تيران و الصنافير ... ( الأرض و الانسان )

[Grandma]

 

 

أنا منضمة للفريق اللي بيؤكد ان تيران و الصنافير جزر مصرية

حتى لو ما كانتش مصرية

تبقى برضو مصرية

ما حدش يسألني ليه

هو كدا و خلاص

بتاعتنا من الأول ، احتلناها ، وقعت تحت سيطرتنا ،

طلبت مننا السعودية إدارتها

مش هتفرق

كدا كدا مصرية

بالوثائق بالمستندات بالعافية بالدراع

هي أراضي مصرية

يعني السيسي غلطان ؟

بالمفهوم الوطني

أيوه غلطان

لكن هو فيه مشكلة ان حد يغلط  ؟ او ان اللي حواليه يوقعوه في الغلط ؟

طيب نعمل ايه دلوقتي بعد ما الفاس وقعت في الراس ؟

ولا حاجة أبدااا

احنا واخواتنا السعوديين واحد

ما تغلاش عليهم الجزيرتين

اللي عندهم عندنا و اللي عندنا عندهم

اسألوا نفسكم وجاوبوها بصدق :

هو مين أغلى و أهم ؟

الأرض ولا الانسان ؟

الأرض بتروح وتيجي

لكن الانسان اذا راح ما بيرجعش

ليه  العداوة و الكراهية اللي بتصل للخلافات و النزاعات و ممكن توصل للحروب ؟

اشتروا خاطر أشقاءنا في السعودية بجزيرتين ايه المشكلة ؟

و اشتروا خاطر أشقاءنا في السودان بحلايب و شلاتين

مش قصة يعني ... انتوا اساسا حاسين بيهم ؟

و اشتروا خاطر  ( أولاد العم ) بسينا

هيخططوها و يعمروها ويطوروها وهتبقى حتة من اوروبا

وياريت اسرائيل تعمل زينا و تقسم الأراضي اللي احتلتها على اتنين

جزء لها و جزء للاخوة الفلسطنيين

يعيشوا فيها جيران في حب و سلام وآمان

ولا فيه داعي للخصام ولا الحروب و القتل و الدمار

ولا الاستشهاد علشان الأرض

ايه الأرض يعني ؟

حياة الانسان أهم مليون مرة

الأرض باقية في مكانها

لكن الانسان بيفقد حياته واسرته وابنائه وزوجته

ومسقبله كله من أجل الأرض

 

مع ان الاراضي كتير يا جماعة ... بتتخانقوا على ايه ؟ شوية تراب ؟

وايه لزوم السلوك العدائي العدواني تجاه بعضنا ؟

اذا ما شالتكوش الأرض يشيلكم البحر

اردموه وعيشوا عليه وكلوا من خيراته

بدل ما تصرفوا على الجيوش و الأسلحة مليارات

اصرفوها على اعمار الصحاري و البحار

ومحاربة الفقر و الجوع و الأمراض

هتلفوا تلفوا و يدور الزمن وفي الاخر هتعملوا كدا

اختصروا الطريق من دلوقتي

ارتقوا و اتحضروا  

وعيشوا في سلام

ممكن تستغربوا اوي من أفكاري

ايام الشباب كنت زيكم

الحماس يخليني اتشال و أتحط على القضايا الوطنية

لكن دلوقتي على قلبي مراوح

صدقوني اكتشفت ان لا شىء يستحق

الأهم هو الانسان

 

****

يا سعوديين

الصنافير و تيران هدية ليكم

من اخوتكم المصريين

اتفضلوهم مع بوستين

و ألف تحية وسلام

****

[tarek hassan]

فيه ناس ضاقت عليهم الأرض بما رحبت 

واحد بيقولي من اسمهم كدا  تيران وصنافير  مش من أسمائنا 

لكن ناس دايرة على كل تقارب مصري يهدموه 

هم أشد كرها لوطنهم والمصيبة بيدعوا الوطنية 

بيشتموا الشعب ويحتقروه بدعوى إن قلبهم عليه

يعلمون عواقب ما يفعلونه على وطنهم ولكنهم مكملين 

يا سعوديين حقكم وفوقهم شكرنا واعتزازنا لدوركم الكبير 

ألف تحية وألف شكر لأخواتنا في السعودية 

[مسافر زاده الخيال]

http://www.alsharq.net.sa/2016/04/17/1508493

[Grandma]

في 4/16/2016 at 17:28, tarek hassan said:

