تقاليدنا البالية...

[MuslimaEgyptian]

كل انسان حر ان لم يضر

لى تحفظ على هذه الجمله يا اخ ابو زيد مع احترامى لك...فلسنا أحرار كليا...

وتعليق السبحة حاجة عادية جدا ممكن الانسان عمله يتطلب الخروج وقت الصلاة وبالتالي يضطر يخل المسجد في الطريق للصلاة فأضل شي عنده يكون معلق سبحة في السيارة

احتمال...قد يكون فى السعوديه عند حضرتك..ولكننا نتكلم عن عادات مصر الباليه

افتظن فعلا ان كل من يعلق السبحه يفعل ذلك بنيه إستخدامها؟ ولكن يلا...الحمدلله..فربما يتخطى طريقهم درس عن فضل الإستذكار ووقتها،  ستكون السبحه جاهزه

وتحت الطلب ;)

انما انا اتحدى ان كانت السبحة دي بتتشال من مكانها اصلا!!

هذا بالضبط ما عنيته يا اخت شانا....ففقط انتقد تقليد شئ عميانى... بدون معنى او فقه لما يعنيه هذا الفعل...

[amr2003]

أعتقد أنكي مخطئة تماما بشأن موضوع وقوف البنات مع الولاد ، وأعتقد أنني سأعد لهذا موضوعا خاصا إن شاء الله ، فانتظروه قريبا ، وإن كنت أنصح بقراءة وسماع أشرطة وكتب الأستاذ عمرو خالد في هذا الموضوع

فهو إنسان كلنا نحبه ونعترف له بعلمه وقربه إلى قلوبنا وسهولة إسلوبه ، فأعتقد أننا سنقتنع بكلامه إن شاء الله ، أما بخصوص عمل الخريجيين فأنا أتفق معكي تماما في أن الخريج إذا لم يجد العمل المناسب له فإنه ليس عيبا ولا حراما أن يعمل في أي مهنة ، بل إن العكس هو الصحيح ، فإذا جلس في بيته يلهو ويلعب ويضيع حياته دون عمل فهذا هو الإهمال بعينه

[أمل]

hgsالسلام عليكم ورحمة الله وبركاته

موضوع رائع حقا ولكن بنت شعنونة ..

اسلوب كتابتك بالعامية مفتعل الى اقصى درجة

بتخليني اشك انك مصرية .. مش عارفة ليه حاسة

انك بتحاولي تتفزلكي بالعامية المصرية عشان تعريفنا انك بتعرفي تتكلمي مصري ..

[بنت شعنونة]

امل

اكرمك الله ياستي

عموما

طيب ???  :bored:

[بنت شعنونة]

عارفا انه موضوع قديم...

بس افتكرته وها اقولكم ليه :lol: :roll: :lol: :lol:

بعيد عنكم انا عزلت..

ومن يجي 3 ايام وانا كل يوم الاقي عربية نص نقل بمكرفون ااااااااد كدا ماشيا في الشوراع

وراجل حاطط المايكروفون في زوره وعمال يزعق.....

توفي الى رحمة الله الحاج فلان الفلاني.. اخو كل من علان العلاني وقريب كل من فلانة الفلانية؟؟؟؟؟

:shock: :shock: :shock: :shock:

وهاتك يا منادية؟

المهم سألت

قالولي انه دي عادة قديمة عندنا

بس ما فهمتش سببها ايه ولا حتى فايدتها ايييييييه اصلا؟؟؟؟

بيلموا ناس يعني؟؟؟؟ :lol: :lol:

زيها برضه زي انك تقفل شارع عشان ميتم وتحط سمعات تسمع الكوكب

والناس اللي في الشارع تقعد تدعي على الميت الف الف مرة من الصداااااااااااع :twisted: :twisted:

[kokowawa1979]

الكتورة شعنونة كتبت :

وهاتك يا منادية؟ 

المهم سألت 

قالولي انه دي عادة قديمة عندنا 

بس ما فهمتش سببها ايه ولا حتى فايدتها ايييييييه اصلا؟؟؟؟

الموضوع إنها أرخص وسيلة لنشر النعي يادكتورة وأفضل من نشر النعى في الأهرام على 25 عمود :) :)

[Lancelot]

شعنونة .. شكرا علي إنك بدأت الموضوع ده و شكرا علي إنك فتحتيه تاني ......

