أرغب فى العمل فى الغرب هل من مشورة

[egyption]

متشكر جدا ليك استاذ نيو وربنا يكرمك بأذن الله علي المعلومات المفيدة دي

في حفظ الله

[wael_hashish]

شكرا ,

(نيو-ايجيبشن) بس الامتحانات الكتير اللى انتوا بتقولوا عليها دى تاخد وقت اد ايه وهل لازم اخد ( TOEFL_gre) مع بعض فدونا يا اخونا الجهل وحش

[wael_hashish]

اه نسيت وبعدين يا اخونا انا بعد لما اخد التوفيل واتقدم للسفاره مش هيسائلونى على حساب بنكى ومواضيع من دى

[سقراط المصري]

اه نسيت وبعدين يا اخونا انا بعد لما اخد التوفيل واتقدم للسفاره مش هيسائلونى على حساب بنكى ومواضيع من دى

ماهو احنا بنقول نشوف لك منحه .

الامتحانات دي هتاخد مش اقل من سنه.

بس الاول تعرف انت عاوز تروح فين ، وتخصص إيه.

عشان زي ماقال new كل تخصص وله امتحان قبول خاص به .

لو رحت العنوان اللي كتبه new ابقي اسألهم على اسطوانه التوفل ............. دي اسطوانه فيها نماذج للامتحان........ من خمس سنين كانت بتعطي مع كتاب بتشتريه من اميدست. وبرضه رسم الامتحان من خمس سنين كان 100 دولار امريكي..... مش عارف دلوقت بقى بكام.

اسأل في المكتب الثقافي... للدوله اللي عاوز تروحها...... عن كتالوج الجامعات والمنح.

وعلى فكره النت ممكن يكون اسرع.

لو بدأت العمل الجاد النهارده ......... بالبحث عن المنحه ..... واللغه والامتحانات...... هتسافر كمان سنتين من تاريخه ..... بحد ادني.... العمليه بتاخد وقت.

ولكن اعتقد في وجود النت العمليه تكون اسرع.

وخد بالك ، الكثير من جامعات امريكا بتاخد رسوم لمراجعة الابلكيشن بتاعك.

من زمااااااااان بعت لجامعة كاليفورنيا.... فرع سان دييجو....... بغرض الدراسات العليا....... وردوا بعدها بشهرين بجواب ظريف......... بس مكانش فيه نصيب...... بالرغم ان كنت مستوفي الشروط المطلوبه. وكان سبب الرفض ان بعد فحص الاوراق ، واستبعاد الغير مستوفي للشروط .... بيرتب المرشحين تبعاً لنقاط ، وتختاروا العدد المطلوب من اعلى القائمه.......... وزي ماقلت لك ، المنافسه شديده جداً.

ربنا يسهلك امورك

انوي واصبر وحدد وابدأ

تحياتي

سقراط

[khedr]

الي جميع الاخوه:

الموضوع جميل وياريت كل واحد بيفكر في موضوع السفر والعمل والهجره خارج مصر يحاول يرجع للموضوع ده.....................

ممكن الموضوع ده بعد اذنكم يبقي مثبت لما فيه من فايده للكل

الشكر كل الشكر لجميع من ساهم في ذلك الموضوع الهام

وياريت كل اللي عنده معلومات تانيه يشاركنا

وانت ياخويا وجدي اهدي شويه وفكر علي مهلك... ...الايام بعد كده طؤيله

[drhusseinali]

اخواني الاعزاء

انا اؤيد الاخ medeokhedr

فلنجعل من هذا الموضوع وسيلة لشرح كيفية الحصول على منح او اعمال بالخارج

مثلا يقوم كل منا بكتابة كيفية الحصول على منح من الدولة التي يدرس بها

و مميزات و عيوب هذه الدولة و الانظمة التعليمية فيها

بكده نكون عملنا ملخص يستخدمه اي شخص يريد الدراسة بالخارج :D

[New]

اخوانى الاعزاء

شكرآ على مداخلاتكم الطيبة وان شاء الله يكون الموضوع ده فيه افادة لناس كتير...

