تقاليدنا البالية...

[disappointed]

يا استاذ شرقية ... سامعني؟؟؟

جربت الملوخية بالجمبري؟؟؟؟

هاتنسى ساعتها الأرانب يا باشا !!!! لو متعرفهاش إسأل أي حد سواحلي عنها

وجربها ... وقولي إيه رأيك 

أنا لسه واكلها من أسبوع ... حاجة تانية خالص

:D

يااخوانّا......حرااااام عليكم.......مش كده......ريقنا جرى

أنا بعد كده حأقعد على الكمبيوتر وأنا حاطط الفوطه على حجرى أحسن الملوخيّه تقع على البنطلون

ولو ان دلق الملوخيّه خير

 :D

[disappointed]

كلتها مره عند أصدقاء إسكندرانيه ؛ برضه ولو الملوخيه بالأرانب هى البريمو هى الأصل هى النكهه الحقيقيه للملوخيه

هناك مقوله مشهوره عن أغان أم كلثوم ؛ إذا أردت أن تتكلثم فتسنبط ؛ يعنى إذا أردت الإستماع لفن أم كلثوم الحقيقى فإستمع لألحان رياض السنباطى ؛ وأنا بأقولك إذاأردت أن تتملخ فتأرنب ؛ صدقنى أنا تخصص ملوخيه

الله يجازى شيطانك يا محبط

والله يمسيكى باخير يا أمى

مش قادر أمسك روحى من الضحك........حد يمسكها معايااااااا

:D  :D  :D

[disappointed]

انا مع الملوخية بالجمبرى

لا....لا....لا.....الموضوع كبر وابتدى يبقى فيه تحزّب

أنا بأقول نعمل استفتاء

:D  :D

[بنت شعنونة]

:0  :0  :0

لا مؤاخذة

انا بايني دخلت المطبخ والا ايه؟؟؟؟؟؟؟

حللللللل ايه وبطاطس ايه ورنجة اييييييييييه

"بتوحم على رنجة والله" ":(

وما لقيتش الا البطارخ بس

ها اموووووووووت

وملوخيييييييييةاييييييييييه

ياااااااع

???

مافيش احلى من البااااامية

لا يعلى عليها اصلا

هيا والمحشي ابو ورق عنب داااااااا

يمي يميييييييي

جوعتوووووووووني منكم لله

بس تعرفوا

اللي ياااااااااكل لوحده يزوووووووور

:D

اخ محبط مفروض كمان نزود التعلياقت دي

ممنوع الدخول لغير العاملين

المطبخ من هنا

ماتبصليش بعين رضية بص للي اتعمل فيا :D

طبخة اليوم

الموضوع مغلق لحين رفع الغدا

مغلق للعشاء

ههههههههههههههههههههههههههه

:D

[ســيد مرزوق]

حد يقول يااااااع ..... عالملوخية ؟؟؟؟؟؟

وعاجباكي البامية أوي ؟؟؟؟؟

خلاص هانسمي الموضوع ده ( تقاليدنا البامية ) إيه رأيك بقااااااااااااا؟؟؟

[Sharkiah]

لو سمحتى ياأخت شعنونه ؛ الغلط فى الملوخيه أنا بأعتبره غلط فى حقى أنا شخصيا ؛ ثم أتحداكى لو إن أحلى طبق دقيه باميه ـ ويكا يعنى ـ باللحمه الضانى تطال شعبيته أكثر من ثلاثون إلى أربعون فى المائه من شعبيه الملوخيه بالأرانب ـ البلدى يعنى ـ فلو سمحتى أرجو الإحتراز والتحفظ عند ذكر الملوخيه وعدم الحديث عنها إلا بكل خير

ثم لماذا الجدال وقد كفلنى الأخوه هنا مونه الدفاع عن الملوخيه ؛ فالملوخيه بحق عروس الخضروات وبرنسيسه الوجبات فيكفى ؛ كما ذكر الأخوه جميعا ؛ أنها الخضار الوحيد إللى ممكن طبخه مع

الأرانب

اللحمه

الفراخ

الجمبرى

هل يوجد أى خضار آخر على وجه المعموره شامل كامل وافى مكتسح كالملوخيه ؟

[disappointed]