فعلا فيه تقاليد كتير أوي مش عارفين هي بدأت إزاي أو إيه الهدف منها بالضبط لكن هي تقاليد " لازم " نحترمها و ننفذها بالحرف بدون التفكير في فحواها أو جدواها .....

لكن وراء كتير من التقاليد فيه حاجة خطيرة جدا بنتصف بيها بدون أن ندري ...... و هي الإزدواجية في الحكم علي الأشياء ..... أمثلة .... لما أشوف بنت واقفة في الشارع مع ولاد تبقي مش محترمة و و و ... أما البنت اللي بأقف أنا معاها فهي بنت ناس أوي و نعم التربية و التعليم ..... و نفس الكلام ينطبق علي البنت و الولد ... البنت حرام تعرف ولاد أما الواد فلازم " يتلحلح " و يعرف كام بنت كده علشان يبقي واد "بتاع بنات" و "مقطع السمك و ديلها" متقولش الواد هيطلع يشتغل في حلقة السمك ....

كمان التار .... حرام إن حد يقتل واحد من العيلة أما لما إحنا نرد "القتل" يبقي حلال و قصاص و فرض و رخصة واخدنها من ربنا .... إنتوا بتتكلموا في التفاصيل و إنها مقنعة و ناسيين إن ده قتل يا جماعة .... قتل .... يعني إنهاء لحياة إنسان ... و حزن و حسرة لأهله ... و مراته تبقي أرملة و ولاده يبقوا أيتام .... القتل مش ممكن يبقي "مقنع" أبدا ... ربنا ما قالش كده أبدا ......

كمان إزدواجية في تصرفاتنا ... الواحد تلاقيه شخص محترم و نضيف جدا و بيته و عربيته في منتهي النضافة و متعلم و كل حاجة .. و بيرمي ورقة في الشارع :twisted: :twisted: :twisted: ... أنا وصفته بكل الصفات ديه علشان أبين حجم الجرم اللي هو بيعمله ... لأن عارف و فاهم إن اللي بيعمله ده غلط غلط غلط ....

في الجواز بقه الإزدواجية واضحة جدا .... الأب لما يروح يخطب لابنه النهارده يستغلي كل طلبات أبو العروسة ... و بكره لما يجي واحد يطلب بنته .... يطلب الطاق طاقين ... و لما تقوله حرام عليك ليه كده ... يقولك إيييييييييه مش بأمن لها مستقبلها ....

يا جماعة ........

حب لأخيك ما تحب لنفسك

صدقت يا رسول الله – صلي الله عليه و سلم –

لو كل واحد طبق الحديث ده الناس هتستريح أوووووووووووووووووووووووووووووووي......

[بنت شعنونة]

ومن تقاليدنا البالية ايضا

واظن اننا واخدينها من الفرااااااااعنة :)

الكررررااااااااااكييييييييب

يالهوي

؟؟

دا احنا بنعز الكراكيب بشكل؟؟؟؟؟؟؟؟

لدرجة انه ما فيش بيت الا وفيه صندرة او مكان مخصص للكراكيب ان ماكنش غرفة على شكل مخزن صغير

وتلاقي فيييييييييه ما هب ودب من ايام سيدنا ادم الى يومنا هذا :) :lol: :lol: :)

وتلاقي فيه حاجات عجب والله :)