فيه ناس ضاقت عليهم الأرض بما رحبت 

واحد بيقولي من اسمهم كدا  تيران وصنافير  مش من أسمائنا 

لكن ناس دايرة على كل تقارب مصري يهدموه 

هم أشد كرها لوطنهم والمصيبة بيدعوا الوطنية 

بيشتموا الشعب ويحتقروه بدعوى إن قلبهم عليه

يعلمون عواقب ما يفعلونه على وطنهم ولكنهم مكملين 

يا سعوديين حقكم وفوقهم شكرنا واعتزازنا لدوركم الكبير 

ألف تحية وألف شكر لأخواتنا في السعودية 

و اللهِ انا مش فاهمة طبيعة الناس دي ايه ؟

هل هي غيرة حقيقية على الوطن وأراضيه 

و لا كره في السيسي 

ولا الرغبة في الانتقام من ازاحتهم عن الحكم جعلهم يكرهوا الخير لمصر 

على أي حال 

مش كل المتظاهرين و المعترضين من الجماعة اياها 

برضو فيه من المعترضين ناس كتير  ما نقدرش نزايد على وطنيتها 

و صعب عليهم جدا التفريط في تراب مصر

لازم نقدر دا و نحترمه 

 

 

[Grandma]

12 ساعات مضت, مسافر زاده الخيال said:

http://www.alsharq.net.sa/2016/04/17/1508493

اللينك السابق فيه كلام مرسل و لم يأتي الكاتب بأي وثيقة تثبت أحقية أخوتنا السعوديين في الجزيرتين 

انما انا معايا لينك بداخله وثائق بتثبت ان

تيران و الصنافير مصريتان 

لكن برضو ما يغلوش عليكم 

ياما مصر قدمت... جت على دول ؟

وثائق وخرائط وقرارات 250 عامًا تؤكد تيران وصنافير مصرية من «الملكية إلى السيادة»

 

[tarek hassan]

7 ساعات مضت, Grandma said:

اللينك السابق فيه كلام مرسل و لم يأتي الكاتب بأي وثيقة تثبت أحقية أخوتنا السعوديين في الجزيرتين 

انما انا معايا لينك بداخله وثائق بتثبت ان

تيران و الصنافير مصريتان 

لكن برضو ما يغلوش عليكم 

ياما مصر قدمت... جت على دول ؟

وثائق وخرائط وقرارات 250 عامًا تؤكد تيران وصنافير مصرية من «الملكية إلى السيادة»

 

أحمد موسى: جائزة مليون جنيه لمن يقدم وثيقة عن "تيران وصنافير"

حلال عليكي المليون جنيه 

وليه 10 %

[مسافر زاده الخيال]

ان شاء الله سيكون الجسر رابطا بين البلدين و لخير الشعبين.....اما بخصوص الخرائط و الوثائق فلست مؤهلا للحديث عنها و اعطاء الحكم عليها...و الحكم للحكومات و القانونيين 

[Grandma]

12 ساعات مضت, tarek hassan said:

أحمد موسى: جائزة مليون جنيه لمن يقدم وثيقة عن "تيران وصنافير"

حلال عليكي المليون جنيه 

وليه 10 %

 

لو أحمد موسى صدق واعطاني المليون جنيه

حديهملك كلهم 

انا يكفيني اثبات ان الجزيرتين مصريتان 

[Grandma]

9 ساعات مضت, مسافر زاده الخيال said:

ان شاء الله سيكون الجسر رابطا بين البلدين و لخير الشعبين.....اما بخصوص الخرائط و الوثائق فلست مؤهلا للحديث عنها و اعطاء الحكم عليها...و الحكم للحكومات و القانونيين 

 

الحكومات و القوانين احيانا بتكون غير منصفة

حضرتك اكيد تتذكر وعد بلفور

من لا يملك الارض اعطاها لمن لا يستحق

ما علينا...

حضرتك  مش مطلوب منك تحكم بحاجة

لكن اكيد بتقرا كل ما يرد في هذه القضية

ومن جواك هتعرف الارض ملك مين

أما بالنسبة للجسر

فعندنا عالم مصري بيشكك في امكانية اقامته

لا ستحالة ذلك هندسيا

 

ومع ذلك ممكن نعمل نفق

او ربط بحري

وكدا كدا مش صعب الانتقال بين السعودية ومصر

ربنا يعمل اللي فيه الخير للبلدين و للصالح العام ان شاء الله

[Grandma]

6 ساعات مضت, مصطفي said:

مصري بسوهاج يسمى مولودته “صنافير” تضامناً مع الحق المصري

فى أول رد فعلى شعبى على أزمة جزيرتى صنافير وتيران بين مصر والسعودية أطلق رشدى السيد أحمد، من محافظة سوهاج مركز دار السلام، أولاد يحى، اسم “صنافير” على مولودته الجديدة، وذلك إيماناً منه بأحقية مصر فى جزيرتى “صنافير” و”تيران”.

