الصعايده وصلوا !!!!!!

[~Heba~]

السلام عليكم و رحمه الله و بركاته

انا عضوه جديده و سعيده بانضمامى الى هذا التجمع المصرى الرائع و ان شاء الله اكون عضوه فعاله تشارك بشكل ايجابى فى محاورات المصريين بس الاول عايزه ترحيب حلو يفتح النفس لان الواحد يدخل المنتدى و يشارك

طبعا انا مصريه و من الصعيد كمان

نشوف منكم الترحيب اللى يستاهلوه الصعايده يبقى ازاى

[سقراط المصري]

مرحباً "بالمهندزه" هبه

:rolleyes:

نورتينا وشرفتينا .......... وان شاء الله هتنبسطي معانا

الصعايده........ اجدع ناس............ وعلى راسي من فوق كمان. ;)

شاي ولاحاجه ساقعه ، تحب تشربيها.

ولو كنت قلتي لي انك جايه ، كنت دبحت عجل على باب المحاورات. :D :blush: :D

تحياتي

سقراط :D

[bentmasria]

يا مراحب بالصعايدة اجدع ناس قلوب بيضاء زى البفته ونفوس حلوة وصافية

نورتى بيتك التانى يا باشمهندسة ويارب تسعدى بوجودك بيننا ونسعد بمساهماتك الرائعة باذن الله تعالى

نورتينا وزدتينا شرف من فضلك معليش يعنى عاوزين كورتين كشك للواد حمادة لزوم العزومة وانا واثقه ان سى السيد حيعملها على مزاجك

ده طبعا غير عزومة حرم الاستاذ سقراط ((هو حضرتك نازل امتى ؟؟؟؟؟؟؟؟؟)) :rolleyes:

ام محمد

[~Heba~]

مرسى اوى ليكم لو بعتوا ترحيب مثل دا على النيل كان اتبخر

ترحيب حااااار حتى الكابلات عندى ساحت

المنتدى طبعا منور بيكم

استاذ سقراط اشكرك جدا مره تانيه اول واحد يرد على

ام محمد ربنا يخلى لك محمد و شكرا ليكى على الترحيب الظريف ده

طبعا دا عشمى فيكم

و بزياده عشم لو فيه بنات من الصعيد عايزه اتعرف عليهم

[khedr]

الاخت الكريمه..............

مرحبا بكي في بيتك بالنيابه عن الاعضاء الجدد(احنا لسه زي بعض...ونحي بعض)...... الاخت: ذلك المنتدي احس انه من اجمل الاماكن التي يمكن ان تكون لنا جميعا ....اسره واحده....

تمنياتي لكي بان تدخلي بفكر مستنير وقلب مفتوح ونستفيد كلنا من فكر المجموعه ...ومن الخبرات الموجوده معنا...ومن الاراء والتوجيهات التي غالبا ما تحسي انها تخرج من اناس بينك وبينهم ود والفه ومحبه....بس!

سلام كبيييييييييييييييييييييييييييييييييييييييييييييييييييييييير يا....

منتـــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــدي

واهلا بيكي

اخوكي (عضو لسه نونو)

[الرافعي]

ولو كنت قلتي لي انك جايه ، كنت دبحت عجل على باب المحاورات. B)  -_-  :)

تحياتي

سقراط :D

<{POST_SNAPBACK}>

سقراط .. انت حبيبي على العين والراس ، لكن تدبح عجل ... والعبد لله يعمل إيه إن شاء الله ؟؟

مش فيه تخصصات في المحاورات هنا ولا إيه ؟؟ خلي بالك أحسن الكونترول موجود ها ؟؟

هبه من غير Eng ولا حاجة ، ماهو البساط أحمدي

أهلاً وسهلاً بيكي وبكل الصعايدة، وإن شاء الله تنوري المحاورات

أنشانتيييي يا هانم (معلش أصلي متقمص شخصية استيفان روستي هذا الصباح )

تم تعديل 18 ديسمبر 2005 بواسطة حلاوة العنتبلي

[سقراط المصري]

سقراط .. انت حبيبي على العين والراس ، لكن تدبح عجل ... والعبد لله يعمل إيه إن شاء الله ؟؟

مش فيه تخصصات في المحاورات هنا ولا إيه ؟؟  خلي بالك أحسن الكونترول موجود ها ؟؟

يا معلم انا اقصد ان اديلك تمن العجل بالتقسيط المريييييييييييييييييح -_- وانت تتكفل بكل حاجه ، شراء-دبح - تعليق على باب المحاورات - اعطاء كل مشرف كيلو بحاله ، وكل عضو تمن كيلو ، وادي هبه العضوه الجديده نص كيلو بحاله. :D :) B)

تحياتي

سقراط

[صفاء]

مرحباً "بالمهندزه" هبه

-_-

سقراط :D

<{POST_SNAPBACK}>

يا سقراط فضحتنا ...