اسأل في المكتب الثقافي... للدوله اللي عاوز تروحها...... عن كتالوج الجامعات والمنح.

وعلى فكره النت ممكن يكون اسرع.

حبيت اضيف موقع جميل عن الجامعات الامريكية وبعض الجامعات الكندية.... وبيقلل وقت بحثك عن برنامج دراستك والجامعة اللى عايز تختارها.....

الموقع اسمه

http://www.petersons.com

و ده الجزء الخاص منه بالطلبة الاجانب

http://www.petersons.com/college_home.asp?...ertype=NUS_COLL

الموقع ده فيه معلومات اساسية عن معظم البرامج الدراسية والجامعات اللى بتدرس البرامج دى والدرجات العلمية اللى الجامعات دى بتيدها ومعلومات عن المنح والمساعدات المالية ....

ان شاء الله حاكتب كل اللى اعرفه عن الموضوع ده فى مداخلاتى القادمة ... وربنا يوفقكم...

:blush:

[wael_hashish]

يا شباب الموضوع اللى انتوا بتتكلموا فى ده عاوز وقت كبير اوى انا لسه هستنى سنتين كمان يا اخونا البلد دى مش طيقها خلاص فدونى بوسيله تانيه ما اروحش سفاره الامريكان واقولهم انا اتخنقت من البلد دى وسبونى اسافر؟؟؟؟؟؟ههههههههههه ايه رايكم فى الفكره دى بيتهيائلى دى اقوى فكره وهما طبعا قلبهم رهيف مش هيستحمل عياطى ولا اعمل لاجوء وخلاص يا اخونا انتوا بتهزروا قال جابتك يا عبدالمعين علشان تعنى قال عاوز تسابنى فى البلد سنتين!!!!!!!!!!!!!!!!!!

[سقراط المصري]

يا شباب الموضوع اللى انتوا بتتكلموا فى ده عاوز وقت كبير اوى انا لسه هستنى سنتين كمان

يا اخونا انتوا بتهزروا قال جابتك يا عبدالمعين علشان تعنى قال عاوز تسابنى فى البلد سنتين!!!!!!!!!!!!!!!!!!

<{POST_SNAPBACK}>

No comment

Game over

سقراط :blush:

[nashwa]

اى حد ابن حلال فاتح شركه ولا كفاتيريه يقولى هبعتلك يوفر عليه العناء ويسبلى العناء اللى هشوفه فى الغربه

<{POST_SNAPBACK}>

يا جماعه مفيش اى وسيله اسرع من انى اخد التوفل يا اخونا هو ده اللى قدركم عليه ربنا وبعدين المشرف عام ليه غير اسم الموضوع(الى اصحاب القلوب الرحيمه) انا قصدى ان اسم الموضوع يلفت نظركم هو انا هشحت يعنى

<{POST_SNAPBACK}>

يا شباب الموضوع اللى انتوا بتتكلموا فى ده عاوز وقت كبير اوى انا لسه هستنى سنتين كمان يا اخونا البلد دى مش طيقها خلاص فدونى بوسيله تانيه ما اروحش سفاره الامريكان واقولهم انا اتخنقت من البلد دى وسبونى اسافر؟؟؟؟؟؟ههههههههههه ايه رايكم فى الفكره دى بيتهيائلى دى اقوى فكره وهما طبعا قلبهم رهيف مش هيستحمل عياطى ولا اعمل لاجوء وخلاص يا اخونا انتوا بتهزروا قال جابتك يا عبدالمعين علشان تعنى قال عاوز تسابنى فى البلد سنتين!!!!!!!!!!!!!!!!!!

