تغيير عناوين الموضوعات

[Alshiekh]

السادة الأفاضل مشرفى المنتدى

ولو ان الموضوع لايمسنى شخصيا ، إلا أنه يمسنا جميعا كتاب او قراء.

كنت قد قرأت بعض الموضوعات على عجل ، ومن ثم قررت ان اعيد قراءتها فى وقت آخر والاستعداد للرد عليها عندما تحين الفرصة.

ظللت ابحث عن الموضوع فلم اجده فتوهمت اننى ربما اخطأت فى تدوين اسم الموضوع ، ولكن بعد ذلك اكتشفت ان الموضوع قد تم تغيير اسمه بواسطة احد السادة المشرفين ( تم تغيير اسم الموضوع ليتناسب مع المضمون ).

عندما يرزقنى الله بطفل ، فأنا ، وانا الوحيد الذى يعطيه الاسم ، وتغيير الاسم هو شيئ من حق كاتب الموضوع ، سواء تناسب الاسم مع المضمون أم لا ، ونجد كثيرا من الكتاب بالصحف الكبرى لهم ابواب باسمائهم لاتتناسب اطلاقا مع مايكتبون داخل العامود او الباب ، فلست ادرى مالحكمة فى ان محاورات المصريين تتدخل لتغيير اسم الموضوع ، حذف الكلمات الغير لائقة او الموضوعات التى يرى المشرفون انها لاتناسب اهواءهم قد يكون مقبولا ولو ان لى تحفظات كثيرة على ذلك ، ولكن تغيير اسم الموضوع لن يقدم ولن يؤخر فى مضمون الموضوع ذاته ، كل مافى الامر انه سيجعل من كتب الموضوع يشعر انه لايزال تحت وصاية احد السادة المشرفين ، وان محاورات المصريين اصبحت فرع من فروع الرقابة على النشر.

السادة الأفاضل ارجوكم راجعوا انفسكم

تحياتى

تم تغيير العنوان ليعبر عن محتوى الموضوع

[عادل أبوزيد]

فى محاورات المصريين على الإدارة - واجب و ليس حق - أن يعبر عنوان الموضوع عن محتواه و نعتبر هذا العبء مسئولية و نطالب كل الأعضاء بذل قدر من الجهد فى إختيار عنوان الموضوع.

ملاحظة : هذه المسألة أساسية و من مفردات تقاليد محاورات المصريين و التى صنعت محاورات المصريين فى السنوات الست الماضية.

موضوع "يا أهل القاهرة أريد مساعدة" لم يتلقى أى رد لمدة أكثر من أسبوع تم تغيير العنوان إلى " عملية تصحيح الإبصار مطلوب المشورة" تلقت أربع ردود جادة فى نفس يوم تغيير العنوان

[~Heba~]

و انا صاحبه الموضوع شاكره لك اهتمامك و حرصك على انى الاقى ردود

بس اسمح لى العنوان اللى حضرتك اخترته لم يعبر عن ما اريده انا و غرضى من كتابه الموضوع

بمعنى

انى مكنت عايزه اخد رأيى الاعضاء اذا كنت اعملها و الا لأ ان شاء الله راح اعملها و تقريبا صممت على كده و حددت ميعاد السفر للقاهره بعد شهر او فى اجازه نص السنه كل اللى كنت عايزه من اى حد فى القاهره يجيب لى عنوان مستشفى المغربى او رقم تليفون

و لو صدف ان حد من الاعضاء القاهريين يكون عمل العمليه عند دكتور شافه كويس يقولى و انا اصلا هعمل استشاره عند اكثر من طبيب و حتى فى مستشفى المغربى

و اللى حصل بعد تغيير العنوان انى لقيت اللى شككنى و خوفنى و انا واحده فى موقف محتاجه عزيمه

اذا سمحت لى حضرة المشرف انا اول واحده فى المنتدى تعمل عنوان لموضوع يعبر عن محتواه لانى مش جديده على المنتديات و اعرف ان ده على الاقل يوفر الوقت على الناس اللى ممكن تفتح موضوع و تتمنى انها ما فتحته