اسمها نورتى يا باجمهندسة " بتعطيش الجيم "

على رأى توفيق الدقن الله يا رحمه

نورتى المنتدى وأحلى من الشرف مفيش :)

وبعدين تعالى هنا يا سقراط ...

ازاااااااااااااااااااااااااى تتعدى على تخصصات حلاوة بيك العنتوووووووووبلىىىىىىىى

هاااااا

قول كده هااااااااا

هاااااااااا

[الرافعي]

مرحباً "بالمهندزه" هبه

-_-

سقراط :D

<{POST_SNAPBACK}>

يا سقراط فضحتنا ...

اسمها نورتى يا باجمهندسة " بتعطيش الجيم "

على رأى توفيق الدقن الله يا رحمه

نورتى المنتدى وأحلى من الشرف مفيش :)

وبعدين تعالى هنا يا سقراط ...

ازاااااااااااااااااااااااااى تتعدى على تخصصات حلاوة بيك العنتوووووووووبلىىىىىىىى

هاااااا

قول كده هااااااااا

هاااااااااا

<{POST_SNAPBACK}>

سانك يو يا صفاءوووو

كلك واجب يا ست الداكتوووورة

[se_ Elsyed]

يعنى عاوزين كورتين كشك للواد حمادة لزوم العزومة وانا واثقه ان سى السيد حيعملها على مزاجك

happy:

ام محمد

<{POST_SNAPBACK}>

طب مش قبل ما أتدبس أعرف يعني إيه كرتين كشك الأول ؟

يعني دي حاجة كده زي الكور الكفر ولا الكور الشراب ولا إيه بالظبط ؟

----

عموماً مرحباً بكي يا باشمندزه ... وإن شاء الله تتبسطي معانا ..

وأحب بهذه المناسبة إني أشكر السيد الرئيس قائد العبور للمجهول على إنه وصل الإنترنت للصعيد الجواني :)

[khedr]

<{POST_SNAPBACK}>

طب مش قبل ما أتدبس أعرف يعني إيه كرتين كشك الأول ؟

يعني دي حاجة كده زي الكور الكفر ولا الكور الشراب ولا إيه بالظبط ؟

اخونا سي السيد...مش ممكن تكون سي السيد وماتعرفش كور الكشك...

هو الكشك طبها عارف انه لبن مع قمح ويترك ليجف اما انه كور فلانه يشبه الكوره الضغيره تقريبا في حجم كره البنج (المضرب) حتي لا يساء فهمي من قبل اللي في بالك

..... واي خدمه

وأحب بهذه المناسبة إني أشكر السيد الرئيس قائد العبور للمجهول على إنه وصل الإنترنت للصعيد الجواني :)

<{POST_SNAPBACK}>

طبعا مشكور...المذكور...اللي مخلي حياتنا كلها هنا وسرور...

وولده صاحب الحل المسحور...في نقلنا الي عالم ما بعد البحور

[هادي]

الفين مرحب بالمهندسة هبه

عتبة مبروكه بالاذن الله

ادخلي المنتدى برجلك اليمن

وإياك .. إياك .. وباب السياسية الداخلية (فيه تكسير حلل وكراسى طايرة دلوقت)

يجعل قدمك

قدم خير عليك .. وعلى كل الصعايدة من أمثالي

(عاوز انشق واستقل واعمل حزب صعيدي في المنتدى .. ويبقى اسمي - المنشق هادي)

أو حتى الخديوي هادي .. مش مهم

كان معك عبر موجات الاثير

اخوك

هادي

نزلة الشيخ عمار - سوهاج - مشطا - جرجاوية

وحالياً

تورنتو - كندا .. تسأليني ليه .. معرفش والله :)

