الفرخة البخيلة

[صفاء]

انتى يا فرخة يا إيحة يا رمة

يا نصابة يا عديمة الذمة

بيضك كش ولحمك قش

آه يا غشاشة بمليون وش

حتى الشوربة بتاعتك مش

سعرك غالى والجيب خالى

نفسى ألاقى حل مثالى

باحلم بفرخة بنت حلال

سعرها لقطة و عال العال

ان كاكت .. كاكتها تجلجل

وان باضت .. بيضتها تأكل

مش فرخة غاوية الاستعباط

وتبيض بيضة تجيب احباط

لومرة حبيت تسلقها

لا تلقى صفار و لا حتى بياض

انا فكرت فى حل يكبر حجم البيضة مهما يكون

والحل هو حتة حقنة مليانة شوية سليكون

والفكرة جت من نانسى و هيفا و روبى وبوسى ولوسى كمان

هانجرب فى الفرخة اهو يمكن البيضة تكبر و تبان

مش بالذمة فكرة عظيمة

ولا حتى فـ أفلام السيما ؟

صفاء عبد الحميد

" ان شاء الله هاتتنشر عن قريب "

[Dr.Diaa]

جميلة ، و ماتوديش السجن :blink:

[bentmasria]

:blink: :) :D :D

تحفة يا صفاء ربنا يسعدك

بيضة سليكون وكولاجين كريم وكمان النفخ بقى باحدث التقنيات

تبقى البيضة عليها القيمة

تملأ البطن دى قيمة وسيما

ونطهرها من الفيروس

ياناس بلا هم دى عيشه ............تغم

فعلا سكر

بالتوفيق يارب

حنقراها فى جرنال ايه؟؟؟؟

[Alshiekh]

ممكن سؤال فى سرك كده علشان ماحدش ياخد باله

الفرخة دى تبع مين ، وياترى متسرطنة والا ؟؟؟؟؟؟؟؟؟؟؟ ماتخافيش مش حاقول لحد.

بس تعرفى انا جت لى فكرة جميلة ممكن تحل مشكلة الفراخ نوهائى

انتوا عارفين ان احنا عندنا استراحات وقصور فى كل انحاء المحروسة،

وكل استراحة والا قصر من دول ليها جنينة كبيــــــــــــــــــــــــــــــــــــــــــــــــــــــــرة تبرطع فيها الخيل ، فالفكرة بتاعتى انه لو عملنا عشش فراخ فى القصور والاستراحات دى ونربى فيها فراخ وارانب ، ويبقوا يشيلوها لما ييجة ميعاد الزيارة وبعدين يرجعوها تانى بع الزيارة ماتخلص ، متهيأ لى حانعمل اكتفاء ذاتى ونصدر كمان ، واهى برضه ياصفاء احسن من السليكون اللى ممكن يسرطنا اكتر ماحنا متسرطنيين.

عموما الفرخة بتاعتك دى ممكن تقولى اللى انتى عايزة تقول عليها ، طلعت والا نزلت ، أهى فرخة مش حاتودى لاالشمس ولا ورا الشمس .

أما حكاية هايفه وتافهة والجماعة دول ، الحمد لله لابشوفهم ولابعرفهم ، الحمد لله على النعمة دى

وياريت النشر يكون فى جريدة من اللى بيطلعوا على النت علشان نعرف نقراها بره

[صفاء]

جميلة ، و ماتوديش السجن :rolleyes:

<{POST_SNAPBACK}>

أخويا ابن امى وابويا

متخافش عليا ... ومش هاجيب سيرتك ... دناختك

ومتقولليش دناختك مين

[صفاء]

:rolleyes:  :blush:  :sad:  :wub:

فعلا سكر

بالتوفيق يارب

حنقراها فى جرنال ايه؟؟؟؟

<{POST_SNAPBACK}>

الله يسكرك يا فندم :wub:

وده سؤال بردو !!!

أكيد فى جريدة تبع حزب وداد ;)

اما تنزل هاقولكم

[الرافعي]

يعني يا صفاء تكتبي عن الفراخ، وتنسي اللحمة وكار اللحمة برضه ؟؟؟ ما كانش العشا

[وليد صفوت]

يعني يا صفاء تكتبي عن الفراخ، وتنسي اللحمة وكار اللحمة برضه ؟؟؟ ما كانش العشا

<{POST_SNAPBACK}>

العشا فراخ إن شاء الله :rolleyes:

:sad: جميلة يا صفاء ربنا يوفقك يا رب :blush:

[صفاء]

ممكن سؤال فى سرك كده علشان ماحدش ياخد باله

بس تعرفى انا جت لى فكرة جميلة ممكن تحل مشكلة الفراخ نوهائى

انتوا عارفين ان احنا عندنا استراحات وقصور فى كل انحاء المحروسة،

وكل استراحة والا قصر من دول ليها جنينة كبيــــــــــــــــــــــــــــــــــــــــــــــــــــــــرة تبرطع فيها الخيل ، فالفكرة بتاعتى انه لو  عملنا عشش فراخ فى القصور والاستراحات دى ونربى فيها فراخ وارانب ، ويبقوا يشيلوها لما ييجة ميعاد الزيارة وبعدين يرجعوها تانى بع الزيارة ماتخلص ، متهيأ لى حانعمل اكتفاء ذاتى ونصدر كمان ، واهى برضه ياصفاء احسن من السليكون اللى ممكن يسرطنا اكتر ماحنا متسرطنيين.