و الموضوع ده دايما بيضايقنى فى كل المنتديات اللى اعرفها لانى بشوف الامرين على بال ما افتح صفحه بسبب بطء اتصالى

و اذا سمحت لى ايضا انا فى وصفى للموضوع لخصت كل الى عايزاه و هو عنوان و رقم تليفون لاى فرع من فروع المستشفى

و فى النهايه انا شاكره للاعضاء اللى ردوا على و انا استفدت منهم كلهم و سعيده بردودهم

و شاكره ليك حرصك و تفاعلك معى و اتمنى انى مسببش مشكله بملاحظتى البسيطه و احنا تحت امر المشرفين يغيروا ما يشاءوا من العناويين

[وليد صفوت]

السادة الأفاضل مشرفى المنتدى

ولو ان الموضوع لايمسنى شخصيا ، إلا أنه يمسنا جميعا كتاب او قراء.

كنت قد قرأت بعض الموضوعات على عجل ، ومن ثم قررت ان اعيد قراءتها فى وقت آخر والاستعداد للرد عليها عندما تحين الفرصة.

ظللت ابحث عن الموضوع فلم اجده فتوهمت اننى ربما اخطأت فى تدوين اسم الموضوع ، ولكن بعد ذلك اكتشفت ان الموضوع قد تم تغيير اسمه بواسطة احد السادة المشرفين ( تم تغيير اسم الموضوع ليتناسب مع المضمون ).

عندما يرزقنى الله بطفل ، فأنا ، وانا الوحيد الذى يعطيه الاسم ، وتغيير الاسم هو شيئ من حق كاتب الموضوع ، سواء تناسب الاسم مع المضمون أم لا ، ونجد كثيرا من الكتاب بالصحف الكبرى لهم ابواب باسمائهم لاتتناسب اطلاقا مع مايكتبون داخل العامود او الباب ، فلست ادرى مالحكمة فى ان محاورات المصريين تتدخل لتغيير اسم الموضوع ، حذف الكلمات الغير لائقة او الموضوعات التى يرى المشرفون انها لاتناسب اهواءهم قد يكون مقبولا ولو ان لى تحفظات كثيرة على ذلك ، ولكن تغيير اسم الموضوع لن يقدم ولن يؤخر فى مضمون الموضوع ذاته ، كل مافى الامر انه سيجعل من كتب الموضوع يشعر انه لايزال تحت وصاية احد السادة المشرفين ، وان محاورات المصريين اصبحت فرع من فروع الرقابة على النشر.

السادة الأفاضل ارجوكم راجعوا انفسكم

تحياتى

تم تغيير العنوان ليعبر عن محتوى الموضوع

<{POST_SNAPBACK}>

سيدى السلام عليك ,...

الموضوعات ليست ملكاً لكاتبها , على الرغم من انه صاحب فكرة الموضوع , و لكن بمجرد كتابته اصبح ملكاً لكل الأعضاء ,.... لماذا ؟

لأن هناك تفاعل من الأعضاء تجاه كتاباته , إذن هناك مشاركة , إذن هناك إضافة من جانب الأعضاء الأفاضل, مما يعطى للموضوع الأهمية . فكلما زاد تفاعل الأعضاء زادت اهمية الموضوع ,....

فمن السهل ان نشبه كاتب الموضوع بمدير الحوار فى اللقائات التليفزيونية , فهو مدير الحوار , و ربما كان هو صاحب الفكرة , و لكنه - على الرغم من ذلك - لا يملك ان يغلق الموضوع او ان يعدل فكرته بعد ان تفاعل معه الأعضاء .

لذلك انا اتعجب كلما سمعت الأخ الفاضل يقول بأنه سيغلق الموضوع أو انه لا يحق للإدارة ان تغير عنوان موضوع !

للإدارة الحق فى ذلك طبعاً , و ليس هذا وصاية على المكان , فنحن - البشر - دائماً ما نريد التمرد على أى سلطة تنظيمية ( هذة طبيعة بشرية ) .... و لهذا كانت قواعد محاورات المصريين الواضحة و الصريحة و التى لا تقبل التأويل , و قد سبق و كتبتها للأفاضل فى موضوع للأخ مفروس على ما اعتقد .