اشي جزم قديمة؟ اشي شنط اثرية؟ اشي نظارات من ايام الهكسوس؟؟؟؟؟

ومش بعيد كمان تلاقي الات كهربائية عطلانة او انقرضت

لالالالالالالالالالا

والله البيوت المصرية دي متااااااااااحف

بجد بجد احنا نعز الكراكيب جدا؟؟؟؟؟؟؟

مش عارفا ليه؟؟؟؟؟ :twisted: :twisted:

وكله كوووووووووووووم

وان الأم تشتري لبنتها عفشها دا كوووووووم تاني

تلاقي البنت عندها سنتين وامها عمالة تشتريلها في صيني على سجاد على هدوم؟؟؟؟؟؟؟؟؟؟؟؟

يا لهوووووووووووووويييييييييييي

طب ما تسيبوا البنت تجيب هيا لما تكبر اللي هيا عاوزاه؟

لا

والأفظع من دا ان البنت اول ما تكبر وتفهم

تبدا هيا كمان تجيب وتكوم معاهم؟؟؟؟؟؟؟؟؟

لالالالالالالالالالالالالا

دي حاجات تنرفززززززز بجد :twisted: :twisted: :twisted:

[Lancelot]

واظن اننا واخدينها من الفرااااااااعنة

و يا تري ما هو سبب الظن يا دكتورة ......

لا أعتقد إن زاهي حواس ذكر شئ عن هذا الموضوع..... :)

[hope]

ومن يجي 3 ايام وانا كل يوم الاقي عربية نص نقل بمكرفون ااااااااد كدا ماشيا في الشوراع 

وراجل حاطط المايكروفون في زوره وعمال يزعق..... 

توفي الى رحمة الله الحاج فلان الفلاني.. اخو كل من علان العلاني وقريب كل من فلانة الفلانية؟؟؟؟؟ 

   

فعلا التلوث السمعى والضوضاء من أسو عادات شعبنا العظيم وباحلم باليو م اللى يتم فيه التخلص من هذة العادة .

فقد كنت اسكن فى مصر فى احد الاحياء التى تعتبر راقية واليكم مسلسل الضوضاء اليومى

#كلاكسات السيارات التى تستعمل بصورة مفرطة فى مصر والاخوة المغتربون يعرفون ان كلاكس السيارة فى اى بلد اوروبى او عربى لايستعمل اطلاقا او يستعمل فى اضيق الحدود وتستخدم الاضاءة للتنبيه.

#الباعة الجائلين ومناداتهم للبضاعة بالميكرفونات بصوت عالى للغاية

والباعة الجائلين يشملوا:

1-بائعى الخضار وهؤلاء عملهم طوال العام

2-بائعى الفواكهة حسب المواسم ففى الصيف يمر بائعى التين والبطيخ ... وكل على حدة

3-بائعى الذرة المشوى والبطاطا ايضا ينادون باعلى اصواتهم

4-بائع سمك يمر مرة اسبوعيا

5-بائعيين سجاد (اه والله سجاد) يتجولون بصفة غير منتظمة

6-فى الماضى بائعى الانابيب والحمدلله الغاز الطبيعى رحمنا من مناداتهم وضربهم على الانابيب.

........

#

ولست متذكرة بقية مصادر الضوضاء

فلو تخلصنا من هذة العادات السيئة أعتقد ان بلادنا سوف تظهر بصورة أكثر رقيا

[الطفشان]

واظن اننا واخدينها من الفرااااااااعنة

و يا تري ما هو سبب الظن يا دكتورة ......

لا أعتقد إن زاهي حواس ذكر شئ عن هذا الموضوع..... :D

ازاي؟

دة حتى في بردية الطفشان، مذكور الصناديق و الكراتين و قزايز العصير الفاضية تتحط في البلكونة!

و في بردية طفطش، التحنيط هو الرغبة في وضع جسد المتوفي في الصندرة، بس الكهنة عايزين قلوس فقالوا نعمل مدفن!