وأكد على أنه بهذا يحفظ حقه فى الإعتراض على تسليم جزيرة “صنافير” و”تيران” للسعودية بشكل راقى وفريد من نوعه فى التظاهر، ومطالباً النظام بطرح الأمر برمته على الشعب مصدر السلطا

تحياتي للسوهاجي

و للاحتجاجات الصعيدية الراقية

 ألف مبروك عليه صنافير تتربي في عزه

وعقبال ما يخاويها بـ (تيران )

[Grandma]

2 ساعات مضت, مصطفي said:

كاتب سعودي يطالب مصر بسداد 34 مليار دولار نظير احتلالها ل" تيران وصنافير "!

كتب : بوابة القاهرة الأحد، 17 أبريل 2016 08:29 م

 

تيران وصنافير

 

طالب الكاتب السعودى طراد بن سعيد العامرى، الحكومة المصرية بدفع مبلغ (33،638) مليار دولار، عن جزيرتي صنافير وتيران التي عادت إلى السعودية بحكم اتفاقية تعيين الحدود البحرية التي وقعت في القاهرة الأسبوع الماضي.

وقال العمري في سلسلة تغريدات عبر حسابه على "تويتر" ونشرتها عدة مواقع إخبارية إن هذه الأموال من حق شعب المملكة وتقتضي الأمانة أن يتم توريدها إلى الخزانة العامة السعودية بأسرع وقت ممكن.

وأضاف طراد: "تعتبر العلاقات السعودية المصرية هي في أفضل حالاتها منذ أن بدأت بصرف النظر عن المحاكمات الإعلامية التي ظهرت بسبب الجزيرتين بعيد التوقيع على الإتفاقية، فبالرغم من براعة أهل القانون في مصر، إلا أن أي منهم لم يتكلف العناء ليعود للدستور المصري، ليكتشف بما لا يدع مجال للشك أن الجزر ليست مصرية مطلقاً". 

وأوضح، أنه بعد عودة جزيرتي صنافير وتيران للسعودية عقب توقيع إتفاقية تعيين الحدود التي تم توقيعها في القاهرة خلال زيارة الملك سلمان إلى مصر في الأسبوع الماضي، فإن الحكومة المصرية مطالبة بدفع مبلغ (10) مليار دولار وهذا بشكل نصيب السعودية من عائدات الجزر ومضيق تيران من المعونات الأمريكية المقدمة لمصر منذ العام 1978م، وجزء من عائدات الجمارك التي دخلت الخزينة المصرية منذ العام 1950م. كما أن الحكومة المصرية مطالبة بمبلغ (7.5) مليار دولار كلفة إيجار الإستثمار طويل الأجل، ومبلغ (15) مليار قيمة إستثمارات محتملة في الجزر والمضيق سياحياً وتجارياً خلال أكثر من ستة عقود. 

وكشف الكاتب السعودى، أن الحكومة المصرية، تلقت معونة أمريكية في العام 1978، تحولت إلى هبة في العام 1982، وقدرها (2،1) مليار دولار أمريكي. أي أن الحكومة المصرية حصلت حتى الآن على ما مجموعه (79،8) مليار دولار بين معونة وهبة نتيجة إتفاقية كامب دي?يد، وبما أن جزيرتي صنافير وتيران سعودية فإن نصيب السعودية لا يقل عن (10?‏) من حجم المعونة/الهبة الأمريكية، ولذا فان الأمانة تقتضي أن تقوم الحكومة المصرية بدفع مبلغ (7،98) مليار دولار للحكومة السعودية وهو نصيبها من كامل المبلغ منذ العام 1978م. 