و لكن خلاصة القول أنه من حق الإدارة تعديل العنوان بالشكل الذى تراه يتوافق مع المضمون .... برضو لماذا ؟

لأن متصفح النت ليس كقارئ الجريدة , فقارئ الجريدة لا يأخذ أربع دقائق - و ربما أكثر - ليقلب الصفحة !!

بينما قارئ النت يعتمد بشكل أساسى على عنوان الموضوع ليقرر إذا ما كان سيدخل ليتصفحه أم لا , و هذا هو السبب الرئيسى الذى يجعل الإدارة تدخل فى هذا الأمر ,و إلا فهل ترانا نحب التدخل فى شئون الغير بلا سبب ؟

هذا بإختصار ما أريد قوله و أى تسأول الإدارة فى خدمتكم ..

تحياتى ,...

[الرافعي]

و احنا تحت امر المشرفين يغيروا ما يشاءوا من العناويين

<{POST_SNAPBACK}>

لو حضرتك بتمزحي في هذه العبارة، فأرجو التوضيح ، أما لو كنتي بتتكلمي جد ، فلو سمحتي قولي " أنا تحت أمر المشرفين" ..

مع احترامي لهم ولك، لكن إن أردتي المجاملة فلا تجاملي باسم الآخرين.

وشكراً ..

[se_ Elsyed]

يا جماعة أرجو عدم أخذ الموضوع بحساسية مفرطة ..

ولا داعي لتشبية الموضوع بالأبن أو بالبنت .. لإن شتان ما بين الإثنين يا محمد ..

لكن بالله عليكوا .. منين كثير من الزملاء بتشكو من عدم تفاعل الزملاء مع مواضيعها .. ومنين لما المُشرف يقوم بأجراءء تعديل بسيط لا يُغير من محتوى أو المعنى الأساسي للموضوع نقوم نزعل ..

فبالله عليكوا .. لما تقرأ عنوان موضوع بإسم .. "حاجة غريب " أو " سؤال " ... إلخ فماذا ستفهم من ذلك

في حين أنا مثلاً لو داخل أسأل سؤال طبي محتار في إجابته .. وروحت مختصر المسافة وكاتب " سؤال في الطب " فبالتأكيد سأجد كثيراً من الزملاء المختصين أو ذوي الخبرة من يجيب على سؤال ...

[الرافعي]

يا جماعة أرجو عدم أخذ الموضوع بحساسية مفرطة ..

<{POST_SNAPBACK}>

أنا شخصياً لم أتناول الموضوع بحساسية مفرطة فالمشرفين أخوتنا ولا فرق بينهم وبين أحد، أنا فقط أحببت أن أنبه الأخت هبه إلى عدم الإسراف في المجاملة باسم الآخرين، فالاحترام شيء وأن أقول لك أنا تحت أمرك يا سي السيد شيء آخر ..

أما لو قلت لك أنا تحت امرك ساخراً، فهذا أيضاً ليس من حقي ويجب أن يضايقك هذا، وأنا لن يصدر عني هذا أبداً فروح الاحترام تسودنا والحمد لله.

وبعدين بطل بقى تعمل نفسك محامي للإدارة (ما احنا محامين برضه) ومش ناقصين تقطع علينا، ما يمكن الأستاذ عادل يتصل بي مثلاً ويقول لي عايزينك ترفع قضية على العضو فلا، ولا تخرب لنا بيت فلان ...

ربنا ما يجعلنا من قطاعين الأرزاق يا س.س

حلاوة العنتبلي المحامي بالنقض

[se_ Elsyed]

حلاوة العنتبلي المحامي بالنقض

لأ إذا كان كده ... وإذا كان فيها خراب بيوت للأعضاء .. يبقى كده هانمنحك لقب " محامي نقد "

[الرافعي]

حلاوة العنتبلي المحامي بالنقض

لأ إذا كان كده ... وإذا كان فيها خراب بيوت للأعضاء .. يبقى كده هانمنحك لقب " محامي نقد "

<{POST_SNAPBACK}>

لو قصدك :محامي نقد " حسب القافية وهي تحكم طبعاً ، ف (هلا وغلا)

ولو قصد سعادتك النقد يعني المعارضة ، فانت أوحيت لي بتكوين حزب للمعارضة (إشمعنى انت عايز تكون حزء أحباب الشتاء) ، بعدين هاتشاور مع الأعضاء (المرتقبين) في اسم الحزب ..

يمكن أسميه حزب "الأمس"

بس ساعتها أخاف إنت وزملاءك في الإدارة تلبسوني قضية تزوير توكيلات

تم تعديل 21 ديسمبر 2005 بواسطة حلاوة العنتبلي

[~Heba~]

و احنا تحت امر المشرفين يغيروا ما يشاءوا من العناويين

<{POST_SNAPBACK}>

لو حضرتك بتمزحي في هذه العبارة، فأرجو التوضيح ، أما لو كنتي بتتكلمي جد ، فلو سمحتي قولي " أنا تحت أمر المشرفين" ..

مع احترامي لهم ولك، لكن إن أردتي المجاملة فلا تجاملي باسم الآخرين.

وشكراً ..

<{POST_SNAPBACK}>

انا مكنتش اقصد المجامله انا كنت بتكلم عن نفسى و عن مشاركاتى انا لانى عضوه جديده و اذا كنت اتكلمت بصيغه الجمع فده مش معناه انى اقصد الاعضاء كلهم يعنى مش معقول اى حد يتكلم بصيغه الجمع يبقى يقصد الناس كلها

على فكره انا دخلت المنتدى على اساس انى حتجنب الاقسام السياسيه و الدينيه عشان لا ادخل فى مشاكل مع حد بعد اللى حصل ده اعتقد انى حتجنب المنتدى كله

مش معقول سوء الظن ده و تأويل كلامى بدرجه تخلينى بريئه منه

اسفه اذا كنت تطاولت و عايزاكم تعرفوا انى اكن الاحترام لكل الاعضاء فى المنتدى و بالذات الكبار منهم اللى ممكن يكونوا فى سن والدى

[الرافعي]

و احنا تحت امر المشرفين يغيروا ما يشاءوا من العناويين

<{POST_SNAPBACK}>

لو حضرتك بتمزحي في هذه العبارة، فأرجو التوضيح ، أما لو كنتي بتتكلمي جد ، فلو سمحتي قولي " أنا تحت أمر المشرفين" ..

مع احترامي لهم ولك، لكن إن أردتي المجاملة فلا تجاملي باسم الآخرين.

وشكراً ..

<{POST_SNAPBACK}>

انا مكنتش اقصد المجامله انا كنت بتكلم عن نفسى و عن مشاركاتى انا لانى عضوه جديده و اذا كنت اتكلمت بصيغه الجمع فده مش معناه انى اقصد الاعضاء كلهم يعنى مش معقول اى حد يتكلم بصيغه الجمع يبقى يقصد الناس كلها

على فكره انا دخلت المنتدى على اساس انى حتجنب الاقسام السياسيه و الدينيه عشان لا ادخل فى مشاكل مع حد بعد اللى حصل ده اعتقد انى حتجنب المنتدى كله

مش معقول سوء الظن ده و تأويل كلامى بدرجه تخلينى بريئه منه

اسفه اذا كنت تطاولت و عايزاكم تعرفوا انى اكن الاحترام لكل الاعضاء فى المنتدى و بالذات الكبار منهم اللى ممكن يكونوا فى سن والدى

<{POST_SNAPBACK}>

يا أخت هبة

أنا كنت من الناس الذين رحبوا بك عند انضمامك، وأنا لم أهاجمك أو أفتعل معك مشاكل، بالعكس .. يمكنك يا ستي اعتبار ما كتبته من باب النصيحة لو سمحتي ؟

مفهوم إنه ليس كل من كتب نحن يقصد الجميع، كما أني لم أشأ أبدأ أن تنسحبي لأن الآن أصبح هناك مشكلة ، وكما رأيتي في محاورتي مع سي السيد (فوق) نتناوش بضحك ومزاح وبروح طيبة، فلا تاخدي الموضوع بحساسية زائدة أرجوكي، أنا فقط حبيت أنبهك إلى نقطة حساسة تتعلق بالمجاملات ، وبعدين انتي اتنصلتي من كلام الأخ محمد وهو قصد خيراً.

وليس كل من يكتب في موضوع الحرية الشخصية يعتبر معادي للإدارة، كلنا أخوة وأحبة، وكلام الأستاذ عادل منطقي جداً وكذلك كلام أخي الصغير سناً والكبير عقلاً فيولينكينج أيضاً منطقي ..

لكن كلام محمد وهو من -أفضل من يكتبون هنا - (عفواً لن أستعمل مصطلح من عقلاء المحاورات الذي يتكرر كثيراً لأن المحاورات ليس بها مجانين والحمد لله)أيضاً به منطقية يمكن أن ناخذها على أنها نصيحة بمشاورة صاحب الموضوع أو إعطائه فكرة على الأقل، وهذا لا يعني أبداً الانتقاص من قدر الإدارة.

أرجو أن تكوني فهمتي قصدي، وأعتذر إن كنت كتبت شيئاً تبدو فيه بعض الشدة، لكني أقدرك وأقدر كل الأعضاء ، والكل عندي له كل الاحترام والود الأخوي.

فقط نصيحة أخيرة .. أرجو ألا يضيق صدرك بمن يخالفك، فهذه محاورات يا هبة ، وممكن جداً أن نختلف في الرأي أو الأسلوب ، لكن تبقى الروح في النهاية طيبة (وسأسامحك في عبارة سوء الظن)، فلا تعودي للكلام عن التوقف أو الانقطاع بسبب خلاف.

وتقبلوا جميعاً تحياتي ،،،

تم تعديل 21 ديسمبر 2005 بواسطة حلاوة العنتبلي

[se_ Elsyed]

لحظه واحده يا هبه قبل ما تمشي .. عشان حلاوه خبط فيه من غير ما يًقصد ...

فسعادته قد قال :

وكلام الأستاذ عادل منطقي جداً وكذلك كلام أخي الصغير سناً والكبير عقلاً فيولينكينج أيضاً منطقي ..

لكن كلام محمد وهو من -أفضل من يكتبون هنا - (عفواً لن أستعمل مصطلح من عقلاء المحاورات الذي يتكرر كثيراً لأن المحاورات ليس بها مجانين والحمد لله)

وزي مانتي شايفه .. فهو قد صنف من ردوا على هذا الموضوع بعضهم عقلاء والبعض الأخر منطقيين .. وماجبش سيرتي من بعيد ولا قريب .. وقريت المداخلة أكثر من مرة .. إني أعرف أنا من أنهي فئة ولكن للأسف مالكقيتش ..

فشكله صنفني ضمن فئة عنبر ج ....... وسسسسسع وسسسع للعقلاء ..

ماشي يا معلم تابلي ...

-------

يا باشمهندسة هبه لا تُحملي الكلمات أكثر مما تحتمل ووجودك معنا شيء يشرفنا ( قصدي يشرفني أحسن المعلم حلاوه يزعل من ألف الجمع ويقولي بلاش تستخدم إسلوب جمع المذكر لاسالم وإتكلم عن نفسك ) ..

وإنت يا تابلي .. يا عم لما حد يتكلم بصيغة الجميع فما تدقش .. إنت شايف هبه عمال تدور على الناس وتجمع توقعات زي حزب الوفد ..

إحنا إخوة يا جماعة وبلاش كل واحد يقف على الواحده في كل كلمة وكل لفظ ...

[~Heba~]

فقط نصيحة أخيرة .. أرجو ألا يضيق صدرك بمن يخالفك، فهذه محاورات يا هبة ، وممكن جداً أن نختلف في الرأي أو الأسلوب ، لكن تبقى الروح في النهاية طيبة (وسأسامحك في عبارة سوء الظن)، فلا تعودي للكلام عن التوقف أو الانقطاع بسبب خلاف.

