طبع وإصدار محاورات المصريين بشكل دوري

[إيزيس]

صحيح يا ناش فظيييييييييييع

لكن الحكاية أكبر من التعليقات في مواضيع متكاملة تحفة أنا صحيح معجبة بمدونات البنات دول لكن المواضيع هنا أجمل وخسارة ما تتعرضش

نسعى وربنا يسعى معانا إن شاء الله؟

لكن لازم موافقة الكتاب المحترمين و سي السيد أولهم إحنا مش ممكن نعمل حاجة من وراه كفاية اللي جرى لنا من يوم السوارس وطبعا الأسماء اللي سي السيد كتبهم وغيرهم واللا احنا نلفت نظر دار النشر للمحاورات وهم لو حبوا الفكرة ياخدوا رأي صاحب الموضوع

وبيني وبينك يمكن ينوبنا من الحب جانب

وقال على رأي المثل (فاكرة الأمثال )

الرغيف المقمر للصاحب اللى يدور

[امانى]

والله عندك حق يا قرنفل فعلا المحاورات مليانه بالمواهب سواء فى الكتابة او الشعر وبضم صوتى لصوت ناش بخصوص سى السيد

فعلا كتاباته الساخرة لا يعلى عليها تقولى كدة احمد رجب المحاورات وايضا الاخ سكوب كتاباته رائعة خصوصا موضوع حلة المحشى

اللى قراناه متاخر كمان فى محاورين بارعين فى تحاورهم وارائهم على سبيل المثال لا الحصر اخونا الفاضل ابو محمد واخونا

اسد والسيدة الفاضلة الاخت سلوى ومننساش الشعراء برضه على سبيل المثال لا الحصر الاستاذ احمد محمود والاخ داروين والاخ

احمد فرحات ودكتور جمل والسيدة

الفاضلة ام مادة والرقيقة شهد وغيرهم كتير لا تسعفنى الان الذاكرة لذكر اسماؤهم

بضم صوتى لصوتك يا قرنفل وياريت نقدر نوصل اعمالهم للنشر بس بعد موافقتهم الشخصية

امان

[se_ Elsyed]

يا خواننا ما تنفخوش فينا قوي كده أحسن نفرقع

مال القاريء اللي هايقرأ كتاب شاريه بفلوسه بسين سين لما رد على قرنقلة وقالها في احد الموضوعات " هـــا طابخين إيه النهاردة ؟ محشي زي كل يوم ولا غيرتوا للبامية ؟ "

ولا سكوربيون لما كان بيمسي على سين سين في موضوع تاني ويقوله : مسسسسسسسسسسسسسسسسساء الخير يا معلم .. خد شد وطلع من مراخيرك ...

موضوع الكتاب عايز شغل جامد .. وعايز مواضيع يفهماها الجميع مش بس اللي في المحاورات ....

وبعدين عمركو سمعتوا عن كاتب إسمه سين سين ؟

هانهزر بقى سين سين وقاف عين ومش عارف مين

[واحد تاني]

يا خواننا ما تنفخوش فينا قوي كده أحسن نفرقع

مال القاريء اللي هايقرأ كتاب شاريه بفلوسه بسين سين لما رد على قرنقلة وقالها في احد الموضوعات " هـــا طابخين إيه النهاردة ؟ محشي زي كل يوم ولا غيرتوا للبامية ؟ "

ولا سكوربيون لما كان بيمسي على سين سين في موضوع تاني ويقوله : مسسسسسسسسسسسسسسسسساء الخير يا معلم .. خد شد وطلع من مراخيرك ...

موضوع الكتاب عايز شغل جامد .. وعايز مواضيع يفهماها الجميع مش بس اللي في المحاورات ....

وبعدين عمركو سمعتوا عن كاتب إسمه سين سين ؟

هانهزر بقى سين سين وقاف عين ومش عارف مين

كلمة حق اقولها ... انت كارثة تاريخية

وموضوع الكتاب ده حاجة سهلة جدا وممكنة أوي ...

و المتفجرات اللي موجودة في الموضوع ده (أرشيف الاعمال الفنية لإبننا سين سين) تعمل كتاب جامد جدا

وحاجات كتير ل سكوربيون لو نزلت في كتاب هتكسر الدنيا

خد عندك مثال (مغامرات عصابة "حساس")

والا حشيش و اجرام مواضيعة وكصصه

والا مشروعات بنت شعنونة

والا رحلات كليو

في ابداعات هنا يا هندزة لو خرجت لدايرة نور اوسع ممكن تعمل نقلات حضارية ديموغرافية لأصحابها

[إيزيس]

أفهم من كده إنكم موافقووووووووون

استعنا ع الشقا بالله

[Modest]

أؤيد ترشيح الرفيق سين سين لنشر كتاباته في العلن .. و ربنا يستر :baby:

و من منبري هذا أعلن تبرعي بمبلغ 175 قرش بالتمام و الكمال من أجل هذا الهدف السامي smk:

سِر يا سين سين على بركة الله.