:D :D :D

[kokowawa1979]

الشعنونة كتبت :

وكله كوووووووووووووم

وان الأم تشتري لبنتها عفشها دا كوووووووم تاني

تلاقي البنت عندها سنتين وامها عمالة تشتريلها في صيني على سجاد على هدوم؟؟؟؟؟؟؟؟؟؟؟؟

يا لهوووووووووووووويييييييييييي

طب ما تسيبوا البنت تجيب هيا لما تكبر اللي هيا عاوزاه؟

ياسلام يادكتورة شعنن جبت المفيد لإن دي عادة سيئة خاصة في الستات اللي بيعيشوا في الخليج مع أزواجهم تلاقي الواحدة من دول نازلة شرا بمجرد إن السونار يقولها إنها حامل في بنت وياراجل ماحدش عارف الظروف تحاولي تفهميها ماحدش ضامن عمره ويمكن البنت اللي احنا بنكوم لها ولاقدر الله تموت :? مفيش فايدة يادكتورة إلا ولابد الهدوم يجيلها العتة ( حشرة) وتاكلها أو السجاد ينتن من الركنة وصوفته تتاكل والأواني تتكسر ماهي مستانية 30 سنة علشان البنت تتجوز !!!! ويمكن بعد ده كله يكون نصيب البنت إنها تعنس لإننا فولنا عليها من الأول !!!! :D :D :D :D :lol:

[kokowawa1979]

واللي بيجنن الواحد أكتر يا اخوانا من أحد العادات الباية هي وقوف أحد الشباب في وسط الشارع بعربيته وهات ياكلاكس على طول !!! إييييييه ياعم فيه إيه يتنطع ويقولك معلهش أصل بانده على صاحبي ميمي اللي في آخر الشارع طب يافندي ماتوصل لحد بيته وخبط على شقته وانده له زي مانت عايز !! لأ إزاي؟ أمال يقلق مضاجع الشارع كله إزاي مايهموش واحد مريض واللا واحد جاي تعبان من الشغل وعايز يريح شوية لأ ده مش في دماغه لأنه مصاب باللا مبالاه المزمنة !!!!!

والألعن يعلي صوت الاستيريو في السيارة اللي ماما جايبهاله ويسمع الشارع كله اللي على مزاج سوسو أفندي مش كفاية أنكل صفوت بيفرض على الناس ذوقه في التليفزيون لأ ييجي سوسو أفندي ويفرض على الشارع كله اللي هو عايز يسمعه وبس

أوفففففففففففففففففف :mad: :mad: :mad: :mad:

[Lancelot]

هـ هـ هـ ... لحظة واحدة أخد نفسي يا جماعة ... أصلي لسه جاي من المتحف المصري ... و فعلا تم التأكد من كل ما قاله الأخ الطفشان .... أنا سألت الوزير أمنحتب ذات نفسه ... و قالي إن من كتر الكراكيب اللي كانت عندهم باباه حتب إشتري بيت في الساحل الشمالي يحط فيه الكراكيب ...

بنت شعنونة كتبت

وان الأم تشتري لبنتها عفشها دا كوووووووم تاني

تلاقي البنت عندها سنتين وامها عمالة تشتريلها في صيني على سجاد على هدوم؟؟؟؟؟؟؟؟؟؟؟؟

لا يا شعنن ... اللي يخنق أكتر :mad: :mad: :twisted: :twisted: اللي بتشيل فستان الفرح لبنتها و لا حفيدتها .... و رأسها و ألف سيف إن البت لازم تلبسه ... تقول لها يا تيته ده موضته قدمت أوي ... تزعل و تضرب بوز شبرين ...

كوكوواوا كتب

واللي بيجنن الواحد أكتر يا اخوانا من أحد العادات الباية هي وقوف أحد الشباب في وسط الشارع بعربيته وهات ياكلاكس على طول

ما هو يا كوكوواوا لو عملنا بالحديث " حب لأخيك ما تحب لنفسك " و كل واحد فكر في إن الحاجة اللي هو بيعملها بتضايقه هو شخصيا ... هيتراجع عنها و الناس هتستريح أوي .....