الخلاصه

فى آخر هذا التوبيك......مين اللى حيلمّ السفره ومين اللى حيعلّق على الشاى؟؟؟؟؟؟؟

:angry:

وماتنسوش بس "تصبّنوا" ايديكم كويّس بعد كل مداخله

:sneaky2:

:)  :)  :inlove:  :inlove:

[Sharkiah]

بالله عليك يادكتور ؛ أنا لسه منتظر بشوق أن أسمع منك أكلتك المفضله ؛ وبعدين خدلك حبتين شجاعه زى إللى أنا أخدتهم وقولها صراحه ودوغرى إنها من إيد الوالده ليست قابله للمنافسه ؛ مع الإعتذار لزوجاتنا الأعزاء ولكن الكبير كبير

[بنت شعنونة]

يا عيني على الزوجاااااااااااات الغلابة

وبعدين برضه

:(  :0  :0

البامييييية تكسسسسسسسسسسب

باميييييييييييييية باميييييييييييية اووووه اووووه

:angry:

بس المحشي يضرب الملوخية اصلا

لأن المحشي الأكلة المفضلة عند الشعب المصري

هيا والحمااااام المحششي

يممممممممم يمممممممممم

:)

وحاضر الشاي عندي

اتفضلوا صبنوا ايديكم بجد

الشاشة اتعكت خالص عندي :inlove:

مين عايز يحلي :)  :)

[disappointed]

بالله عليك يادكتور ؛ أنا لسه منتظر بشوق أن أسمع منك أكلتك المفضله ؛ وبعدين خدلك حبتين شجاعه زى إللى أنا أخدتهم وقولها صراحه ودوغرى إنها من إيد الوالده ليست قابله للمنافسه ؛ مع الإعتذار لزوجاتنا الأعزاء ولكن الكبير كبير

ياسيدى الفاضل أنا أكلتى المفضّله هى الحمام المحشى وطاجن الجمبرى وصينيّة السمك النايجل وطبعا الملوخيّه (بس بأشربها ساده)...أما عن حبوب الشجاعه فصدّقنى حبوب الحكمه أفيد

:angry:

أنا عن نفسى عمرى مابأنسى آخذ الحبّه كل ليله

ولك أن تسمّيها حبوب منع المشاكل

:)

[disappointed]

لو سمحتى ياأخت شعنونه ؛ الغلط فى الملوخيه أنا بأعتبره غلط فى حقى أنا شخصيا ؛ ثم أتحداكى لو إن أحلى طبق دقيه باميه ـ ويكا يعنى ـ باللحمه الضانى تطال شعبيته أكثر من ثلاثون إلى أربعون فى المائه من شعبيه الملوخيه بالأرانب ـ البلدى يعنى ـ فلو سمحتى أرجو الإحتراز والتحفظ عند ذكر الملوخيه وعدم الحديث عنها إلا بكل خير

ثم لماذا الجدال وقد كفلنى الأخوه هنا مونه الدفاع عن الملوخيه ؛ فالملوخيه بحق عروس الخضروات وبرنسيسه الوجبات فيكفى ؛ كما ذكر الأخوه جميعا ؛ أنها الخضار الوحيد إللى ممكن طبخه مع

الأرانب

اللحمه

الفراخ

الجمبرى

هل يوجد أى خضار آخر على وجه المعموره شامل كامل وافى مكتسح كالملوخيه ؟

مسرحيّة : ملّخنى يا.........                                      

      ===============                                        

تأليف واخراج وبطولة : عاشق الملوخيّه / شرقيّه                    

===========================                      

المشهد الأول

========

يقوم شرقيّه فى هذه المسرحيّه بدور رجل الأعمال الّذى يقابل أحد رجال الأعمال الآخرين بالصدفه فى "لوبى" أحد الفنادق فيتم فتح موضوع صفقه جديده بينهما , ويختتم المشهد بهذا الحوار

شرقيّه : خلاص يا كزبره بيه.....ابقى عدّى عليّه فى مكتبى فى الشركه نشرب الملوخيّه ونكمّل كلامنا