لأ بجد الراجل ده حكاية .. من حسن حظي إني تعرفت عليه عن قرب و بيننا اتصال مستمر (مكلفني شيء و شويات :) ) .. مصري حتى النخاع و خدوم و شهم جداً .. ما نقرأه له هنا لا يتعدى 1% من خفّة دمه في الواقع بالإضافة إلى غيرته على كل ما هو مصري و واقعيته و تدينه.. و كفاية كده علشان الحبر هايخلص.

أماعن أحلى حاجة فيه إنه بيعزمني على العشا كل ما أروح الرياض .. و دي ميزة مهمة جداً الحقيقة و كانت وراء كل الكلام الحلو اللي كتبته في حقُه smk:

سين سين .. هات بوسة :blink:

[se_ Elsyed]

فليبارككم الرب في امجاده السماوية

أخجلتم تواضعنا

طب إستنوا شويتين لما اخد رأي سكوريبون وحشيش عشان يبقى كتاب الثُلاثي المرح .... والمكسب والسبوبة هايبفى تيفتي تيفتي

وبالتأكيد هانحتاج مساعدتكم في إختيار الموضوعات الصالحة للنشر واللي اهم معيار فيها ما يبقاش الموضوع بيتكلم عن حاجة تخص عائلة المحاورات فقط وبالتالي الأخرون مش هايفهموا خلفياتها ...

بالمناسبة مالقيش عندكو واد حِرك كده ويكون إسكندراني عويم وبيوصل لبعد البراميل ... ويروح غايب قد 3 أو 4 ليالي يجمع فيهم أرشيف الاعمال السودا قصدي الفنية للأديب سكوربيون مارنجوس سكوربيون .. لإن الأرشفين بتوع حشيش وسين سين موجودين بالفعل

عشان يبقى عندنا ثلاث أراشيف نختار منهم براحتنا وهما لـ

حشيشكو للإنتاج الفني ولأفلام المقاولات

وسكوربيونو إيطاليانو فور موفي تكني كلور

وسين سيكوف للعطارة والأعشاب الطبية

وبالتالي نقعد جميعنا قعدة عرب - وروني قاعدة العربي بتبقى إزاي ؟ - ونقعد ننقح ونفلتر ونبهدل الموضوعات لحد ما نعبي بيهم قد 150 صفحة فلوسكاب ونبدأ رحلة إصدار اول كتاب اللي لو باقي الأدباء موافقين نتحمل تكاليفه كلنا ( أنا وسكوب وحشيش لما يخرج من السجن )

ووالله مش مهم المكسب ولا الكلام ده ... لكن اهم حاجه نسيب ذكرى كويسة للأجيال الجاية في حالة إلقاء القبض علينا

يا خوفو بعد ده كله وبعد ما نردم سور الأزبكية بالكتاب الموعود يقوم اللي متباع منه 3 نُسخ بس ( عارفين طبعاً مين هايشتريهم ) والباقي يقرطسوا فيه طعميه ولب سوري مش سوبر كمان إمعاناً في القهر والذُل )

[nash]

كمان ممكن الردود الغير مفهومه لقانطي المنتديات الأخري ..نعمل زي درافت ونحطها في باب لوحده مع تنويه بسبب الرد ...

والله أنا بتكلم جد

[se_ Elsyed]

و من منبري هذا أعلن تبرعي بمبلغ 175 قرش بالتمام و الكمال من أجل هذا الهدف السامي :)

طول عمرك أصيل يابو ساميه

==================

ما فيش حد كده ولا كده ... هكه ولا هكه

عنده فكره أو خلفية - باك جراوند .. إكتبوها يمكن تنفعكو - عن دور نشر الغسيل والكُتب والحساب بين الناشر وبين الدار بيبقى إزاي ؟

يعني بالكيلو مثلاً ؟ يعني أديلوه إتنين كيلو ورق مليان قصص وحكايات يدفع لي كام ،

ولا بالتوزيع على حسب النُسخ ؟ .. طب بالشكل ده ممكن يقول لي إحنا هاننزل 100 ألف نسخة قبل شريط عمرو و100 تانيين بعد شريط حماقي ... وهو في الواقع عمال يطبع ومدرمغ السوق والناس بتضرب بعض على الكتاب ومن كتر حب ماما سوزان فيه قررت إنها تدرسه في الإبتدائي وهكذا .. كل ده وصاحبنا الناشر مباصي لي جوز جنيهات وهو عمال يعكم الدولارت

كمان مش بعيد الكتاب ينزل على الامازون دوت كوم ... أو يستعينوا به كمرجع في مكتبة الكونجرس ....

