هذه اسماء الاعضاء الذين لا اتحملهم في المنتدى

[الاسكندرنى]

هذه اسماء الاعضاء الذين لا اتحملهم في المنتدى ووجودهم ليس لة اى داعى

_

**

_

**********

_

*****************************

لية دخلت للموضوع؟؟؟؟

هل دخلت من باب الفضول؟؟

هل لانك تشعر بالملل؟؟

هل دخلت تبحث عن اسمك؟؟

هل دخلت لانك رغبت في الاصلاح بيني وبين من لا ارغبهم؟؟

ام انك ستقرأ ..وبعد ذلك ستخرج..دون اي تعليق منك؟؟

وهذا ما تعودنا عليه..نرى قراء المواضيع يصل لعدد كبير

اما الردود..تكاد تكون معدومه.....

ام انك من المشرفين وتريد حذف الموضوع لانه قد يكون

فيه اساءه للاخرين؟؟

اذا كنت دخلت من باب الفضول

فهذا دليل على وجود صفه لا يحبها الكثير منا وقد تسبب لك

المتاعب مع من حولك فانتبه وحاول التخلص من هذه الصفه

حتى لا تخسر من حولك...

واذا كنت دخلت للبحث عن اسمك

فهذا دليل ان ثقتك بنفسك مهزوزه

واذا قلت اني واثق من نفسي لكن غير واثق من الكاتب فهذا

يدل على انك تخاف ان تكون مكروها لذنب لم تقترفه

وهذا دليل على طيبة قلبك ونبلك وحرصك على الا تجرح

احدهم او تسيء اليه

فهنيئا لك بتلك الرقه

ام انك رغبت في الاصلاح بيني وبين من من لا ارغبهم

وهذه صفه رائعه وجميله وتدل على كرم اخلاقك

ام انك ستقرأ وستخرج دون اي تعليق منك

وهذا يدل على عدم نظرتك الثاقبه والتمعن في مضمون

الموضوع (اذا كان يستحق) وعلى سلبيتك

وحتى و لم يكن يستحق....عود نفسك على كلمه طيبه تقولها

في حق من تعب من اجل ان يكتب لك موضوع لتستفيد منه

واذا لم يكن هذا الموضوع يستحق او فيه بعض القصور

كن ايجابي...وانتقد مالا يعجبك بكل احترام

عود نفسك على الرقي والسمو بالكلمه ايا كان الموضوع الذي تقرأه

واجعل لنفسك وجود فيمن حولك

واذا كنت من المشرفين ودخلت من اجل حذف هذا الموضوع لخوفك

من ان يوجد فيه اساءه لبعض الاعضاء

فهنيئا لي بك وبأخوتك

لان هذا دليل على الاحساس بالمسؤليه والامانه

وفي النهايه

الموضوع ليس الا مكاشفه بينك وبين نفسك لتكتشف جوانب من

شخصيتك التي تتجاهلها او لم تعلم بها

لا توجد اسماء بالطبع

كلكم اخواتى واحمل لكم كل موده واخوه في اعماقي

فأرجو من الجميع التفاعل والرد عن سبب دخولهم لهذا الموضوع

[Reham]

مساء الخير اخي العزيز سكندراني

انا بقي دخلت علشان

>

>

>

>

>علشان

>علشان

شفت بقي ان حضرتك يمكن تكون احيانا فضولي

يمكن تكون طيب ونيتك سليمه

ده في علم ربنا والله اعلم بالنوايا

انا بقي دخلت اقري عشان حاجه حضرتك مش كاتبها خااااااااالص :blush:

ومش هقولك عليها :wub:

انا حره.................... :excl:

مش كده ولا اييييييييييييييييييييييييييه :wub:

انا تفاعلت اهه وعملت اللي عليه

يعني مش سلبيه

مع تحياتي

تم تعديل 13 ديسمبر 2005 بواسطة Reham

[وليد صفوت]

طبعاً انا دخلت و معايا المقص بتاعى .... و انت عارف ليه :blush:

[khedr]

وهذا ما تعودنا عليه..نرى قراء المواضيع يصل لعدد كبير

اما الردود..تكاد تكون معدومه.....