<{POST_SNAPBACK}>

أسمع ياوائل ... حتكلم من الأخر ... طلبك مش هنا ... روح ذاكر ... ولو مش على بالك ... اهرب على أول سفينة من اى ميناء كبير وخلص نفسك وخلصنا

من عينتك دى كتيير .. متخيلين انه ... هوب وتطلع لفوق... الناس اللى اتكلمت معاك وتنازلت بوقتها وكتبت .. اعطوك النصيحة المخلصة .. مش عجباك يبقى طريقك مش هنا ... طريقك غير شرعى يابنى

انا حاليا عايشة فى لندن بأنجلترا .. بس قبل كدة لما قررت اسافر عملت كدة مثل مالافاضل نصحوك ودرست انجليزى وراسلت الجامعات والكلام دة اخد من عمرى 3 سنيين وكنت مسافرة امريكا .. لكن نصيبى اتجوز واعيش فى لندن..... وهنا بشوف من عينتك كتيير .. بيشتغلوا بالأسود (من تحت التربيزة) يعنى ماعندهمش وضع قانونى فى البلد .. واحب أطمنك بيستمروا كده على طول الا من رحم ربى ...

الأختيار أختيارك يافتى .... مش مستحمل البلد .. انا شخصيا بحلفك بالغالى (انتى ادرى طبعا) تسيبها وتمشى ... مصر مش محتاجة اللى زيك وبصراحة احسن ان عددكم يقل منها

انا مقدرة صغر سنك .. وحماسك الغير موزون وتخيلاتك الى اغلبها من افلام الاكشن ... ومش حكرر الكلام بتاع الغربة شء قاسى للغاية ... لان الكلام دة مش حيودى ولا يجيب .... اتمنالك التوفيق والقلب دعيلك

زى ماقلتلك ... طريقك اللى تختارة وبالتوفيق ..

وعلى راى الاستاذ سقراط ...

Game is over

تم تعديل 17 ديسمبر 2005 بواسطة nashwa

[nashwa]

الأستاذ سقراط المصرى

..................زوجتي الحبيبه ، امي الغاليه ، حماتي الطيبه

برجاء تجهيز مايلي يوم وصولي لأرض المحروسه :

باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.

سقراط المصري ..........................

ربنا يسامحك قلبت علي المواجع :blush:

بالهنا والشفا ... وتحياتى :rolleyes:

[الرافعي]

أسمع ياوائل ... حتكلم من الأخر ... طلبك مش هنا ... روح ذاكر ... ولو مش على بالك ... اهرب على أول سفينة من اى ميناء كبير وخلص نفسك وخلصنا

من عينتك دى كتيير .. متخيلين انه ... هوب وتطلع لفوق... الناس اللى اتكلمت معاك وتنازلت بوقتها وكتبت .. اعطوك النصيحة المخلصة .. مش عجباك يبقى طريقك مش هنا ... طريقك غير شرعى يابنى

انا حاليا عايشة فى لندن بأنجلترا .. بس قبل كدة لما قررت اسافر عملت كدة مثل مالافاضل نصحوك ودرست انجليزى وراسلت الجامعات والكلام دة اخد من عمرى 3 سنيين وكنت مسافرة امريكا .. لكن نصيبى اتجوز واعيش فى لندن..... وهنا بشوف من عينتك كتيير .. بيشتغلوا بالأسود (من تحت التربيزة) يعنى ماعندهمش وضع قانونى فى البلد .. واحب أطمنك بيستمروا كده على طول الا من رحم ربى ...

الأختيار أختيارك يافتى .... مش مستحمل البلد .. انا شخصيا بحلفك بالغالى (انتى ادرى طبعا) تسيبها وتمشى ... مصر مش محتاجة اللى زيك وبصراحة احسن ان عددكم يقل منها

انا مقدرة صغر سنك .. وحماسك الغير موزون وتخيلاتك الى اغلبها من افلام الاكشن ... ومش حكرر الكلام بتاع الغربة شء قاسى للغاية ... لان الكلام دة مش حيودى ولا يجيب .... اتمنالك التوفيق والقلب دعيلك

زى ماقلتلك ... طريقك اللى تختارة وبالتوفيق ..