وأشار إلى أن الحكومة المصرية سبق لها أن فرضت رسوم عبور على السفن التي تعبر مضيق تيران حسب شهادة الرئيس الراحل جمال عبدالناصر منذ العام 1950م والتي تقدر بمبلغ (100) مليون دولار سنوياً وما مجموعه (6،6) مليار دولار خلال الـ (66) عاماً الماضية وبالتالي يصبح نصيب السعودية مبلغ لا يقل عن (50?‏) من عائدات الجمارك والرسوم وهو مبلغ (3،3) مليار دولار. مع العلم أن السعودية لم تأذن لمصر بذلك في مذكرات التفاهم التي تم بموجبها الموافقة على طلب مصر للحماية، وليس للاستثمار. 

و يبلغ مساحة جزيرة تيران (80) كم مربع، ومساحة جزيرة صنافير (33) كم مربع، أي ما مجموعه (113) كم مربع، وإذا إفترضنا أن كلفة إيجار الأرض للإستثمار طويل المدى (1) مليون دولار لكل (1) كم مربع، فإن الحكومة المصرية مطالبة بدفع مبلغ (7،458) مليون دولار عن الـ(66) عام الماضية منذ العام 1950م. 

بالإضافة الى ذلك، الحكومة المصرية مطالبة بمبلغ يقدر بضعف المبلغ، أي (14،9) مليار دولار صافي عائد الإستثمارات المُحتملة على مساحة الجزيرتين خلال الـ (66) عاماً الماضية. كما يبلغ مجموع المبالغ المستحقة على الحكومة المصرية هو مبلغ (33،638) مليار دولار فيما يخص إيرادات الجزيرتين خلال الـ (66) عام الماضية، مع عدم الإخلال بأي مطالبات أو حقوق أخرى لاحقة بين الطرفين أو من طرف ثالث. 

ومن المهم التوضيح أن الجزيرتين وما يتبعها من مضائق قد إنتقلت للإدارة والحماية المصرية لأسباب محددة في التفاهمات بين الدولتين خلال الظروف السياسية والعسكرية في المنطقة، ولم تأتي الحكومات المصرية المتعاقبة على ذكر أي من النشاطات التجارية أو الإستثمارية أو العسكرية الي قامت بها الحكومات المصرية.

واعتبر الكاتب السعودي أنه "من المستغرب جدًا، أنه بالرغم من كل اللغط الذي تم حول ملكية الجزيرتين بعد توقيع الإتفاقية لم يلتفت أي من الأخوة القانونيين أو الدستوريين أو المؤرخين إلى الدستور المصري الذي يوضح بما لا يدع مجالاً للشك بأن الجزيرتين لا تتبع للأرض أو السيادة المصرية.

فقد تداول الرأي العام عدد من الخرائط والوثائق التي قد يشكك البعض بها أو أسبابها أو مقاصدها، أو الظروف السياسية التي أدت إليها، ولكن لم يعد أي من الباحثين إلى أحدث نسخة من الدستور المصري لكي يكتشف بأن هذه الجزيرتين لم تكن أرض أو جزر أو ممر مائيًا مصريًا". 

وطالب مجلس التنسيق السعودي المصري، برئاسة ولي ولي العهد السعودي، ورئيس الوزراء المصري، كما طالب رئيس ومجلس الأعمال السعودي المصري، والسفير السعودي في القاهرة، والسفير المصري في الرياض، أن يضموا هذا المبلغ المفصل أعلاه لأنه من حق الشعب السعودي ولا يمكن التنازل عنه بأي حال من الأحوال.

 

هو احنا هندفع كمان ؟ 

طيب قيدوا ع النوتة 

لو نفضتونا مش هتلاقوا معانا 3 مليار مش 34 

بس حلوة احتلال دي 

بتخلي المصريين يشعروا بالزهو 

دااحنا غلابة  

[Grandma]

6 ساعات مضت, مصطفي said:

اعتقد ان ده كان اهم هدف من بيع او ان الجنرال سمع كلام مامته ورجع الحلتين اللي كنا سالفينهم من الجيران بعد انتهاء الفرح

قرأت رأي بعض  الناس  ان الهدف هو تحويل مضيق تيران  الي ممر دولي بدلا من  وضعهه الطبيعي  كمياه اقليميه مصريه والي استند اليه عبد الناصر  في مايو 67 وقفل المضيق من واقع انه جزء حقنا .