السيد الغالي الاسكندرني...

اعتقد اننا هنا في هذا المنتدي لنتحاور لكن فيه مواضيع مش بيكون فيه فرصه او خبره او معرفه كافيه علشان تتكلم فيها لكن من المفترض ان ندخل علي كل المواضيع مهما كانت وبعد كده نختار اللي نقدر نتكلم ونتحاور فيه...............

وعلشان الشوك اللي في الورد بنحب الورد.............

[khedr]

حد يبعت لي مقص

[shawshank]

لو بايدي ، اديلك على موضوعك جايزة "موضوع الشهر" ... لو فيه جايزة بهذا الاسم ...

عنوانه فظيع .... و محتواه أفظع :excl:

معنديش حاجة أضيفها لما قلته حضرتك و قاله الأخوة الزملاء ...

بس بصراحة أنا كنت داخل الموضوع و خايف ... مش إن اسمي يكون موجود ... لكن مبستحملش إن يكون فيه حد يشعر بالحرج ... و كمان عشان ميكنش فيه مشاكل ... فكنت خايف يكون فيه أسماء بجد. و ده كان هيكون بالنسبة ليك بالتأكيد انتحار محاوراتي :blush: و الحمد لله إنه محصلش .

شكرا جزيلا.

تم تعديل 13 ديسمبر 2005 بواسطة shawshank

[الاسكندرنى]

السلام عليكم

الى حميع الاخوة و الاخوات خمسه فرفشه علشان اتقرب من روح المنتدى الجميله ديه

[الرافعي]

أخي العزيز الإسكندراني

أحب أضيف على الأسماء اللي كتبتها

-

-

-

-

-

وما تنساش بقه أهم واحد

تحياتي

[عصام]

واذا كنت من المشرفين ودخلت من اجل حذف هذا الموضوع لخوفك

من ان يوجد فيه اساءه لبعض الاعضاء

فهنيئا لي بك وبأخوتك

لان هذا دليل على الاحساس بالمسؤليه والامانه

أنا بقى كنت داخل معايا المقص والمنشار ... وعلبة الإنذارات :P

دا يبقى كويس يا دكتور؟ :D

صباحكوا عسل

[مى محمد]

السلام عليكم... بصراحة يا أخ اسكندرانى الموضوع ده شديد جدا جدا...و انا اهنيك عليه...

بالنسبة لسبب دخولى على الموضوع ... انا كنت عايزة اشوف مين الاعضاء اللى انت تقصدهم و لو كنت اعرف حد فيهم و حسيت انك ظلمته ادافع عنه ... و لو كان فى حد أنا مخنوقة منه اضم رأيى لرأيك .. ( اصل أنا بزيط فى الزيطة :excl: ) بس انا الحمد لله مش مخنوقة من حد ولا حاجة ....

بالنسبة لزيادة نسبة القراءات عن نسبة المشاركات.... فى بعض الاحيان انا ممكن اقرأ موضوع و من شدة جماله و اعجابى بيه ماعرفش اكتب رد....و ساعات ماتبقاش عندى الخبرة الكافية للرد....و فى بعض الاحيان لا يعجبنى الرد و لكنى لا أجد لدى القدرة على النقد البناء لذلك امتنع تماما عن الرد....

و اخيرا موضوعك رااااااااااائع بشكل مستفز :rolleyes:

[abofasad]

موضوع جميل وكاتب أجمل

المفروض اننا نقرأ كل المواضيع.. وما يستهوينا نرد عليه وننفعل معه.