وتقبلوا جميعاً تحياتي ،،،

<div align="center">حــصــل :D خــيــــر</div>

:) :) :) :)

يا باشمهندسة هبه لا تُحملي الكلمات أكثر مما تحتمل ووجودك معنا شيء يشرفنا ( قصدي يشرفني أحسن المعلم حلاوه يزعل من ألف الجمع ويقولي بلاش تستخدم إسلوب جمع المذكر لاسالم وإتكلم عن نفسك ) ..

وإنت يا تابلي .. يا عم لما حد يتكلم بصيغة الجميع فما تدقش .. إنت شايف هبه عمال تدور على الناس وتجمع توقعات زي حزب الوفد ..

إحنا إخوة يا جماعة وبلاش كل واحد يقف على الواحده في كل كلمة وكل لفظ ...

انا اتشرفت اكتر بنضمامى ليكو و اللى حصل يزيدنى ارتباط بأسره المحاورات

و يا سى السيد معلش على خبطه اونكل حلاوه امسحها فى انا :wub:

تم تعديل 21 ديسمبر 2005 بواسطة ENG.Heba

[الرافعي]

لحظه واحده يا هبه قبل ما تمشي .. عشان حلاوه خبط فيه من غير ما يًقصد ...

يا باشمهندسة هبه لا تُحملي الكلمات أكثر مما تحتمل ووجودك معنا شيء يشرفنا ( قصدي يشرفني أحسن المعلم حلاوه يزعل من ألف الجمع ويقولي بلاش تستخدم إسلوب جمع المذكر لاسالم وإتكلم عن نفسك ) ..

وإنت يا تابلي .. يا عم لما حد يتكلم بصيغة الجميع فما تدقش .. إنت شايف هبه عمال تدور على الناس وتجمع توقعات زي حزب الوفد ..

إحنا إخوة يا جماعة وبلاش كل واحد يقف على الواحده في كل كلمة وكل لفظ ...

<{POST_SNAPBACK}>

يا حبيبي هبة فهمت كلامي أفضل منك لا مؤاخذة يعني

الله يخليك إقرأ كلامي مرة تانية

ولعلمك أنا اعتذرت للأخت هبة هنا علناً وكذلك في رسالة خاصة، وكلامي أعنيه ولم أصنف أحد ، ولم أخبط زي ما قلت حضرتك ..

على كل حال الظاهر طول ما اسمك مكتوب بالأزرق في المحاورات (وانت فاهمني) فلازم يعني أبدي لك فروض الولاء والطاعة كل يوم صبح ومسا ... ما بقى لي مدة شغال احترام وتحيات وأفندينا المعظم ,,,, وآخرتها برضه عنبر العقلاء .... الله يسامحك

سلام يا .... نيرون

تم تعديل 21 ديسمبر 2005 بواسطة حلاوة العنتبلي

[وليد صفوت]

حد عاوز أيس كريم ؟

معايا 3 زيادة

[مصرية الهوى]

آه يا وليد ربنا يخليك هات لي آيسكريم فانيلا بالتوفي من باسكن روبنز:wub:

وفرق على كل حبايبنا هنا على حسابي :D

وصلوا عالنبي يا جماعة..

[khedr]

الاخت هبه ...

احلي ما في هذا المنتدي زي ما انت شايفه

مفيش حد بيفرط في حد بسهوله

واديكي شايفه اللي جايب معاه حاجه سخنه مولعه ولعت المنتدي واللي معاه حاجه ساقعه...واللي جايب معاه قصص وحكايات(روبن هود) مش ده قصدك برضه اختنا العزيزه.... وفعلا لازم نتحاور.... لا نتشاجر

وبعدين من ناحيه المشرفين دول اهون من حاجات كتير ربنا ما يوريكي....اي..اي...خلاص انا هاقوم (مش قلت لك...

[khedr]

معلهش واحنا هنا بالمره وفي الزيطه....

انا فيه علامه لونها ازرق من ساعه ما دخلت المحاورات وهية جنب اسمي ايه هي دي ...

بصراحه تخوف .......

.لكن اهل الدرايه قالوا ليه لا دي يعني متوصي عليك

واللي قالي دي وحمه...