[MuslimaEgyptian]

الله يمسيها بالخير شعنونه، الواحد بيفتكرها وبيفتكر الموضوع لما بيصادف عادات باليه، نسأل الله ان تكون بخير فى غربتها.

كنا قريبا نزور أصدقاء لنا، وكنا قد أخذنا معنا حلوى ما..وإبتسمت إبتسامه مستتره عندما شاركوا مع جميع الحضور الحلوى التى أحضرناها..وهو عاده ما يحدث هنا..لأننى تذكرت كيف بمصر انك لا يمكن إطلاقا أن ترى او تتوقع أن تذوق التورته او الجاتوه الذى أحضرته mfb:...فبمجرد خطو الخطوه الأولى الى داخل منزل الأصدقاء او بعض الاقارب والحلوى تختفى الى الأبد gt:

هو طبعا معروف إنه ذوقيا لا يشارك أهل البيت بالحلوى التى يحضرها الضيف علشان "عيب يقولوا إيه، مستنيينا نعزمهم من حلوياتهم؟ إزاى دى تيجى" rs:

إيه رأيكم، رد فعل حضارى وذوقى ولا عاده باليه؟

هممم...إوعى يكون العاده دى بتحصل مع عائلتى فقط :) :unsure:

طمنونى يا جماعه mf(:)

[فــيــروز]

إيه رأيكم، رد فعل حضارى وذوقى ولا عاده باليه؟

هممم...إوعى يكون العاده دى بتحصل مع عائلتى فقط 

طمنونى يا جماعه

لا عادى خالص :o

بتحصل عندنا بردو

بس على مستوى عائلى يعنى :)

يعنى مثلا يكون فيه اجتماع عائلى بمناسبة عيد الام او بمناسبة الذكرى السنويه لجدتى مثلا :)

نتفق اننا سنجتمع فى بيت واحد و نشترى الجاتوه و الحلويات ولو وجد اى من الحاضرين انه سيضطر للانصراف مبكرا عن الباقين لا غضاضه انه يطالب بافتتاح الجاتوه مبكرا قبل الانصراف rs:

لكن لو تخيلنا ان عندنا ضيوف لا نعرفهم بصوره وثيقه

وقدمنا لهم لوحدهم من الحلوى التى احضروها

وفضلنا احنا من غير حلوى mfb:

او جبنا حلوى تانيه غير بتاعة الضيوف

وجينا نوزع بقى نبص الاول للضيف نشوفه من عندنا ولا فرد من الاسره عشان نديله نصيبه :unsure:

يبقى موقف كوميدى جدا

ولو حصل لخبطه بقى يبقى فيه مرتجع وتبديلات ax:

او اننا نفضل من غير حلويات خالص قوم الضيوف نفسهم تتسد اما يلاقونا قاعدين ايدينا فاضيه وبقنا لا يتحرك باى حلوى ومبحلقين فيهم gt: بينما هم منشغلون بحلواهم و هيبقى موقف محرج ليهم rs:

اما منظررر mf(

تم تعديل 13 أبريل 2004 بواسطة فــيــروز

[disappointed]

فكّرتينى يا مسلمه إيجيبشيان بموقف محرج جدا حدث لى و لزوجتى منذ عدة أشهر

رحنا زرنا أسرة صديقه (مالهاش صلة قرابة بــ"نيران صديقة"... تشابه أسماء يعنى gt: ).... و كانت أول زيارة ليهم فى منزلهم الجديد.... أخذنا معانا تورتة..... وغلطت أنا غلطة لا تغتفر.... خلّيت بنتى (كان عندها 3 سنين و نصف ساعتها.....قوووولى داخله على 4 سنين) تختار التورتة.....شاورت ليها من وراء القزاز ...و.... هاااااا....دى والاّ دى والاّ دى؟؟؟؟ ......فـــــ... إختارت