كزبره: وهو كذلك يا شرقيّه بيه

========================================================

المشهد الثانى

==========

كزبره بيه موجود فى مكتب شرقيّه بيه ومعهما السكرتيره

شرقيّه : خلاص يا" مدام تقليّه" , روحى انتى وخللى الواد "سبانخ" يبعت لينا الملوخيّه وماتوصّليش تليفونات ليّا أو تخللى حد يدخل علينا

مدام تقليّه : حاضر يا أفندم......كزبره بيه ملوخيّته ايه؟؟؟؟؟

كزبره : ساده

مدام تقليّه : عندنا أرانب محوّجه وجمبرى برازيلى

كزبره : أنا مش عايز أزعّل شرقيّه بيه .....بس أنا بأشربها ساده

مدام تقليّه : تأمر يا أفندم

=========================================================

المشهد الثالث

==========

شرقيّه يطالع تحرّكات "سبانخ" فى بوفيه الشركه عبر المونيتور الموضوع أمامه على المكتب

كزبره : ايه ده يا شرقيّه بيه.....انت بتراقب موظّفينك وتتجسس عليهم بالكاميرات؟؟؟؟؟

شرقيّه : لا......أنا بس بأتأكّد ان "سبانخ" بيشهق وهوّه بيعمل الملوخيّه

كزبره : نتكلّم فى الشغل..........شحنة الملوخيّه البودره دى حتكسّر السوق

شرقيّه : وبكده.....نكون احتكرنا جميع أصناف وأشكال تجارة الملوخيّه فى البلد خصوصا بعد شحنة الملوخيّه الــ" تـانـج" اللى جبتها الشهر اللى فات

قال شرقيّه هذه الكلمات وهو ينظر بهيام الى صورة مخرطة الملوخيّه الموضوعه فى برواز أمامه على مكتبه

                                    (ستاره)      

                                           تصفيق حاد  

   :angry:  :)  :)  :)

[molham]

:angry:  :)  :colgate:

بجد يا دكتور وليد انتا موهوب فى الكتابة الساخرة

لية ماتكتبش قصة وسيناريو لمسلسلات  او افلام اجتماعية

وتريحنا من الناس اللى بتكتب اعمال بايخة ومسلسلات كئيبة

[Mohammad Abouzied]

ياتري يا جماعة لو واحد فيكم خريج جامعة حلوان وكان عضو في اللجنة الاجتماعية

يفتكر معاي أغنية

معصور على الفول الحلو لمون  ،،،،،  واموت انا أموت انا في الكمون

أنا مش فاكر الاغنية دي كانت بمناسبة ايه لكن كنا بنغنيها في المعسكرات قبل الفطار

أعتقد انها كانت أغنية عاطفية في حب الفول

لا تقولي ملوخية ولا تقولي بامية

[ســيد مرزوق]

بلا ملوخية بلا بامية

حد فيكم عارف البصارة بتتعمل إزاي؟؟؟؟؟؟

[بنت شعنونة]

سيداتي سادتي

ومن "مطبخ" الوفد نستكمل حوارنا الشيق

"تقاليدنا الباااامية"

وتدخل عدسة التلفزيون كما تشاهدون اعزائي الى داخل المطبخ

على اليمين الأستاذ سيد "غطسان" في حلة الملوخية و الأرنب جواها

وهاتك يا شرب في الملوخية

مش كدا يا سييييييد واحدا واحدا ماحدش ها يكل معااك :angry:

وعلى الشمال تروون الأستاذ محبط والشيشة جنبه وقدامه على الترابيزة طبقى الحمام المحشي "ابو ريشه" وماشاء الله الأستاذ محبط كل الحمام حتى ريشها

على وزن اكلت السمكة حتى ذيلها يعني :colgate:  :)

وفجاة يخل المطبخ الأستاذ شرقية مهرولا

وعينين بتطق شرار على حلة الملوخية اللي استفرد بيها اخونا سيد

وطبعا شعنونة ماسكا كوز الدرة وفرحانا قوي عمالة تتفرج

عشان الريجيم بعيد عنكم :xmas:  :th:

