الجدة سلوى...الف مبروك وصول الحفيد.....

[wagdi]

الفاضلة سلوى...

ألف مبروك وربنا يبارك فيه ونبارك لحضرتك يوم جوازه إن شاء الله...

:blush:

[Salwa]

طيب يعنى ارد اقول لكم ايه ؟؟

اقول لكم ...شكرا ...؟؟

اقول لكم .....ربنا يبارك فيكم ؟؟؟

اقول لكم ...ايه والا ايه والا ايه ؟؟

مينفعش اقول لكم حاجة من دى ..........بس.

ده انا عاوزة اقول لكم ...واقول لكم ..وافضل اقول لكم ...واقول واعيد واضحك ...واضحك والدموع فى عينيه ..واضحك والفرحة مش عارفة بتبان عليا فين ؟؟ ابكى من كتر انفعالى واحكى وافرح اكتر وافرحكم معايا ..

احساس جميل ....جميل جدا ...جدا جدا جداااااااااااااا.

كنت لسا بسأل ؟؟ هى الفرحة لونها ايه ؟؟ ابيض والا بمبى والا ازرق فاتح والا كل الالوان ؟؟ مش عارفة اقول لونها ايه بالضبط ؟؟ مش قادرة اوصف الاحساس ده ؟؟

انا كنت فاكرة انى خلاص .جربت كل الاحاسيس ...

فرحت...وحزنت...وضحكت...وبكيت...وحبيت...وفارقت...واتغربت ...وجربت ابقى ام...

خلاص....حسيت بكل ....كل ......كلللللل....حاجة ....الشفقة ...والضعف...والقوة...والخشوع...والايمان ...والغيظ...والرفض...

حسيت بكل كل الاحاسيس ....على مدار عمرى كله ...وغيره وغيره ...

كنت فاكرة كدة .....تخيلت كدة ....

عرفت اول امبارح وفوجئت انى .........متطرفة .

متطرفة جدا ..جدا....جدا....

لما بحب ...بحب بعنف ..ولما بصمم على حاجة ....بصمم عليها بعنف ...ولما اعترض ...بعترض بعنف ..لكن ؟؟

مجربتش افرح بكل العنف ده ............

كان بيتهيألى انى فرحت كتير قوى بكل العنف ...

ياه....

ياه.....

ده انا كنت فاكرة انى مقدرش احب حد زى ما حبيت اولادى ....او قدهم...او حتى ربعهم ..

وجاء........المنير...

ورأيت المنير ....

رأيت النور فى قلبى ....رأيته...عندما تسارعت نبضات قلبى ...تسارعت وكأنها كانت تريد الهرب منى ..

يامؤمنين ....

اتعرفون ربكم حق المعرفة ؟؟؟

اذن...

انظروا ... الطفل وقت ولادته...انظر لابن الابنة ...قرة العين ..

يالهى ...

اسبح بحمدك يالهى ...

عطايا الله...

انها عطايا لا تنضب ...

انظروا .... معجزة الخلق ...

لا تسألونى ماهو احساسى ...لااعرف على وجه الدقة ماهو احساسى ؟؟

كل ما اعرفه ....

انى اصبحت جدة ....اول امس ...

عندما ...اتولد ...اجمل ولد ...على كوكب الأرض ..

حاينادينى يقوللى ايه ؟؟

مش مهم ....تيتا...آنا....نونا....جدة...

هنا يقولوا ..abuela ..ابويلا .....لكن فى المقاطعة التى نعيش فيها يقولوا yaya ..يايا.

وانا بحب اكون ...يايا...

اسم صغير وجميل ...وسهل النطق..

طبعا انتم مش متخيلين انا مثلا عملت ايه انهاردة ؟؟

يكفى انى اقول لكم .....

قمت بكل مهماتى على الوجه الاكمل .........

كسيدة اعمال ..( الذهاب ساعة لمكتبى والذهاب للبنك )...وكأم...فطار اولادى قبل الذهاب للجامعة والعمل......وكزوجة ...( الفطار مع زوجى وتحضير اوراقه ومايلزمه فى خلال اليوم ) .....فى الظهر حضرت الى المنزل ساعتين لتحضير الغدا ....وكجدة ( دى جديدة جدا بقالها يومين )...الذهاب للمستشفى لرؤية حفيدى وابنتى ..ساعتين صباحا وساعتين مساء ...

اطلقت اليوم على نفسى لقب....سوبر امرأة ..

بيتهيألى صعب السير على نفس الوتيرة دائما .........ولسا فاضل شغل كتير فى البيت هاهاها...

تصبحوا على خير....

الى لقاء قريب ....