احييك اخي الاسكندراني وخاصة الجمل والعبارات الأخيرة في موضوعك

لك كل التحية والتقدير

جدو ابو فصاد

[الآسر]

أيوووووووووووووووووووه

أنا بصراحة دخلت يا جدع يا أسكندراني لأن اسم الموضوع شدني

أنا كنت عارف ان فيه فكرة بس دخلت أشوف ايه الفكرة

وأكتر فكرة أو توقع كان مسيطر عليا .. انك بتحاول تكتب موضوع يشد أكبر عدد ممكن

وده بان في كلامك ان قراء المواضيع كتار والردود قليلة :)

[سهيلة]

بجد اية دة :)

اية المقلب اللى عملتو فينا كلنا دة يا عم اسكندرانى

مقلب تحفة

بس فكرتة لذيذة جدااااااااااااااااااااا

احييك عليها وعلى نقدك البناء اللى استسغتة بطريقة لطيفة اوى

[محمود الشاعر]

انا دخلت علشان اقول وحشتنا

وكل عام وانت بخير وسعادة

[بنت النيل]

الاخ اسكندرانى

اولا انا دخلت عشان بحب اشوف مواضيعك

وثانيا عشان اشوفهم هما اللى بالى برده ولا غيرهم :lol: :lol:

[inas]

انا دخلت ومتاكده ان مفيش اسماء

بس حبيت اعرف ايه الحكايه

بجد موضوع القراءات الكتير ومفيش ردود باستغرب ليها

يعني اربعين واحد داخل الموضوع محدش حتى قال شكرا ولا ابدا راي

بس برضو انا من الناس دي

لاني اوقات بخاف اشارك لان في نقد لاذع من بعض الناس

فبجنب نفسي واقول احتفظ بكرامتي

ولو رديت احيانا محدش بيعبرني

فاكتب ليه :lol: :D

ياخوفي تطنشوني كمان المرادي :lol:

دي مش عدم ثقه بس اتكررت معايا كتير

جايز لاني جديده وحدش يعرفني

بس اهو بحاول اثبت وقول اني هنا :wub:

شكرا ليكم كلكم

بجد انا جيت المنتدى عشان الروح الحلوه الي فيه

وحبيت اكون وحده منكم وانضم للعائله :lol:

وفعلا اتعلمت واستفدت كتير فشكرا ليكم جميعا

[أبو محمد]

الاخ اسكندرانى

اولا انا دخلت عشان بحب اشوف مواضيعك

وثانيا عشان اشوفهم هما اللى بالى برده ولا غيرهم :lol: :D

أكيد لا أنا ولا زهيرى من اللى فى بالك :lol:

دى كده حتة تهدئة للنفوس على ما أُوسُوم :lol:

[MZohairy]

الاخ اسكندرانى

اولا انا دخلت عشان بحب اشوف مواضيعك

وثانيا عشان اشوفهم هما اللى بالى برده ولا غيرهم :lol: :D

أكيد لا أنا ولا زهيرى من اللى فى بالك :lol:

دى كده حتة تهدئة للنفوس على ما أُوسُوم :lol:

أما انت يابو محمد عليك قفشات :wub:

إن بعض الظن إثم :wub:

كل سنه وسكوربيون طيب :wub:

[Romantic Dream]

السلام عليكم انا دخلت و متاكد ان اسمى مش ضمن المتواجدون لانى مش نشيط فى الموقع بس انشاء اله قريبا

بس كنت داخل عشان احاول ارسل لك رساله بتالف القلوب

و الحمد لله مافيش اصلا اعضاء وحشين

[Simba]

اسف قوي يعني اذا كان ينفع الاسف قبل ما اكتب حاجة بس الموضوع ده قديم شويتين انا قريته في منتدي تاني من زمان ورديت عليه نفس الرد اللي هرده دلوقتي

بصراحة موضوع مستفذ جدا

يعني ايه داخل ليه ... هو معني المواضيع اللي في المنتديات ايه مش المفروض انها تصفح وتفاعل أو لك رأي أخر

ما معني سؤال لماذا دخلت المواضيع فلماذا لا تسأل لما سجلت في المنتدي نفسه او الأجدي لما تجلس اما الانترنت

وحاجة اتعلمتها بقي من المحاورات

خلص الكلام -_-