الهدف  الثاني هو بث روح العداوه بين شعبين عربيين مسلمين لان  المصريين الحقيقيين يعتبرون الارض عرض  وبالتالي مستعدون  لقتل اي سعودي يطأ قدمه  جزرنا ومن النااحيه الثانيه وجد السعوديين الشغب الآخر مموت نفسه لاثبات ان الجزر تخص السعوديين وبدليل هاتو كل الصحف السعوديه ابتداء من سنة 1932 ونحاول نشوف لو فيها مجرد تلميح بان الجزر كانت ملك لهم 

عموما بدأت العداوه والجسر فنكوش  بيضحكو به علينا 

ان شاء الله مافيش عداوة ولا حاجة 

هتكون سحابة صيف لو حصل خلاف 

ما انا قولت يتفضلوا الجزيرتين هدية 

ومافيش داعي للعداوة 

دا احنا بنعتبرهم أشقاء 

هو كلام انشاء وخلاص ؟ 

 

 

 

 

[مسافر زاده الخيال]

بصراحة موضوع الجزيرتين باسمعة من سنين مراهقتي....فعلا لكن على شكل كلام مرسل و متداول على اضيق الحدود...البحث في المستندات و بلغات اجنبية فوق طاقتي ..ولا اعتقد مطلقا ان الحكومة السعودية (تفتعل هذه القضية )من العدم...

[أبو محمد]

سالخير .. أنا جيت أطل عليكم

ومش داخل لكم بإيدى فاضية

إن شاء الله الزيارة الجاية تبقى زيارة من أول النهار

وهنجيب معانا الأولاد .. ومعانا حلة فشار

[حمزه عباس]

عجايب 

اللى بيدافع عن مصريه الجزر يتم الأن تخويفه بل و تخوينه 

كيف تحكمون 

الهذا الحد وصل بكم الدفاع عن الفاشل القاتل الخائن 

ايها المدافعون عن الباطل 

طابا المصريه قمنا باستردادها بفضل الله بعد ان اضاعها العسكر الفشله 

بالطريق القانونى اعتمادا على الله ثم على اتفاقيه 1906 و التى تحدد الحدود الشرقيه لمصر

يعنى المحكمه الدوليه التى فصلت فى احقيه مصر فى طابا اعتمدت تلك الاتفاقيه 

و التى فيها ان الجزيرتين مصريتين قبل ظهور المملكه العربيه السعوديه ب 26 سنه اساسا 

يعنى من قبل ظهور المملكه و اثناء ما كانت فكره فى رأس الملك عبد العزيز

فالعالم كله يعرف ان الجزيرتين مصريتين  و فى عرف السياسه و السياده 

ما فيش حاجه اسمها اخويه و عشم و المليان يكب عالفاضى 

السعوديه لن تقبل ان يجادلها احد فى حدودها الجنوبيه مع اليمن و التى يقول فيها 

البعض ان ما بعد الطائف كانت داخل اليمن و تم تسويه ذلك من فتره قريبه 

عموما انا الموضوع لم يكن يشغل بالى كثيرا و لم اتداخل فيه الا لما رأيت 

هذه الاستماته المهينه فى الدفاع عن القاتل و لو على حساب ارض الوطن 

و قلت فى بالى 

ليس بعد الدم ..تراب .

[Grandma]

18 ساعات مضت, مسافر زاده الخيال said:

بصراحة موضوع الجزيرتين باسمعة من سنين مراهقتي....فعلا لكن على شكل كلام مرسل و متداول على اضيق الحدود...البحث في المستندات و بلغات اجنبية فوق طاقتي ..ولا اعتقد مطلقا ان الحكومة السعودية (تفتعل هذه القضية )من العدم...

د. مصطفى الفقي النهاردة بيقول ان الخرائط القديمة بتثبت ان تيران و صنافير مصريتان

اما الخرائط الحديثة فبتثبت انهما ملك السعودية 

ممكن الخرائط الحديثة من وجهة نظري يكون ملعوب فيها لان كلها شغل انترنت 

عموما دا بيثبت ان مافيش حقيقة مطلقة وكل انسان بيشوف الحقيقة من وجهة نظره وعنده

ادلته و اثباتاته وما يدعم ادعاءته 

والا ما كانتش بقت مشكلة عويصة كدا 

 

 

 

 

[Grandma]

13 ساعات مضت, أبو محمد said:

سالخير .. أنا جيت أطل عليكم

ومش داخل لكم بإيدى فاضية

إن شاء الله الزيارة الجاية تبقى زيارة من أول النهار

وهنجيب معانا الأولاد .. ومعانا حلة فشار

لآ النهاردة مش سالخير 

وعندي الوثائق و الاثباتات اللي بتثبت انه مش سالخير 

 

هات ما عندك يا جهينة 

خصوصا لو كان آيس كريم ولا باكيت شيكولاتة 

 

