :inlove:

الدين لله, المحبة سلام والتعصب خراب

الحياة فيلم لا يعاد عرضه

رابط هذا التعليق
شارك
بنت شعنونة عضو جديد

بنت شعنونة

بتاريخ:
  • كاتب الموضوع
بتاريخ:

المشكلة انها ما بتتحرقش

بس انا اللي بتحرررررررررق دايما من الزيت

كلللللللل مرة والله :D  :sneaky:  :nervous:  :nervous: لما كرهههههههههههت الزيييييييييييت

:(

وانا من البلد ديييييييييييي

رابط هذا التعليق
شارك
Faro عضو جديد

Faro

بتاريخ:
بتاريخ:

ياأخت شعنونة

جففي البطاطس قبل ماترميها فى الزيت وذلك بوضعها على فوطة / منشفة نظيفة . غير كده إستعملي زيت محرقات  :D   :D  :D  :inlove:

الدين لله, المحبة سلام والتعصب خراب

الحياة فيلم لا يعاد عرضه

رابط هذا التعليق
شارك
بنت شعنونة عضو جديد

بنت شعنونة

بتاريخ:
  • كاتب الموضوع
بتاريخ:

والله يا اخ فارو جربت كككككككككككل حاجا

بس تقولش يا خويا استقصاااااااااد

???

حاجا غريييييييبة فعلا

دا انا مرة اشتريت كبشة اااااااااااااااااااااااااااااااااااااااااد كدااااااااااااااااا

طويلة جداااااااااااااااااا

عشان البطاطس

وحطيت البطاطس عليها

ونزلتها في الطاسة

و زوووووووووووووو

طلعت اجري كماااااااااان

و والله اتلسسسسسسسسسسسسعت برضضضضضضضضضه

المنحوووووووووس منحوووووووووووووس

مافيش فايداااااااااااااااا

:(

وانا من البلد ديييييييييييي

رابط هذا التعليق
شارك
ســيد مرزوق عضو جديد

ســيد مرزوق

بتاريخ:
بتاريخ:

بسيطة ... يا أخت شعنونة

جربي تحطي البطاطس الأول في الطاسة وبعدييييييين .... تحطي عليها الزيت

وهي دي عايزة فقاقة !!!!!! إعكسي الحكاية مش هاتتلسعي

إسألي مجرب شاطر في الطبيخ :D  :D

ممنوع الرجوع للوراء

رابط هذا التعليق
شارك
متسائل عضو جديد

متسائل

بتاريخ:
بتاريخ:

أقترح تغيير عنوان الموضوع إلى: "حللنا البالية"  :D

{ فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا }

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

يا جماعه الخير خلوا بالكم ؛ البطاطس المقليه طلعت بتجيب سرطان ـ وقانا الله وإياكم منه بإذن الله ـ

بسبب أخطار البطاطس المقلية

دعوي قضائية ضد اثنين من أشهر المطاعم الأمريكية

لوس انجلوس ميليندا فولمير:

ابلغت منظمتان بيئيتان في ولاية كاليفورنيا الامريكية المدعي العام للولاية باعتزامهما رفع دعوي قضائية ضد شركات بيع البطاطس المحمرة في أمريكا وفقا للقانون رقم 65 لولاية كاليفورنيا والذي يلزم المنتجين بوضع تحذير للمستهلك من وجود مواد كيماوية سامة في منتجاتها.

تأمل المنظمتان ان يؤدي تحركهما الي تشجيع الولاية علي مناقشة هذه القضية وربما الانضمام اليهما في الدعوي القضائية ضد هذه الشركات.

تستهدف الجمعيتان شركتي مطاعم 'ماكدونالدز' و 'برجر كينج' باعتبارهما من اكبر منتجي المواد 'المقلية' التي تحتوي علي مادة 'الاكريلميد' التي يؤكد العلماء انها تسبب السرطان.

كانت دراسة حكومية سويدية قد اشارت الي ارتفاع نسبة 'الاكريلميد' في المواد 'المقلية' في درجات حرارة مرتفعة.

