اقفل انت .... لا أنتي

[المنطقي]

عجيبة أمور المحبين في بلدنا! .. يا جدع فعلا بتلاقيهم بيعملوا

تصرفات بتكون بالنسبه لك قمة في الرزالة وتقل الدم.. انما بالنسبه ليهم .. رومانسية و حب!

يا أخي تلاقيهم بيشوفوا بعض في كليتهم الصبح . وبعد الضهر يكلمها يقولها وحشتني! ... يا كذاب انت لحقت! .. ولا يكلمها يقولها وحشني صوتك ...هو يعني اتغير فيه حاجة! .. ماهو هو ! ولا زاد عليه نغمتين ولا هيبقى صوت ام كلثوم!

المشكلة بقة انه فعلا رزق الهبل ع المجانين! .. والله انا بحسد شركات الموبايل في بلدنا على الذهب اللي بيكسبوه من الهبل دول! .. ممكن يتكلموا مكالمه ساعه.. نصها ساعتين بيسمعوا تنهيدات بعض .. والنص التاني يقولها وحشتني ..ومقدرش اعيش من غيرك ... ولا الكارثة بقه .. في آخر المكالمة .. خد عندك بقه ربع ساعة (اقفل انت .. لأ اقفلي انتي) ..وصباح الملل والناس الفاضية ..يا عم ما تقفل انت ماهو الغلبان اللي طالب هو اللي بيكع !

المفروض نتفق على حاجة .. يعني عشان نوفر في الفلوس يا جماعة .. بص يابني .. بدال ما كل مكالمة تقعد تقول : وحشتيني .. بحبك .. بموت فيكي .. حياتي من غيرك ملزقة والحوارات دي .. اتفق على حاجة .. يعني أول ماتكلمها .. قولها .: عارفة الاسطوانه اياها ..؟ هتقولك .. ايوه يا مضروب .. ويبقى خلاص .. وفرتوا الفلوس والوقت ! وتدخلوا في المهم .. وبما انه مفيش مهم .. نوصل لآخر المكالمة .. وطبعا تنسى موضوع اقفل انت و انتي.. احنا نتفق ان اللي هيقفل ا الآول هو اللي بيحب التاني أكتر .. عشان مش عايز يسمع صوتوا كتير عشان ميزهقش منه! انت اشفهمك في الحب يا بني! .. اسألني أنا!

[صفاء]

المفروض نتفق على حاجة .. يعني عشان نوفر في الفلوس يا جماعة .. بص يابني .. بدال ما كل مكالمة تقعد تقول : وحشتيني .. بحبك .. بموت فيكي .. حياتي من غيرك ملزقة والحوارات دي .. اتفق على حاجة .. يعني أول ماتكلمها .. قولها .: عارفة الاسطوانه اياها ..؟ هتقولك .. ايوه يا مضروب .. ويبقى خلاص ..

<{POST_SNAPBACK}>

فكرة بردو -_-

[~Heba~]

و يوفروا ليه

خليها تتهنى بالكلمتين مش حتلاقيهم بعد الجواز

[khedr]

عمي المنطقي :

انت بتد فع الفواتير....والا

من اللي بيند فع لهم الفواتير

انا عرف..اقول انا....لأ ..انت...لأ انا.....لأ...انت......لا انا....

انا

انت

انا

انت

انا

انت

: :

:

.

الحق ...اجري

المشرفين جايين بالمقص

[bentmasria]

المنطقى

يتسم اسمك بالمنطقية ولكنى لا اظن ان موضوعك كذلك

افضل ان ينقل لقسم الموضوعات الخفيفه وسامحنى لانه لا يتناسب مع هذا القسم

دمت بكل خير

[Alshiekh]

عجيبة أمور المحبين في بلدنا! .. يا جدع فعلا بتلاقيهم بيعملوا

تصرفات بتكون بالنسبه لك قمة في الرزالة وتقل الدم.. انما بالنسبه ليهم .. رومانسية و حب!

