أكتر حاجة بتكرهها

[NoorJehan]

أكتر حاجة بتكرهها

الصمت..حينما يكون الرد الفعل الذى ينبغى هوالصريخ..

الإنهزاميه...حينما يكون لديك كل مقومات الشجاعه والإقدام..

الإستسلام للواقع الأعوج فى حين أنك لك عقل حر للفهم وعينان للقراءه وصوت قادر على تشكيل الحقائق الغير مستورده...

على مشارف سنه 2006...أكرهنا نحن..

[impossible]

الدراسة و المذاكرة :rolleyes: :rolleyes:

[وليد صفوت]

أكره الغرور و التكبر ....

اكره الإنهزامية و التسلط ....

أكره الفشر و الكذب و التناكة على خلق الله ...

[سهيلة]

اكرة الظلم و الفساد اللى ساد مجتمعنا

اكرة اى انسان يتامل عيوب الاخرين وينسى عيوبة

اكرة الفلوس اللى اتسببت ف قتل الانسان لاخية الانسان

اكرة السلطة والنفوذ اللى خلت صاحبها يظلم الفقير وينصر الاخرين

[وليد صفوت]

اكرة اى انسان  يتامل عيوب الاخرين وينسى عيوبة

<{POST_SNAPBACK}>

[shahd]

اكره طولة اللسان والتلميحات الجارحة :wub:

[se_ Elsyed]

بأكره الديكتاتورية ورمزها السلطان مارينجوس الأول .

[Sherief AbdelWahab]

أكره التسلط ..

والجهل..

والقبح..بكل أشكاله..في الفن والسياسة والرياضة ..

والصراع على الزعامة أياً كان شكلها (سياسية أو دينية) خاصة إذا ما استخدم فيه أساليب مشبوهة..

أكره الفلس الفكري خاصة في صفوف الساسة..

أكره الشللية والمحسوبية والنفاق..

أكره صراخ أصالة وتنطع المذيعة إياها وفذلكة حلمي بكر واستظراف فؤاد معوض وحنجورية بكري وواصلية -من واصل- عادل حمودة وزعيق الدستور ووصاية روزا وتمثيل الجمهورية المبتذل لدور خضرة الشريفة في العمل بمواثيق الصحافة المصرية..

معزة كل دول عندي واحدة..

وإن كنت أؤمن على مداخلة نور جيهان الرائعة :

الصمت..حينما يكون الرد الفعل الذى ينبغى هوالصريخ..

الإنهزاميه...حينما يكون لديك كل مقومات الشجاعه والإقدام..

الإستسلام للواقع الأعوج فى حين أنك لك عقل حر للفهم وعينان للقراءه وصوت قادر على تشكيل الحقائق الغير مستورده...

على مشارف سنه 2006...أكرهنا نحن..

خلص الكلام

[maxpayne_007]

لا اعتقد اننى سوف اكره شيئا فى حياتى اكثر مما كرهت الدراسة والجامعة

اكره الجهل بجميع انواعه واشكاله

اكره نفاق المجتمع لنفسه

اكره السلبية و ابغض السلبيين

اكره سينما الهلس والتنطيط واعشق افلام هوليود

[tarek_almeghallawy]

أكره تزييف ارادة الناس.

اكره الجليطة وقلة الاحساس

اكره تعذيب البشر

اكره القلوب الحجر.

اكره الجاهل اللي فاكر نفسه عالم

والعالم اللي عامل نفسه مش فاهم

اكره استخدام الوشوش في الكتابة

اكره الكلام المعاد والمكرر والرتابة

[NoorJehan]

أشكرك يا أخ شريف على كلماتك.

وأضيف للموضوع، إننى أكره بشده تبجيل سفهاءالمجتمع والمجسد فى نماذج إحترام الراقصات وإعطائهم اى مساحه للتحدث ووعظ الأجيال سواء بطريق مباشر أم غير مباشر خلال التمثيليات..وبل أصبحت وصله الرقص تقتحم البيوت بكل فجاجه كما شاهدت لإحداهن..ويتهافت عليهم الناس وتتهافت عليهن ألقاب النجمات والفنانات المبدعات...شئ مقزز للغايه أخشى أن نعتاده وكأنه لا شئ...