وعلى راى الاستاذ سقراط ...

Game is over

<{POST_SNAPBACK}>

الأخت الكريمة نشوى

وإن كان كلامك فيه بعض القسوة ، إلا أنني في الحقيقة أتفق معاكي وكنت من الذي ردوا على الأخ وائل وأخذوه بحنان، إلا أنني في الحقيقة وفي كل مرة كنت أجد من يرد ويدل إلى خطوات جادة ومعلومات مفيدة ، كنت أفاجئ بمزيد من الردود المستهترة من الأخ وائل، والتي تدل على تناول الموضوع بطفولية رهيبة ، تذكرني بالأطفال عندما يودون الهروب من المذاكرة بأي أعذار ولو ساذجة ، إلا أنهم أطفال أبرياء لهم عذرهم ، أما شاب قارب العشرين فلا عذر له في هذا التحامل على البلد أياً كانت الضغوط ، ولا عذر له أيضاً في تناول كلام جاد من أناس أفاضل أكبر في السن والخبرة ولهم مشاغلهم وأوجدوا من وقتهم وجهدهم وصبرهم حصة للأخ وائل بشكل كان يستوجب منه الشكر والاستجابة للنصائح من أولها، لكن للأسف الموضوع زاد عن حده.

أشكر كل من اهتم ولم يقلل من طلب أخ مصري له حق الأخوة علينا وإن أساء استخدامها، وأرجو منه تغيير نظرته للحياة وأساليب تحسينها إن كان جاداً، وذلك من مصلحته ومصلحة بلده ومن يحبوه.

ودمتم بخير ..

تم تعديل 17 ديسمبر 2005 بواسطة حلاوة العنتبلي

[wael_hashish]

انا مش عارف ازاى انتى اللى تردى عليه اصلا متزعليش فى الكلمه انتى واحده يعنى هتعوزى تسافرى ليه وايه حكايه شوف مذاكرتك ليه هو حضرتك مين علشان تقوليلى الكلام ده وسيب البلد هى البلد العزبه بتاع بابا انا مش عارف اقولك ايه, تعرفى انا عاوز اعرف ازاى انت بتتكلمى الكلام ده ومنين جبتى الجرئه اللى ساعدتك يمكن انا ,انا استاهل ضرب الجزمه اللى سجلت على الموقوع ده

[New]

الاخ وائل..الناس اللى بتيجى هنا بطريقة غير شرعية بيبقوا فى موقف لا يحسدوا عليه. يعنى من الاخر ناس من غير حقوق او بالتعبير الاصح معظم حقوقهم مسلوبة. عندنا فى امريكا حاليافيه ناس فى الكونجرس بيحاولوا يمرروا قرار بتجريم الدخول للبلد او البقاء فيه بشكل غير قانونى.. خلينا نفترض انك سافرت ... بذمتك اللى حيشغلك عنده ده مش حيكون راجل حاطط نفسه فى خطر؟؟؟ ده طبعآ اذا لاقيت حد يشغلك من غير اوراق قانونية.. طب لو اشتغلت وحصلك لا قدر الله حاجة واحتجت علاج حيكون عندك تأمين يدفعلك ... ليه تعيش مهدد لاتعرف تنزل لو حبيت ولو لاقدر الله حد من حبايبك حصله حاجة مش حتعرف حتى تشوفه . لانك بقيت محبوس فى سجن كبير...

كل الناس اللى نصحوك نصحوك لسببين اولهم لوجهه الله ثانيهم الخوف على مستقبلك مع العلم انهم مايعرفوكش وده دليل على انهم ناس طيبين ومحترمين...