بس

طول ما إحنا قاعدين عند الناس تسأل فين التورتة و أنا أحط إيدى على بقّها

و

و

و

مهرجان على السلّم و إحنا ماشيين...... وتعااااايييييييييط..... عايزة التورتة بتاعتى

يا بنتى إمشى الله يهديكى حنروح نجيب ليكى واحدة أختها دلوقتى حالا...... مافيش فايده

حاجه تكسف :)

(اللذيذ فى الموضوع بقى إننا فعلا رحنا جبنا ليها تورتة قبل ما نروّح.... بس ثانى يوم بعد ما رجعت من الشغل لقيتها جايّه تقول لى بدون أى مقدّمات :

بعد كده لمّا تخلّينى أحتار - يعنى : أختار- حاجه ما تدّيهاش لحد.... إنت فاهم؟؟؟)

:unsure: rs: mf( mfb:

[se_ Elsyed]

ومحبيط كتب

فكّرتينى يا مسلمه إيجيبشيان بموقف محرج جدا

الموقف المحرج الحقيقي هو اللي إنت فيه دلوقت يا سي وليد .. فهل بلغت فيروز درجة من الرُفع أنك مابقتش شايفها ...

وبعدين مسلمه مابتحبش الجاتوه وبتاكل أم علي بس ...

نــــــــــيروز بالنيابة عن موحبيط وبالأصالة عن نفسي بأعتذرلك ولو سمحت إقبلي حزمة الورد دي من الإدارة rs: rs: rs: rs:

قلت لك يا موحبيط مراراً وتكراراً إبقى دقق في الأسامي يا أخي وشوف إنت بترد على مين ..

أستغفر الله العظيم يا رب ... يالله مالناش دعوة بالناس ..

س س مشرف وموقعاتي بعد الضهر

[فــيــروز]

تشكر يا ذوء على الورد الحلو ده بتاع الاداره :D

هات كده rs:

وبعد ما اخدت حزمة الورد وركنتها فى مأمن rs:

اعتقد ان موحبيط كان يقصد مسلمه فعلا ومايقصدنيش انا :P

انا ماقلتش اى مواقف وطرائف rs:

ده كان مجرد تخيل لما يمكن ان يحدث لو جه عندنا ضيوف و اكلوا لوحدهم من الحلويات اللى جابوها et:(

على العموم متشكرين على الورد mc: بس يا ريت المره اللى جايه يكون اصفريكا عشان انا احب الورد الاصفر rs:

[بنت شعنونة]

من التقاليد اللي اتكعبلت فيها من كام يوم وكان عمري ما شفته قبل كدا

السبوووووووووووووووووووع

جارنا ربنا يكرمه جاب بيبي وعمله سبوع

وجاااااااااب دي جي بقى ومزيييييييييكة على اعلى صووووووووووت وفجأة توقفت المزيكا عشان اسمع صوت هووووووون

وتن تن تننننننننن

وبعدين اسمع ^&%$%^$%^$$%#$%#$

كلام بس عشان مش باين هوا ايه

تن تن تن

&*^&*^^%%$%$#$%#

تن تن تن %^$%$%$%$%

وهوبا

هيييييييييييييييييييييييييييييييييييييييييييييييييهههه

ب اعلى صوووووووووووووت

وزغاريط وبتاع

بس ليه بنعمل سبوع؟

واشمعنى لالالالالالالالالازم يكون اليوم السابع؟

هل فيه لعنة معينة مثلا؟ :ph34r:

وليه الهون بندقه؟؟؟؟؟؟؟

واشمعن الحمممممممممممص في السبووووووووووع اصلا؟؟؟؟؟؟؟؟؟؟

من تقاليدنا العجب كمان

اشمعنى بناكل سمك يوم الجمعه بالذات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :o

ها اموووووووووووووت الاقي رد للموضوع دا خصووووووووووصيييييييييييييييييي :unsure: