وسععععععع يا جدع .. عيد ميلاد عصام الشهير بإسو

[se_ Elsyed]

إحنا جايين نهني ونبارك لأخويا عصام شوقي ..

يعني المُشرفين الجدعان ..

يعني أصحاب المقصات الشيك ..

يعني الإنذارات

------

كل سنة وإنت طيب يا عصاعيصو .. ويعود عليك الأيام بخير ..

وأتمنى لك من كل قلبي أن تُحقق كل ما تتمناه في بداية عامك الجديد وخصوصاً الأُمنية اللي بالي بالك .

دي دعوة من مُشرف لأخوه المُشرف ....

روح يا شيخ .... وتعالى بسُرعة

------

[se_ Elsyed]

ودي حاجات كده على ما قُسم

وده مشروب الشباب اللي بتحبه

أنا عارف إنك راجل عملي ومالكش في الورد .. لكن خليها معاك يمكن تنفع في يوم من الأيام

[سقراط المصري]

كل عام وانت بخير ياعصام

انا لابتاع جاتوه ولاتورته ولاورد ، الكلام ده ميكلش معايا.

لك عندي اكله محبشه :angry: ه .......... لما نتقابل ......... هترجعك عشرين سنه وراء -_- .حاجه كده ترم العضم بصحيح :angry: .

اخوك سقراط

تم تعديل 15 ديسمبر 2005 بواسطة سقراط المصري

[shahd]

كل سنة وانت طيب وعقبال 350000000000 سنة و3 شهور و 25 يوم و5 ساعات

[se_ Elsyed]

لك عندي اكله محبشه :angry: ه .......... لما نتقابل ......... هترجعك عشرين سنه وراء -_- .حاجه كده ترم العضم بصحيح :angry: .

اخوك سقراط

<{POST_SNAPBACK}>

هو مين اللي مفروض يأكل مين ؟

خلي بالك يابو السقاريط ... عصام صاحب مزاج عالي قوي .. وإبن حظ ويعجبك ... وهاتدوق بنفسك لما تقابله ..

وما تنساش ملك المزاج كله ( إبن مصر ) اللي يعتبر ملك متوج في 6 أكتوبر وطريق المحور بيعمله ألف حساب ...

ده أنت هاتشوف أيام .....

بس إبقوا إفتكروني بدل ما أنوق لكم فيها ...

[Scorpion]

الووو ... الوووو... واحد ... واحد .. واحد اتنين تلاتة .. الو

سامعني يا كابتن ياللي ورا هناك ... سامعاني يا مدام يالا عمالة تشوحي البصل ...

سكوت من فضلكم ...

أحممممم .. احخخخححخخخم ... خووووووتف ...... احم

اخويا و حبيبي عصام جريب فروت .... اسمعها و اقبلها مني في عيد ميلادك

قفا لبك من ذكرى صامولة و كوريكُُ

فتوضح فالمقراة لم يفرمل رسمها

ترى بعر الأرام في الدركسيون عرصاتها

كأني غداة البين يوم الأكسنت تحملوا

وقوفاً بها صحبي في جراجُ على مطيهم

وإن تصليح بطارية عبرة مهراقة

كدأبك من أمتثال و ست ابوها قبلها

على قطنٍ بالشيم رفارف أيمن صوبه

فأضحى يسح الماء حول اكصدام كتيفةٍ

ومر على القنان من كلينيكس نفيانه

وتيماء لم يترك بها جذع كنبةٍ أو نخلةٍ

كأن ثبيراً في السولار َ عرانين وبله

كأن ذرى رأس الترابانتينا المجيمر غدوةً

فأتيت في عيدك يا عصامآ حاملآ ..

مفتاح خمسةٌٍ و مكاكي الجواء هديةً

كأن السباع فيه غرقى عشية ...

و رؤوس الأشاكيف في سبيلك فدية...

و اللي يحب النبي يسقف ....