ردك بصراحة ما عجبنيش على الاخت نشوى وده مش اسلوب تعامل مع حد بيحاول ينصحك علشان مصلحتك انت... اما اذا كان الموقع ده مش عاجبك فمداخلتك الاولى انت كنت بتقول انك عارف ان مفيش حد حيعبر ويرد بنصيحة واديك شايف كام واحد رد وكمية المعلومات اللى اتقالت واللى ان شاء الله حتتكمل فى الموضوع اللى فتحه الاخ العزيز سقراط... هو ممكن علشان اتجاه مداخلات الاخوة مش فى الاتجاه اللى انت كنت تتوقعه.. فكر مرة تانية وربنا يوفقك..

تم تعديل 17 ديسمبر 2005 بواسطة New

[سقراط المصري]

انا مش عارف ازاى انتى اللى تردى عليه اصلا متزعليش فى الكلمه انتى واحده يعنى هتعوزى تسافرى ليه وايه حكايه شوف مذاكرتك ليه هو حضرتك مين علشان تقوليلى الكلام ده وسيب البلد هى البلد العزبه بتاع بابا انا مش عارف اقولك ايه, تعرفى انا عاوز اعرف ازاى انت بتتكلمى الكلام ده ومنين جبتى الجرئه اللى ساعدتك يمكن انا ,انا استاهل ضرب الجزمه اللى سجلت على الموقوع ده

<{POST_SNAPBACK}>

يا وائل

انت لما سألت احنا كأعضاء هنا عملنا إيه.

هل وقفنا سلبياً وتركناك في مشكلتك ولا اتخذنا طريق ايجابي وبدأنا نوضح لك المسائل.

يا وائل ردودك مستفزه ومفيهاش ادنى نوع من الصبر.

انا اول حاجه لما رديت عليك لت لك إيه:

10- لاتتعصب.................

11- عود نفسك تتكلم بصوت واطي، وهادىء النبره .....

ودول كانوا بعض النصائح من اخوه لك ينظرون اليك كأخ جديد هنا.

واحنا نصحناك لانك اللي طلبت المساعده.

يا وائل ، انا مكنتش ناوي ارد عليك من شده غضبي من مداخلاتك.

ولكن لقيتك بدأت تهاجم زميله فاضله هنا وهي الزميله "نشوى" بالرغم انني اتفق معها في كل كلمه قالتها. وانا لو كنت رديت عليك كنت هقول كلام لاتطيقه انت. ولكن انا صبرت يوم حتى يزول انفعال الغضب عندي ، عشان اقدر افكر كويس وارد عليك.

انا برد الان ليه ، انا لقيتك بتقول عندك 19 سنه ، وده سن جميل ، انت شاب ، وكمان في بداية حياتك وكمان عاوز تعمل مستقبلك.

احنا متفقين معاك ...... لان من حقك انك تعمل مستقبل.

انت شايف مستقبلك خارج مصر........ وده برده من حقك تختار مكان مستقبلك.

طيب يا وائل ، هو مش لازم " النيه" يصاحبها " شوية جهد".

انت مش عايز تجتهد خالص ، انت عاوز تخرج من البلد وخلاص وبأسرع وسيله.

اكيد انت عارف بعض الطرق السريعه للخروج السليم من البلد....... من امثلتها....... روح الغردقه ودور على واحده اجنبيه عندها 550 سنه واتجوزها............. وخليها تبعتلك التأشيره.

لو تحب تعمل كده روح اعمل كده ........... بس تذكر ان ده كان قرارك......... وان خريف العمر اطول من الربيع بكتير.

يا وائل ، انت قلت انك عاوز تشتغل اي حاجه .............. طيب وهو اسلوب محادثتك وكلامك هنا وعدم صبرك ............ هيشجع اي حد انه يبعت لك للعمل عنده.

يشهد الله ان الكثير من الاخوه الاعضاء هنا خدومين جداً ولأبعد مما تتصور ، ولكنك برعت وتفانيت في خسارتهم بتسرعك واستعجالك وعدم صبرك.