[بنت شعنونة]

مبرووووووووووووووووووووووووووووووك الف الف مبروك ماما سلوى :excl:

ان شاء الله يكبر ويتربى في عززززززززززكم يارب

الف الف مبروووووووووووووووووووووك :blush:

[وليد صفوت]

مدام سلوى ....

و لا ماما سلوى ..... بس بلاش أقول تيتة عشان كده هبقى انا صغير أوى :wub:

الف مبروك البيبى الصغير و يتربى فى عزكم و يطلع صالح و مستقيم و مؤمن بربه و وطنى كجدته و يفيد وطنه و بلده ..... :excl:

عقبال يوم جوازه لما نحتفل كلنا فى نفس البيت اللى جمعنا منذ زمن و عقبال أحفاده قولوا آمين ... :wub:

جعله الله قرة عين لأهله جميعاً ... :blush:

[Guest النسر المصري]

ست الستات مدام سلوى

ماما سلوى...تيته سلوى

والغالية العظيمة سلوى.....اعذريني على التأخير في التهنئة

لقد دمعت عيناي لما سمعت ردك على اخواتنا في المنتدى

وحسدهم لما كانوا لهم السابقة في التهنئة

مبروك الحفيد الغالي جدا ابن الغالية جدا جدا جدا

مبروك بكل ماحمله من معاني التقدير لك ياسيدتي الرائعه

مبروك كلمه لاتوصف فرحتي لك يايتها الرائعة

مبروك لمدام سلوى الحفيد....مبروك بكلمات اجمل من التغريد

حفيدها الغالي حل علينا ضيف جديد... بس المهم مايبقاش زي عنيد

وتدومي لينا جدة في منتدنا الشديد.. .ويطولنا في عمرك عمر مديد

أالف مبروك ليك يامدام

[Salwa]

شانا...وليد...عمرو.

ايه يعنى قصدكم ؟؟

انا رديت على كل العائلة ..الا قليلا منهم.

وانتم يعنى تيجوا بعدين علشان تاخدوا لكم تورتايا كبيرة بحالها ؟؟

تورتا وملبس وبونبونى ..وشوكولا وكل حاجة ...وبالونات ولعب ..

شكرا جزيلا لكم وعلى فكرة ياعمرو ...انا موافقة على اللقب الجديد فى المنتدى ..

واكون..الجدة سلوى .

حبيب قلبى كل يوم بيكبر وبيبقى اجمل وعامل زى الوردة اللى كل يوم تحلو اكتر ..

لسا ...يوم الأحد يبقى عنده اسبوع.

ربنا يسعدكم كلكم ...

[abofasad]

Felicidades Abuela

Felicidades YAYA

[Salwa]

gracias abuelo.

gracias yayo.

[abofasad]

ربنا يسمع منك

[Salwa]

يايو ...آبو....( تصغير ابويللو ) ...ابو فصاد.

ان شاء الله قريب نبارك ونقول حمدلله على سلامة وصول الحفيد.

مش عاوزة ابدأ احكى تانى ...لكن ؟؟

دى فعلا فعلا .(.otra etapa de la vida .).....مرحلة اخرى من مراحل الحياة ..

مثلا...

بالأمس قلت انى ( غدا ) سوف اقضى اليوم بطريقة تقليدية ولن ( اربط نفسى ست ساعات مع حفيدى ) ...ده تعطيل مصالح ..

اكتشفت فى الصباح ان كل المصالح ...(( مش مهمة وممكن تتأجل ))..

وقضيت كل الصباح اداعبه واتأمل براءته وحتى حركاته المحدودة اتخيلها ذكاء خارق ومحاولات منه للنهوض وغيره ...( طبعا ده فى خيالى فقط ) هو كأى مولود صغير فقط ( لايفكر..ولن اقول يفكر ) سوى فى مواعيد الأكل ..

بجد بجد ...ده اجمل شئ اتمناه لكل الاحبة ..ان يمتعكم الله بهذا الاحساس الرائع.

[Reham]

مدام سلوي العزيزه

الف الف الف مليون مبروك

معلش انا جيت متاخره بس الحمد لله لحقتك

ربنا يبارك لكم في المولود الجديد وتفرحوا بيه ويكون قرة عين لكي ولوالدته

ويارب تشوفي أحفاده....وتشوفيه في احسن المراكز طائعا لله ومخلصا لدينه

مش عارفه اقول ايه اصلي ببقي لخمه اوي في الحاجات دي

عموما

بوسيهولي بوسه كبيييييييييييره وقوليله دي من خالتك ريهام :unsure:

والف حمدالله علي سلامة الوالده