يا أخي تلاقيهم بيشوفوا بعض في كليتهم الصبح . وبعد الضهر يكلمها يقولها وحشتني! ... يا كذاب انت لحقت! .. ولا يكلمها يقولها وحشني صوتك ...هو يعني اتغير فيه حاجة! .. ماهو هو ! ولا زاد عليه نغمتين ولا هيبقى صوت ام كلثوم!

<{POST_SNAPBACK}>

أنت كده حاتخلينى اقول انك ماجربتش الحب لسه لان اكيد لو جربته ماكنتش قلت الكلام ده ! -_-

كان زمانك بتقول شعر وقصائد

[khedr]

<{POST_SNAPBACK}>

أنت كده حاتخلينى اقول انك ماجربتش الحب لسه لان اكيد لو جربته ماكنتش قلت الكلام ده !

كان زمانك بتقول شعر وقصائد

<{POST_SNAPBACK}>

مش كل التجارب يا اخي العزيز اللي تخلي الواحد يقول شعر

فيه تجارب تخليه يقول...انا مش قصير وازعه انا طويل و.......

وكل واحد حسب المكان اللي بينصاب فيه ...اللي في عينه...... واللي في ايده ......واللي في.....جيبه

[بنت شعنونة]

لا لا

ولما يخرجوا مع بعض يمسك ايدها ويشدها بعيد عن العربيات ويبقى هوا ناحية العربيات "مضححححححححححي الواااااااااااااااااااد"

ولما يطلبوا حاجا يسألها الأول " تاخدي ايييييه"

يا سلالالالالالالالالالالام بقى لو شافوا واحدة امورة تروح هيا سألالالالالالالالالالالالاه

انا احلي والا هييييييييا :)

طبعا انتي احلى :)

بعد الجواز نفس السؤال هوا هوا بس بطريقة احدث

- انا اتخن والا هيا :excl:

وتطبخله وتقوله دووووووووووق عمايل ايديا حبيبي

بعد الجواااااااااااز ابقى قابلييييييييييييني لو كلللللللللللللللللللللللللل :)

فيييييينك يا فكيييييييييييييييييهة

فينك يا حنفىىىىىىىىى :excl:

[khedr]

عمنا الكبير المنطقي: احنا كده عايزين نقفل الموضوع ده مين بقي يقفله

انت.....

لأ

انت...

قبل ما نقفله صح هو

مين السبب في الحب :القلب والا العين

والا ......اليورو والين

اقفل بقي

انت

لأ

انت

طيب نقفل سوا..1

2

3

4

ايه ماتقفل بقي

[amrhoras]

اعتقد ان الطرفين بيكونوا لزمهم لحظات من الابتسامات

حكاية اقفل انت او اقفلى انتى نوع من انواع الدعابه مش اكتر مش فى كل وقت او زمان بتنهى المكالمه كدى!

هى فعلا اسطوانات بس محببه لكلا الطرفين بغض النظر عن التكلفه مجتش من دقيقه او دقيقتين

مثلا الاخوه المتجوزين بيدفعوا دم قلبهم علشان يجيبوا هديه من اجل زوجاهتم دى نقول عليها هبل برده؟

بالنسبه للأخت بنت شعنونه

اكيد كل راجل يحب يحمى خطيبته او زوجته . اكيد لمسة الايد لها معنى او احساس بالامان انهم مع بعض او حب متواصل

حكاية الجمال :- مفيش حد بيحب واحده الا كانت اجمل مخلوق فى الكون فى نظره هو حتى لو كانت شيتا او قرده فنسمع مثال مراية الحب عاميه لان الجمال نسبي وكل واحد بيشوف فى الطرف التانى مواطن جماليه تكمل صورة الجمال من وجهة نظر لذلك احنا كلنا بنكمل بعض نسبه وتناسب

وبالنسبه للبنت او الست بتحب تكون اجمل انسانه فى عين راجلها تحب تكون انسانه مثاليه قدام عينه وتحب تسمع كلمات جميله وبرده الراجل

مش فاهم انتوا حطينهم ليه فى الصوره البشعه دى مع العلم انى لم يسبق لى مثل هذه الافكار او لم اتعايشها من قبل بس ليه سمو الحب حب منبع الكلمات الصادقه والاحساس الراقى ..!

