عن نفسي ( عودة الشاعر الضال )

[emadiab]

السلامو عليكم

يا ترى حد لسه فاكرنى هنا

انا عماد دياب بتاع قصيدة الشاعر الغلبان

للأسف انقطعت عنكم بسبب الدراسة لفترة طويلة و حتى مشاركاتى و قصايدى مكانتش على المستوى المطلوب لأنها قصايد قديمة

بس النهاردة حبيت اقدملكم اخر قصايدى اللى كتبتها بعد صيام طويل و مستنى آراءكم فيها و نقدكم ليها سواء كان ايجابى او حتى ايجابى

عن نفسي

و عايزنى احكيلك عن نفسي

و أدوب وياك و أنسي نفسي

و انا و انت دى تبقى ماضي وكان

عدى عليه موج النسيان

و بانت من وراه شمسى

مدتلى يد الأمل تانى

و بددت ليل احزانى

و كأنه مكتوب ع جبينى

اعيش العمر استناه

و اروحله لما ينادينى

عشان يسقينى جح وآه

اعود تانى لليل يأسى

و اسأل نفسي

إيه حكايتى معاه ؟!

و أمسح عن قلبى دموعه

و أنا مشتاقة لهمس نداه

و أقول يا قلبى لو يقدر

ينسانى أو اقدر يوم أنساه

ده باينه عليا متقدر

فى بعده موتى و قربه حياة

يلاقينى افرح بوجوده

و يسيبنى احلم بوعوده

اصبر روحى بالذكرى

و أسأل حبيبى إيه قساه

كام اسلملك نفسي

و تردنى بقلب حزين

و كأنى مختش من أمسي

درس لبكرة يقوينى

و من تانى ألعن ضعفى ا

اللى على الحب رامينى

و أسهر ليلى استنى

و اتمنى اللى جارحنى يجينى

أغمض عينى و أحلم معاه

و افوق على نار بتكوينى

ارجع واصبر روحى

و اطفى فى القلب حنينى

و اواسى بالأمل نفسي

و أقولها بكرة تنسى ..!