كل سنة و انت طيب يا بو قلب كبير ..... :angry:

هديتك يا اسطي

و دي التانية

[Scorpion]

أما أنت يا سقراط يا مفتري فمالكش عندي غير دي ....

وأيقـن إذا ماتا بجـوع وخيبة وقال له الشيطان إنك عائـل

فطوَّف في أصحابه يستثيبهـم فآب وقد أكدت عليه المسائـل

إلى صبية مثل المغالي وخرمل رواد ومن شر النساء الخرامل

فقال لها: هل من طعـام فإننـي أذم إليك النـاس أمـك هابـل

فقالت: نعم هذا الطوي ومـاؤه ومحترق من حائل الجلد قاحل

تغشى يريد النوم فضل ردائـه فأعيا على العين الرقاد البلابل

و رووووح يا شيخ اللهي يجري ريقك عالفاضي زي ما بتعمل في البني آدميييين :angry:

[se_ Elsyed]

يخرب عقلك يا سكوربيون

الصورة دي أخدتوها إمتى مع بعض ؟

بجد تحفه .. لأ والمصوراتي اللئيم أخدها لكم من زاوية حادة بدرجة 45 مئوية ..

ياختي كميله ياختي

[Handicraft]

كل سنة وانت طيب يا عصام باشا وعيد ميلاد سعيد ....

اضغط هنا بس حاسب وشك ......

تم تعديل 15 ديسمبر 2005 بواسطة Handicraft

[bentmasria]

كل سنة وحضرتك طيب يا عصام وعقبال مليون سنة يارب

ربنا يسعدك ويهنيك ويخلى الفرحة دايما ساكنه قلبك وعنيك

وما يحكمك فى محاوراتى ظريف

ويطلقك على كل غلباوى خنيق

ياااااااااارب

:angry: :angry: -_-

[أسد]

الأخ العزيز .. عصام شوقي ..

كل سنةوإنت طيب وعقبال مائة سنة ..

وأنت بصحة وعافية إن شاء الله

[إبن مصر]

اخى الحبيب عصااا....

بهاتوكا المناسبه ليك كصيده ......

يا منتهى الرس فى الافلاك نرتكه

بعردبيل الحب فى الاحلام منتقم

انا نريد الاستفكار مركبه

يا حبذا لو ترتدى الخف بالجزم

يا من ترائى للجميع محبته

اياك والسلطعون البرى مرتسم

يا خفيف القلب لا تدع لنا جرسا

الا قرعته يا مستطيل القلب مبتسم

كل سنه وانت طيب يا صاصا وعقبال المرسيدس العيون يارب ....

واوعى تنسى..

الفاس لو من دهب برضك هايفضل فاس.......

واحفر بأبره ولا تسال الئيم عن فاس

اخوك

احمد محمود

دكتوراه الطب المقارن تخصص تهانى من جامعه سفط اللبن بالمريوطيه

وماجستير تحليل معنوى تخصص فرن افرنجى

:angry:

[Sherief AbdelWahab]

تحية للقوة والحزم والعين الحمرا وأحد أسود المحاورات في الحق ، حبيب الكل ، عصوم الجن :angry:

كل عام وأنت ومن تحب بألف صحة وسداد وتوفيق ونجاح..

خلص الكلام

[مصرية الهوى]

متجمعين عند النبي يا مشرفينا الأعزاء .. :angry:

ياسلااااااااااااااااااااام ....

ده الواحد يفرح اوي لما يجي يهني في عيلاد ميلاد أحد أعضاء نادي ( القمصان الزرقاء) أو (القمصان الخضراء)..

يعني ينوبه ثواب ولا إنذار :angry:

كل سنة وانت طيب ياعصاعيصو ( بذمتك ده اسم دلع يا سي السيد ) ..

ربنا يجعلها ايام خير وبركة .. ويحققلك اللي بال سي السيد بالك :)

بس مش ملاحظين يا جماعة انه احلى حاجه في أعياد الميلاد إنها بتطلع المواهب المدفونة اللي عند زمايلنا الكرام ...