فالحب كلمه ونظره ولمسه وغير كل ده دقات قلب متسارعه.

شكرا استاذ منطقى على كده كل الناس المتجوزين وكانو خاطبين سواء حب او لا كانوا كلهم هايفين مع احترامى للجميع :blink:

طب اقفلى بقى هدفع دم قلبي . طبيخك ياحبيبتي مفيش اوحش منه . تصدقى انتى طخنتى اوى . ياه البت دى حلوه جدا احلى منك بكتيييييير اعتقد كلنا عرفنا شعور الطرف الاخر هيكون ايه

تم تعديل 27 ديسمبر 2007 بواسطة amrhoras

[DEMO]

انت لما تشيلموضوع الأسطوانة

وتشيل اقفل انت لا إنتي

هتبقي في المكالمة ايه

بس انت فعلا عندك حق

بس ده مالوش علاقة بالحب

دول ليهم علاقة بنوعية الناس اللي بابا بيدفع ليه الفاتورة

لأن كلمة الحب أكبر من كده بكتير

المحب مش مستني يسمع صوت حبيبه

هو مستني أنه يجمعهم ربنا برباط الزواج

[ابو محمود]

انتا فكرتنى بواحد صاحبى كان بيشتغل عندة شاب لسة خاطب وكان مسلف جارة خط مشترك للتليفون يعنى ممكن يتكلموبالتناوب لحدما التانى يجيلة الخط ودةكان أيامالفاتورةماكانت بالسنة وبعدين حصلت خناقة بين صاحبى وجارة اللى كان مشاركةفى التليفون ولأنها أماكن عمل هرعت الى صديقى لأتعرف على المشكلة وأقوم بحلها وأذ بى أفاجأ بمصيبةحطت على دماغ صاحبنا وهى ان الفاتورة لزومالمكالمات سنة 94هة 954جنية وعندها تسمرت فى الكرسى لأن اى من الفواتير القديمة لم تتجاوز ال300ج طب أعمل اية وأهديهم ازاى وما كان منى الا أن أخذت صاحبى الصبح وذهبنا الى سنترال الأوبرا وتم استخراج شهادة مبينة للمكالمات ولاكن بعد دفع الفاتورة ودفعت الفاتورة لأن صديقى العزيز حلف يمين طلاق انة مش دافع وكان حاسس انة بينضحك علية من جارة وكانت المفاجئة ان تم الكشف عن رقم يتم الحديث فية بال2ساعة يوميآ تقريبآ وعندها طلبت اعرف الباشا الموظف بييجى الساعةكام والحار بيفتح مكتبة الساعةكام وهنا عرفت ان الأستخدام من طرف صديقى ورأيت فى عين الموظف زيغ وهنا طلبت منة النوتةاللى فى جيبةوشفت الرقم مدون فيها وعندسؤالة اتضح انه رقم من يحب ويهوى وعلى حساب صاحبى وتم خصم المبلغ من حساب الحبيب ومن يومها وانا استعمل الكودنمبر لكل تليفوناتى فى البيت والعمل واللى اتلسع صاحبةمن الشوربةينفخ على سلك التليفون ههههههههههههههه

[daielkon]

المشكلة بقة انه فعلا رزق الهبل ع المجانين! .. والله انا بحسد شركات الموبايل في بلدنا على الذهب اللي بيكسبوه من الهبل دول! .. ممكن يتكلموا مكالمه ساعه.. نصها ساعتين بيسمعوا تنهيدات بعض .. والنص التاني يقولها وحشتني ..ومقدرش اعيش من غيرك ... ولا الكارثة بقه .. في آخر المكالمة .. خد عندك بقه ربع ساعة (اقفل انت .. لأ اقفلي انتي) ..وصباح الملل والناس الفاضية ..يا عم ما تقفل انت ماهو الغلبان اللي طالب هو اللي بيكع !

عالم فاضية