تعالو نكتب قايمة قبول

[عبير يونس]

متخافوش تقبلوا كل الأشياء و كل الأشخاص

اقبلوا كل حاجة

و اياكم و التجاهل و التطنيش

القبول مش التزام متخافوش

القبول مش ضد البرستيج

القبول مش رضا و لا حب

القبول يعني اللهم لا اعتراض

القبول يعني " الحمد لله"

تعالوا نعمل

Acceptance List

قائمة قبول

*********

*********

نجمع فيها كل الحاجات اللي احنا مش متصورينها نعم و شايفينها بلاء او ابتلاء

الحاجات اللي اكيد شايفينها مش حلوة و مش مرغوبة

الحاجات اللي يعضنا مبيحبش اساسا يتكلم عنها او حتى يفكر فيها

اقبلوا انكم غضبانين

اقبلوا انكم حزنانين

اقبلوا انكم خايفين

اقبلوا انكم حاسين بالذنب

اقبلوا ان معاكمش فلوس

اقبل انك مش سعيد مع مراتك وانها مش مريحاك و نكدية

اقبلي انك مش سعيدة مع جوزك و انه عينه زايغة و مطلع روحك

اقبل انها رفضتك وفضلت عليك عريس غني و جاهز

اقبلي انه رفضك عشان انتي مش شبه انجلينا جولي

اقبلي انك مش شبه انجلينا جولي

اقبلوا ان ولادكم مطلعين عنيكم

اقبلوا ان المدير قارفكم في عيشتكم

اقبلوا ان العيشة تزهق

اقعد اكتب القايمة دي

و قول مع كل جملة فيها " الحمد لله "

يمكن كنت فاهمة الآية غلط

" و إن شكرتم لأزيدنكم "

ان احنا نشكر بس على الحاجات الحلوة في حياتنا

يمكن كنت باخاف اقبل الحاجة اللي مش مريحاني لأحسن تزيد

هو سبحانه هيزيدنا من القدرة على الشكر والقبول مش حيزيدنا من اللي شكرنا عليه

الحمد لله اني وزني زايد ... مش معناها ان وزني حيزيد اكتر

معناه ان قبولي لمشكلتي حيزيد

معناه اني اعترفت بوجودها

و القبول اول سلم التغيير اللي يوصلني للجسم اللي باتمناه

اقبل موت عزيز عندك

هو ماااااااااااااااات

مات و ماعادش موجود

اقبل انه مش موجود

و متعيشلوش حياته اللي ماكملهاش!!

و قول الحمد لله انه مات

اه والله قول كده

لأن فعلا موته صح و أمر من اللي خلقه

و اللي انت اصلا ملكش اي حق فيه

صاحب الامانة و بيستردها يا سيدي

انت مالك ؟؟؟!!!

الحمد لله اني مش لاقي/ لاقية شريك حياتي

ضد التجاهل و التطنيش اني دي حاجة مش مهم و ايه يعني

اصلا I don't believe in love

الحاجات دي هي اللي بتزود ازمتك

التطنيش عمره ما كان حل

#اقبل_ازمتك

#السر_في_القبول

#ياناس_اقبلوا

تم تعديل 3 مايو 2016 بواسطة عادل أبوزيد
تغيير الفونت الصغير جدا

[suma]

  تحياتي:

احسدك فعلا على ما توصلتي له من القبول وهذه اللمحوة الصوفية في التفكير وصفاء القلب..لكن هل تتوقعين اننا تستطيع؟؟ هل نغمض العين عن نظرات الكره وعن آيادي الشر !؟؟

حتى لو سامحنا ..حتى لو غيرنا الاتجاه تصبح مسألة القبول دي فيها نظر.

لكني احييك على النقاء وعلى السمو الروحي الذي تمتلكين صدقا وهذا لا يمنع اننا اكيد سنقبل كثير من الأشياء لأن لا حيلة لنا ولا اختيار ايضا سنقبل فراق الحبة الذين رحلوا عنا ونوقن انهم وديعة استردها الرحمن لكن عفوا لن نقوو على هيمنتهم على التفكير ولن نقوو على منع دقات القلب حين تعربد في الصدر وقت سماع شيئا عنهم او مرورهم على الذاكرة..نقبل لأننا لا نملك الا القبول ولا سواه.سلمت

          

                     سومه

 

[عبير يونس]

في 5/2/2016 at 18:20, suma said:

  تحياتي:

احسدك فعلا على ما توصلتي له من القبول وهذه اللمحوة الصوفية في التفكير وصفاء القلب..لكن هل تتوقعين اننا تستطيع؟؟ هل نغمض العين عن نظرات الكره وعن آيادي الشر !؟؟

حتى لو سامحنا ..حتى لو غيرنا الاتجاه تصبح مسألة القبول دي فيها نظر.

لكني احييك على النقاء وعلى السمو الروحي الذي تمتلكين صدقا وهذا لا يمنع اننا اكيد سنقبل كثير من الأشياء لأن لا حيلة لنا ولا اختيار ايضا سنقبل فراق الحبة الذين رحلوا عنا ونوقن انهم وديعة استردها الرحمن لكن عفوا لن نقوو على هيمنتهم على التفكير ولن نقوو على منع دقات القلب حين تعربد في الصدر وقت سماع شيئا عنهم او مرورهم على الذاكرة..نقبل لأننا لا نملك الا القبول ولا سواه.سلمت

          

                     سومه

 

ا هلا بكٍ سيدتي 
تعرفي اني باتفاءل جدا لما اشوف رد لحضرتك عندي 

سألتيني افتكر حتقدروا 

و بقول لحضرتك ايوة تقدروا 

كل الناس تقدر 

احنا اللي بنحط الحواجز و احنا اللي نقدر نشيلها 

طول عمري كنت مصدقة ان مفيش حاجة اسمها مستحيل 

و ان فكرة الاستحالة هي مجرد حاجة في دماغنا احنا 

كنت مصدقة بس لسه مش واصلة 

كنت لسه مش عارفة ازاي 

بس مصدقة 

التصديق هو بداية أي طريق 

نقدر نقبل 

و مش قهرا و مش لأن ما باليد حيلة 

لكن حبا و اختيارا و قوة 

اقبلي الفكرة الاول و بعدين بكرة الخيط حتكر