مادمت فاهم تركيبة و تقنية الشعب المصري

ليه ما َميلتش على الريس تغششه يعمل ايه ؟

كنا خلصنا من الموال دا 

عموما هو أقر بان حلايب و شلاتين مصريتان 

هنشوف الاخوان و الجزيرة وباسم هيعملوا ايه 

 

 

[Grandma]

36 دقائق مضت, حمزه عباس said:

عجايب 

اللى بيدافع عن مصريه الجزر يتم الأن تخويفه بل و تخوينه 

كيف تحكمون 

الهذا الحد وصل بكم الدفاع عن الفاشل القاتل الخائن 

ايها المدافعون عن الباطل 

طابا المصريه قمنا باستردادها بفضل الله بعد ان اضاعها العسكر الفشله 

بالطريق القانونى اعتمادا على الله ثم على اتفاقيه 1906 و التى تحدد الحدود الشرقيه لمصر

يعنى المحكمه الدوليه التى فصلت فى احقيه مصر فى طابا اعتمدت تلك الاتفاقيه 

و التى فيها ان الجزيرتين مصريتين قبل ظهور المملكه العربيه السعوديه ب 26 سنه اساسا 

يعنى من قبل ظهور المملكه و اثناء ما كانت فكره فى رأس الملك عبد العزيز

فالعالم كله يعرف ان الجزيرتين مصريتين  و فى عرف السياسه و السياده 

ما فيش حاجه اسمها اخويه و عشم و المليان يكب عالفاضى 

السعوديه لن تقبل ان يجادلها احد فى حدودها الجنوبيه مع اليمن و التى يقول فيها 

البعض ان ما بعد الطائف كانت داخل اليمن و تم تسويه ذلك من فتره قريبه 

عموما انا الموضوع لم يكن يشغل بالى كثيرا و لم اتداخل فيه الا لما رأيت 

هذه الاستماته المهينه فى الدفاع عن القاتل و لو على حساب ارض الوطن 

و قلت فى بالى 

ليس بعد الدم ..تراب .

حضرتك بتخلط الامور 

أغلب الاعلاميين و النخبة و افراد  الشعب بيقروا بمصرية الجزيرتان 

و كتير منهم هاجم السيسي حتى من مؤيديه

يعني مافيش استماتة خالص في الدفاع عن السيسي

لكن في نفس الوقت مش هنعمل عداوة بينا و بين أشقاءنا في السعودية

تحب  حضرتك يعني يكون بينا حرب زي اللي بينهم وبين اليمن ؟

الدم أغلى من التراب 

 

 

[Grandma]

13 دقائق مضت, مصطفي said:

آدي جزاء اللي يسمع كلمه ماما قالتها

 

دي دعوة صريحة لعصيان الأمهات

يا وقعة بطينة بطين 

 ع الحبس دوغري منك له له له 

[حمزه عباس]

2 دقائق مضت, Grandma said:

حضرتك بتخلط الامور 

أغلب الاعلاميين و النخبة و افراد  الشعب بيقروا بمصرية الجزيرتان 

و كتير منهم هاجم السيسي حتى من مؤيديه

يعني مافيش استماتة خالص في الدفاع عن السيسي

لكن في نفس الوقت مش هنعمل عداوة بينا و بين أشقاءنا في السعودية

تحب  حضرتك يعني يكون بينا حرب زي اللي بينهم وبين اليمن ؟

الدم أغلى من التراب 

 

 

الكلام حضرتك عن اللى بيدافع بالباطل و باستماته و ليس عن حضرتك 

و هؤلاء طافحه بهم الفضائيات و المنتديات و صوتهم مسموع و مؤثر للاسف .

و مين قال انى لما ادافع عن ارضى ..حقى .. إنى كده باعمل عداوه مع اشقائنا فى السعوديه 

ده حتى المثل البلدى بيقول ان كنتم اخوات اتحاسبوا 

و ايه اللى جاب سيره الحرب هنا و طبعا ما احبش يكون بينا حرب 

و ليه هذا التخيير الجائر ..يا اسيب ارضى يا احارب 

و ما فيش حاجه فى السياسه اسمها عشم و رومانسيه و كلنا نحب بعض 

ماشى كلنا نحب بعض لكن نبقى كلنا نبقى عارفين حدودنا و حقوقنا فين 

و لما نتنازل عن حاجه يبقى بالحق اولا ثم بعد ذلك بالمحبه و العشم و الرضا .