الفردية .. أم العمل الجماعي ..!!؟

[مصرية الهوى]

يا ترى .. ما هو الأفضل .. أعمل بمفردي ..

أم في جماعة .. ؟؟

هل الأهل والمدرسة .. يربوا في الطفل .. الفردية ..

أم حب الجماعة .. !!

وهل حب العمل الفردي .. تعني الأنانية ...

وحب الجماعة .. قد يخلق الإتكالية في نفس الشخص ..!!

شاركوني الرأي ..

[khedr]

الاخت الكريمه.. ...

لمستي اهم نقطه في نظام العمل...الفرديه ام الجماعيه

كيف يدوب العمل الفردي من خلال العمل الجماعي ....

شوفي ياأختنا العزيزه:

لكل منا عمل محدد ولكن ذلك العمل يجب في النهايه ان يكون في اطار خارجي كبير وهو العمل الجماعي....

علي فكره الفارق بينا وبين اي شعب بيعمل بجد هو الجماعيه في العمل والاداء...

مثلا عازف الكمنجه الكبير الموهوب لازم يلتزم اثناء الاداء مع عازف الاوكورديون ...الطبله...الناي...داخل الفريق الواحد لكي لا نقول...... نشاذ

ولكن ما يحدث عندنا وتعودنا عليه وسبب كل المشاكل التي نحن فيها

...الفرديه..التي لا تهتم بالمجموع ولا المجموعه..... ...الفرد الذي يتحكم ويحكم في كل شئ...

المعادله ...صعبه ولكن مع التعود والفهم والتفاهم كل منا لدوره نصل للجماعيه ومنظومه العمل الجماعي

[New]

الاخت الفاضلة جيجى.

اظن ان ظروف العمل والتعامل مع الغير لهم تأثير اكبر من الاهل او المدرسة ..

وهل حب العمل الفردي .. تعني الأنانية ...

وقد يكون الخوف من عدم كفاءة الاشخاص المشاركين لك فى العمل

وحب الجماعة .. قد يخلق الإتكالية في نفس الشخص ..!!

وقد يكون حب انجاز العمل بشكل افضل ...

بشكل عام...

انا افضل العمل بمفردى اذا كنت اشك فى مقدرة الاخرين على انجاز ما سيكونوا مكلفين به...او فى ظل ادارة سيئة.

وفى المقابل سأفضل العمل الجماعى اذا كانت هناك ادارة جيدة او فريق عمل على قدر من المسؤلية..

تم تعديل 14 ديسمبر 2005 بواسطة New

[سقراط المصري]

الاخت الفاضلة جيجى.

.

بشكل عام...

انا افضل العمل بمفردى اذا كنت اشك فى مقدرة الاخرين على انجاز ما سيكونوا مكلفين به...او  فى ظل ادارة سيئة.

وفى المقابل سأفضل العمل الجماعى اذا كانت هناك ادارة جيدة او فريق عمل على قدر من المسؤلية..

<{POST_SNAPBACK}>

اتفق مع هذا الرأي.

سقراط

[مصرية الهوى]

بصراحة أنا تقريبا تعودت على الفردية وانا طفلة ..

وخاصة من الناحية الدراسية وانجاز الواجبات المدرسية ..

عودوني أهلي .. إني أذاكر لوحدي .. وأحل واجباتي لوحدي ...

والمدرسة للأسف الشديد .. تغرس فينا حب الفردية ..

لا أتذكر أي محاولة لزرع حب العمل الجماعي ..

كل فرد يعمل لوحده ..

بعد ما دخلت الكلية تفاجأت إن النظام كله تقريبا نظام الـ group ..

وأنا مش قصدي إن أنا أنانية ..

لا قصدي إني تعودت العمل بمفردي .. وانجاز اعمالي بنفسي ..

واصبحت لا أثق إلا إذا قمت أنا بالعمل ..

لا أثق في قدرات أو في أعمال الاخرين ..

وخاصة إنه كثيراً ما تكون المجموعة تحوي أفراد من الاتكاليين .. الذين يعتمدون على الناس المتحمسين في المجموعة لانجاز العمل كله ..

وحصلي موقف سخيف جدا الترم الماضي ..

أحكيه بكرى ان شاء الله ..

عشان تقريبا بكلمكم وانا نايمة ... :D

برايفت سقراط :

امتى هتنزل المحروسة ان شاء الله .. عشان هأنزل في نفس اليوم ..

اهو نضمن عزومة لذيذة نأكل فيها بط وفراخ .. يمممم .. يممممم :P

[سقراط المصري]

اسف يا جماعه لقطع استرسال الموضوع.

برايفت سقراط :

امتى هتنزل المحروسة ان شاء الله .. عشان هأنزل في نفس اليوم ..

اهو نضمن عزومة لذيذة نأكل فيها بط وفراخ .. يمممم .. يممممم 

يا مصريه الهويه يا بنتي ، خدي النصيحه دي من اخوكي سقراط.

الدنيا دي فانيه..... ومحدش واخد منها حاجه.

تحياتي

سقراط

[khedr]

امتى هتنزل المحروسة ان شاء الله .. عشان هأنزل في نفس اليوم ..

اهو نضمن عزومة لذيذة نأكل فيها بط وفراخ .. يمممم .. يممممم 

الاخت العزيزه ...العزومه دي عمل جماعي واديكي شايفه ماينفعش فيها الفرديه

بالذمه لو واحد لوحده هيعمل لاخونا سقراط ايه والا ايه...واديكي شايفه النداء موجه الي الجميع...وليس لفرد

وبالهنا والشفا....ياخونا سفراط

[مصرية الهوى]

التيرم اللي فات .. كان عندنا مشروع "تصميم برمجية تعليمية" .. مدة المشروع كانت 10 اسابيع ..

كنا جروب 5 بنات ، البنات اللي معايا كانوا صاحباتي وحبايبي ، بس عليهم برود فظيييييع ..ربنا يهديهم ..

وأنا في الشغل ناااااار .. ومبعرفش ابويا ..

المهم الايام بتعدي واحنا بنمشي حبه حبه ...

جاء اسبوع التسليم .. المشروع لم ينتهي ..!!

أنا كنت خلصت الجزء المخصص علي من فترة ..

يوم الثلاثاء ، كان آخر يوم للتسليم ...

خرجنا من الكلية ، وأنا أهدد صديقتي المسئولة عن الجزء الأخير وأعيد عليها بأنه بكرى .. آخر يوم للتسليم ..

وهي تطمئنني بأنه كله تمام .. ولم يبق الا أقل القليل ..

الساعة 8 بالليل ، كلمتها :

ازيك؟ أخبار المشروع ؟ أصلي مش مطمنة ابدااااااااا

قالتلي بكل برود الدنيا: معليش أصله مش عارفه ابن اخويا لعب في الكمبيوتر ، ومش عارفه حذف ملف ، ودلوقتي عندنا ضيوف ، أول ما يخرجوا هأعمل كل حاجه ..

أنا :angry: زعقت في وشهااااااااااااااا.. ازاااااااااااي ..

أول مرة بحياتي أهزئ حد بالطريقة دي ...

بس فعلا .. مبقيتش عارفه انا بقول ايه ...

التسليم بكرى !!!!!!!!!

يعني المشروع كده راح .. الدرجات راااااحت .. ويا خسارة تعبي ...

قلتلها كل اللي ربنا قدرني عليه من الكلام ... بس ندمت ندم فظييييييييييع :angry: -_- ..

بس والله مكنتش حاسه ..

بس دمي اتحررررررق بجد ...

ليه بتشتغل بالبرووود ده ؟؟ لييييييييه مش حاسه فيني ؟؟؟؟

بعدها...

صاحبتي زعلت مني .. صحيح انا هزئتها بس هي اللي كانت السبب ..

أول مرة حد يزعل مني بالطريقة دي ...

أول مرة اشوف حد زعلااااااان مني كده .. لاني دائما كافه خيري شري ...

بس اتضايقت من نفسي جدا .. مش عايزه حد يشيل على خاطره مني ..

رحت اعتذرتلها واهديتها ..

والحمد لله المياه رجعت لمجاريها ..

بس الحكاية دي كرهتني في العمل الجماعي ...

يمكن اكون غلطانة ...

ويمكن زي ماقال new إذا كانت الإدارة سيئة .. أو عدم ثقتي في قدرات الاخرين ..

ده اللي خلاني أكره العمل الجماعي ...

وحاجه تانية ..

في العمل الجماعي .. يكون تقسيم للشغل ..

وهذا يجعلك لاتلم إلمام كامل بكل أجزاء العمل ..

سيكون اهتمامك منصب على الجزء المسئول عنه .. أما الأجزاء الأخرى ستكون معرفتك بها سطحية تقريبا .. أو ليست بنفس درجة إلمامك بالجزء المسئول عنه ..

وأنا احب أن ألم بتفاصيل كل العمل .. وأحب أن انجزها بنفسي ..

--------------------------------------------

الموضوع شكله هيتقلب عزومة وبط ووز :) ...

الدنيا دي فانيه..... ومحدش واخد منها حاجه.

اه والله معاك حق يا سقراط ..

الدنيا فانية والواحد مش هياخد معاه غير عمله الصالح ..

وأفضل الأعمال الصالحة إطعام الطعام ...

بالعربي: هأحضر العزومة هأحضرها B) ..!!

medeokhedr

لما الحكاية توصل للعزايم .. لا احنا بمووووووت في العمل الجماعي ..

ومش بنحب الفردية ابداااااااااا :D

[shawshank]

الاخت الفاضلة جيجى.

.

بشكل عام...

انا افضل العمل بمفردى اذا كنت اشك فى مقدرة الاخرين على انجاز ما سيكونوا مكلفين به...او  فى ظل ادارة سيئة.