انا نفسي باحوال اجاوب ع السؤال ده .. :)

اكون او لا اكون أكون

تلك هي المشكلة

وطالما اخويا الكبير حلاوة بيه العنتبلي متقمص دور استيفان

فأنا هالحق آخد دور يوسف بك وهبه .. وأقول

سهير ... :)

لحن لم ينتهي :excl:

تحياتي

[~Heba~]

بجد مش عارفه اشكركم ازاى فتحتوا نفسى يجد للمنتدى

و نبدا ب الاخ medeokhedr اشكرك جدا على ترحيبك و احب اقولك انى بعتبر نفسى خبره فى المنتديات بما انى مدمنه نت عشان كده مش اى منتدى يعجبنى و انا من فتره بفتح المنتدى و اخيرا قررت اسجل

استاذ حلاوه والا اقولك اونكل ستيفان متشكرين على العجل بس تفتكر حيكفى تيار الصعيد القادم

سقرااااط المصرى لو سمحت لى يا استاذ انتوا راح تلخبطوا الحميه الغذائيه اللى انا متبعاها

صفاء معلشى انا بحب كلمه الهندزه و المهندزه دى لان اخويا بيقولها كده فعادى سقراط ده اخويا التانى

سى السيد او س س زى ما بيسموك اشكرك على ترحيبك و انا مبسوطه معاكم من اول يوم دخلت و شاركت

و بالنسبه للنت فأرجوك لا تسأل عن احواله عندنا

مصر كلها تستخدم ADSL و انا باستخدم ديل اب

لسه برضو عايزه تشكره

و على فكره ساعه الانترنت هنا ما بين 2جنيه و نصف الى 5 جنيهات اقصد فى مقاهى الانترنت طبعا

و اخيرا لقيت حد صعيدى

استاذ هادى انا سعيده انى عرفتك و يسلمووو اهل سوهاج بس انا من اسوان

و مبروك علينا الحزب انت الريس و انا النائب فين الاعضاء !!!!!

على فكره انا مليش فى السياسه لانه دماغى وجعانى طبيعى مش ناقصه يعنى

عايزاكم تعرفوا انى سجلت فى المنتدى و شاركت فيه رغم ما قيل لى انه متراقب من امن الدوله امن المعلومات الله اعلم و ده شئ طبيعى بسبب الكلام الحامى اللى بيتقال فيه و الاراء الساخنه

و سلامتكم

[الأفوكاتو]

إقتباس من المرحوم الدكتور طه حسين:

لقد قالوا أن مصر هبة النيل , و لكنى أقول أن مصر هبة الفاروق.

و سنغير هذا القول كى يصبح:

أنت " هبة" المحاورات.

مرحبا بك معنا يا أخت "هبة".

[~Heba~]

الف شكر للافوكاتو

بس اذا سمحت لى تصحيح بسيط

مصر هبه النيل دى مقوله هيرودوت

و التغيير البسيط اللى يكون عليها هو

مصر هبه النيل و المصريين

و انا هبه المحاورات :rolleyes: :P دى حلوه منك

[الأفوكاتو]

الأخت الفاضلة هبة,

عندما قلت أن طه حسين قال ما قاله, كان من الواضح أنه إقتبس هذا القول من شخص آخر, و هذا هو نص ما قاله المرحوم طه حسين:

لقد قالوا أن مصر هبة النيل

و قولك :

بس اذا سمحت لى تصحيح بسيط

مصر هبه النيل دى مقوله هيرودوت

يبدو كتنبيه لى بأنى قد أخطأت فى الإقتباس, فى حين أن الإقتباس كان من إختيار المرحوم الدكتور طه حسين, و ليس من إختيارى.

لذا لزم التنويه,

و مازلت فى إعتقادى أنك "هبة" المحاورات,

تقبلى تحياتى.

[~Heba~]

:sad: :wub: :blush: اسفه :excl: :excl: :wub:

و انا شكلى مش حكون هبه المحاورات

حكون جر شكل المحاورات :blink: :blink: :blink:

[مصرية الهوى]

أهلا ومليون اهلا كمان فيكي يا باشمهندسه هبه ..

نورتي يا حبيبتي .. بيتك ومطرحك .. :excl:

الحمد لله الحزب النسائي المتحد بدأ بالنماء..

وأعضاؤه بدأوا بالازدياد :excl: