كبريت حبنا

[المنطقي]

بين الزواج والخطوبة .. هناك فترة طويلة من المشاعر و

الأحاسيس الملتهبة .. وطول الفترة دي يعتمد على حاجتين ..

مدى جهوزية الزوج.. ومدى رزالة أهل العروسة!

هذا الشاب المسكين.. اللي كان لسه من يومين نوغه بياخد

مصروف من بابا.. كبر وعايز يتجوز.. ويروح يقول لأهله كلمة

معروفه.. بابا.. عايز اكمل نص ديني!

وطبعا الولد فرحان انه هيتجوز. والأب فرحان ان ابنه اخيرا

هيفضي اوضة من الشقة! المهم الكل فرحان!

وبعد ان تتم الخطوبة.. تبدأ الفتاه ان تسمع خطيبها احلى

كلام الحب.. بدأ من يا روح قلبي.. انتهاء بيا جزمة حياتي!

اما هو -فلسانه مش جايب همه- فيكفي ان يغازلها بجيبه

وتستمر نيران حبهما بالاشتعال فيملأ (الدخان) حياتهما

فما يكون من (ادارة مكافحة التلوث) الا ان تضع حد لتلك

المهزلة (البيئية) وتعلن الزواج!

ولبست هي الفستان الابيض.. ولبس هو البدلة السوداء

(واخد بالك من الألوان) ..وانتهت الزفة وانتهى الفرح

واستمرت نيران حبهما في الاشتعال - ليس حريقا - كأيام

الخطوبة.. انما لسه فيها الرمق! واستمر الوضع شهر .. اتنين ..

ثلاثة .. سته .. تسعه! .. قف هنا .. تسعه!

تسعه ورا تسعة.. حتى امتلأ البيت بالتسعات.. قصدي الاولاد

وكل ولد من هؤلاء كفيل بأن يقضي على اي شرارة حب!

وفي ليلة استيقظ الزوج مهموما .. و امسك بعود كبريت يحاول

اشعال نيران حبهم من جديد.. حاول وحاول حتى نجح!

وفرحة الزوجة .. و فجأة دخل ابنهم الصغنن! .. وأطلق نفخة

من فمه المنمنم .. وقضى عود الكبيرت نحبه .. وقال لهم:

بطلوا لعب العيال ده! ..نظر الرجل لزوجته .. فوجدها قد نامت

فقد طفئت النار!..

[~Heba~]

ما شاء الله موضوع حلو فى طرحه و الفكره اللى بيعبر عنها

بس انت ليه عايز توضح ان الاطفال بيطفئوا نار الحب

هما نور الحياه و تصور حياه زوجين بدون طفل ينادى باعذب صوت ... ماما ... بابا

اؤكد لك انهم ماراح يستحملوا بعض 10 سنوات

[هشام الجنيدى]

احيك اخى المنطقى على طرح هذا الموضوع ولكنى اتفق مع المهندسه هبه فى ما قالت ان كان للحب نار بين الزوجين فللنار ضوء ودفء وضوءها ودفؤها الاطفال

قد اسمى ما حدث وقد الكون مخطئا : انه تحول فى الطاقه كما تحترق الشمعه فهى لا تنعدم ولكن تتحول لشكل اخر من الطاقه وانت قلت فى موضوع سابق ان الحب طاقه والطاقه لا تفنى ولا تستحدث من العدم مثل الماده

وشكرااااااا :)