يوميات شاعر سلالم

[أحمد عمر]

يوميات شاعر سلالم

بيني وبينك ليل وجبال

وطريق وصوله شبه محال

والعلة يأبني ضعف الحال

حظي كده أعيش رحال !!

كتب القمر في السما موال

عمري يكون بُعد وترحال

سفر وسهر ليال طوال

من شرق لغرب لجنوب لشمال

وراح العمر وفضل الحال

زي ما هو يهد جبال

لا طولت عمري ولا طولت المال

ولا دوقت يوم راحة البال!

[ام البنات]

حلوه قوى

بس ليه كده حزينه قوى

مفيش خيبة أمل على طول ولا سعادة على طول ولكن الأمل يعطى نظرة تفاؤل

ولكن هى جميله

والسفر برضه له فوائد بس الشاعر ينظر بتفاؤل

[Dr.Diaa]

حلوة ... جميلة....

[أحمد عمر]

هناك فرق بين سردي للواقع وبين صفاتي الشخصية

بمعنى عندما كتبت يوميات شاعر سلالم كتبت ما عشته ، وبخصوص صفاتي الشخصية فأنا بلا غرور

أكثر أهل الأرض تفائلاً ودليلاً على ذلك

أقرئي قصيدة

كل ما بكبر

يا روح بعدك روح

وكثيراً من كتاباتي في الطريق إليكم كلها تفائل

إن شاء الله

Dr. Diaa

اشكرك جزيلا على إطرائك

[هشام الجنيدى]

احسن شىء فى الحياه التفاؤل بس هوه فين وباماره ايه فى الحياه حوالينا اتفاءل

انا كنت متفائل وكنت بكتب شعر كله تفاؤل بس معرفش فجأه حسيت زى ميكون بضحك على نفسى او بشتغلنى زى مبيقولو الناس دلوقتى ......وكنت لما اقول قصيده عن التفاؤل احس ان اللى قدامى مش مصدقنى وبيقولى جميله بس عشان ميحرجنيش وهوه فى قرارة نفسه يقول انه خيال شعراء وبس ......

وقد بلغت قمة التشاؤم هذه الايام ومش هتصدقنى انى نفسى الحرب العالميه النوويه تقوم وتريحنا على الاقل الواحد يحارب العدو بجد وجها لوجه فى عز الضهر وينموت ونرتاح ويمكن نموت شهداء او نعيش او اللى يعيش فينا يعيش بفخر وهوه راضى عن اللى عمله وعن اللى حواليه عملوه

عزيزى احنا عملين زى الديوك المحبوسه فى قفص عند الفرارجى شايفين فراخنا واخوانا الديوك بيندبحو وبنسمع انينهم والكل خايف يجى عليه الدور هوه كده كده هيموت قبل ماللفرارجى يدبحه او حتى بسكينة الفرارجى والمتفائل هو من ينتظر ان ينفتح القفل بتاع القفص عشان يهرب او منتظر ان الفرارجى يموت ويعدى واحد ابن حلال يفتح القفص ويخرج الديوك والفراخ من القفص قبل ماتموت مالجوع

الديوك والفراخ فى القفص والقفص مقفول بقفل والفرارجى واقف بسكينه غرقانه دم الفراخ اللى سبقوهم وولاد الحلال معدوش بيعدو اليومين دول ..........بس طول ماربنا موجود فيه امل بس برضه (ان الله لا يغير ما بقوم حتى يغيرو ما بانفسهم )

اعذرنى لانى اصبحت بجد فى حاله من الاحباط النفسى التى اتمنى ان يخرجنى منها بصيص من التفاؤل على يد واحد ابن حلال زيك

وانا اسف على الاطاله بس كلمتين وحسيت انى لازم اقولهم قبل ما موت

قصيدتك جميله جدا جدا جدا وتستحق التصفيق الحاد ..........

استمر وفقك الله

وشكرااااااااااااااااا

تم تعديل 29 ديسمبر 2005 بواسطة هشام الجنيدى

[أحمد عمر]

عزيزي هشام ،

لازم تعرف أن قفص الفراخ واحد منا لازم إن شاء الله هيفتحه ، أنا أو أنت أو أبني عادل ، ولازم تعيش على هذا الأمل وإذا عشت من غير هذا الامل ، أقولها لك بصراحة ،

روح موت من دلوقت ، وأخر كلامي ليك

أصبر والله بكره جاي وكله خير

أحمد عمر

[khedr]

اخويا الغالي هشام

كفايه اني اقول لك اننا كلنا ننتظر كتاباتك ومداخلاتك

لنستمتع ونتمتع بما تكتبه لنا

ونتذكر جميعا ان المعدن الاصيل هو الذي يبقي مهما اشتدت النيران

فلا ينصهر ولا يضيع وسط الرماد

الجيد والحسن يبقي

وننتظرك....ودعنا نمسك ايدينا مع بعضنا حتي تمر تلك الايام

اما انت يااخي احمد:

كما قلت لك بيرم المصري قد ولد

ننتظركمااااااااااااااااااااااااااااااااااااااااااااااااااا

امتعونااااااااااااااااااااااااااااااااااااااااااااااااااااا

[شاعرالرومانسية]

الاخ أحمد عمر...

حرام دى تبقى يوميات شاعر سلالم

دى يوميات شاعر فلل .. قصور .. ابراج

كلمات رشيقة .. قوية المعانى

أحسست حين قراءتها اننى امام حكمة .. او تجربة انسانية فى قالب شعرى

لك منى خالص تالمنى ،، ولقلمك كل التقدير