<{POST_SNAPBACK}>

هى فعلا فكرة جميلة وبالمرة تشغل مامى سوزى وتعمل جمعية حماية حقوق الفروجة وتلم على حسها شوية تبرعات عشان سرطان الفراخ :rolleyes:

[صفاء]

يعني يا صفاء تكتبي عن الفراخ، وتنسي اللحمة وكار اللحمة برضه ؟؟؟ ما كانش العشا

<{POST_SNAPBACK}>

حلاوة بيه ...

ده بردو اسمه كلام؟؟؟؟

طب ده انا كل كتاباتى عن العجل

[Mina]

ايه الجمال ده كله يا صفاء ..

دانتى غلبتى بيرم التونسى ..

و لا هه ؟

[صفاء]

يعني يا صفاء تكتبي عن الفراخ، وتنسي اللحمة وكار اللحمة برضه ؟؟؟ ما كانش العشا

<{POST_SNAPBACK}>

العشا فراخ إن شاء الله :blink:

:D جميلة يا صفاء ربنا يوفقك يا رب :)

<{POST_SNAPBACK}>

العشا بطاطا

وعالبساطة البساطة يا عينى عالبساطة

هه هه هه هه :D

نورت يا كينج

[الآسر]

دي مشكلة الانيميا وحلتيها

طيب مشكلة أنفلونزا الطيور هتحليها ازاي

وبعدين خلي بالك ان الفراخ اليومين دول عاملين نظام دايت علشان دي الموضة

وبيفكرو يروحو الجيم كمان

....

لذيذة جدا وشهية جدا

وقلمك شكله متغذي كويس ... فراااااااااااااااااااااااخ

[سقراط المصري]

والله ياجماعه انا مبيهمنيش :D اذا كانت فرخه بخيله ولا فرخه مريشه ولا فرخه مشيها بطال ومصاحبه نص ديوك العشه :P

هتتاكل يعني هتتاكل :D

وبريشها كمان :P :P

تحياتي ........لصفاء............ وللجميع

سقراط

تم تعديل 14 ديسمبر 2005 بواسطة سقراط المصري

[أسد]

يعني يا صفاء تكتبي عن الفراخ، وتنسي اللحمة وكار اللحمة برضه ؟؟؟ ما كانش العشا

<{POST_SNAPBACK}>

حلاوة بيه ...

ده بردو اسمه كلام؟؟؟؟

طب ده انا كل كتاباتى عن العجل

<{POST_SNAPBACK}>

هايلة ..

وقوية ...

ورائعة ...

وملعوبة ...

تحية من القلب ...

[هشام الجنيدى]

جميل جدا يا دكتوره صفاء حكايه البيضه السيليكون دى :)

وفكره ممتازه :)

بس البيضه اللى بالسيليكون هتكون تكلفتها اغلى من الطبيعيه وهتخرب بيوت كتير :P

اعتقد ان الرك على الفرخه هيه اللى لازم تتغذى عشان تجيب بيض محترم يتآكل ولا ايه ........؟. :D

[الطيار المصرى]

الموضوع طالما فيه فراخ ........ انا مش هاقدر اقاوم..............

مسرطنة بقي مش مسرطنة.....دي كلها شكليات..........

ولو فيها رزالة يعني ...سيبولي الرقبة O.K؟

لكن فكرة جديدة ..جديدة.. جديدة........

وفي منتهي الروعة..........

وفي انتظار القصيدة القادمة.......عن الارانب لو نفع......

الطيار الصري ............ 15 سنة

[صفاء]

ايه الجمال ده كله يا صفاء ..

دانتى غلبتى بيرم التونسى ..

و لا هه ؟

<{POST_SNAPBACK}>

مينا

حرام عليك تزعل منى المرحوم

انا فين وهو فين

يا خراشى :D

مينا ... يسعدنى وجودك دايما :)

[صفاء]

دي مشكلة الانيميا وحلتيها

طيب مشكلة أنفلونزا الطيور هتحليها ازاي

وبعدين خلي بالك ان الفراخ اليومين دول عاملين نظام دايت علشان دي الموضة

وبيفكرو يروحو الجيم كمان

....

لذيذة جدا وشهية جدا

وقلمك شكله متغذي كويس ... فراااااااااااااااااااااااخ

<{POST_SNAPBACK}>

احنا الطيور عندنا تنحت زى البنى آدمين

ميحوأش فيها لا انفلوانزا ولا دياولو

بكتيرها هاتكش حبتين ودمتم :)

لا تكلك .. انت كلك مش كده ؟ :D

" الترجمة : كلك من القلق ... قلق يقلق فهو قلق يعنى قلقان .. ولما اقول انت قلقان يعنى كلكان وانت قلق يبقى انت كلك :) "

فهمت بقى ؟

[صفاء]

والله ياجماعه انا مبيهمنيش :D  اذا كانت فرخه بخيله ولا فرخه مريشه ولا فرخه مشيها بطال ومصاحبه نص ديوك العشه :P 

هتتاكل يعني هتتاكل :P 

وبريشها كمان :)  :)

تحياتي ........لصفاء............ وللجميع

سقراط

<{POST_SNAPBACK}>

والفرختين العتاقى اللى كانوا ماشيين يتمختروا عند جارتنا است شوشو ... قلتلك استنى اما اقشرهم .. كلتهم بريشهم يا عبعال ...

كانوا فل بالحبهان والورق اللورى والمستكة :P