واللي قاللي ان دي علامه الكابتن زي حازم امام

واللي قالي..دي قدامك سكه سفر بس مش خضره لا زرقه

واللي فاللي ده يومك...(يومك ازرق)

واللي مقالش وسابني ومشي..

والنبي ايه هي واشمعني انا من المنتدي كله

اروح للدكتور اكشف والا تعدي علي خير ....

دكتوره صفاء والا بلاش انت لحسن...السونار يطلع اللي انا خايف منه

معلم حلاوه لأ وانت كمان بلاش برضه لحسن....

اروح لمين قولولي...يحل المشكله

فينك ياكيموووووووووووووووو(انكل كمال الشاذلي) ...تحل

[مفروس]

اخواني صباح الفل..

أنا بقالي فترة متردد أكتب هنا بسي حاقول الكلمتين و أمري لله...

ماحدش بينكر على الادارة حقها في متابعة و تنقيح و تغيير و حتى حذف الموضوعات...

و لو حنمشي بالقانون و الورقة و القلم يبقى اللي يقرأ شروط العضوية و يوافق عليها يبقى وافق على بنود عقد اذعان و كون انه وافق يبقى مالوش حق يفتح يقه أو يعترض على أي حاجة والا من حق الادارة تطرده على طول...

بس المفروض و اللي كنت باتخيله أنا و ناس كتير هنا ان العلاقة بين الناس هنا و الادارة مش علاقة جامدة للدرجة دي...

كنت متخيل ان الذوقيات و المجاملات ليها مكان أكبر من مجرد الهزار و عبارات المجاملة اللي بتكون في المراسلات و خلاص...

و بالذات ان أي واحد يقول ان المنتدى ملاكي أو ان مافيش ديموقراطية أو اي حاجة من دي الدنيا بتقوم عليه وة ما بتقعدش...

الوقت و المجهود اللي بيبذل في تغيير اسم الموضوع أو حذفه هو نفس الوقت و المجهود اللي حيبذل في ارسال رسالة خاصة لصاحب الموضوع لطلب انه يعمل ده بنفسه...مع الفارق المهول في النتيجة معنويا...

هو ده اللي باتكلم عليه...هي دي المجاملة و الذوق و حق الجار على الجار...بس حنلتزم حرفيا بعقد اذعان و شروط زي اللي في اتفاقية الاشتراك دي يبقى كل الكلام ده مالوش لازمة...

و تاني باقول ان الكلام ده المفروض ما ينتقصش من احترام الادارة ولا حقوقها في حال ان الادارة فعلا بتحترم حاجات صغيرة زي الذوق و المجاملات مع الأعضاء...بالعكس فده يزيد من الترابط و الشعور الأسري بين الناس...

و السلام

[~Heba~]

[ALIGN=center]

الوقت و المجهود اللي بيبذل في تغيير اسم الموضوع أو حذفه هو نفس الوقت و المجهود اللي حيبذل في ارسال رسالة خاصة لصاحب الموضوع لطلب انه يعمل ده بنفسه...مع الفارق المهول في النتيجة معنويا...

ده بالضبط اللى عايزه اقوله

يعنى من باب اولى ان المشرف يبعت لصاحب الموضوع رساله يقوله غير العنوان و ان مخالف لكذا و كذا من قوانين المنتدى لو عمل كده يبقى على الاقل يعطيه فرصه يشرح وجهه نظره من العنوان و منقولش يستأذن منه يعنى هى مش كده خالص

و عايزه اقول حاجه كمان

اللى ما تعرفوه انى لما بحثت على الشبكه عن حاجات بخصوص عمليه الليزر من نتايج البحث جانى موضوع بعنوان العين عليها حارس من ارشيف منتدى محاورات المصريين و الموضوع قديم تقريبا من سنتين و استفدت منه جدا جدا و عجبنى المنتدى و سجلت فيه طيب ليه ساعتها محدش اعترض على العنوان و لا حد غيره و خلاه عن عمليه اليزر ..افيدونى

مجرد ملاحظه بس و اقول للساده المشرفين افتحوا الاقسام و شوفوا حتلاقوا مواضيع كتير عناوين لا تعبر عن محتواها

انا بصراحه حسيت بالظلم :unsure: