عض الحبيب زى اكل الزبيب

[~Heba~]

السلام عليكم :)

جبت لكم مقامه من المقامات الرمضانيه اللى كان يكتبها ياسر قطامش فى رمضان بجريده الاخبار

طبعا رمضان عدى و فات بس انا مكنتش بدخل بسبب ظروف الطبخ و النفخ فى رمضان :P

و على فكره انا كنت بحب المقامات دى جدا و بتابعها و حتى من حبى لها لما كنت فى كليتى فى اسيوط اخويا كان بيبعت لى الجوابات مكتوبه بطريقه المقامات دى عشان يضحكنى و يخفف عن الم الغربه

و كان بيسمينى المهندس الاليط ذو الراى السليط و الشكل العبيط و بما ان اخويا ده طبيب بيطرى فكان لما يحب يقولى تعالى كام يوم اجازه كان يقول كده

اعلنت شركه الالبان عن افلاسها بسبب هروب ابقارها كبر عقلك و ارجع

طبعا انا بروح البيت كام يوم عشان اوريه كويس على الكلمتين دول :unsure:

طيب نسيبنا من اخويا الله يرجعه بالسلامه هو فى المنوفيه فى دوره تدريبيه دلوقتى

نشوف المقامه دى و هى بعنوان فى البصبصه و المهيصه

حدثتنا زوبه بنت زليخه, زوجه البصباص الخيخه .. قالت:

زوجى الرجل الدون يلبد امام التليفزيون كلما جاء رمضان و هو سايح و ولهان ليس حبا فى المسلسلات او الفوازير و الاعلانات و لكن ليراقب الفنانات و الفتيات الراقصات و عندما زنقته ذات يوم و سالته لماذا تبحلق؟ و تحملق و تدقق؟ّ! فى كل مغنيه و رقاصه بعينك اللى تندب فيها رصاصه ؟

اراك تسألين و كانك تغارين من هؤلاء الستات المسترجلات المفعصات و الله ان شكلهن لبايخ امام جمالك الصارخ فهن بيضاوات مقيحات و انت عسل كالبلح الامهات و هن معصعصات ناشفات و انت مدملكه كالمخدات و ملظلظه كشلت الانتريهات و هن ماسخات باردات و انت كالشطه و البهارات B)

و اكل عقلى بكلامه المعسول و عبارات الغزل الموصول فقلت له اه منك يا مقروص صحيح انت مفعوص بس كلامك حلو و مرصوص B)

الا اننى ضبطه ذات يوم و قفشته و هو جالس على مقهى سماره ليعاكس بنت الحاره فلم يعتق الملفوفات بالملايات و لا لابسات الاسترتشات فوجدتنى عليه منقضه و عضضته عشرين عضه فقال و هو يترنح من الخضه "عض الحبيب زى اكل الزبيب " فقال اصحابه اجمد فقام و انشد :D

زيدينى عضا زيدينى فأنا مشتاق للعض

و خذى كرسيا و ارمينى بالشبشب او قفص البيض

اعطينى شلوتا حتى اهوى كالقرد على الارض

مهما تاتى من ترفيص او تبكيس فأنا مرضى

و انا من حبك يا زوبا لا ادرى طولى من عرضى

فقلت اسكت بلاش مهيصه و الله لو عدت للبصبصه لاكسحن رجليك و اخزقن عينيك mfb:

اتمنى تكون عجبتكم و ابتسمتوا شويه

[Alshiekh]

يظهر ان زوبة بنت زليخة دى ولية مفترية ومستقوية.

بس احنا ماعرفناش اسم جوزها ايه ، دى حتى لم تناديه بأسمه ولامرة

يسلم أختيارك ياباشمهندس ! :) :)

[الأفوكاتو]

ذكرتنى هذه القصة بقصة أخرى حدثت أثناء إشتراك القوات الأمريكية فى الحرب بكوريا.

فى أحد أعياد الكرسماس, زارت النجمة الشقراء مارلين مونرو, التى يقال أنها كانت على علاقة مع جون كنيدى, الخطوط الأمامية, ضمن فريق للترفيه عن المحاربين.

و أقتربت من أحد الجنود, و سألته:

هل قتلت عدوا؟ , فأجاب بفخار:

طبعا طبعا, فسألته كيف , فقال:

أطلقت عليه رصاصة أردته, فسألته و بأى أيد أمسكت ببندقيتك التى أطلقت منها الرصاصة القاتلة؟ فأجاب:

بيدى اليمنى.

هنا, إنحنت مارلين مونرو على يد الجندى الأمريكى اليمنى, ثم قبلتها, بين هتاف و صفير بقية الجنود.

ثم انتقلت مارلين مونرو إلى جندى آخر و سألته:

هل قلت عدوا؟ فرد بسرعة قائلا:

نعم نعم ,

فسألته... كيف؟

فرد بسرعة البرق:

لقد نزلت فيه عضا حتى فارق الحياة.

تم تعديل 24 ديسمبر 2005 بواسطة الأفوكاتو

[~Heba~]

متشكرين اوى يا جماعه على المرور و يارب تكونوا ابتسمتوا شويه

و انت يا محمد ربنا يبعد عنك كل الستات المفتريين زى زليخه دى

و على فكره واضح ان اسم جوزها سى خيخه و انه اسم على مسمى

الافوكاتو منور الصفحه و ظريفه اوى النكته بتاعتك دى بس انا مفهمتهاش الا لما قريتها للمره التانيه

بس هى نكته والا حصلت بجد !!!

[الأفوكاتو]

حصلت بجد,

و قرأتها وقت حدوثها,

ورغم كبر سنى, فذاكرتى مازات جيدة و الحمد لله.

تحياتى.

[~Heba~]

حصلت بجد,

و قرأتها وقت حدوثها,

ورغم كبر سنى, فذاكرتى مازات جيدة و الحمد لله.

تحياتى.

رحم الله استاذى الافوكاتو كان انسان طيب القلب و مرح و بشوش :)

<span style='font-size:17pt;line-height:100%'>

السلام عليكم

جبت لكم مقامه من المقامات الرمضانيه اللى كان يكتبها ياسر قطامش فى رمضان بجريده الاخبار

طبعا رمضان عدى و فات بس انا مكنتش بدخل بسبب ظروف الطبخ و النفخ فى رمضان :P

و على فكره انا كنت بحب المقامات دى جدا و بتابعها و حتى من حبى لها لما كنت فى كليتى فى اسيوط اخويا كان بيبعت لى الجوابات مكتوبه بطريقه المقامات دى عشان يضحكنى و يخفف عن الم الغربه

</span>

تذكرت الموضوع ده لما شفت على النت موضوع عن كتاب للمهندس ياسر قطامش صاحب المقامات دى

الكتاب بإسم "هوامش لابن قطامش"

و اتصور انه مليان من نوعيه المقامات دى المصنفة من نوعية الادب الساخر

ساخر بس لذيذ

المهم انا دورت و قلبت و عدلت النت و ملقتش نسخة الكترونية من الكتاب :blink:

لو حد يعرف هى موجوده على النت ام لا ياريت يقول و يجيب الرابط<<لانى لا اعتقد انى ساجدها فى اى مكتبة هنا عشان اشتريها ;)

و بمناسبة قرب رمضان....لان هذه المقامات ارتبط فى ذهنى برمضان

جبتلكم المقامة دى اللى نشرت زمان فى جريدة الاخبار ايضا<<و الله ذكريات جميلة من زمن جميل

قال الشاعر الطائش

العائش على الهامش

كلما تعكر مزاجى - وجدت شفائى وعلاجى

عند صديقى ابا ناجى - شاعر المدائح والاهاجى

وفى ليله من ليالى الانس - اسمعته معارضتى لامرؤ القيس

قفا نبكى من زكرى الغلاء المشعلل ....فلست اراه عن قريب سينجلى

بدكان درويش ارى كل حاجتى .... ولكن باسعار تفوق تخيلى

امر عليه كل يوم وليلة ..... ولما يرانى كم يبصلى

يقول تعالى الان يا عم كى ترى ..... زبيبا وجوز الهند بيضاء فللى

وعندى من اللوز اللذيذ زكائب .....وتين جميل من دمشق وموصلى

ومازال يغرينى بكل طريقة ...فقلت له :- رحماك يا بن القرندلى

فقال الله الله وكاد يستلقى على قفاه

من كثرة الضحك والكركره وقال والله انك لمسخره

ولكن خذ عندك يا اذعر لتعلم من فينا الاشعر

يا صاحبى لا تشتهى الياميشا .... يكفيك ان الخبز ليس دشيشا

اللوز والجوز اللذيذ لغيرنا .....فاحمد الهك ان اكلت قريشا

واحذر من الحاتى تمر امامه ..... بدل الكباب ستأكل التلطيشا

لا حق عندك ان تشم اريجه ..... قد يندهون لمثلك الشاويشا

فقلت اشمعنا انا ...اتحمل الفقر والضنا

بينما على سبيل المثال ... ارى صديقى عبد العال

الذى خاب فى المدرسه ... قد كون ثروه كويسه

ولانه فى كل شىء سالك ... استطاع ان يجمع الاساتك

وكانما كتب الهم والشقاء ....على من ادركتهم حرفة الادب

ان كان يملء بالاساتك خزنة ... وترى مرتبك الهزيل قروشا

فاربء بنفسك ان يغرك جاهل ..... يقتات تبنا او يلوك حشيشا

واكتب كما شئت القصيد روائعا ... وتغن وابن من الخيال عروشا

يامن تحب من الحياة فلوسا ... انى لابصر كل ذاك فشوشا

فاعجبنى شعره الشيك وانتفضت كالديك

صائحا كاك وكوك لا فض فوك

****************************************

[الباشمهندس ياسر]

السلام عليكم

انت طلعت خريجة هندسة اسيوط

انا كمان خريج اسيوط

دفعة كام بقى؟و قسم ايه؟

[~Heba~]

السلام عليكم

انت طلعت خريجة هندسة اسيوط

انا كمان خريج اسيوط

دفعة كام بقى؟و قسم ايه؟

متخفش احنا مكناش زمايل :lol:

[الباشمهندس ياسر]

السلام عليكم

انت طلعت خريجة هندسة اسيوط

انا كمان خريج اسيوط

دفعة كام بقى؟و قسم ايه؟

متخفش احنا مكناش زمايل :lol:

اريح برده

mf-:

[shimaa ali]

cld: شكر خاص لجميلة

<_< بس ياختي دي الرجالة دي عيناها زيغة

مهما عملتي

:o عملين زي القرع بيمدوا لبرة

بس بيني وبينك قلبنا جايبنا لي وراء

اتمني صداقتك

شيماء cld: [/color

]

[HDarwish]

cld: شكر خاص لجميلة

<_< بس ياختي دي الرجالة دي عيناها زيغة

مهما عملتي

cld: عملين زي القرع بيمدوا لبرة

بس بيني وبينك قلبنا جايبنا لي وراء

اتمني صداقتك

شيماء cld: [/color

]

هي المداخلة دي ليه دالوقتي وبعد مرور ثلاث سنين على بداية التوبيك :o ؟