انا - ويعلم الله صدق نيتي - اكتب هذه المداخله ليس لإفتزازك او لإغضابك ، ولا اضع نفسي مكان واعظ يعظك او يلقي خطبه عليك.

ولكن اكتبها لأني تذكرت قصه قديمه كانت مقرره علينا ايام اعدادي او ثانوي بقلم "المازني" عن الشباب وثورته وتهجمه على الكبار. و الكاتب - " المازني" - قال في هذه القصه ، حنانيك ايها الشباب فقد كنا مثلكم ، نريد ان نمسك الشمس بأيدينا ايضاً.

يا وائل ، لأعلم كيف هداني الله لأكظم غيظي من مداخلاتك وتهجمك على الزميله الفاضله . ولكن اعلم شيئاً واحد ، وهو ان الله سبحانه وتعالى يريد لك الخير والصلاح .

حاول ياوائل مره اخرى، حاول ولا تكل من المحاوله ، حاول ان تجتهد ولو في شيء بسيط ، اي حاجه ولو بسيطه مع الجهد والمداومه هتنجح إن شاء الله.

اعمل وثابر واصبر ، وتأكد ان حلمك مهما كان مستحيل، فالله تعالى معك ومع المجتهد.

انا هحيلك قصه ظريفه كده:

انا في اول تعييني ، كان طبيعة شغلى او عملي ثلاثة ايام فقط في الاسبوع ، والباقي ممكن تعتبره راحه.

والدي الله يمسيه بكل خير كان دايماً يصحيني معاه الساعه سبعه صباحاً.

ازعق واقوله ، يا ابويا سيبني انام انا معنديش شغل النهارده ......... يقولي لأ ..... اقوم اصحي وافطر معايا واقعد اعمل اي حاجه مفيده . اقوله اعمل إيه الساعه سبعه الصبح ، يقولي شوف اي حاجه مفيده واعملها ، المهم تكون صاحي عشان دي ساعة توزيع الارزاق.

عمر والدي في حياته دي كلها ماقالي ذاكر ............. كان دايماً يقولي حاجه لايمكن ان تصدقها انت.......... عارف كان بيقولي ايه.

كان بيقولي انا عاوزك ليلة كل امتحان تروح السينما او تخرج مع اصحابك..... اه والله زي مابقولك كده.

مكنتش فاهم هو يقصد ايه ............ بعدين لما كبرت فهمت قصده.

ياوائل ، مش انت لوحدك اللي مخنوق او عاوز تهج من البلد ، معظمنا كان هذا الرجل.

انت عارف ، ودي معلومه على مسؤليتي ، ان النجاح والابداع يرتبط الى حد كبير بأبناء الطبقه الفقيره او المتوسطه.......... بشرط ان يصاحبه العزم والتصميم.

يا وائل، مش من مده طويله ولاحاجه ، قول من 16-17 سنه كنت في ثانويه عامه ......... وهل تعلم انني لم اخذ دروس (خالص)في الثانويه العامه تخصص علمي ، ولا حتى مراجعات.

هل تعلم انني اشتريت فقط في الثانويه العامه كتاب خارجي واحد في الفيزياء واخر في الرياضيات والميكانيكا........... وذلك لاسباب اقتصاديه بحته.

والله ما قصر ابي معي ......... فقد عرض علي ان اخذ دروس واشتري الكتب اللي انا عاوزها............... بس انا كنت حاسس بيه كويس وعارف انه موظف لايملك غير ملاليم الحكومه اول طلعه شمس كل شهر جديد.

انا لا اقولك لك هذا من بباب التفاخر بعبقريتي او خلافه ، لا والله يعلم ، انا بقول لك ذلك لأنك تفتقد لنموذج واقعي بكيفيه سير الامور في الحياه.