انا خايف أحسن حقي يتاكل يا جدعان

فأفيدونا أفادكم الله ؟

إنت يابني يا موديس مش قلت لي إن عندك خبرة في موضوع الكُتب من أيام ما كنت بتستلف سلاح التلميذ والمُعلم والمعاصر من زمايلك وبعدين لما خبرتك زادت بقيت برضوا تستلف ... ستيب باي ستيب وكتاب إيديال بتوع الإنجليزي ؟

[واحد تاني]

ما فيش حد كده ولا كده ... هكه ولا هكه

عنده فكره أو خلفية - باك جراوند .. إكتبوها يمكن تنفعكو - عن دور نشر الغسيل والكُتب والحساب بين الناشر وبين الدار بيبقى إزاي ؟

يعني بالكيلو مثلاً ؟ يعني أديلوه إتنين كيلو ورق مليان قصص وحكايات يدفع لي كام ،

شوف الجماعة دول ... ولو عجبوك نكلمهم لك

[إيزيس]

سي السيد عندك

الدواء فيه سم قاتل إوعى تكلم حد

و دي تيجي يا واحد تاني مش حلوة هو يكلم عيبة في حقة إحنا لازم نرسم و نبروز وهو يخش تقلان و مبوز

برستيج يعني

إحنا نعمل المحاولات ومن ثم لو أي دار نشر اتصلت بأي من مبدعين المحاورات

1- يندهش

2- يتقل

3- يتردد

4-يرفض

5- نتحايل عليه

6- يرضخ لرأي الجماهير

7- يتراجع عن الرفض

8- يكون صاحب الدار قلبه

9- نتحايل عليه

10 - يرفض

11- نتحايل أكتر

12- يرفض

13- نهدده بأولاده وخطف المدام

14- يطبع المرة دي

وهكذا نشعر بلذة الانتصار وتظل هامات أدباء المحاورات فووووووووووووووووووووووووووق

[bentmasria]

فكرة هايلة يا استاذ قرنفل

وانا لو سمحتوالى ممكن اجمع اعمال سكوب وحشيش فى موضوع كل على حدة وكمان اخليهم واعمال سى السيد ملفات وورد منسقة بشكل كويس فى حالة الحاجة لطباعتهم ودى مساهمتى المتواضعة فى الموضوع وربنا يعين انا مستنية السنة الجاية على سور الازبكية ما تقلقش ياسى السيد انا حشترى نسخة برضه تشجيعا للمواهب الشابة

كل عيد حب اونتم طيبين

ام مادا

[se_ Elsyed]

فكرة هايلة يا استاذ قرنفل

وانا لو سمحتوالى ممكن اجمع اعمال سكوب وحشيش فى موضوع كل على حدة وكمان اخليهم واعمال سى السيد ملفات وورد منسقة بشكل كويس فى حالة الحاجة لطباعتهم ودى مساهمتى المتواضعة فى الموضوع وربنا يعين انا مستنية السنة الجاية على سور الازبكية ما تقلقش ياسى السيد انا حشترى نسخة برضه تشجيعا للمواهب الشابة

كل عيد حب اونتم طيبين

ام مادا

إن شالله تسلمي يا خالتي أم مادا ...

ده أنا الكتاب ده إتعرض في سور الأزبكية ... يبقى كده وصلت للعالمية ... وممكن اعتزل الكتابة وأنا في قمة مجدي ... ( مين مجدي ده ؟ )

[Scorpion]

ايه ده

ايه ده

استنوا شوية

ايه ده :unsure:

الله .. ده جد ... الموضوع ده من امتي ...

و انا اسمي موجود في وسط العالم دي .....

يا حلاوة يا ولاد ... يا حلاوة ...

تعالي يا ابو سكوربيون شوف اللي حيحصل لأبنك و انت اللي طول عمرك كنت عمال

ربنا يخليكم كلكم .... و اني موافج ... و النعمة موافج....

فين الورجة اللي ابصم عليها .....

بس يا خوفي الحكاية في الآخر تطلع

علي العموم الفكرة بصراحة مش بطالة و اشكر صاحبتها قرنفل هانم و كل من كتب مشجعآ ... و بالذات أم مادا علي مبادرتها اللي تشرفني بجد ...

