تهنئة للأخوات و الأخوة الأقباط.

[الأفوكاتو]

أهنئ أخوتى فى الوطن, أقباط مصر و مسيحيها, بمناسبة أعياد الميلاد, و رأس السنة الميلادية.

كما أتمنى لجميع الشعوب أن يكون العام القادم عام سلام عادل, تتحقق فيه أحلام الجميع الطيبة, و تنهزم فيه كل الشرور البشرية.

[khedr]

الاستاذ...

كل سنه والجميع بخير ونشكرك ....

ولا تغيب وتحرمنا من مداخلاتك...وتعليقاتك...وحوراتك......واطلالتك علينا

كل سنه والجميع بخير

[صفاء]

كل عام واهل مصر كلها بخير

هذا العام تجتمع الأعياد فى أسبوع واحد .... عيد ميلاد السيد المسيح عليه السلام ويعقبه بثلاثة أيام عيد الأضحى المبارك

أسأل الله العلى الكريم فى هذه الأيام الكريمة أن يبدل أحزاننا ويصلح أحوالنا

وتبقى مصر فى رباط إلى يوم الدين

المسلمون والمسيحيون جنبا إلى جنب فى وطن واحد ينعمون فيه بالسلام والأمان والمحبة

كل عام ونحن جميعا بخير

[Scorpion]

انا شفت عنوان الموضوع في الشريط المتحرك .. قلت الأفوكاتو رجع ...

حمد لله أخي العزيز علي عودتك ... بصراحة بصراحة .. الواحد كان ابتدي يقلق ... بس اديك اهو في بيتك تاني .. و احنا عمالين نتنطط و نقول : هييييييييييه .. النور جه .. النور جه ...

و انتم كلكم طيبين و دايمآ كده يا رب قلب واحد ...

:rolleyes:

[bentmasria]

طبعا الافوكاتو صاحب الواجب والسباق للخير دايما

يارب كل سنة تكتب لنا التهانى وتفرح قلوبنا بقدوم الاعياد على بلدنا الحبيب مصر

يارب كل قلب بيحب مصر يبقى بخير وكل عيد ييجى لمصر يكون سعيد وفرح جديد موش مهم ده عيد مين ماتزعلوش طول عمرنا عيدنا فى الاضحى وراس السنة والمولد وبعد رمضان والقيامة وغيره وغيره

ربنا يسعدكم ياولاد بلدى

[abofasad]

اخي الفاضل المتر افوكادو

شكرا على تهنئتك الرقيقة بمناسبة عيد الميلاد المجيد وحلول العام الجديد، اعاده الله عليكم وعلى كل الزملاء والأبناء بالمنتدى بالخير والصحة والسعاة

وكل عام ونحن جميعا بخير

جدو أبو فصاد

[سقراط المصري]

وانا كمان بهىء اخواتنا اقباط مصر بمناسبة أعياد الميلاد, و رأس السنة الميلادية.

........

واجمل حاجه ان الواحد هياخد اسبوعين اجازه عشان اعياد الكريسماس.

...........

سقراط

[سيزيف]

عمنا الجميل الافوكاتو

كل سنه و انت بمليون صحه و سلامه

و ميرسى جدا على المعايده الجميله دى

الاخوه الاعزاء جدا الى قلبى كل من شاركوا فى التهنئه اشكركم جدا عليها و اهنئكم كذلك بعيد الاضحى المبارك

ولعله من حسن الطالع ان يتعانق العيدان - الميلاد و الاضحى - لا يفصل بينهما الا يوم و احد

اسالك يا رب ان تتعانق قلوبنا جميعا - مسلمي و مسيحيي هذا البلد - كما تعانقت اعيادنا من اجل وحدتها و رفعتها فى وجه كل من يريد بها شرا

اسالك يا رب ان نشهد جميعا " ميلاد " الحب فى قلوبنا

اسالك يا رب ان تهبنا روح " التضحيه " من اجل بلدنا

قولوا امين

[عادل أبوزيد]

من القلب أهنئ كل المسيحيين بعيد الميلاد المجيد

اليوم ليلة عيد الميلاد للكنيسة الغربية و يوم 7 يناير للكنيسة الشرقية

هنا فى نأكل الكحك المغطى بالسكر ترى ماذا يأكلون فى الغرب

الفاضل سكوربيون لو قمت بزيارتك فى العيد فى إيطاليا ياترى ماذا ستقدم لنا الفاضلة "أم جونيور" ؟

أطيب تحياتى و عميق أمنياتى بأسعد الأوقات

[KWA]

بسم الله الرحمن الرحيم

السلام عليكم ورحمة الله وبركاته

كل امنيات الخير و السعاده و الحب لكل المصريين جميعا ...بمناسبه الأعياد القادمه...انعم الله عز و جل علينا جميعا بالسكينه و الوئام و السلام ....

[أسد]

تهنئة من القلب بالعيد ...

لإخوة الوطن ..

كل عام وأنتم بألف خير

[se_ Elsyed]

كل عام والجميع بخير وفي حب وسلام ..

ويارب يديم علينا الأيام بخير ..

فنعمة الأمن والسلام من اعظم النعم اللي وهبها لنا الله .

الفاضل سكوربيون لو قمت بزيارتك فى العيد فى إيطاليا ياترى ماذا ستقدم لنا الفاضلة "أم جونيور" ؟

مكرونة إسباجيتي طبعاً .... هما عندهم غيرها !!!

أو لو كان ضيف إسبيشيل ... يبقى بيتزا بيبروني بشرائح الدجاج والزيتون الكلاماتا مع رشة من تتبيلة سكوربيون الخاصة ..

[mb14]

كل عام والجميع بخير

بمناسبة عيد الميلاد وبمناسبة عيد الاضحى

ومصر تكون بخير وسلام

[عصام]

كل عام و"كل الناس" بكل خير ..

كل عام و"كل الناس" أكثر سعادة ..

كل عام و"كل الناس" أقرب إلى الله ..

وأخص بالتهنئة كل الأخوة المسيحيين بمناسبة أعيادهم ..

ومن عندى اتنين تهنئة واحدة بيوم 24 ديسمبر .. وواحدة بيوم 7 يناير .. ما هى ببلاش .. :rolleyes:

وأخص أكتر وأكتر .. الراجل الجدع اللى اسمه كامل الجمل .. وكمان عمنا أبو فصاد ..

بس خلاص .. :lol:

[abofasad]

يكون لي عظيم الشرف لو تفضلتم بزيارتي في جنوب اسبانيا

مش عارف حعمل ايه علشانكم

لكن اللي اعرفه ومتأكد منكم اني حكون سعيد جدا وفرحان

فرحة الطفل بيوم العيد

وماتخافوش كل ما تتمنوه موجود هنا

حتى البامية والملوخية بنزرعها عندنا

بس انتو هاتو "الأنارب"

وكل سنة وانتم كلكم طيبين

[shahd]

كل سنة وانتم طيبين وبألف خير

تم تعديل 30 ديسمبر 2005 بواسطة شهد

[akram el halawany]

كل سنة وكل مسيحى على أرض مصر الطيبة بخير

كل سنة وكل مسيحى مصرى بيحب كل مسلم مصرى

وكل مسلم مصرى بيحب كل مسيحى مصرى

كل سنة وكل مصرى متمتع بالذكاء00ويعرف جيدا

حبيبه00من عدوه 0000كل عام وأنتم بخير

000مواطن مصرى000