كشف الاجازات

[سقراط المصري]

يعني يا جماعه لما حد بيجي جديد بنرحب بيه ونجيب شاي وقهوه وحاجه ساقعه كمان.

ولو حد اتجوز ........ بنبارك وبنشرب الشربات.

ولو حد رزق بابن او حفيد......... كل واحد بيمسك شمعه ونقول حالاته برجالاته.

ولو حد غاب وغطس ........ بنسأل عليه ونبعت اشجانا له.

.

.

طيب انا بقترح ان لو حد هياخد اجازه عن المحاورات ، يدخل هنا ويقدم طلب ، وهنعفيه من الدمغات وخلافه........ بس يقول يا جماعه انا عندي شغل وهغطس حبتين او لظروف خاصه ........... وهكذا.

ماعلينا

انا هفتتح المزاد ، وهكون اول زبون.

انا بعد يومين هكون قارىء فقط وعلى مدار الايام القادمه (يعني قول كده مثلاً كاااام شهر) ، ولن اشارك في المداخلات (مرغم اخاك لابطل)............. بس في ظروف الطوارىء انا هكون تحت امركم بالرسائل الخاصه.

طلب الاجازه ده .......... لاسباب شخصيه بحته وخاصه بطبيعة العمل.

الى اللقاء

وتحياتي

سقراط المصري

تم تعديل 20 ديسمبر 2005 بواسطة سقراط المصري

[~Heba~]

و ده معقول احنا نقدر نستغنى عنك :wub: :sad:

مش عارفه شكل المنتدى من غيرك حيبقى ازاى :excl:

بس معلش عشان خاطر بس هى ظروف العمل سماح المره دى :excl:

و اقولك حتوحشنا يا اونكل سقراط :wub: :blush:

[khedr]

يا ما نصحناك ....

ياما حذرناك ...

ياما قلنالك....

ياما...وياما .,,وياما

انا عارف الاجازه دي ليه ........

علشان تهضم المطهم النائم ده

اخويا غير التوقيع قبل مل لا يحمد عقباه والحمد لله جات المره دي سليمه

سنفتقدك........................................وبشده

[الأفوكاتو]

تغيب, و ترجعلنا بالسلامة يا أستاذ سقراط,

و سنحتفظ بالمكان دافئ لحين عودتك.

تقبل تحياتى.

[سقراط المصري]

الافاضل انا اقرا المحاورات ولكن لااستطيع الرد حاليا لعدم وجود

arabic keyboard

حتى احل هذه المشكله فبرجاء تفهم الموقف والفاضل الاسكندرني ان مش زعلان وشكرا على السؤال جدا واعتذر لكل من ارسل لي رساله ولم ارد عليه وذلك للسبب اعلاه شكرا ونتقابل قريبا جدا ان شاء الله اخوكم سقراط

[الرافعي]

الافاضل انا اقرا المحاورات ولكن لااستطيع الرد حاليا لعدم وجود

arabic keyboard

حتى احل هذه المشكله فبرجاء تفهم الموقف والفاضل الاسكندرني ان مش زعلان وشكرا على السؤال جدا  واعتذر لكل من ارسل لي رساله ولم ارد عليه وذلك للسبب اعلاه  شكرا ونتقابل قريبا جدا ان شاء الله اخوكم سقراط

<{POST_SNAPBACK}>

الأخ الحبيب سقراط

حقاً أوحشتنا أيها الفارس الشنقيط (يعني إيه شنقيط دي :P )

فعلاً تركت فراغ كبير، وفي غيابك اتبهدلنا .. على أي حال ... إن شاء الله تكون كل الأصناف الرهيبة وصلت والمدام والوالدة جهزوا كل المطلوب ، وبالهنا والشفا يا بطل

[الاسكندرنى]

الاخ سقراط عندى حل لمساله الكتابه بالعربيه بس اسمحلى اعرف تفصيل شويه

عندك نسخة وندوذ اصليه

لو عندك الحل بسيط انت ممكن تجعل الكىبورد الحالى يكتب العربيه بس المشكله لازم تتعرف الحروف فين

اولا ادخل اسطوانة الوندوز

اذهب على حروف اللغه المكتوبه تحت فى شريط المهام (fr) او (en) اضغط على الحرفين دول كليك يمين سوف تظهر لك لوحه من الخيارات اختر الظبط (تقريبا بتبقى رابع خيار) بعد الضغط سوف تظهر لك نافذه عنوانها خدمات اللغه سوف تجد فى هذة النافذة كلمه اضف اضغط عليها تظهر لك نافذه اخرى فى النافذه ديه ممكن تضف اللغه اللى تريدها بس لازم اسطوانه الوندوذ تكون موجودة

بعد الانتهاء اضغط على موافق و تسطتيع تغير اللغه الان فى الكتابه عن طريق الضغط على (shift+alt )

ارجوا ان اكون اسهمت و يكون شرحى عملى و بسيط

تم تعديل 12 فبراير 2006 بواسطة الاسكندرنى

[Scorpion]

عنده حق الكيبورد بتاعك يحلف بالطلاق علي العربي ... يعني بعد كل الوليمة دي .. و بط راقد ... و براميل تمر هندي متعلقة .. عايزه يهوب جنب المنطقة دي ...

غير توقيعك تلاقيه رجع يكتب عادي ....

الف الف الف حمدلله عالسلامة يا ابو السقاريط .. المكان نور باسمك مرة تانية ... :P