و مين عارف .............

[إيزيس]

ياااااااارب ما تكسفني وتظبط الحكاية يااااارب

وابقوا افتكرنا ببؤين في التليفزيون وانت لابس اللي ع الحبل وطالع مع منى الشاذلي

[عادل أبوزيد]

بدأ هذا الموضوع فى السنة الثانية من عمر محاورات المصريين ، و نحن الآن فى السنة الثامنة من عمر محاورات المصريين - المديد بإذن الله - و الواضح أننا لم نتقدم فى هذا المشروع و لو حتى مجرد الحوار و لكنى أتصور أن الأمر زاد إلحاحا.

ما سبق كان إستهلالا لابد منه

تم فتح موضوع فى باب الأدب تقريبا يصب فى نفس الإتجاه و إن كان أخذ شكل أقرب إلى "الدردشة" بشكل غير جاد.

هل أطمع نعاود مناقشة هذا المشروع بقدر أكبر من الجدية و مبدئيا أتصور أن نقطة البداية إختيار مجموعة من الموضوعات تكون فى مجموعها حوالى مائة إلى مائة و خمسين صفحة تمثل عينة سليمة من محاورات المصريين ككل.

و الآن إلى إستئناف الحوار

[nash]

ما هو المطلوب منا كأعضاء في المحاورات أن نعمله لكي يظهر مثل هذا العمل إلي النور...

اري أنها ستضيف الكثير للمحاورات فيما لو تمت....

بما إني من مصريين الغربه فأظن أن الشيء الوحيد بالنسبه لي هي المساهمه في أي تكلفه ماديه قد يتكلفها هذا المشروع...وخاصه أننا سنحتاج إلي مراجعيين لغويين مع أني افضل أن تترك بلغتها التي كتبت بها ...فهي كانت اقرب إلي قلوبنا...

أتمني لو اساهم بأي شيء حتي يتم هذا الأمر لإنه سيكون شيء رائع جدا إذا كتب الله له الظهور

[badroora]

وانا كمواطنة مصرية سوف ااساهم بمراجعة اللغة وتصحيح الاخطاء اللغوية ...!! حد عنده اعتراض على ذلك .

وفعلا هذه فكرة جيدة جدا اننا نصدر مجلة شهريا وننشر فيها موضيعنا وصورنا واسامينا .

بس المشكلة هتبقي فى صورة غلاف المجلة انا بقترح نعمل شهريا قرعة واللى يكسب يبقي نجم غلاف للاصدار الجديد من المجلة .

وبالتوفيق ان شاء الله

الى الاعضاء

استاذ عادل طالب المساهمة فى هذا الموضوع .. ها قولتلم ايه ؟

الاعضاء

قولنا يا استاذنا فولسنا اهيه وصورنا اهيه

وموضوعنا اهيه و وفى يوم النشر وهبنا الدم هنبخل بالمساعدة ليه

ودى كانت تحميصة بسيطة كدا بحمص بها شبابنا عشان الدم يجري فى عروقهم ويتلحلحوا ويساهموا فى عمل المجلة

بالتوفيق للجميع باذن الله

الله الوطن المحاورات

تم تعديل 15 فبراير 2008 بواسطة Badria Mekkawy

[مصري جدا]

أنا موافق ومشارك معاكم ... بس ياريت نبدأ في الوضوع بجد ويبقي صوت للمصريين المغتربين اللي منه حكومتنا تسمع صوتنا ويبقي خطوة علي الطريق لأنني طماع وعاوز يبقي لنا كمصريين مغتربين صوت في

الأنتخابات ....علشان يبقي لنا رأي ويتعمل لنا حساب وكفاية سلبية ......المهم نبدأ :unsure:

[مصري جدا]

بعد متابعتي لعدة مواضيع خصوصا موضوع شارك بأغنية,,,,قرأت كنوز مكتوبة خصوصا للأخ طفشان وبقية الأخوة معلهش لعدم ذكر أسماء كنت لسه ناوي أطلب يتجميع اعمال وكتابات الأخوة الأعضاء في كتيب أو ماشابه لكن بعد ضم المواضيع لبعضها اطلب بألحاح الأن البدء في موضوع إصدار المحاورات وطبعها

ويللا ناخد أول خطوة و نبدء في تكوين هيئة تحرير او المجموعة اللي حترسم الأساس اللي حنمشي عليه

ونشوف ايه المطلوب عمله علشان الموضوع يمشي ......مش عارف مين المفروض مسئول عن هذا ؟

أدارة المنتدي أو المشرفين ..؟ او حد تاني ...