يا وائل انا قلت لك اصبر سنتين مع المذاكره لتخرج من مصر........... انا خلصت الامتحانات دي واللي بقولك عليها في سنتين ......... عارف خلصتها في كام ................... في اربع سنين.

الصبر ياوائل هو مفتاح كل الفرج.

اتمنى لك والله العظيم ومن قلبي ، ان يوفقك الله للطريق الصحيح ، ويجنبك طيش الشباب ، ويصون صحتك وعافيتك، ويكرمك وينير سبيلك.

اخوك

سقراط

[nashwa]

انا مش عارف ازاى انتى اللى تردى عليه اصلا متزعليش فى الكلمه انتى واحده يعنى هتعوزى تسافرى ليه وايه حكايه شوف مذاكرتك ليه هو حضرتك مين علشان تقوليلى الكلام ده وسيب البلد هى البلد العزبه بتاع بابا انا مش عارف اقولك ايه, تعرفى انا عاوز اعرف ازاى انت بتتكلمى الكلام ده ومنين جبتى الجرئه اللى ساعدتك يمكن انا ,انا استاهل ضرب الجزمه اللى سجلت على الموقوع ده

<{POST_SNAPBACK}>

مش حكلمك عن تفوقى فى الدراسة ... ولا نجاحى بكرم كبير من ربنا فى شغلى ومكافنته لى على تعبى واجتهادى ...وان فتحت مكتبى وشغلى الخاص بدون مساعدة من أحد غير ربنا .. وحاجات كتير جدا

تعليقى على كلامك

لاتعليق جديد

روح أقرا ردى الأول مرة كمان ....

تم تعديل 18 ديسمبر 2005 بواسطة nashwa

[nashwa]

الفاضل حلاوة العنتبلي

الفاضل NEW

الأستاذ سقراط

-_-

شكرا جزيلا لردودكم ... ولمن منكم تكرم بالرد على كلام وائل عنى

تم تعديل 18 ديسمبر 2005 بواسطة nashwa

[الرافعي]

أهلي الأعزاء

بقدر ما أحزنتني مداخلة الأخ وائل - سامحه الله - إلا أنني سعدت جداً بهذه الروح الجميلة منكم جميعاً ومن ردودكم الوقورة الهادئة العاقلة ونفوسكم المحبة للآخرين .

الله يوفقكم جميعاً ...

[wael_hashish]

بسم الله الرحمن الرحيم

انا بوجه اعتزارى للاخت نشوى وانا اسف على الكلام اللى قولته والله كنت عصبى شويه لما كتبت الرد بس ياريت متزعليش منى لانى اخوكى الصغير واعتزارى لكل اعضاء المنتدى يا جماعه انا مشكلتى كلها انى بقالى سنه بدور على النت كله مسبتش موقع الا ومسجلت عليه وكنت متخيل ان مواضيعى على النت هى اللى ممكن تعملى حاجه ونسيت ان لازم كل حاجه اعملها عاوزه شويه مجهود زى ما قال الاخ الفاضل وحاولوا متزعلوش منى لانى والله مبحبش ازعل اى حد منى مهما كان ومهما عمل بس انتوا شايفين حال البلد والملل اللى احنا فيه واما بالنسبه لدرستى فهى عباره عن شهاده باشتريها بالفلوس بعد ما فشلت احقق حلم حياتى وهو اول حلم ليه انى التحق بكليه الهندسه فعلشان كده حسيت ان اول صدمه ليه مميته قضت على كل حلم رسمته ليه لما كنت صغير وكلام قاريبى ليه عن وثقهم فى ولاجتهادى فى فتره الابتدائى والاعدادى كان اكبر صدمه ليه مش لقريبى وبكرر متزعلوش منى وانا اسف

[الرافعي]

ولا يهمك يا عم ، والأخت نشوى أكيد مسامحاك ، بس شد حيلك وخللي ثقتك بالله كبيرة وصدقني الفرج أقرب مما تتخيل.

أخوك المحب