الكولجي الثورجي ... حد جميل

[tarek hassan]

 

اقتباس

 

كيف يصبح المرء كولجي ثورجي 

1 - ربي شعرك و ماتستحماش.. و اقنع نفسك إن دا "تمرد علي التقاليد و المفروض و ثورية و كده"...

2 - قول لأي حد يختلف معاك فكريا "أنت لجنة - ضابط مخابرات - مطبلاتي"...

3 - اقرا لحمزاوي.. مش بهدف إنك تفهم حاجة لا سمح الله.. بس عشان تحفظلك كلمتين زي "المكارثية.. الإستقطاب.. الديماجوجية.."...

4 - إعمل حساب علي فيسبوك أو تويتر و إبدأ اكتب خزعبلات من طراز "الثورة الفرنسية نجحت" و "العنف يولد العنف".. و إبدأ جمّع مريدين.. كل ما تبدأ تحس إنك حمار.. هم حيقنعوك بالعكس...

5 - دافع عن أي حاجة و أي حد ضد الدولة حتى لو كان "تاجر بودرة".. و اتعاطف معاه...

6 - اكتب كلمتين إنجليزي كل حين عشان دا بيدل على إنك مثقف.. و اشتم عبد الناصر عشان بيدل على إنك ابن باشا و كده...

7 - اقنع اللي حواليك إن البرادعي سابقكم بسنين ضوئية، و لازم تركبوا مواصلة أسرع شوية عشان تحصلوه...

8 - اشتم روسيا و حب أمريكا.. حب أردوغان كمان.. و ياريت تحاول تسافر تركيا عشان تبوسه من بقه...

9 - أيد الإرهابيين في سوريا عشان ضد بشار القمعي الشرير.. و اشتم نفس الإهابيين لما يعملوا عملية في فرنسا...

10 - أي حد يكلمك قول له "مفيش فايدة و البلد بتنهار".. و احكي قصص مالهاش ملامح عن نفسك لما قابلت سواق تاكسي مثقف بشكل غريب و لما ناقشته إتصح إنه "ماكس بلانك" بس حكم العسكر وصله لكده...

11 - اكتب عن التجربة التونسية اللي نجحت في اقتسام الحكم مع الإخوان، و لما تونس يضربها الإرهاب، إعمل نفسك من مومبيق..

12 - حاول تشتم الجيش و الداخلية علي قد ما تقدر...

13 - حاول ماتفرحش و لا تقول كلمة حلوة لأي حد و لا تتفائل عشان ممكن تتعب نفسيا...

14 - اكتب كل المعلومات اللي درسوهالك في مدرسة "طرح البطيخ الإعدادية بنين" عن الطائرات الرافال و السوخوي ونظرية الكمّ و النسبية و المفاعلات النووية و القنوات الملاحية و السياسة و الفلك و العلاقات الدولية و الاقتصاد و تجارة العملة و التجارة الدولية.. و ماتنساش تكتب بعدها إن معارضيك حمير عشان التعليم فاسد...

مبروك.. أنت بقيت أيقونة كلجية جديدة...

 

منقول للتعرف عليهم ورصدهم حيثما كانوا 

 

[Grandma]

مطلوب نعرف 

هل كل ثورجي كولجي ؟

طيب و الثورجية دول ناس وحشة ؟

[tarek hassan]

30 دقائق مضت, Grandma said:

مطلوب نعرف 

هل كل ثورجي كولجي ؟

طيب و الثورجية دول ناس وحشة ؟

في ظل اختلاط الحابل بالنابل أنا شايف إنه أصبح الحرامي ثورجي  , والكاذب ثورجي , والمغتصب ثورجي و المنافق السياسي ثورجي , والتاجر الحرامي ثورجي , وكل فاسق ثورجي محتاجين ثائر حقيقي يخلصنا من كل منافق وكاذب وسارق 

ونفسي كل شمام كلة يشمها على نفسه مش على البلد لأنها مش ناقصاه 

 

[Grandma]

في 3/27/2016 at 22:19, tarek hassan said:

في ظل اختلاط الحابل بالنابل أنا شايف إنه أصبح الحرامي ثورجي  , والكاذب ثورجي , والمغتصب ثورجي و المنافق السياسي ثورجي , والتاجر الحرامي ثورجي , وكل فاسق ثورجي محتاجين ثائر حقيقي يخلصنا من كل منافق وكاذب وسارق 

ونفسي كل شمام كلة يشمها على نفسه مش على البلد لأنها مش ناقصاه 

 

مين قال ان الثورات بتغير ؟!!

الثورة مجرد جرس انذار بوجود حالة غليان شعبية  على كافة المستويات

لكن اللي بيغير هو نشر الوعي و الثقافة و الفكر و تطبيق القوانين و الادارة الجيدة 

 

 

[أبو محمد]

15 دقائق مضت, Grandma said:

مين قال ان الثورات بتغير ؟!!

الثورة مجرد جرس انذار بوجود حالة غليان شعبية  على كافة المستويات

لكن اللي بيغير هو نشر الوعي و الثقافة و الفكر و تطبيق القوانين و الادارة الجيدة 

 

 

بس فيه واحد خمنا .. قصدى واحد مننا .. بيقول شعار :

اللى ثار لازم يحكم

 

[Grandma]

23 دقائق مضت, أبو محمد said:

بس فيه واحد خمنا .. قصدى واحد مننا .. بيقول شعار :

اللى ثار لازم يحكم

 

أكيد كل واحد حر في رأيه 

مش هنحجر على كلام حد 

المهم ان الشعب إختار خلاص مين اللي يحكمه 

[tarek hassan]

فوز مصر على نيجيريا ما هو الا تمثيلية من المخابرات علشان تغطي علي اقالة المستشار جنينه.
تحدث وكأنك كولجي

[tarek hassan]

فوز مصر على نيجيريا ما هو الا تمثيلية من المخابرات علشان تغطي علي اقالة المستشار جنينه.
تحدث وكأنك كولجي

[tarek hassan]

أسماء محفوظ 
لا مانع من ان نكون مثل سوريا والعراق لكن نعيش بكرامتنا و نسترد ثورتنا

 

 

شعقول إيه الإبداع ده هههههههه

 

 

[أبو محمد]

في 3/30/2016 at 14:38, tarek hassan said:

فوز مصر على نيجيريا ما هو الا تمثيلية من المخابرات علشان تغطي علي اقالة المستشار جنينه.
تحدث وكأنك كولجي

ما دمت عايزنى اتكلم وكأنى كولجى .. فيبقى خد عندك الكصة الكاملة يا أستاذ طارق :

السيسى هو اللى عمل تشكيلة المنتخب فى آخر لحظة عشان نكسب نيجيريا

عشان يغطى على خيبة التقصير الأمنى فى مطار برج العرب وخطف الطيارة يوم المباراة الصبح

وحكاية الطيارة أصلا مدبراها المخابرات عشان تغطى على كارثة عزل هشام جنينة

وعزل هشام جنينة ما هو إلا عصفورة لصرف الأنظار عن مقتل الخمسة اللى قتلوا جوليو ريجينى

وقتل ريجينى أساسا من تدبير أمن الدولة عشان يغطوا على تدهور العملة المصرية

وكل اللى فات ده ما هو إلا مؤامرة عشان ننسى الجون اللى جابه مجدى عبد الغنى فى كاس العالم