كلمه أخيره..

أكره..الكره..وأفضل الإستياء والبغض فى الله..

[NoorJehan]

نسيت أن أضيف:

اكره استخدام الوشوش في الكتابة

ليه بس، ده أنا كنت لسه هسأل ليه أغلبيتهم لا يعمل :lol:

أين مدير صيانه المحاورات :lol:

[Sherief AbdelWahab]

ونسيت أهم شيء أكرهه:

الكيل بمكيالين وثلاثة :lol:

خلص الكلام

[Proud Muslim]

أكره التصلب و التعالي على الحق و المنطق ..

لو أن كل شخص عرف متى يقف و يقول .. أنا مخطيء و يجب أن أصحح .. أعتقد ما كان هذا حالنا !

[مصرية الهوى]

بكره الزن فوق الدماغ ..

يا سيدي قلنا لا .. يعني لا ..

الله !!

:D

[khedr]

اكره

.

.

.

.

.

.

.

اكره....الكره(مش الكوره)..الكره نفسه....

حتي الكلمه شكلها كريه

ياساتر....

يارب اخلعه من قلوبنا وابدلنا بدلا منه حب وسلام واطمئنان

[alshorok]

أكره جدا ثلاث كلمات تتداول على ألسنه الشعب المصرى

1- معلش المسامح كريم..... ومعناها عندى أنك تتنازل عن حقك لو ظبطت نشال حاطط ايده فى جيبك(انتم فاهين قصدى طبعا) وربنا يستر؟؟؟؟

2- كل سنه وانت طيب طول االعام.... من المتسولين والباعه الجائلين وموظفى الحكومه فى المنشات الحكوميه

3- واهم حاجه بكره سؤالنا عن الاصلاح السياسى ومتى سيتم ان شاء الله ابقى قابلونى فى سنه معرفش كام؟؟؟

تحياتى

الشروق

[أبو محمد]

أكره المتكلفين والمتعالين

أكره الظلم والظالمين

أكره الفساد والمفسدين

أكره أن أرى أناسا يتولون المناصب على سبيل المجاملة أو أتقاء لشرهم أو لأنهم أهل ثقة

أكره قائد السيارة الذى يعتبر من يقود بسرعة أقل منه غشيما ويعتبر من يقود أسرع منه مجنونا

أكره برامج الحوار التى يتكلم فيها الجميع فى نفس الوقت

أكره البرامج التى تستضيف ممثلى المسلسلات الرمضانية ونراهم ينسبون سبب نجاح المسلسل (الفاشل) إلى الحب الذى كان يسود بين أفراد العمل (فى حين يكاد الحقد يقفز من عيونهم) وعن عبقرية المخرج وإبداع المؤلف

كفاية كده أحسن ابتديت أحس إنى مكتئب من كتر الحاجات اللى الواحد بيكرهها

[NoorJehan]

أستاء من مقرر "البقشيش" كلما نزلت الى الشارع ...وإنعدام الحياء فى السؤال من قبل الناس...

ويا ويلك إن أعطيت سائق التاكسى مبلغا ما وتوقعت الباقى..إنسى :rolleyes:

أما ان يقص عليك إحتياجه للنقود بسبب عمليه بنته فتترك له الباقى مرغما حينئذ وتجاهد فى إخلاص نيه تركها لله على اى حال بالرغم مما يسببه هذا الموقف من ضيق

وتذكرت وقتها مقوله جميله بما معناها...

كن عزيزا.. فإن الأرزاق بيد الله..

[ام البنات]

السلام عليكم ورحمة الله وبركاته

بكره كل الحاجات الى انتم قلتوها

وبكره كمان انعدام الاحسان

تم تعديل 17 يناير 2006 بواسطة ام البنات