وفجاة تقوم معركة ضارية

يطير فيها ورك الأرنب

وسنان الأستاذ سيد

وعين نونا الشعنونة يا عيني

يالهوي عليا ما لحقتش اتهنى بكوز الدرة

ولا القلالالالالالالالالالاحة حتىىىىىىى

:colgate:  :colgate:

[Mohammad Abouzied]

شفتي وصلتي المنتدى لايه

بقت خناقة على كوز درة

على فكرة في بلدنا بالصعيد

قامت خناقة على فحل بصل

مات على أثرها 8 أفراد ولسة فيه قضية الثأر حتى الان

ما رئيكم في قضية الثأر

وأن كنت أنا راجل دارس ومتعلم وزي بيقولو مثقف ألا أن لي نظرة فيها

وبغض النظر لحكم الدين بالقصاص من القاتل الا أن الثأر يختلف لأنه يأخذ الثأر من شخص يوازي في الاهمية الى قتل وليس بالضرورة يكون القاتل نفسة

ودي فلسفة صعايدة

لأن ممكن أي واحد يدفع واحد ملوش لزمة ويقوله أقتل فلان وأنا متكفل بالصرف على أولادك طول سجنك

أو حتى لو حكمو عليك بالاعدام العملية ممكن يكون فيها أستئناف

فلو عرف هذا المحرض أنه لو قتل فلان سوف يقتل هو سوف تكون رادع له

وده منطق معقول ولكني لا أويده طبعا

فما هو رئيكم اليس هذا من عادتا البالية يا أخت شعنونه

[ســيد مرزوق]

أنا أؤيد الأخذ بالثار من القاتل ولكن بأيدي الحكومة وحسب القانون والشريعة

أما أن يأخذ الفرد ثأره بيده فهذه جريمة جديدة تستوجب العقاب الردع

فالملاحظ أنه في حكاية الثأر تلك أنه قد يتم قتل إنسان بريء ليس له ذنب ولم يقتل أحدا بدعوى حرق قلب أهل القاتل

فليستبدل الثأر بالقصاص وحسب الشرع والقانون وعلنا وبلا رحمة حتى يتحقق الردع

[Mohammad Abouzied]

يا أخ سيد القاتل بيجاهر بقتله

لانه بيعتبره شرف

وفي عملية الثأر معروف مين القاتل ومين المقتول مقدما

مفيش حاجة تتم كده ولا يبقاش ثأر

والسؤال هنا

هل اعتبار المسؤل عن القتل هو الاولى يقتل أم القاتل الفعلي

يعني القرار العائلي بيتخذ من كبير العائلة ويرشحو فيه واحد يأخذ الثأر

هذا الشخص مش بالضرورة يكون هو الذي يأخذ منه الثأر بل كبير العائلة الذي قرر ترشيحه لأخذ الثأر

وبعبارة أخري الثأر يأخذ من كبيرهم وليس من القاتل الفعلي

وأذا كان كبيرهم لا يكفي ممكن من كبيرهم ومعاه شخص أخر

ياريت الاخت شعنونه تقول حاجة ولا خايفة وعليها ثأر

[ســيد مرزوق]

المحرض شريك في الجريمة كالقاتل تماما ويجب أن يلقى نفس العقاب

وموضوع التار هذا موضوع أزلي ولا أعتقد أنه ممكن حله بسهولة لأنه من الموروثات والعادات التي وصلت لدرجة العقيدة عند معظم الصعايدة

حتى المتعلمين والمثقفين منهم

تجدهم بينهم وبين أنفسهم غير مقتنعين ولكنه لايستطيعون المجاهرة بذلك خوفا من الإتهام بالرخاوة وما إلى ذلك

ربنا يهدي العاصي

[بنت شعنونة]

:0  :0

ايه دااااااااا

انتوا خلصتوا ع الغدا

وربعتم في الصالون

وكماااااااان بتتكلموا في الثأر؟؟؟؟؟؟؟

الا والنبي هوا بداية الموضوع كان ايه؟؟؟؟ :blush:

احسن انا نسسسسسسسسسسييييييييييييت

ربنا ع المفترررررري

:blush: