الفرفور والحب

[se_ Elsyed]

دي مش رواية ليوسف إدريس ..

ولكنها قصة واقعية من الفول كلور الشعبي حدثت لي بالأمس .

والظاهر يا ولاد إن الواحد إتفرفر وما بقاش زي الأول ... وعلى رأي خالتي أطا طا .. مافيش حاجة يابني بتفضل على حالها ...

وبعد ما كان الواحد بيفوت في الحديد ويشرب المحيط ولا يتبلش .. أصبحت الآن بادوخ من قرص طعميه ..

وإليكم القصة ..

إمبارح بعد الشغل نفسي - اللي هاتوديني في داهية في يوم من الأيام - هفتني على طعمية مصرية محشية ... ولإن ما فيش حواليه إلا مطاعم بتعمل الطعمية على الطريقة الشامية ( بعجينة الحمص مش الفول المدشوش المصري ) فإنني لا أقتنع بها ولا أقرب لها بتاتاً .. لذا شددت الرحال إلى منطقة لدينا تُعرف بالمنفوحه وبيني وبينها قد 10 أو 12 كيلو .. وهناك مطعم مصري كنت بأتعامل معاه أيام الصبا والشباب ..

والراجل أول ما شفني إستغرب وقالي ياااااااه فينك يا عم سين سين ده أنت داخل على السنتين دلوقت ما فيش حد شافك .. فقلت له مشاغل بقى يا ريس والإنتخابات والتزوير وكده يعني .... المهم إنت جاهز ؟ فقالي : طبعاً .. فقلت له : طب دلعني يابو أشرف ..

راح مجهز لي شوية طعمية محشية من اللي يتاكلوا بالورقة الملفوفين فيها .. على بعض طرشي .. على طبق بابا غنوم ( غنوج سابقاً ) على ثالثة الأسافي واللي جابت داغي وهو البتنجان المخلل اللي فيه خلطة سرية لو رشناها على خط بارليف كان إنهار لوحده من غير خراطيم المطافي ... والحمد لله ربنا ألهمني في اللحظات الأخيرة وما طلبتش فول وإلأ كنت زماني في العالم الآخر دلوقت ...

وقولت الأكلة المتفجرة دي لازم لها سفن آب عشان تُطفيء ما يمكن إطفائه .. ووأنا مروح روحت محود على الفرن بتاع الفينو ( صامولي بالسعودي .. وأموت وأعرف الأصل التاريخي للكلمة دي إيه ؟ وإوعى حد يقولي أصل السعوديين شافوا الصوماليين ا بياكلوا العيش ده فسموه صامولي ؟ )

وروحت البيت وأنا متبت في الحاجات دي وكأني راجع ومعي أكاليل الغار ..

الغريب بقى إن مدام سين سين مالهاش في الكلام ده لإن القولون عندها مخاصم تلك المتفجرات المحرمة دولياً .. ولا الواد عمر كمان ... بس شكلي وأنا قاعد بأكل زي ما أكون صعبت على الولا علي وجه أكل معايا كنوع من المجاملة لواحد زي أبوه برضوا :D

المهم حبست بعدها بما تيسر من السفن آب .. وقلت مش هادخل انام لإن ده في خطر على حياتي .. وقعدت أقرأ يمكن لحد الساعة 12 وقولت أنام بقى زي البني آدميين ..

وتمر الساعات وأنا أتقلب في السرير على جمر من النار من كم الشطة والبهارات والنابلم اللي اكلته .. وآخيراً جالي النوم ..

ولكن حدث ما كان متوقعاً وما حذرت منه المراصد وبيوت الخبرة ومراكز الدراسات .. قمت من النوم مفزوع وأنا مش عارف الساعة كام وعلى الحمام عدل ولم يبقى في جوفي أي أثر من ذلك الطعام من كثر البهدلة اللي إتبهدلتها ..

وياريت على كده .. ده أكثر من 10 مرات رايح جاي على الحمام لدرجة إني فكرت أجيب المرتبة وأبقى قريب من موقع الحدث ..

ولم أذق طعم النوم حتى الآن وبالفعل يا ولاد كانت ليلة حالكة السواد ولم يطلع لها شمس ..

والظاهر إنكتب علينا المسلوق وأكل الفرافير ...

والله يسامحك يا سقراط يا مصري ...

[الرافعي]

بالشفا يا س ، وتاني مرة حاسب على نفسك ، إنت غالي علينا ، وكده يعني

عليك بالقرموشي في الملز أو فول وادي النيل مع زيت السمسم السوداني (في المربع)، على قدك ..

على فكرة أول مرة في حياتي أشوف مطعم بيبيع فول وسمك مقلي فقط هو هذا المطعم العجيب، عزمني واحد زميل سوداني منه على علبة فول بزيت السمسم ، بس لقيت الراجل كمان بيلف لزميلي سمكة مقلية مش عارف من سنة كام لأن كان باين عليها آثار التعرية الطبيعية ..

وبعدين ، قلت لنفسي خلاص ما تعلقش عشان الناس بتزعل وتاخد الكلام بحساسية ،،

المهم خليك في القرموشي مع رغيب تميز أضمن .

تم تعديل 14 ديسمبر 2005 بواسطة حلاوة العنتبلي

[khedr]

يا

شقي...ماراح زمانك ويا زماني ...عمر اللي راح ما هيرجع تاني

http://www.sawari.com/

الاغنيه كلها بصوت الاستاذ عبد المطلب عيش معاها...وكفايه...كفايه

علي فكره الموقع ده هديه لعشاق الزمن الجميل ...وخاصه عمنا الافوكاتو

[مصرية الهوى]

ههههههههههههههههههههههههههه

هههههههههههههههههههههه

ههههههههههههههه

هههههههههه

(خلاص يابت كفاية ... أحسن ربنا يبتليكي زي ما ابتلى الاخ س س)

معليش يا سي السيد تعيش وتأكل غيرها ....

ايه يابني هو حد يأكل من منفوحة برضه :D .. على فكرة عندنا مثل بالسعودي لما تشوف حد متغير ومتطور نقول : ( تطورت منفوحه) :D

وحكاية الخبز الصامولي :D هههههههههههههههه

يمكن .. بقول يمكن اهوه ..

عشان شكلها عامل زي الصواميل :P

بس اوعى تعملها مرة تانية وربنا يبارك في الطعمية الشامي .. والا كفايه عليك تروح السوبرماركت وتشري خبز توست وجبنة المراعي وتحمد ربنا وتشكره

:P :P

وانت ياسقراط .. مش حذرناك ميه مرة يا بني

بلاش تهيجات المشاعر دي .. :D

[se_ Elsyed]

وحكاية الخبز الصامولي  :P هههههههههههههههه

يمكن .. بقول يمكن اهوه ..

عشان شكلها عامل زي الصواميل  :D

.. :P

<{POST_SNAPBACK}>

صواميل إيه يامو صواميل ..

بقى رغيف الفينو المقطقط ده شكله زي الصاموله دي ؟

... مش عايزين فتاوى غير شرعية يا ست جيجي ياللي شمتانه فيه ... وخلي بالك .. النهاردة لكي بكره ليه

[مصرية الهوى]

اللهم لا شماتة ..

اللهم لا شماتة..

:P

وبعدين انا مجبتش سيرة الحجم .. سيبك من الحجم ..

أنا بتكلم عن الشكل ..

مش نفس الشكل برضه ؟؟ :P

يا سيدي ناس بتفكر .. بتستغل كل طاقاتها وتفكيرها في حاجات مفيدة تعود عليها بالنفع ..

يعني حد يقدر يعيش من غير الخبز .. مستحيل ..

وخد الصورة دي أوضح :P

بس والله العظيم أنا مش بشتغل في قسم الاعلانات بتاع جبنة كيري ولا نستله :D

[سقراط المصري]

يا راجل يا طف... ولابلاش

خد شوية التجريس دول في جنبك:

عيد ميلادك جه............ سقراط دخل يهني

فتحت موضوع عن الشتا...... سقراط بارك الموضوع

فتحت قهوه وفلست....... رجعت لشغلتي القديمه ، من مسح وكنس وخدمه الزباين

الشبل عمرو كان بعافيه..... جبت 2 كيلو موز وجيت زرتك في الموضوع

فتحت موضوع عن البورصه....... دخلت اتفرج وامصمص شفايفي واقول كتنا نيله في حظنا الهباب.

خد الكبيره دي:

انت عن نفسك فتحت موضوع خاص لمحاكمتي على توقيع الفول والطعميه.......................... وبعد ده كله تروح تاكل لوحدك سطل طعميه وماما غنو كمان .............. ومش عايز طفطس فيها.

انا قرررررررررررريت عليك

ايوه اهوه وبقولها بالصوت العالي............ ده ذنب حسن الهلالي............ يا خائن.

شوف يا سي السيد يا خويا

انا لو كنت مكانك......... مكنش همني حاجه، كنت لازم تعمل حسابك في اللي هيحصل ده، يعني كنت جبت الاكل واتصلت بالمطافيء يوسعوا مواسير الصرف شويه........... والاحسن كانوا غيروها وجابوا اكبر احجام عندهم ..... عشان تستوعب ال ال ال .... ماعلينا.

وكنت تفوت على صيدليه ، تجيب فوارات ومهضمات.

هو انت مفكر اكل الطع100 كده بالساهل............ ياخي هعععععع.

ههههههههههههههههههه

يا ابو السيد ، زي ما سعادتك عارف، ان اللي بياكل الطعميه بيبان عليه على طول.

وزي ما معاليك عارف برضه ان اكل الطعميه لها طقوس خاصه مثل:

1- عمل عوازل للحيطه مانعه للصوت.............. طبعاً انت عارف الصوت ده هيصدر منين.

2- ابلاغ السكان بمغادره العماره ولمده اسبوع حتى لايتعرضوا لتأثير الغازات والابخره المتصاعده.

3- بقية سكان المدينه عليهم السير بكمامات واقنعه مضاده للاسلحه البيولوجيه.

4- اخد اجازه من العمل لليوم التالي لارتكاب جريمه اكل الطعميه.

5- غلق نفق شبرا................... ومتسألنيس ليه.

روح يا سي السيد .............. منك لله ودمعتي على خدي.

سقراط

تم تعديل 15 ديسمبر 2005 بواسطة سقراط المصري