وفى المقابل سأفضل العمل الجماعى اذا كانت هناك ادارة جيدة او فريق عمل على قدر من المسؤلية..

<{POST_SNAPBACK}>

اتفق مع هذا الرأي.

سقراط

<{POST_SNAPBACK}>

و أنا كمان.

و في حالتك يا أخت مصرية ، فالإدارة سيئة ، لأنه:

1. لم تهتم الإدارة بتوزيع العمل على الأفراد ، أو حتى بتركهم يوزعونه كيفما يريدون و تقديم ما يفيد هذا التوزيع حتى تكون الإدارة على علم بدور كل فرد. فالدكتور مثلا لم يطلب منكم تحديد دور كل فرد في المشروع.

2. يتم التقييم النهائي في المشروع لكل المجموعة على أساس جماعي ، بينما يتم التقييم من الكلية على هذه المادة ، و على غيرها ، على أساس فردي.

[khedr]

[quote name=shawshank' date='Dec 15 2005, 09:5

و في حالتك يا أخت مصرية ، فالإدارة سيئة ، لأنه:

1. لم تهتم الإدارة بتوزيع العمل على الأفراد ، أو حتى بتركهم يوزعونه كيفما يريدون و تقديم ما يفيد هذا التوزيع حتى تكون الإدارة على علم بدور كل فرد. فالدكتور مثلا لم يطلب منكم تحديد دور كل فرد في المشروع.

2. يتم التقييم النهائي في المشروع لكل المجموعة على أساس جماعي ، بينما يتم التقييم من الكلية على هذه المادة ، و على غيرها ، على أساس فردي.

<{POST_SNAPBACK}>

[/quote

الاخ الكريم.....معك كل الحق....ومتهيأ لي انه من الممكن ان نضيف الي ماقلته سيادتك:

1 مع تحديد الادوار لكل فرد في المجموعه...تحديد مده زمانيه له

2 تحديد وتقسيم اي عمل جماعي بمراحل متعدده...وتقييم كل مرحله من حيث الانجاز

والوقت

3 منسق او مشرف اومسؤل من المجموعه لمتابعه العمل والتنسيق في العمل مع

المجموعه ويتم تبادل ذلك الدور بعد انتهاء كل مرحله من العمل

4 في البدايه وضع الخطه للعمل مكتوبه واضح فيها توزيع الادوار مع المده المطلوبه

وكل فرد في المجموعه معه صوره من تلك الخطه

ولكم دائما تحياتي............................واشكركم

[bogy]

السلام عليكم جميعا

أعتقد يا أخت جيجي إنك لسه ما دخلتيش الحياة العملية. فأحسن أقولك دلوقتي علشان ما تنصدميش مرة واحدة ربنا مايوقعك في أي صدمة إن شاء الله. :lol:

أنا حسب تجاربي المتواضعة وأنا عندي دلوقت 36 سنة إن العمل الجماعي ده يعني مطلب مش سهل لأنه أصلا لما الواحد بيروح يشتغل في شركة أو يحتك بالناس في معظم الحالات بيلاقيهم أنانييييييييييييييييييييييييين جداااااااااااااااااااا وكل واحد مش بيفكر في نفسه بس، لا ده بيحاول يطلع على أكتاف الآخرين ويحاول يدمر الآخرين علشان هو اللي يوصل وهو اللي يكون في الصورة ومش مهم أي حد تاااااااااااني أبداااااااااااااا.

للأسف هي دي الحقيقة مع معظم الناس في مجتماعاتنا العربية بصورة عامة. والله الواحد حزيييييييييييين جدا لإنه بيقول الكلام ده. المفروض احنا ما نكونش كده أبدا المفروض إن الناس تكون إيد واحدة وإن المسلم يحب لأخيه ما يحب لنفسه. ولكن ده كلام والواقع كلام تاني للأسف.

ومع ذلك الدنيا ما تخلاش من ولاد الحلال الطيبين لكن دول بقوا يعني قليليييييييييييييين جداااااااااااااااااا يعني تقريبا مش متشافين.

وأكبر دليل على كلامي اللي احنا بنشوفه في حياتنا اليومية من تعاملات مع الميكانينكي والتاجر والبائع وغيره وغيره وغيره كله عاوز يسرق وكله عاوز يضحك على الناس التانيين. للأسف مجتمعاتنا بقت مجتمعات أنانييييييييييييه بكل معنى الكلمة.

أنا آسف يا جي جي إن كنت عقدتك في حياتك :) بس الواحد يعرف الحقيقة أحسن ما ياخد الدوش البارد على غفلة في عز الشتاء -_-

ومع ذلك ممكن العمل الجماعي بس بشرط توافر مستوى معين من الأخلاق عند الناس اللي بتعمل العمل الجماعي وياما الواحد سمع عن ناس مشتركين في عمل جماعي مش كانوا بقى يا جي جي بيتركوا العمل بس لا دول كانوا يسيبوكي تعملي أنت العمل كله وبعدين ينسبوه لنفسهم :wub:

وتحياتي لكم جميعا