--------------------------------------------------------------------------------

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

من التقاليد المصريه العريقه التى أتمنى من كل قلبى أن نحافظ عليها ولايأتى اليوم التى توصم فيه بأنها باليه هو إرتباط طبخ الملوخيه بالأرانب البلدى لأن طبخها مع الفراخ مثلا تحايل على التقاليد العريقه التى ورثناها أبا عن جد ولأن الملوخيه لاتصبح ملوخيه إلا بعملها على مرقه الأرانب وحبذا لو كان ذلك فى يوم جمعه بعد الصلاه ؛ فى رحاب الحاجه ـ الوالده يعنى ـ أثناء مشاهده الشيخ الشعراوى فى الصاله وسماع طشششششششششش بتاعت رمى التقليه من المطبخ ثم إستنشاق عبيرها بعد أن يعبأ المكان ثم إلتهامها مع الأرانب مع الحاجه أثناء مشاهده مباراه كره

كلامكم عن الطبخ جرى ريقى وفكرنى بأكل أمى ؛ حقيقى صدق الشاعر الذى قال لايعرف الشوق إلا من يكابده ؛ ولايعرف الحنين لأكل الأم إلا من كابد الغربه  لسنوات طويله

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك
disappointed عضو جديد

disappointed

بتاريخ:
بتاريخ:

لا......لا......لا.....لا.......لا

التوبيك ده ريحته فاحت وفحفحت وشكلى كده حأركّب مدخنه وشفّاط فوق المونيتور

:D

عموما أقترح اضافة هذه الأيقونات للموقع طالما الموضوع دخل فى الفرن (قصدى دخل فى الجد)

هذه الحلّه مغلقه

يوجد لديك صباعين محشى ورق عنب فى صندوق الوارد

أضف بهارات الى هذه الرساله

تأكد من غلق الأنبوبه قبل الخروج من المنتدى

نأسف....لايمكنك المشاركه قبل دفع فاتورة الغاز

تنبيه هام......لن يتم قبول أى مشاركه حاف أو بدون لحمه بدءا من منتصف يوليو

تم نقل رسالتك الى قسم الحلويّات

الرجاء من روّاد المنتدى عدم تحويل النقاش الى سلطه

هذا الركن من المنتدى يتم ادارته بواسطة الشيف سى فوود

:D  :D  :cool:  :cool:

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
ســيد مرزوق عضو جديد

ســيد مرزوق

بتاريخ:
بتاريخ:

:D  :D  :D  :D  :D  :D  :D  :D

فطستني من الضحك يا أستاذ محبط

أمال لو ماكنتش محبط كنت عملت فينا إيه؟؟؟؟؟

إيه ياراجل التعليقات الظريفة دي ؟؟؟

والله ضحكت بصوت عالي وأنا قاعد لوحدي  ؟؟؟؟

مش معقول أبدا خفة الدم دي :D  :D  :D  :D

ممنوع الرجوع للوراء

رابط هذا التعليق
شارك
ســيد مرزوق عضو جديد

ســيد مرزوق

بتاريخ:
بتاريخ:

يا استاذ شرقية ... سامعني؟؟؟

جربت الملوخية بالجمبري؟؟؟؟

هاتنسى ساعتها الأرانب يا باشا !!!! لو متعرفهاش إسأل أي حد سواحلي عنها

وجربها ... وقولي إيه رأيك

أنا لسه واكلها من أسبوع ... حاجة تانية خالص

:D

ممنوع الرجوع للوراء

رابط هذا التعليق
شارك
Sharkiah عضو جديد

Sharkiah

بتاريخ:
بتاريخ:

كلتها مره عند أصدقاء إسكندرانيه ؛ برضه ولو الملوخيه بالأرانب هى البريمو هى الأصل هى النكهه الحقيقيه للملوخيه

هناك مقوله مشهوره عن أغان أم كلثوم ؛ إذا أردت أن تتكلثم فتسنبط ؛ يعنى إذا أردت الإستماع لفن أم كلثوم الحقيقى فإستمع لألحان رياض السنباطى ؛ وأنا بأقولك إذاأردت أن تتملخ فتأرنب ؛ صدقنى أنا تخصص ملوخيه

الله يجازى شيطانك يا محبط

والله يمسيكى باخير يا أمى

بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Scorpion
      16
      عاداتنا و تقاليدنا ... التي كانت
      المصريين هم من اكثر شعوب الأرض التصاقآ بعاداتهم و تقاليدهم ... و بالرغم من كثيرآ من تلك العادات و التقاليد قد اندثر تمامآ .. او ما بقي منه لا يحمل سوي لمحات بسيطة جدآ من اصوله و هو شيئآ أكثر من طبيعي مع التطور الخرافي الذي يحدث يومآ بعد الآخر .. بل في زمن يُحسب الآن بالساعات و الدقائق و ليس بالسنين و الشهور ... ربما كي نجد بعضآ من تلك العادات موجودآ حتي الآن علينا الأنتقال الي الصعيد .. فهناك حتي و لو تعد تلك العادات تحمل نفس "القداسة" التي كانت تحملها يوما ما ... و لكنها بصورة او بأخري نسطيع ا

      بواسطة Scorpion
      كُتب

×
×
  • أضف...