دي القصائد العصماء ماتطلعش الا في المناسبات السعيدة الجميلة زي دي ..

ربنا يزيد ويبارك ...

ويا إسو بطل تطنيش .. فاهم -_- !!!

[الرافعي]

والآن .... أيها المجتمعون في هذا الصيوان

من سالف العصر والأوان

نقدم مفتاح الباخرة نورماندي

للسيد .... عصام أفندي القبطان

وابن حميدو أفندي القرصان

وكل سنة وانت طيب يا عم عصام

مع تحيات (الباز أفندي آآآآآآه)

[صفاء]

يا بختك يا عصام

عيد ميلاد وعروسة فى شهر واحد

اللهم لا حسد

كل سنة وانت طيب وعقبال ما تتعلم تدوس عالإزاز :D

أما بالنسبة للأخ محمد محمود اقوله :

يعنى يا ريت تراعى شعور سيدات وآنسات المنتدى خاصة الآنسات اللى لسه متجوزوش

ليه الفتنة الطاغية دى؟

أنا اول ما ادخل واشوف الصورة اللى تكنن دى قلبى بينخلع وطوالى عالطحال

أرجوك استحلفك بكل المواثيق والمعاريف الدولية وباتفاقية كامب ديفيد

تغير الصورة الفاتنة دى

ده الفتنة نائمة لعن الله من أيقظها

حوشينى يمه .. الوحش الكاسر الأسد الغادر

انسان الغاب طويل الناب

شيلها احسن لا يسلم الشرف الرفيعى من الأذى حتى يوراقوا على جوانبهى الدمووووووو

[عصام]

إحنا جايين نهني ونبارك لأخويا عصام شوقي ..

يعني المُشرفين الجدعان ..

يعني أصحاب المقصات الشيك ..

يعني الإنذارات

إوعى وشك ..

------

كل سنة وإنت طيب يا عصاعيصو .. ويعود عليك الأيام بخير ..

وأتمنى لك من كل قلبي أن تُحقق كل ما تتمناه في بداية عامك الجديد وخصوصاً الأُمنية اللي بالي بالك .

دي دعوة من مُشرف لأخوه المُشرف ....

روح يا شيخ .... وتعالى بسُرعة

------

آمين ياخويا ... آآآآميييييييييييين ... لولولولولولولىىىىىىىىىىىى :D

مشششكرين يابو السيد .. طول عمرك صاحب واجب .. نردها لك كدا يوم افتتاح صالون الحلاقة ..

[عصام]

ودي حاجات كده على ما قُسم

وده مشروب الشباب اللي بتحبه

أنا عارف إنك راجل عملي ومالكش في الورد .. لكن خليها معاك يمكن تنفع في يوم من الأيام

<{POST_SNAPBACK}>

الجدع دا بقى عكروت من ساعة ما وقع فى السايت الروش اياه .. وبقى يعرف يعمل حركات :D

[عصام]

كل عام وانت بخير ياعصام

انا لابتاع جاتوه ولاتورته ولاورد ، الكلام ده ميكلش معايا.

لك عندي اكله محبشه :) ه .......... لما نتقابل ......... هترجعك عشرين سنه وراء :P .حاجه كده ترم العضم بصحيح :) .

اخوك سقراط

<{POST_SNAPBACK}>

مش عارف والله يابو السقاريط أقولك شكرا .. وللا منك لله؟ :D .. يابنى ارحمنى وارحم الناس دول شوية

ربنا ع الظالم والمفترى ..

أقوم بقى اضرب واحد ببس عشان الممبار ومحشى ورق العنب كابس على نفسى من ساعة الغدا .. :P

[عصام]

<div align="center">كل سنة وانت طيب وعقبال 350000000000 سنة  و3 شهور و 25 يوم  و5 ساعات</div>

<{POST_SNAPBACK}>

شهد .. جاتلى شكاوى فى حقك بتتهمك انك غير منظمة والوقت عندك لا يعنى أى شيء .. إيه أقوالك؟ :D